مساء الخير جميعا
على ما اعتقد العنوان مفهوم و قوي كمان

بالله كم وحده الحين بتعمل رجيم ؟
كم وحده انتهت من الرجيم ؟
كم وحده راح تبدأ رجيم ؟
بالله كم مره دخلت مواقع و منتديات عشان تدوري على رجيم ؟
كم مره رحتي للدكتور أو اخصائي رجيم ؟
كم مره تعبتي و قال الدكتور لازم تنقصين من وزنك ؟
كم مره طلعتي فوق الميزان و انكسفتي على نفسك ؟
و كم وكم ..........الخ

بالله من حزن
كلنا نفسنا ننحف و نروح مكان و الكل يقولوا ايش سويت بنفسك
تقابلي صحباتك من زمان ما شفوك و تطلع قمر و يقولوا وااااااو
تروحي تشتري و ما تشيلي هم المقاس او راح ما يطلع حلو
تقعدي جنب جوزك و انتي كلك فخر بجسمك

احنا نكذب على نفسنا
ندور على رجيم و نشتري اغراضه و يلا نبدأ و ننشر خبر ان احنا تحت رجيم
ما تمر يومين و خربناه او نقول ما ينفع أو غشينا فيه او و الله رحنا عزيمه و ما حبينا نكسف الناس او اشتهينا شي

و بعدين لما نروح افراح او عزايم نقعد نشيل هم ايش راح نلبس
نوصل نقعد ننقهر على الاجسام و تنقهري اكثر لما تعرفي وحده مخلفه و عندها 5 عيال و انحف منك
ترجعي تطالعي على جسمك تبكي تنقهري و تقولي خلاص رجيم
و ترجع ريما لعادتها القديمه

أعرف اني حطمتكم
و أنا مش و الله نحيفه و قاعده اتفلسف بس والله لازم نعمل شي الكل ينحف و احنا جالسين وانتم شايفين صارت موضه النحافه و تسمعوا ان فلان تجوز على مرته عشان صارت دبه و ما صارت تهتم

صحيح اننا نعمل تجمعات على منتدانا العزيز بس احس ان نكذب على انفسنا شوي

راح نحلف على انفسنا و نوعد و نشهد الخلق ان خلااااص راح نتبع رجيم لمدة مثلا شهر و ننحف حوالي 10 كيلوا و نحط رهن عشان تنقهروا اثر أو نتحدا
و خلينا نتواصل مع بعض اذا حبيتوا على الخاص او ناخذ ارقام بعض . ايش رأيكم
لأن كفايه ---و لا تنسوا العيد قرب كمان و الجمعات تكثر

فيلي حابه تسجل اسمها و طولها و وزنها و كم تبغى تصير و اذا حبت تراسلني على الخاص و اعطيها رقم جوالي و ندعم بعض

و أنا أولكم :
الاسم : دلع الليل
الطول :154سم
الوزن 54
الوزن المطلوب : 48
الرجيم المتبع : شرب السوائل و أكل الخضروات و الفاكهه
المده : خلال شهر رمضا ن حتى العيد