عالم الحياة الزوجية - منتدى

قمررر · 20-08-2007, 01:53

السلام عليكم ورحمة الله وبركاته
أكيد كل وحده منكم انتو يالمتزوجيين مريتو ببعض المواقف في سنه أولى زواج
هذي بعض المواقف إللي صارت لاخواتنا في الله
أولاً

تقول الاخت زايراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو وسألها وش تبين قالت مثلك ابغى منيو زوجها تسدح من الضحك وهي تقول احسبها وجبه او طبق معين
ثانياً

وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بهالاكل $
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جيعانه ماسكه الدجاجه بكبرها وتأكل فيها !!! وفي هذه الاثناء وش صار >>>طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها
ثالثاً

في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على بالها تزوج وحده ماهي صاحيه
رابعاً

وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لايعيدها المهم لقينا مطعم لبناني ورحنا له وحطو لنا طبعاا قبل مانطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير مااسكت وأنثبر
قلت غريبه حنا عنا بالسعوديه نصيدها بالشوكه
وماسكها زوي علي لالحين كل ماشاف زيتون قال هاه بالشوكه والا بيدك خخخخخخخخ
خامساً

وحده تقول انا متزوجه ولد عمي
و أول ماتزوجنا رحنا بريطانيا منها شهر عسل ومنها هوا عندو دوره
المهم تقول مره دخلنا المطعم واخذت المنيو وقعدت اناظر الكلام كله انقليزي وانا مااعرف ولا حرف بالانقليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابو الطلب هو مكرونه وحركات وانا وجبة أطفال
سادساً

يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي واللعبي وضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في أخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي أخرتها
سابعاً

بقولكم اليوم عن وحده اعرفها او ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو مايخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول ياعيني على الاتيكيت
ثامناً

هذي وحده تقول اول ماتزوجت كنت ادرس وكان يوديني زوجي للجامعه وياخذني المهم . .
انا جالسه انتظره وكنت واقفه في الشارع واشوفه بعد كم سياره .. المهم جلست استناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض مايشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره واهو ميت من الضحك واجلس اصيح قلت ماتعرف تسمي علي !!
وأخيراً

هذا الموقف قراته بمجله وحدة تقول اول ماتزوجت طحت عند باب المطبخ وانهبل زوجي وبسم اللة عليك سلامتك حياتي وبعد مرور سنة طاحت بنفس المكان قالها عمى ماتشوفين
.
.
.
منقووول

ابو ليااان · 20-08-2007, 02:00

هههههههههههههههههههههههههههههههههههههههههههههه

الله يرجك
اوجعني بطني من الضحك

عبق الرند · 20-08-2007, 02:51

هههههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههههههههههه
وربي دمعت عيوني من الضحك
الله يسعدك ياقمررررررررررررررررررررررررررر
رووووووووووووووووووووووووووووووووووووووووووعة
خصوصا راعية الزيتون وراعية وجبة الأطفال

هنوفة · 20-08-2007, 02:59

ضحكتيني من قلب

بس تعالي وش فيك قايمه قوومه على السحليات الجميلات

ماتخافين الله فينا كفايه التماسييييييييييييح هجووووووم

auckland · 20-08-2007, 03:00

قمرر

>الشرس< · 20-08-2007, 03:13

مشكوره يا قمرررررر على هالمواقف

sally meido · 20-08-2007, 13:06

هههههههههههههههههههههههههههههههههههههههههههههههه
حلوة

@بـــداية جـديـدة@ · 20-08-2007, 13:34

ههههههههههههههههههههههههههههههههههههههههههههههه

اما انا صراحة فطست من الضحك على الزيتونه اللي طارت في وجهه الجرسون

بانتظاره..! · 20-08-2007, 14:39

هههههههههههههههههههههههههههههه

تسلمييين والله فطست ههههههههههه

عاشق الزان · 20-08-2007, 21:52

هههههههههه بس اخر موقف جنان

الأنيييقه... · 20-08-2007, 22:44

حلووووه المواقف الله يحلي ايامك.....

قمررر · 21-08-2007, 00:12

مشكورين على المرور

الموضوع نقلته لكم للوناسه فقط

@@@@@@@@@@
@@@@@@@@@
@@@@@@@@
@@@@@@@
@@@@@@
@@@@@
@@@@
@@@
@@
@

سنا الليل · 21-08-2007, 04:31

مت الضحك
الله يصيب ابليسك

مشكورة قمورة

حـبـيـبـى · 21-08-2007, 05:10

الفرس الأصيله · 21-08-2007, 06:37

يعطيك العافيه
و يسلموا
فرفشنا شوي على هالخبريات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

فضايح السحاااالي