عالم الحياة الزوجية - منتدى

دفى همسه · 17-08-2007, 07:39

حي الله الي دخلو

خلوني احكيكم قصتي انا وكل جيلي وجيل الي قبلي والي بعد الى مئه قرن

من وانا صغيره ينشدوني شتبين تكونين لاكبرتي ياحلوه؟؟؟

ياحليلي تحمر خدودي وبدون تردد اقول دكتوره اطفال

ينشدون عاد الولد شبتكون ياحلو لاكبرت يناقز الطموح يقول ابصير طيار

بعد كم سنه تغير مفهومي وعرفت ان الطب من جنبي

سرى بدمي عشق علم النفس

الله كل عصر اناقز للمكتبه الحق على الكتب واقرا فيها من العشق

جلسنا على الحال الين كبرنا

وصلنا للسنه الاخيره من الثانوي يجيني الخبر التالي ....

سمعي يابنت سالفه الجامعه انسيها مانبي قلت ادب ماعندنا بنات يتفلتون بالجامعات
عندك الكليه نظامها حلو زي المدارس دوام واحد والباب مقفول عليكن
الله على الوناسه

تتحطم امالي ..

اقعد اصيح اصيح اصيح

امري لله اخذ الكليه ولا اجلس بدون شهاده

ياحليلي ابي اكمل تعليمي

ادرس بالكليه اربع سنوات تطلع من العيون حوالي 80 كتاب ندرسهم كل واحد مليان بهالاوراق الفاضيه

يجون الاهل يابنت ارتاحي عيونك ارحميها وشوله هالدراسه الشهاده بتعلق بالمطبخ
بلا تحطيم امال لا المستقبل قدامنا

نتخرج بعد ماطلعت عيونا وضعف النظر وانتهى اجلنا

بكل حماس يجون الاهل مبروك التخرج مبروك بيضتي الوجه يابنت بيضت الوجه ياولدنا

بيضته بيضته مافيها اشكال بس هقوتك من اقعد بعد هالعمر اطلب اشيائي الخاصه كل شهر مو عيب ؟؟؟؟
الولد يقول بيضته بيضته بس مو عيب 0 ماحلق الشوشه الا بعد طلب العشر ريال من الوالد الي المفروض اريحه واشتغل انا

وفشلتي الربع طالعين طلعه وانا ماقدر اروح ماقدر ادفع قطتي والوالد مستحي منه مصختها عاد

نكمل القصه الواقعيه المؤلمه جدا

عاد على طول الحماس على الاخر نجي ندور الوظيفه

نصور من هالشهادات ونجيب الملف الاخضر لاجل نعبيها

جري نقدم بالديوان نبي العز والشغل والراحه والولد يبي يفتح بيت ويكون له اسره

يقولون نتصل عليكم والا طالعو الجرايد

نقعد كل يوم نشتري بهالجرايد نقسبهم منا يالمساكين

واخرتها تطلع الاسماء نطامر من الحماس ندور ....ندور.... ندور ......وين اسمي

وينه

وينه

مافي قبول

واحد متغذي بالفيتامين واو لهفها علينا
يالا خيره

الوظيفه الثاني
نقدم بحوالي 30 وظيفه ومانلاقي

وكل الشباب يترصون عشان الوظيفه

يطلبون اثنين بس من الموظفين يجون ميه شاب يرتصون كلنا يقول شوفو ملفي

انا معي ملف فيه شهاداتي

شوفو عاد هذا هو

يستمر البحث ويستمــــــــــر اكثر بدون فائده سنوات تمر فينا

وان لقينا تكون مدرسه خاصه راتبها ان مره مره 1500 ريال ول راتب الخدامات الحين الف وخمس ميه وان طلعت

صارت الفين وياررررررريت لنا اي امان وظيفي الا باي وقت نطرد برى من تاشيره اصبع من الطالبات بنات الهوامير
( وين حقوقنا يالربع وين حق المعلم )معليه اول سنه نصبر
ثاني سنه

