عالم الحياة الزوجية - منتدى

عـــــــــاشق بجنون · 27-08-2007, 15:28

السلام عليكم ورحمة الله وبركاته
اخواني ابيكم تساعدوني لان نفسيتي من جد تعبانه ..
السالفه انا ملكة وصار على ملكتي شهرين تقريبا والحمد لله سمن على عسل
المشكله انا سويت كرت العايله وضميت زوجتي معاي في الكرت ...
بس الي اخاف منه ان زوجتي تطلبني الكرت وتكتشف اني اكبر منها ب13 سنه
شباب تكفون طمنوني زوجتي عمرها 19 وانا عمري 32 .. اخاف تقول هذا كبير .
انا الي يشوفني يقول ان عمري 25 لانه مو واضح فيه اني كبير بس كرت العايله
شكله بيخرب علي ....
شباب فيه مشكله ولا انا مكبر الموضوع والله التفكير مزعجني اخاف احد يلعب بعقلها
ويقول ليش تاخذين اكبر منك بكثير خذي واحد اكبر منك بسنه ولا بسنتين
مع ان زواجنا بعد سنه يعني سهل تتأثر ....
وشرايكم بتسويها وتقول انت كبير ما ابيك تكمل معاي .... مع اني احبها موووووووووت
طمنوني فديتكم

جمــ الروح ــال · 27-08-2007, 15:36

اذا هيا تحبك ماراح يهمها العمر ابدا كبير اوصغير

وبالعكس لما الوحدة تتزوج اكبر منها تكون دلوعة زوجها

بس غريبة ماسألوا عن عمرك يوم خطبتها؟؟؟؟؟؟؟؟؟

الله يوفقكم

الرجال ذاك · 27-08-2007, 16:01

والله شوف أنا ما اظن أن الزوجة راح تفكر في مثل هذه أمور

صحيح ان المراة دقيقة في بعض الأشياء

صحيح أنه ممكن تتأثر بالقيل والقال

لكن لا داعي للقلق لا داعي لذالك

فإن المرأة "الزوجة" في هذه الحالة لن تفكر في مثل هذه الأمور

لأن تفكيرها الأول والأخير هو أنها كيف تسعدك

عالعموم ألف ألف مبروك نسيت لأقولها في أول الكلام

وعسى الله يسعدك إنشاء الله ولا تنسى تعزمنا

وتحيــــــــــــــــــــــــــــــــــــــــاتي لك

*pain* · 27-08-2007, 16:12

ليش انت لمن تقدمت لها ما قلت لها عمرك الحقيقي ؟؟؟

نصيحة من اخت لك في الله يا اخوي الزواج لازم ينبني على الصراحة والبعد عن المجاملات في ابسط وادق الامور من البداية

هذي حياة زوجية طول العمر مو علاقة وقتية وتزول ..

ربي يوفقك وان شالله ما يصير الا الخير دام البنت شاريتك ومقتنعة فيك مراح يهمها العمر

أختك الم

رقة مشاعر · 27-08-2007, 16:34

وين المشكلة؟؟؟؟

في اعتقادي ... مافيه مشكلة

انا بيني وبين زوجي نفس هالعمر

بس الله يهداك ليه اخفيت هالشئ عنها من البداية

يازين الوضوح من البداية

الرجال ذاك · 27-08-2007, 16:38

للأخوات

bain & رقة مشاعر

طيّب أفرضو ما سألوه هذا السؤال ؟؟

أمّا إذا كان سألوه هذا السؤال وكذب عليهم يتحمل النتيجة عاد

عسى الله يستر عليه

عـــــــــاشق بجنون · 27-08-2007, 16:51

فعلا اخواني

همه ما سألوني كم عمري لان شكلي الضاهر صغير يعني الي يشوفني يقول 24 او 25

بعدين هم ما سألوني كم عمري . همه سألوني انت جامعي وموظف قلت ايه بس

والله محتار وش رايكم اقولها ان عمري 32 بس اخاف تقول اني كبير عليها

او اطنش ؟؟؟

Aziz -551 · 27-08-2007, 16:59

اقتباس:

المشاركة الأصلية كتبت بواسطة عـــــــــاشق بجنون

السلام عليكم ورحمة الله وبركاته
اخواني ابيكم تساعدوني لان نفسيتي من جد تعبانه ..
السالفه انا ملكة وصار على ملكتي شهرين تقريبا والحمد لله سمن على عسل
المشكله انا سويت كرت العايله وضميت زوجتي معاي في الكرت ...
بس الي اخاف منه ان زوجتي تطلبني الكرت وتكتشف اني اكبر منها ب13 سنه
شباب تكفون طمنوني زوجتي عمرها 19 وانا عمري 32 .. اخاف تقول هذا كبير .
انا الي يشوفني يقول ان عمري 25 لانه مو واضح فيه اني كبير بس كرت العايله
شكله بيخرب علي ....
شباب فيه مشكله ولا انا مكبر الموضوع والله التفكير مزعجني اخاف احد يلعب بعقلها
ويقول ليش تاخذين اكبر منك بكثير خذي واحد اكبر منك بسنه ولا بسنتين
مع ان زواجنا بعد سنه يعني سهل تتأثر ....
وشرايكم بتسويها وتقول انت كبير ما ابيك تكمل معاي .... مع اني احبها موووووووووت
طمنوني فديتكم

