عالم الحياة الزوجية - منتدى

*pain* · 28-08-2007, 07:54

السلام عليكم اخوتي الاعضاء الكرماء

اليوم عندي مشكلة صديقة لي (على فكرة اهي منفصلة)، وعطيتها رايي فيها لكنها ما اقتنعت بريي تماما وللحين مترددة، فقلت لها رح اعرض الموضوع في المنتدى وناخذ آراء الاعضاء ....
//
/

السالفة باختصار ، شخصين متقدمين لها اثنينهم تقريبا نفس المواصفات ،

الاول غني وعنده خير وانسان جاد وشكله مقبول يعتبر وسيم وسنه مناسب لها يعني اهو كبير شوي بس مو كبير وايد بعده شاب

والثاني اصغر من الاول واوسم منه ومستواه المادي هم زين بس اقل من الاول مع ملاحظة ان الثاني يبيها تسافر معاه لانه يكمل دراسته العليا خارج الوطن

والبنت بصراحة ما تميل لولا واحد منهم اهي تحسهم مناسبين لها من حيث الظروف الاجتماعية بس

لكن الميل القلبي والاعجاب مو موجود لكلا الشخصين يعني باختصار اثنينهم عاديين بالنسبة لها ، بس اهي تقول خايفة تختار واحد يطلع الثاني احسن منه

صارت محتارة البنت وصلت استخارة وتقول بعدها خايفة ومو مستقرة على اي واحد فيهم وترا الموضوع مو هين سبب لها ازمة نفسية لانها ما كانت مستعدة للزواج اللحين والاثنين تقدموا بالصدفه في نفس الوقت تقريبا.. وزادت حيرتها ، وتحس انها مضغوطة نفسيا..

انا قلت لها حل من حلولي العجيبة<<تعرفوني طبعا

لكن اهلها مارح يوافقونها عليه لانهم معجبين بالشابين ويبونها تختار واحد منهم و تعرس ويفرحون فيها...

ممكن تدلون بآرائكم وجزاكم الله خيرا

أختكم ألم

Rawwaf · 28-08-2007, 08:13

أختي أمل

حياك الله

صباح الخير

الميل القلبي يأتي عندما تعرف الفتاة ما هي أخلاق الفتى وما هو دينه.

لأن أهم شيء في الإختيار هو خلق الشاب ودينه....لا تهم الأمور الإجتماعية ولا المادية...كله متاع دنيا.

والميل الفلبي يأتي تباعاً بعد الملكة وبعد كتابة العقد...تبدأ المشاعر بينهما وتبدأ العاطفة تأخذ مسلك جاد.

لكن سؤالي هو:

هل الفتاة تفكر بالزواج أصلاً أو ليس بعد؟

وما هي أخلاق الشاب وما هو دينه؟ "إذا جائكم من ترضون دينه وخلقه فزوجوه".

احترامي

الفارس78 · 28-08-2007, 08:19

انا مع اخوي بلاك كفى ووفى بصراحة لكن اظنها تصلي استخارة اكثر من مرة وتجتهد في الدعاء

ربي يبعد عنها الحيرة ويوفقها ان شالله

اخوك

المهذبة · 28-08-2007, 08:22

هي شافتهم شوفه شرعيه

والي ترتاح له من الشوفه

تتوكل وتوافق عليه ؟؟

لان الشوفه اهم شيءءءءءءء للراحه النفسيه

*pain* · 28-08-2007, 08:34

شكرا لمروركم اخواني والادلاء بآرائكم الجميلة

اخوي الفارس اهي صلت استخارة وتقول مو مرتاحة لفكرة الزواج حاليا اهي كانت تبي على الاقل ترتاح للشص المتقدم او تميل له واهي تقو مو حاسة بشي كان انسانة غيرها اللي بتتزوج!!

اخي بلاك بت البنت بصراحة كانها ما تبي اي شخص من الاثنين لكنها تختار خيارين احلاهم مر مثل ما يقولون ، اهي اصلا ما تبي اللحين تاخذ ولا واحد منهم وتبي تاجل فكرة الزواج حاليا لمن تلملم نفسها وترجع مثل اول

لانها تعبانة نفسيا ومضغوطة وما تحس انها مهيئة للزواج لانها خايفة اهي مرت بتجربة سيئة وخايفة من الرجال و بصراحة ينخاف منهم متقلبين و كل يوم يجونك بحال

انا نصحتها انها تاخذ فترة نقاهة وتفكر بعيد عن اي ضغوط يعني تسافر مثلا وتفكر بهدوء

اهم اثنينهم ظاهريا مناسبين ويذكرونهم بالخير

لكن المشكلة اشلون تثق في كلام الناس وتبني مستقبلها على مدح او ترشيح احد وبعد الملكة ما ترتاح معاه؟؟

