عالم الحياة الزوجية - منتدى

الكاسر2000 · 13-08-2007, 06:07

السلام عليكم وش اخباركم مالنا با الطويلة
انا عندي بنت عم احبها من يوم حنا صغار وكنا مسميين حق بعض وادري بتقولون هاذي عادة قديمة لاكن هاذا الي صار نرجع للموضوع وبعد ما قررنا الزواج رحنا وسوينا فحص الزواج فوجدونا غير متوافقين اي بمعنى اذا تزوجنا راح نجيب اطفال يحملون امراض وراثية مثل التكسر والربو الله يبعدة عنكم وانا محتار اضحي واتزوج وكيذا بيصير ضحيت با الأطفال او اضحي بالحب ولا اتزوج بنت عمي وادور الي تتوافق معي ارجوكم قولولي وش اسوي ولكم الشكر

منتهى االرقة · 13-08-2007, 06:33

اخوي وش فايدة الكشف الطبي ماقبل الزواج ؟

اكيد للي مثل حالتكم اقارب من الدرجة الاولى و شايلين امراض ما في امل يبرىء

منها .

وربي اني اشوف اطفال مصابين باها لامراض حالتهم تقطع القلب

.

الخفاش الابيض · 13-08-2007, 09:03

اخوي ............قول الحمد الله انه اتبين هذا الامر من البداية قبل ما يطيح الفاس في الراس

وكل انسان يحب ومايتوفق .....

وماهو لازم اللي تحبها تاخذها

انت ماقصرت ورحت تكشف بس ربنا ماكتبلك نصيب فيها

ودور على فتاة اخرى .... صحيح انها صعبه

بس لازم تدعس على قلبك الحين .... واذا اخذتها راح تقول ليتني ما اخذتها اذا ربنا اعطاكم اطفال مرضاء

والكشف سبب وجيه جديد لافشال هذه الجيزة ....

وانت الان في البداية لاخطوبة ولا شي

وقول الحمد الله

وربنا يوفقك مع فتاة اخرى تحبك وتحبها اكثر من بنت عمك

ما يهزك ريح · 13-08-2007, 09:17

الحب شي رائع .. وجميل ,,,,

ولكـــــــــــــــــــــــــــن

الحياه فيما بعد عندما ياتي الابناء ..

وتكتشفون الامراض .. راح يذوب في خصم الحياه ..

ما اقول يتلاشى ولكن .. راح تتعبون معاهم ..

والحمد لله انكم اكتشفتوا لامر من الحين ..

قبل ما يطيح الفاس في الراس ..

والسموحه

نجمة نهار · 13-08-2007, 11:23

طبعا العقل يقول ان تتخلى عن الحب اكيد

لانه الحب بيتلاشى في ظل معاناتكم من جراء انجاب اولاد مصابين بامراض وراثيه وتشوفونهم يتعذبون امامكم وبتكونون انتو السبب في معاناتهم

فكل واحد يروح في حال سبيله انتو صح بتضحون بالحب لكن لسبب قوي ومقنع وما يستحمل التردد

الله يوفقك وتلقى بنت الحلال الي تناسبك وبتعوضك انشالله

حمامه · 13-08-2007, 11:47

من جدي تلاشة العادة القديمة مالت التسمية والحجز لانة الزمن تطور وصار اهم شي الجيل الجديد ( الاولاد )

@بـــداية جـديـدة@ · 13-08-2007, 11:54

اذا كنت متردد استخر وخل الامر على الله يمكن يدبر لك امر يصرفك عنها

اذا الخيرة في كذا

والاستشارة بعد شي طيب خاصه من ناس كفؤ واهل للاستشارة

sally meido · 13-08-2007, 12:38

استخارة الله اهم شئ

عسولة الكويت · 13-08-2007, 14:19

من رايي انك تصرف نظر عن هالزواج

لأن انت تدري ان الزواج من العائله ينقل الامراض الوراثيه

لازم تفكر بعقلك وليس بقلبك

SMSM007 · 13-08-2007, 15:13

وعليكم السلام ورحمة الله وبركاته

بصراحة اختيار صعب

عليك بصلاة الاستخارة

ولكن رايي ان تتراجع عن هذه الزيجة

/
/

أميرة العاشقين · 13-08-2007, 15:19

انا ولدخالتي اتزوج بنت عمه....لانهم كانوا يحبون بعض من يومهم صغار

لكن الحين تطلقوا عارف ليش؟؟؟

بسبب بنتهم المعاقه عقليا...حاولوا يعالجونها بس بدون فايده...

وخايفين ينجبوا ويجيهم اخس من الاولى

عشان كذا كان الطلاق القرار الاخير

noony q8 · 13-08-2007, 15:25

داام ان ربي سهل لك الامر انك تكتشف هالشي وتسوي فحص يعني الله كااتب لك
انك تدري امبجر عشان ماتتحسف عقب الزوااج !!
ربي يسعدك ويوفقك ويسعدها ويوفقها ويرزك كل منكم الذريه الصالحه

الكاسر2000 · 13-08-2007, 23:33

شكرا لكم على النصائح الجميلة الي ما تطلع الا من ناس فاهمين وحبوبين مثلكم والله يقدرني واعمل بنصايحكم ولكم تحياتي

دلوعة ابوها22 · 14-08-2007, 23:58

عزيزي الكاسر قلبي معاك لكن انت بين امرين احلاهم مر وفي نظري انك تختار البعد من البدايه لانكم ممكن يجي يوم وتختاروه لان صعب تشوف ضناك يتالم ربنا لايقول وصعب تنحرم من كلمة بابا واللي يحب يضحي عشان اللي يحبه ولاتنسى الاستخاره وربنا يكتب ليك اللي فيه الخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا احبها وابي اتزوجها بس في مشكلة ممكن رايكم