والله روعتني ياشيخ احسب عند مشكله تستاهل هالتفكيرالي اتعبك كل هالتعب الحمدلله ع لسلامه اخوي .........جوابي لتساؤلك من شقين :
الاؤل :المفروض يكون عندها خبرعن عمرك وشكلك وطبعك ونفسيتك وكل مايحيطك من معلومات تفيد في استمرارالحياة الزوجيه بينكما لتكون بداية علاقتكما مبنيه ع لصراحه والصدق لان هذازواج ورتباط مى ماكتب لكما من عمر.........
الثاني:لوعمرك الحين 60سنه ماتخوفت الي هالدرجه وزعجت نفسك وقلقتها كل هالقلق توك صغيربالعكس زواجك هوالسن المطلوب للبنات ...هالحين ابوال 30 سنه يعتبرطايش وسفيه عندبعض الناس ..........المهم تعوذمن الشيطان وخلاك رجال واثق بنفسك وخل الوساوس بعيده عنك .....ونقولك الف مبروك وبالرفاه والبنين بس وين تحط الزواج عشان نحضرونفرح وياك .............
دمت بووووووووووووووود,,,,,,,

الرجال ذاك · 27-08-2007, 17:14

يبه طنش بس

أول مرة أكون ضد المرأة

تدري ليش لأني مو مصدق وشلون طافت عليها

ههههههههههههههههههه

وإذا عن الشكل والله ذكرتني في واحد22 سنة وشكله بعمر 42 سنة

راح يخطب هو وأبوه قالو للولد أدخل لك الشوفة الشرعية

ولمّ دخل المسكين وكان معه أبو البنت

وأول ما دخل شاف ست الجمال كله وسلم وجلس

ناظر فيه أبو البنت وقاله فلان كم زوجة طلّقت

وقبل لا يجاوب قالت البنت كم عندك زوجة

ههههههههههههههههههههههههههههههههههه

وطلعت البنت وقالت أم البنت

روح دور غيرنا ممكن تلاقي وحدة تأخذك

وطلعت أم البنت وتركته

والله طلع المسكين وله الحين 6 سنوات ولا فكر يتزوج

مسكين أنصدم

ودمـــــــــــــــــــــــــــــــــــــــت أخي بود

عـــــــــاشق بجنون · 27-08-2007, 18:08

يعطيكم العافيه على الردود
الي تنبت من خبرتكم بالحياه
بس لازال السؤال في راسي اقول لها ولا ما اقول

الفرس الأصيله · 27-08-2007, 18:42

إتكل على " الله " و لا تخاف
إنت مش عجوز و بعدك شباب
و " الله " يسعدك و تمم الزواج
على خير ، بس إغدق عليها بالحب و الحنان و الدلال
و لازم تفهمها عمرك و تبدأ الصفحة بيضاء في حياتك الزوجيه
و ربنا يسعدكم و يعطيكم

عـــــــــاشق بجنون · 27-08-2007, 18:57

الله يعين بقولها كم عمري

وا ادعولي بالتوفيق

*pain* · 27-08-2007, 20:10

الحياة الزوجية يا اخوي مثل ما سبق وقلت لك لازم تنبني على لاصراحة والصدق من البداية وما يجوز تخفي عنها ها الشي المهم ويعنبر خداع وتدليس على البنت المسكينة اللي وثقت بكلامك

قولها وان شالله ما رح يهمها العمر اذا تبيك ومقتنعة

وترا الصدق ينجي والكذب حباله قصيرة

الله يوفقك لكل خير

high mooon · 28-08-2007, 10:37

دام انها ما سألت عن العمر

يمكن المسألة مش مهمة كثير بالنسبه لها

الله يوفقك

نبض احمد · 28-08-2007, 13:29

لاتخاف تو كل على الله الحين الزمن هذا الوحده يالله تحصل الرجال بمعنى الكلمه
مدامهم اسالو عنك وشافوك اوكيه مايهم العمر انا مخطوبه لواحد بيني وبينه نفسك عادي ومتزوج ومطلق زوجته واالله الايام الواحد ياخذ الرجوله مو العمر والمنصب الوظيفي........

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفووون ساعدوني