اخوي كلامك عن الميل القلبي صحيح لكن عن تجربة انا مو معاك يعني البنت تملك وبعدين تكتشف انه مو مناسب لها تروح تنفصل مرة ثانية وتتأثر ويصير اسمها مطلقة مرتين، ترا مو شرط كثير من الناس ما يرتاحون قلبيا ولا فكريا ولا اجتماعيا بعد الملكة اما يضحكون على نفسهم ويمثلون على الناس انهم تمام

او انهم يسكتون ويرضون بالحال وهم يتعذبون مع شركاء ما يفهمونهم....

او انهم ينفصلون وتتكرر المأساه...

يعني اهي خايفة من التسرع في موضوع الارتباط والزواج لان فيه رجال ظاهره زين لكن بعدين تطلع الخبايا والبلاوي بعد ما البنت تتورط وتبتلش فيه..

والله مشكلة معقدة

نور الدرب · 28-08-2007, 08:38

هو غلط اثنين ييون مرة وحدة
لازم ما يخرب واحد ع الثاني
انا اشوف ان اول واحد يه اولى بها لأن الثاني خرب عليه
اساسا المفروض يقولون له انها محجوزة واحد طالبها قبلك ان رفضته تعال حضرتك
يعني
لكن دام اهلها ما سووا هالخطوة و هي بحيرة
خلها تشوف ببالها من احسن واحد و من اكثر شخص ترتاحله و من اكثر واحد يناسبها دامها مو مفتكرة و خلاص

*pain* · 28-08-2007, 08:53

هلا باختي المهذبة اهي شافتهم اثنينهم واحد منهم تعرفه اكثر من الثاني لانه صديق اخوها _((وهو اللي ظروفه تحتم عليه السفر لللخارج للدراسة)) وشافته كم مرة في اكثر من مناسبة عائلية وعرس تقول يبين عليه محترم لكنها تحسه مثل اخوها

والثاني ما تعرفه يعني من طريق صديقتها المتزوجة ، بس هم يمدحونه..

شكرا لمرورك الكريم ورايك ..

*pain* · 28-08-2007, 08:54

اختي نور الدرب شكرا لمرورك واعطائنا رايك لكن المشكلة انها ما تحس بميل قلبي ولا ارتياح من اللي تحس به العروس ما تحس باي شي كانها مو هي اللي رح تتزوج ، تقول مدري اشلون باختار ولا اتزوج وانا مو حاسه بفرحة كانها بتسو شي مغصوبه عليه مع ان للامانة محدن باهلها غصبها لكن اهي رح تسو هالشي مع اي خاطب يجيها ،، الخوف يمنعها وما تحس بتشجيع على الزواج تحس برغبه انها ترفضهم وتجلس في بيت ابوها من زود البرود اللي تحسه تجاه الزواج..

وتراها مو صغيرة اهي منفصلة ومجربة الزواج من قبل وكارهته وتعقدت من الزواج التقليدي اللي ما تعرف في الخاطب ولا تكتشفه الا بعد ما تتورط..

ونقطة ثانية ، تراهم ما تقدموا في نفس الوقت بالضبط لكن اشلون يقولون للخاطب اهي محجوزة ويوقفون حالها والبنت اصلا ما وافقت على الي خطبها اول اللي هو (صديق اخوها) علشان تكون محجوزة لاحد

بالصدفة الموضوع تم وجاها خاطب ثاني وشافت اللثنين وودها تنسحب من السالفة وم عارفة اشلون ...

والله حيرة

Rawwaf · 28-08-2007, 08:54

اقتباس:

المشاركة الأصلية كتبت بواسطة *pain*

شكرا لمروركم اخواني والادلاء بآرائكم الجميلة

اخي بلاك بت البنت بصراحة كانها ما تبي اي شخص من الاثنين لكنها تختار خيارين احلاهم مر مثل ما يقولون ، اهي اصلا ما تبي اللحين تاخذ ولا واحد منهم وتبي تاجل فكرة الزواج حاليا لمن تلملم نفسها وترجع مثل اول

لانها تعبانة نفسيا ومضغوطة وما تحس انها مهيئة للزواج لانها خايفة اهي مرت بتجربة سيئة وخايفة من الرجال و بصراحة ينخاف منهم متقلبين و كل يوم يجونك بحال

انا نصحتها انها تاخذ فترة نقاهة وتفكر بعيد عن اي ضغوط يعني تسافر مثلا وتفكر بهدوء