ثالث سنه

والحال واحد
مو عاجبتني غيري واجد يتمنون قاعدين بالبيت

طيب ليش يقعدون بالبيت هاه ؟؟؟

وليش الشاب ان لقى وظيفه بعد تعب يكون راتبه لايتعدى الافين

وين المسؤلين عن انظمه المستشفيات ؟؟؟؟

خلوني احكيكم عن بلاويها عاد

ييبون موظفات

يحطون اعلان بالجرايد

رقم تليفون

ناخذ السماعه وندق

قال شمعك شهاده
بكالريوس تربيه
طبعا هو ماهمته الشهاده بس حركات

اشتغلتي قبل
ايه اشتغلت
طيب تعالي نشوفك

نعم ؟

لا اقصد نعمل مقابله

اها اوكي متى

بكرى >> مستعجلين ماعندهم لعب

اهلا اسمك عمرك متزوجه مابقي غير يسال متى تفضين ادق عليك

بعد كم يوم

تعالي الدوام السبت

اوه من جد الف شكر

على فكره..

نعم

انتي طبعا محجبه بدون غطاء اسوه بزميلاتك >> امحق زميلات

شنو ؟ لا انا ماقدر انا وحده اتغطى شفيك

لا هذا نظام المستشفى عندنا موظفات الاستقبال فقط محجبه الراس وكاشفه الوجه

هذي انظمتنا الحين
يكشخون فينا
بجمالنا يدورن الفلوس

طيب وين المسؤلين عن هالامر

رجال الهيئه بدل المطامر بالاسواق وينهم مايتكلمون بهالامور

ورى مايهجمون عليهم

اهاااااااااااااااااااااااااااااااااااا عرفت

صدق يالربع انا عبيطه ونوبات مافهتم بسرعه

هم الهوامير احد يقدر يقول لهم لا..
الحرام لعيون الفلوس الي عندهم نتغاضى عنه
ويصير لهم الي مايصير لغيرهم

طبعا هذي شغله وراحت علينا .. بس يالله ربي كريم ودامني تركت هالشي لوجهه بيوفقني بالاحسن اكيد

المشكله شنو يادفى ....

عاد الكل يقول حنا بلد عز وبلد نعمه وعندنا وعندنا وينها منظره مانشوف شي غيرللاجناب ؟

الكل هاجمني من اقول حنا حقوقنا ضايعه

الكل اتهمني باني لا اجيد اللباقه في الكلام

منو يلوم مين

منو السبب في صياعه البنات مو الفراغ

منو سبب من سهر الليل للصبح على القهاوي والنت والمغازل مو الفراغ

اقسم بالله نحن دوله ناميه وسنظل على ذلك ان لمم تتغير الخطط

الكل يوعد ويوعد ويوعد وماشفنا من الوزارات غير الكلام الفاضي والهذره

اما سالفه ان حنا بلد اقتصاد فالحمد لله حنا نطلع باليوم 70 الف برميل بترول تف تف في وجه الحاسد عشان

مايصير لهالبراميل شي وتنحرم بعدين امريكا منها

لكل من هاجمني بردي على احد المواضيع باننا لنا شباب بلا هدف

اخوي واختي ... بس بسألك سؤال بسيط ؟؟

هل لك علاقه بالملف الاخضر الي يسحبون فيه عيالنا كل يوم بمكان يدورون شغل او جامعه تقبلهم ؟؟؟؟

