عالم الحياة الزوجية - منتدى

حزين بوظبي · 28-08-2007, 09:13

السلام عليكم القصه هاي تابعه لسبعه سنين ونحس حياتي في سبعه ؟
طبعا يا خواتي واخواني شفتوا مشاركتي الاولى وهاي الثانيه وتابعه للاولى المهم هيه قصتي للحين ما انتهت شو اسوي بحالي وشو اسوي بحبي ياناس حبي اللي مب قادر اخونه لحد الحين ولا افكر بأني اخونها طيب ليش لاني وفي ولا لاني طيب زياده عن اللزوم وللاسف الطيب بدنيانا هاي الايام يقولون عنه بعض الناس (اهبل) طيب شو اسوي يا ناس احبها ولا قادر على فرقاها كل ما افكر اني ابعد شي من داخلي يربطني ويخليني غصب عني اتم معاها رغم كل اللي سوته من سبع سنين هيه الحين اتزوجت وانا ابى ابعد عنها ويوم طلبت اني ابعد عنها ولا تتصل فيني ولا اتصل فيها قالت كلمه وحده اني فكرة اتهدني ولا تبعد عني بسوي شي بعمري ولا بموت نفسي ادري انه تعتبر خاينه وهيه خاينه بس يا ناس قلبي ضعييييييف اخاف اتسوي شي واخاف واخاف ما عرف شو اسوي وين اروح لا اعرف اشتغل ولا اكل ولا انام اشتغل فكري معاها اكل اتخيلها جنبي انام افكر شو يالسه اتسوي ولا شو سوت صار مرضي اسمها وصارت حياتي تعب في تعب دخيلكم ساعدوني شو اسوي لا عندي صديق ولا صديقه ولا اخت يساعدني كل ما اقول حق حد يقولي انته اهبل فيه حب في هالايام احقد عليه ولا اكلمه طيب شو اسوي تعبااااااااااااااان ياناس

*pain* · 28-08-2007, 09:41

البنت اللحين متزوجة او مرتبطة مدري مثل ماذكرت يا خوي بمشكلتك ؟؟؟

اذا كانت بعدها متزوجة اتركها فورا وتذكر كما تدين تدان ولا زم تخاف على اعراض الناس وحرماتهم ماعليك من تهديداتها المراهقى تراه اسلوب قديم التهديد بالموت وهالسوالف ومن صفات الناس المراهقين اللي بعدهم ما نضجوا

واذا مو مرتبطة تزوجها وحل المشكلة يا اخوي

لذة حزن · 28-08-2007, 09:43

عليكم السلام
هلا اخوي مره ثانيه
مشكلتك بسيطه وحلهاا بأيدك بس يباا شوية حزم
هي قاعده تخون ريلهاا معاك
تعرف انه هالشي حراااام
حط نفسك مكان ريلهاا ترضى زوجتك
تكلم ريال ثاني من وراك ؟؟ ما ترضاهاا على نفسك صح!
عشان جي لازم تكون حازم في هالموقف
عندي لك حل واذا انت جاد انك تبتعد عنهاا وترتاح
نفذ اللي بقولك اياه
غير رقم تليفوونك ولا عااد تتصل فيهاا
صح في البدايه راح تشتاق لهاا وتحن بس لازم تسوي
جذي عشان تنهي هالعلاقة المحرمه وترتااح..
واهم شي تتقرب من الله عزوجل وتتدعيه انه يفرجهاا عليك
ويرزقك الزوجه الصالحه..

اخوي ممكن اعرف انته كم عمرك؟

:

حزين بوظبي · 28-08-2007, 09:46

اقتباس:

المشاركة الأصلية كتبت بواسطة لذة حزن

عليكم السلام
هلا اخوي مره ثانيه
مشكلتك بسيطه وحلهاا بأيدك بس يباا شوية حزم
هي قاعده تخون ريلهاا معاك
تعرف انه هالشي حراااام
حط نفسك مكان ريلهاا ترضى زوجتك
تكلم ريال ثاني من وراك ؟؟ ما ترضاهاا على نفسك صح!
عشان جي لازم تكون حازم في هالموقف
عندي لك حل واذا انت جاد انك تبتعد عنهاا وترتاح
نفذ اللي بقولك اياه
غير رقم تليفوونك ولا عااد تتصل فيهاا
صح في البدايه راح تشتاق لهاا وتحن بس لازم تسوي
جذي عشان تنهي هالعلاقة المحرمه وترتااح..
واهم شي تتقرب من الله عزوجل وتتدعيه انه يفرجهاا عليك
ويرزقك الزوجه الصالحه..
اخوي ممكن اعرف انته كم عمرك؟
:

عمري يا خوي 27 سنه بالضبط 14/07/1980

نور الدرب · 28-08-2007, 09:49

حزين اخوي وحدة وحدة
بعد ما تزوجت جت و تبيك و تقلك رد لي ولا بنتحر و بسوي شي!!
ولا شالسالفة
اسألها ليه خنتي؟
ليه عني بعدتي؟
شخلاكي الحين تتذكريني؟
الحين متزوجة كيف ارد لج؟
انا عذرتج و انتي عقلي يا فلانة و انا عاطفتي جياشة خاصة ان الامر توه صاير و انتي لو خنتي كاج رديتي الحين اعتباري لكن يا حبيبتي السابقة ما كل ما يتمناه المرء يدركه
و انا ضعيف و رغم اني مو لعبة بايدج كان ممكن اعيد النظر لو انج مو متزوجة لكن زواجج ذكرني بمسلسل هدوء و عواصف بس هني انعكست الادوار
هناك كان الولد متهور و البنت غير متسامحة و رغم ذلك و بعد زواجها ترد بشكل لا مباشر معه و ماتت و هي تتغزل فيه و ريلها عباله الغزل له
انا مني العكس بنت مسكينة غلطت و الله العالم ليش و الولد الي هو انا متسامح لكن السنيورة تزوجت و تبيني لكني مو محمود ارضى اني استغفل
و ماقدر اتصور خالد يصير له مثيل لما يحس باستغفالح له لأن الحقايق بتنكشف بالنهاية و الله العالم و هو الحكيم و علها خيرة فاعقلي و عن الطيش و عن جلب اثام انتي مو قدها و اكيد انتي بغنى عنها
و لأن بعد كما تدين تدان
و انا مو قد اني انحط بمكان ريلج لو رديت لج هاي غير الآثام و تأنيب الضمير
فأنا اوكي سامحتج لكن ديري بالج ع بيتج و تحملي بريلج
و انا بغني لج
رغم الحب الكبير مش حفضل لك اسير
ملكيش احلام بقلبي ويايا تكمليها
خلاص كفاية عليها هالشطرين

رافة بها

ღღعاشقة البحرღღ · 28-08-2007, 14:36

اللي باعك بيعه.....وهي باعتك ومو لازم ترجعلها.....

انا متاكده انها ما راح تنتحر .....فاتركها ولا تخاف....لانه ما راح تنتحر بس هي قالت هيك علشان ما تبعد عنها......

للي صار يا اخوي ان البنت ما حبتك......كانت هي تستنى عريس احسن منك لحتى تتزوجه وتتركك....ويوم جا هالعريس هي تزوجته وتركتك ....فكرت حالها راح تنبسط معه وتزتك انت زي.......
المهم ....الظاهر انه انصدمت من الجيزه ومن جوزها وراجعه تطلب الحنان اللي توقعت تلاقيه مع غيرك.....وما لاقته....

باختصار....ادا انت رجال...لا ترجعلها.....مش بس لانه حرام ولا لانه خيانه لزوجها ولا....انما لانها باعتك انت......

حزين بوظبي · 28-08-2007, 16:21

اقتباس:

المشاركة الأصلية كتبت بواسطة فتاة من هذا الزمان

اللي باعك بيعه.....وهي باعتك ومو لازم ترجعلها.....
انا متاكده انها ما راح تنتحر .....فاتركها ولا تخاف....لانه ما راح تنتحر بس هي قالت هيك علشان ما تبعد عنها......
للي صار يا اخوي ان البنت ما حبتك......كانت هي تستنى عريس احسن منك لحتى تتزوجه وتتركك....ويوم جا هالعريس هي تزوجته وتركتك ....فكرت حالها راح تنبسط معه وتزتك انت زي.......
المهم ....الظاهر انه انصدمت من الجيزه ومن جوزها وراجعه تطلب الحنان اللي توقعت تلاقيه مع غيرك.....وما لاقته....
باختصار....ادا انت رجال...لا ترجعلها.....مش بس لانه حرام ولا لانه خيانه لزوجها ولا....انما لانها باعتك انت......