اهم اثنينهم ظاهريا مناسبين ويذكرونهم بالخير

لكن المشكلة اشلون تثق في كلام الناس وتبني مستقبلها على مدح او ترشيح احد وبعد الملكة ما ترتاح معاه؟؟

اخوي كلامك عن الميل القلبي صحيح لكن عن تجربة انا مو معاك يعني البنت تملك وبعدين تكتشف انه مو مناسب لها تروح تنفصل مرة ثانية وتتأثر ويصير اسمها مطلقة مرتين، ترا مو شرط كثير من الناس ما يرتاحون قلبيا ولا فكريا ولا اجتماعيا بعد الملكة اما يضحكون على نفسهم ويمثلون على الناس انهم تمام

او انهم يسكتون ويرضون بالحال وهم يتعذبون مع شركاء ما يفهمونهم....

او انهم ينفصلون وتتكرر المأساه...

يعني اهي خايفة من التسرع في موضوع الارتباط والزواج لان فيه رجال ظاهره زين لكن بعدين تطلع الخبايا والبلاوي بعد ما البنت تتورط وتبتلش فيه..

والله مشكلة معقدة

أختي أمل

بما أنها لا تفكر في الأساس ... فلماذا الحيرة

الزواج ليس إلزاماً

لا أدري ماذا أقول لك في الحقيقة.

لكن أخشى أن تتزوج وهي لا تفكر أو لا تميل أبداً للزواج.

دعيها تفكر بجدية ... الحياة لا تصلح بوحدانية ... حياة المرء وحيد بين الجدران ومع الشيطان أكبر خطر عليه...التجارب مهما حصلت وكثرت وفشلت لكنها ليست نهاية الطريق ... الكثير جرب وجرب وفشل وفشل ثم نجح في الأخير.

لا تبني تجاربها الفاشلة على مستقبلها ... دعيها تتفائل....نعم ...أين التفاؤل في حياتها...."تفاؤل بالخير تجدوه" ... يعني خليها تدخل للحياة الزوجية وهي تشعر شعور كامل أنها ستنجح ... وسيوفقها الله بإذن الله.

أمر آخر

بالنسبة للسؤال عن الرجل.

دعي أحد أخوانها يسأل عن الشاب في العمل وفي الحي السكني وفي المسجد...هل يشهد الصلاة أم لا...كيف تعامله...أخلاقه ...هل يدخن ... هل له سهرات خارجية ... وغيرها الكثير ... دعيها تقدم وهي واثقة.

ثم أسألوا الثقات أو من تشعرون أنهم ثقات.

ليس لديكم إلا هذا الحل ... هو السؤال عنهما.

لا أختلف معك على الميل القلبي ...

احترامي

نور الدرب · 28-08-2007, 09:07

لو كان الاهل كلهم يدرون بقدوم الاول و جه الثاني كان الحل مثل ما كنت كتبت
لأن انشاء الله لو الأول جه قبل ثاية من الثاني جذي

لكن شكلها مصادفة و نص الاهل دروا بالأول و نصهم دروا بالثاني و جووها عندنا لك عريس و عندنا لك عريس و صار بالمجمل عريسين

هي لازم اول تداوي روحها و ما تكره الزواج و خل اهلها بدل ما يصرعون عهالاثنين يشوفون المسكينة المتألمة
ان ما كانوا قد انتبهوا انتي شوفي الفراغ الي بها و حاولي تحلين عقدتها
و تراهي مو صعبة اي او لا
تبي تنسى الماضي و تبدأ من جديد خل تختار مترددة خل تصرح للاثنين عانفراد و بلقاء منفرد(مو تجمع الريالين!!) و تشوف شرايهم و هل متفهمينها يعني
لو ما تبي خلاص هو قسمة و نصيب و الله ينولها الي ببالها

و الله يوفقها و يوفقج

*pain* · 28-08-2007, 09:16

اختي نور الدرب ضحكتيني لمن قلتي تجمع الريالين...
لا طبعا اهي ما اجمعت احد .. اشلون مستحيل

لكن صديق اخوها تعرفه بحكم العلاقات العائلية وتشوفة احيانا مع اخوها بس تحاول تتجنبه وما تحتك فيه

والثاني ما تعرفه عدل

صح لسانك يالطيبة وصدقتي والله محدن حاس فيها المسكينة تبي الكل يتركونها بحالها تداوي جروحها ولا هي ناقصة رجال يجننها

تدرين يالغالية وين المشكلة انها خايفة تختار واحد وتتسرع بقراراها ترجع تتندم انها ما اختارت عدل او انها ترفض واحد وتظلمه الله يعاقبها وما تتوفق..