عمرك وقفت مع هالطابور لاجل تطلب وظيفه ومالقيت ؟

وهل قد سمعت ان في وظيفه راتبها حلو رحت تناقز تبي تقدم الا ومعزبك منهو واحد مو

سعودي !!!!!!!!!! مابذكر الدول عشان مايصير عنصريه لاني ضدها

بس برأيك مو مؤسف انك ببلد البترول ويصير عمك اجنبي ويشغلك عنده ؟؟

مو اولى بهالرئاسه عيالنا والا والد واحد فينا ؟؟

ماقد شفت عايله سعوديه تعيش على 1000 ريال وال 500 ريال ؟؟؟لا وازيدك

بالمدرسه الي كنت اشتغل فيها 7 بنات سعوديات يشتغلون خدامات وراتبهن

1200 تعيل فيه عايلتها من سكن وكهرباء واكل ومويه ووووومواصلات وووالخ

ولمن يشوفون جبنه كيري يحسون هالشي من كوكب ثاني مجيوب يحبون يد المعلمه الي حققت لهم حلم انهم يذوقون هالجبنه النادره والغاليه كثير
بيتهم بدون فرش والدولايب فاضيه والتلاجه ميييييييييييييييييييييييييح
لا صراحه ملكات السعوديات ( اخر دراسات تقررت ان السعوديه ملكه )عايشات ببلاد الذهب الاسود هذي الملوكيه بس غير كذا مافي
متى يعتق الملف من التسحب بيد شباب الوطن ؟؟
متى تؤمن الوظائف لنا ؟؟
متى يطرد الاجانب ويوظف السعودي مكانه ؟؟
متى تصبح المملكه لنا
متى يتغير لون هالملف التعبان
ومن كثر ماهو عزيز علي وعلىكل شاب وشابه سعوديه ترغب بعمل مضموووووووون من كل النواحي دلعت لكم

الملف الاخضر وجبنا له الصور من كل مكان مره وهو مرفوع ومره واهو منزل وهذي صوره له بعد ندلله الغالي

اختم فضفضتي وهذرتي الزايده بقصيده للصاحب السمو الملكي الاخضر كتبه فيه احد الشاعر المتولعين في عشقه

اسمعْ صدى الآهاتِ في زفراتي *** واقرأ سطور الذل في قسماتي

لله أشكــو من "ملّفٍ أخضرٍ" *** يغتالني ويسيرُ فوقَ رفاتي

لله أشكــو من "ملفٍّ أخضرٍ " *** ما الْـتف من أوراقي النكداتِ

وشهــادةٍ –أغليتُها- فكأنّها *** -من بؤسي المُضري- صكُّ وفاتي

والفقرُ يطفيءُ كلَّ طيفِ سعادةٍ *** هو جذوةُ "الإرهابِ" في عرصاتي

لله ِ أيامٌ خلــونَ وكم بهــا *** شيّدت أحلامَ المصيــرِ الآتي

وأكادُ أنظرُ نور وجهكَ يا أبي *** وأنا أُودّعُ غربتي و شتاتي !!

وأكادُ أهدي جيدَ أميَّ عقدهـا *** جرّاء ما لَقِيَتْ من الحسراتِ!!

وأكادُ أسمعُ ضحكَ أبنائي هنا *** وهنا يسامرني شريكُ حياتي!!

وأكادُ أسبحُ في فضاءِ "عمارتي" *** وهنا أكادُ أُوّقــعُ "الشيكاتِ "

حتّى إذا استغرقتُ في غيبوبتي *** وذبابتي تقتاتُ فوق شفاتي!!

والشمسُ تلفظني كأني غصّة ٌ *** بعد احتراقِ الجلدِ والشعراتِ

فإذا الزحامُ تدوسني في هجعتي *** وأكادُ أشهدُ عندها سكراتي!!

وإذا ملفّي في مهّب عواصـفٍ *** يسخرن من صُوَري ومن دَرَجَاتي!!

وتُسَّكُّ في وجهي عُرى بواّبة ٍ *** وأناملي اندقّت على العتباتِ!!

وإذا رآني صاحب "التكسيْ" انثنى *** وغدا يلوذ ُ بكلِّ حبلِ نجـاةِ

فهو العليمُ بأن صنفَ "عميلِهِ" *** ممن يُطارُ إليه بالزكوات!!