لا تعلييييييييق

_خلود_ · 29-08-2007, 02:28

قال تعـالى:

{ ومن يعرض عن ذكري فإن له معيشهً ضنــكا }

اقترب لله واترك عنك بنت الناس وخلها في سبيل حالها

لا تسوي فيها عاشق ومغرم

يعني دامك تحبها وش خلاك ما تخطبها من أول!!

ولا لما تزوجت البنت وربي ستر عليها صارت حلوة بعينك!!

ارجع لنفسك لا ربي يبتليك بأحد من محارمك

واستغفر ربي من وساوس هالشيطان..

بعدين ودي واعرف وين عزة نفسك!؟

يعني ابدا ما يهون عليك حالك وانت جالس تشوفها راحت لواحد ثاني وتركتك!!

الله يهديك بس

اهتم بأهلك ووالدينك اهتم بعملك وشغلك وشوف وش قدمت لآخرتك

خير ولا شر!!؟

الله يصلحك

نور الدرب · 29-08-2007, 05:43

الحقيقة انا رديت مرة ثانية لأن مشكلتك عورت قلبي من صوبين صوبها و صوبك
الحقيقة انا مو من طبعي القسوة فسامحها و قول عفا الله عما سلف
لكن حبيبتي انتي تززوجتي فخلاص انسي ما فات و الله يوفقنا
بس سامحها ولا تزعل عليها ولا تستقوي و تقول مواويل الي يغنونها المغنين هالأيام
و الي ما تحضرني عليها امثلة بس تدل على التكبر على المخطي وقتا يرجع و يعرف غلطه
طمني اخوي شصار؟

دمعة الجوري · 29-08-2007, 09:06

حزيييييييييييييييييييييييييييييييييييييييييييييييي ييييييييييييييييييييييييييييييييين بذبحك مع اني ما الومك ، صج اصعب شي فالحياة الحب ، وهالايام نادر نادر الوجود
الله يعطيك على قد نيتك
بس تعال تعرف ليش اذبحك؟؟؟؟؟؟؟؟
تكلمها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واي ؟ ليش ؟ كيو؟ البنت عرست ومحد قرصها ولا ضربها على ايدها وقالها بدي زوجج على حبيبج ، اشله يعني توافق عليه قبل والحينه تبيك انت؟ وين كرامتك؟؟؟؟؟؟؟؟؟؟؟؟؟؟؟؟؟؟؟انا ماا اغلط ، فالحب ما في شي اسمه مذله ـ بس هي الي رفست عشرة 7 سنين بايدها ، لو كانت مجبورة كانت بتقولك ولو جذبت كنت بتعرف بطريقتك ، خبرك الشباب ما يطوفهم شي بس انت لا ـ تغاظيت عن وايد اشياء بسبب حبك لها
يا حزين يا اخوي ـ اهي تخون ريلها ، اكيد انت ما كنت بترضاها تخونك ، اممممم
شوف اهي بالاساس جذبت وقالت ولد عمها ، وطلع بالاخر مو ولد عمها ، واجهتها؟ سألتها ليش؟ ما ظنتي ، انزين يمكن البنت انعجبت بجماله ، خبرك خلصت ثانويه والبنات تهمهن المظاهر لو على حساب تضحية بالحب ، مثل ما قلت حط احتمالات ليش بدت هالزوج عليك ، جمال؟؟؟؟؟ جاه ومال؟؟؟؟؟؟ منصب؟؟؟؟؟مديح وايد من الاهل؟؟؟؟؟؟ اوكي ، وافقت وتناست عشرة 7 سنين (تراها اهني ظلمتك واااااااااايد لو سنه سنتين بقول 7؟؟؟؟؟؟؟؟ والله اهني يبالك بس تتأكد انها باعتك برخيص على واحد ياليت حبته فتره وما يندرى، لكن من اول خطبة وافقت عليه وبالسالفة في جذبه على اساس ولد عمها؟؟؟؟؟؟؟ حزين فكر فيهاوالله بتلاقي انه انت غلطلن يوم تسوي بعمرك جيه)وعرست وعاشت معاه لكن ما حست انها تحبه ، حنت واشتاقت لحب كان 7 سنين احلى ما في حياة البنت لو كانت خاينه لو كانت جذبت بس تكفي السوالف لي خذتكم والمواقف اللي عشتوها ، لو الانسان خاين او جذاب او ميت ضميره ، بس انا صدقني عندي احساس مهما الانسان كان يملك اصعب صفات شخصية بس في قلبه وداخله شوية ضمير ، مافي انسان بهالكون كله ميت ضميره كلش ، مثل ما قلت عقب العرس حست بقيمتك ،لو كانت ماخذتك كنت انت متأكد مليون بالميه انها ما بتخونك بالمكالمه مع ريال ثاني ، واهني الواحد يقول تخون ريلها اكيد ساعتها بتخونك انت مع ريال ثاني لو كنت انت زوجها ، لكنها اهي ما اظن كانت بتخونك لو كنت زوجها ، اهي لجأت لحب 7 سنين