يعني الخوف مسيطر عليها من كل الجوانب ودها تحس بالامان ... ما هي قادرة اجل ليش طرحت مشكلتها في المنتدى

اهي مشكله عادية تمر بها آلاف البنات يوميا لكن صديقتي تعقدت وتخاف للاسف...

ولان كل واحد فيهم بصراحة صفاته زينة ويمكن ما تلقى احد شاريها ومتمسك فيه هاليومين صعب الوحدة تلقى انسان محترم وجاد وشاريها

فاهي خايفة من عقدة الذنب ودها ترفضهم لكن تخاف الله يعاقبها والكل رح يلومها ويقولون لها تتامرين وترفضين الخطاب وبعدين الله رح يعاقبك لان ما لها عذر ترفض قدام الناس والمجتمع ما يرحم البنت اللي ترفض خاصة اذا كان المتقدم صفاته مقبولة ومناسبة ويمكن ما تتكرر

واهي محتارة تختار من وتتزوج ولا لأ !!!!

نور الدرب · 28-08-2007, 09:54

انا قلت خلها تصرح لهم و تشوف من متفهمها و تحط ضماناتها بعقدها
مخاوفها كلها تشيلها و تحمي روحها و تحصنه بالعقد
خايفة انه يلعب بذيله
تشترط انه ما يلعب و اشتراط الوفاء و هاي اجازها بعض المشايخ
و عليه فلتمشي
اوكي حلو انها تتأنى بس مو ع حساب حياتها
من هالمنطلق خليها تصرح للاثنين و تقول لهم خاصة ان اكيد عارفين ظروفها
و اكيدلو قالت بتفهمون و بريحونها
مهي بعد لازم تحط ببالها المطلقة مو بسهولة تلقى لها من يحلي عشها و يشبعها عاطفيا و يعوضها المرار
و اكيد المجتمع مو راحمها و هاي ما يزود ضغطها
خايفة تترك و ما يرحمون و خايفة تاخذ و تبتلش
حلو تمهلها و خليها تصرح و تروح لشيخ و يشوف لها الحل الأنسب
يعني
و تروح مع الاثنين لو ماهي مقتنعة بواحد و تشوف منهو الاحسن تفهما
و طبعا تبين للشيخ قبل حضورهم معها وضعها لأن اكيد لما يشوفها اول مع فلان و عقب مع علان بنفس الظروف بيستغرب
الا لو راحت لشيخين مختلفين فهاي حجي ثاني

*pain* · 28-08-2007, 10:09

اقتباس:

حلو تمهلها و خليها تصرح و تروح لشيخ و يشوف لها الحل الأنسب
يعني
و تروح مع الاثنين لو ماهي مقتنعة بواحد و تشوف منهو الاحسن تفهما
و طبعا تبين للشيخ قبل حضورهم معها وضعها لأن اكيد لما يشوفها اول مع فلان و عقب مع علان بنفس الظروف بيستغرب
الا لو راحت لشيخين مختلفين فهاي حجي
ثاني

__________________

اختي الغالية شكرا على اهتمامك بس مو فاهمة يعني شنو تروح لشيخ ، قصدك شيخ يقرا عليها يعني؟؟

يعني شنو يشوفها مع فلان في نفس الظروف وتروح مع الاثنين مو فاهمة

عذرا ممكن توضيح الحل؟

على كل اشكر لك مجهودك الطيب في محاولة تقديم حل اختي الغالية وانم شالله رح اوصل لها حلولكم...

دمتم بكل ود

نور الدرب · 28-08-2007, 10:16

قصدي تروح لشيخ ينورها لأنه خبير و اكيد استضائته بتفيدها و بتفيده
يعني تروح لشيخ يوعيهم بما ينفعهم
و هي بالخصوص عرفتي
لأن كلامه للرجلين بكون نفس الشي و نفس الشي كلامه لها بتسمعه مكرر قدامهم
الي بقوله لها قدام الاولاني اكيد قدام الثاني بقوله لها
لأن مو معقولة قدام واحد منهم بجيب سيرة الثاني!!!
لكن اكيد ع انفراد ببين لها و بفكر و بجيب لها افكار من زوايا ثانية احنا ما نعرفها
عرفتي
و انا قلت تقوله بظروفها لو بتروح لنفس الشيخ مع اثنينهم عشان ما يستغرب و تروح بعيد افكاره
لكن لو بتروح معهم لشيخين مختلفين فما بعرفها الشيخ فمو مشكلة

ولا شكر ع واجب و الشكر موصول لج عساه بميزان حسناتج يا رب

*pain* · 28-08-2007, 10:35

حبيبتي نور الدرب فكرتك زينة وان شالله رح اخبرها بها وما قصرتي يالغلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلة صديقتي ... تحتاج لآرائكم