والسجنُ يفتح ألف بابٍ.. إنما *** سندي بقايا خشيةٍ وصـلاةِ

فأنا المطاردُ وافتقاري تُهمتي *** من غير ما ذنبٍ ولا هفواتِ

وهنا العيونُ القاتلاتُ تلوكني *** فأنا المحاربُ والأنامُ عُداتي!!

لكنني أخشى تفلّـتَ عَزْمتي *** وتفجّــر البركانِ من جنباتي

يا قومنا إن لم تصلكم قصّتي *** فلتسمعوا قبل الفواتِ شكاتي

أنا من صُلبتُ على مقاصلِ لقمتي *** وكَسَرْتُ في عمر الزهورِ قناتي

ويتيه بي موجُ الضنى عن شاطئي *** وتهيجُ ريحُ الحتفِ في خطراتي

وأُباعُ في سوق النخاسةِ، والمدى *** قد عجّ بالشبهاتِ والشهواتِ

وهنا يساومني الدَّعيُ ُ بحقده *** وكأنهُ الوسواسُ في الخلواتِ

ويجرُّ أقدامي بحلم ٍ ساخـرٍ *** وأدلّـةٍ لم تتصـلْ بـِرُواةِ

كيما أفجرّ في الأحبـّةِ مهجتي *** في هيعةٍ فتّاكة ٍ وغَــزَاةِ

ليُسَرَّ أعدائي.. ويُقهرَ موطني *** وأُضيعُ ديني بعد هَدْمِ حياتي

ويكادُ يغريني الغَـرُورُ بكيده *** والقلب أضحى ملعبَ النزغاتِ

فأكادُ أستلبُ الغريبَ.. وأعتلي الـ *** جدرانَ أو أسطو على الحُرُماتِ

وأكادُ أُعلنُ للوجودِ أنوثتـي *** وأخطُّ مكياجي على وجنــاتي

لأسيرَ في أهل الخدورِ فربما *** وُظّفتُ من يومي بفضلِ عباتي

وهنا أُفيقُ على مشارفِ كربتي *** والشعرُ يغرفُ من دمي كلماتي

يا موطني يفديك نبضُ مشاعري *** وسرائري.. يا موطنَ البركاتِ

إنّي أُعيذُ وأستعيــذ ُ بأن أُرى *** في صف أهل الفسقِ والغدراتِ

تحلو لأجلكَ –إن سلمتَ– صبابتي *** وتهونُ عندكَ دمعتي وشكاتي

ما ضاق فضلكُ عن مناي ولم يَغرْ *** مني الوفاءُ لموطني وولاتي

دلــ الرياض ــع · 17-08-2007, 12:10

موضوع اعجبني وانا معاك 100%

ما اقدر اجمع شتات افكاري الحين

لي عوده وتعليق بأذن الله

! ابتســــــامه · 17-08-2007, 13:23

عورتي قلبي ,, يا دفى همسه ,,,

البطاله ,, موجوده بكل مكان ,, وكل ديرة فيها ,,

الفقير والغني ,, هذي سنه الحياة ,,

أحنا ,, عندنا بالكويت ,, بطاله عددها ,,

18249 مواطن ومواطنه وأغلبهم جامعيين ,,

اقتباس:

بالمدرسه الي كنت اشتغل فيها 7 بنات سعوديات يشتغلون خدامات وراتبهن

1200 تعيل فيه عايلتها من سكن وكهرباء واكل ومويه ووووومواصلات وووالخ

على فكره ,, عجبتني هذه الفقرة ,, والبنات هذول على راسي ,,

لاني أنسانه ,, أحترم اللي يشتغل مهما كان عمله ,,,

ولا قاعد بطالي اللي يسوى واللي ما يسوى يقط عليه ,,,

الله يعينكم ,, ويعينا ,,, وتنحل هذي الأزمه ,,,

فمان الله ,,

دفى همسه · 17-08-2007, 19:53

اقتباس:

المشاركة الأصلية كتبت بواسطة دلــ الرياض ــع

موضوع اعجبني وانا معاك 100%
ما اقدر اجمع شتات افكاري الحين
لي عوده وتعليق بأذن الله

انتظرك فديتك

على فكره ضفت نقطه مهمه بالموضوع ياريت تعيدين قراته الله لايهينك

دفى همسه · 17-08-2007, 19:57

اقتباس:

المشاركة الأصلية كتبت بواسطة ! ابتســــــامه

عورتي قلبي ,, يا دفى همسه ,,,
البطاله ,, موجوده بكل مكان ,, وكل ديرة فيها ,,

فمان الله ,,

يالغاليه حنا وانتم بلد خير

والله لو في خطط سليمه ماقعدو حتى الصغار بدون شغل

البلا الخطط السيئه

حسب ماسمعت ان حنا عندنا 30% فقط من النساء موظفات وكلهن مدرسات

طيب والباقيات؟؟ شيسوون ؟

المهذبة · 17-08-2007, 22:06

لاحول ولاقوة الابالله

مشكلة البطاله مشكلة ممكن تدمر البنت لو حست بفراغ

ولذلك انصح كل بنت ببلد لايتوفر فيه وظائف للمرأة

ان تدخل مجال يكون فيه قابليه انها تلقى له وظيفة

واعتقد ان المدرسة تنفع اكثر من اي شغله بالنسبة لبعض المجتمعات

لكن في مجتمعات المرأة تدخلت بكل المجالات والحمدلله

كله على حسب اتمنى ان المرأة تدخل بالطب ووو

ولاتقعد مشلولة بالبيت وتكون عاله على المجتمع والاهل

دفى همسه · 18-08-2007, 01:19

اقتباس:

المشاركة الأصلية كتبت بواسطة المهذبة

ولاتقعد مشلولة بالبيت وتكون عاله على المجتمع والاهل

مشكوره اختي على مرورك بس استفزتني كلمه عاله

وينها العاله هالايام

كل البنات جامعيات

وان كان المجتمع مو موفر لنا الوظايف ليش نتسمى عاله

العاله هم الي قاعدين على المراكز ويقولون كلام بدون تطبيق

هذولي المفروض نسميهم عاله على الشعب والحياه كلها

Rawwaf · 18-08-2007, 01:21

أيييييييييييييييييييييييييه

خليها على ربك ... خليها على ربك

الله ييسر بس

ما نقول غير الله يعين.

احترامي

دكتور افلاطون · 18-08-2007, 01:31

تحية طيبة ... أختي الكريمة ...

موضوع رائع وطرح جميل ....

لي عودة بحول الله ...

دمتي بسعادة ...

دفى همسه · 18-08-2007, 01:35

اقتباس:

المشاركة الأصلية كتبت بواسطة Black Bat

أيييييييييييييييييييييييييه
خليها على ربك ... خليها على ربك
الله ييسر بس
ما نقول غير الله يعين.
احترامي

الله دعانا للسعي وطاعه اولي الامر

لكن البلا محد درى عنا

اقسم بالله دمنا يمصونه مص على الفاضي وان لقينا مانلاقي الي يكفينا لليوم الخامس من الشهر

الحمد لله على كل حال

اشكرك ياخوي على تعطيرك صفحتي بدخولك

دفى همسه · 18-08-2007, 01:36

اقتباس:

المشاركة الأصلية كتبت بواسطة دكتور افلاطون

تحية طيبة ... أختي الكريمة ...
موضوع رائع وطرح جميل ....
لي عودة بحول الله ...
دمتي بسعادة ...

شهاده اعتز فيها فأنا اعلم جيداً مدى فكرى

أنتظرك اخوي على احر من الجمر

شذا طيبة · 18-08-2007, 01:46

اهلين دفى ..
كنت اظنك تقصدين منتخبنا..جاية محضرة لك البوكسات ..لكن دام الكلام عن هالملف الاخضر فأنا اتفق معك بكرهه ..
مشكلة البطالة بازدياد الله يعين الاسر..صراحة مهما كان الشاب من عائلتنا فإني اضع يدي على قلبي حتى يتوظف.. وليس الاسر فقط المجتمع بأكمله سيعاني من اثار هذه المشكلة التي ممكن تلافيها ..الامر ليس عجز عن توفير الرواتب .. بل "انظمة مصدية .وخطط فاشلة "
ان الشباب و الفراغ والجدة ..مفسدة للمرء اي مفسدة...
كان الله في عونكم...
جميلة الابيات التي ذكرتيها للشاعر عبدالرحمن العشماوي...

عقد اللول · 18-08-2007, 02:32

مـــــــــوضوعك اكثر من رائـــــــع وفعلا لامستي بكــــــلامك جروح ناس كثير

بس وش تبينا نســــــوي هذا المجتمع وهو اللي فرض شروطه وواجبـــــاته يعني

بدال مالفرد يمشي المجتمع انقلبت الايــــــه وصار المجتمـــــــع هو اللي يمشينا

لاااا ويفــــــــــرض الشروط والقـــــــــوانين بكل جبــــــروت وسلطه

قلبتـــــــي علينا المواجــــــــــــع

يعطيك الف الف عــــــــــــافيه على هالموضوع الاكثــــــر من رائـــــع

دلــ الرياض ــع · 18-08-2007, 14:49

<=== باك

دفى احيانا يكونون الاهل جدا متفهمين وبالعكس يبون يعيالهم يصيرون شي

بغض النظر عن الاهل والرغبه والتخصص

اسمك جامعيه درستي 4 سنوات تعب وسهر ونفسيه زي الزفت

تنجحين بمعدل ولا اروع وآخر شي معاك يجي اللي اقل منك وموسع صدره طووووووول السنين

وبتوقيع بقلم (( أخضر )) يكون الكل بالكل ؟؟؟؟؟؟ ما صرنا من دول العالم الثالث من شوي

صار تفكيرنا كيف !!

يااااااااارب اعدي ثالث ثانوي على خير .........الحمدلله عديت

يااااااااارب يقبلوني بالجامعه ........الحمدلله عندي واو صغيره دخلتني <== هذا اذا كان لك حظ شوفي كيف مرمطو الناس هالسنه

بعدها

يااااااااارب القا وظيفه <=== ؟؟؟؟؟؟؟؟؟؟؟؟؟ ماراح اكمل

والوضع كله لعب×لعب

لا وتلقين التخصص بوادي والشغل بوادي ثاني مدري ليه احنا قاعدين ندرس ونتعب على ايش؟؟

مسوين دراسه بعد 10 سنوات راح يتخرج من الثانويه مليون طالب ؟؟

هذول وين بيروحون ؟؟؟؟؟؟

التخطيط كله غلط×غلط

ما عندنا توجيه صح

صارت الكلمه تخرج من مدرسة الحياة احسن

فراغ وبطاله ولا شغله ولا مشغله وآخر شي يجون يقولون انتوا جيل هايف وصايع

ما تنفعون بشي ؟؟

طيب انتوا استغلوا طاقات الشباب بعدين احكموا مو تاركينهم يقشرون بصل بالبيوت يم خواتهم !!!!!!

البلد ما عليها قاصر والمفروض مو هذا الوضع اللي عايشينه كثير !! سواء بنات او شباب

يعطيك العافيه دفى

واعتذر عن الاطاله

تحياتي

دكتور افلاطون · 19-08-2007, 01:23

مكرر...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أكـــــــــرهك يامـــــدلل يالاخضـــــــــــر