(اهلك ما لهم ذنب يحملون همك ، عبالك محد مهتم فيهم ـ لو قالو اهبل شو فيها اهبل ليما صرت تتناسى بكلي اللي سوتلك اياه ورفضها لك ، واللي اعرفه يعني موت الريال ولا انه ينرفض كل شي ولا كرامته ، عسب جيه لاتلومهم يوم يقولون لك جيه ،
شوف حالك كيف صاير؟ اشله ، انت فكرت انه عمرك27؟ كم باجي من العمر عسب تعيشه ، دور سعادتك والله ربك يحبك والله ويختربك وبتلقى اللي احسن منها وزود، انت عايش في دنيا والله هالدنيا بكبرها ما تستاهل الواحد يضليج بعمره ، لي مت (بسم الله عليك طبعا الله يخليك لاهلك )بيقولون مات بسبة حبيبته ، عبالك عقب بيفتكرون ، ترى والله محد بيفتكر وانت تتحاسب في قبرك فيك ، غير اهلك بسسسسس واهلك منو حتى الاخوان ينسون ، بس الام والابو ، والباجي بح يوم يومين صياح ونوح وعقب الايام الباجيه لهم هم يعيشونها بحلوها ومرها ، وهي وينها عنك / بتصيح وبتتندم وانا متأكده من هالشي ، لكن وراها ريل يسندها طول العمر يستر عليها باجي حياتهم ، بتقول مات / بظل اذكره واحبه في قلبي وبعيش وبتناسى حبي وبكمل عيشتي مع الريل وعقب بتيب عيال ، وينها عنك عقب؟؟؟؟؟؟؟؟؟؟ بتذكر يمكن بس يوم وفاتك بس وعقب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الايام والسنين طويله تكفي انها تنسيك ، وبتنسى حتى ملامحك وكيف كان شكلك ، اهي عايشه مع ريل وانت متعذب في حياتك ،

حزين الدنيا جدامك ، روح العمرة نصيحه وفوض امرك لربك وصدقني ماهي الا فتره وعقب بتحس انه حياتك لها جيمة عند الغير ، اثبت وجودك حاول تتخذ من حياتك تجربه

بتنتحر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من قالك ماشي شغله تنتحر عشان حبيبها ، قولها كبري عقلج ، انتي الحينه معرسه وفاهمه وصرتي حرمه المفروض انتي اللي الحينه الي فاهمه في الدنيا اكثر عني ، وما بغيتي الشي الحرام انج تاخذين واحد كان يكلمج فالتلفون ويشوفج ويتغزل فيج قبل ، فا حليلج ما تحملتي تأنيب الضمير ووافقتي على واحد ما تعرفينه يمكن ولا يعرفج يا من الباب
بس غلطتي اني كبرت راسجج واااااااااااااااااااااااااايد وخليتج واثقه وثوق العمى بحبي لج ،وينج عني قبل
فصلتي فستان عرس وانتي مستانسه وماكان عندج وقت تذكرين حبيبج واشتطيتي للعرس مع الريل اللي كان المفروض انا اكون بداله ، تناسيتيني في شهر العسل واستغليتي هالشهر اللي ما يتعوض بقربه وانا اهني احترق في كل ساعه وكل دقيقة بلياج ، وينج يوم انا كنت محتاجنج؟؟؟؟؟؟؟؟؟؟؟؟؟؟؟؟؟؟؟؟؟ وينج ياللي نكرتي العشره ؟ ما بكرهج لانه غلاة الانسان والحب ما يتعوض ولا يتكرر بس بدور وخده تقدرني وتحسسني بحبي وتعوضني بكل دقيقة عشتها معاج
ما بنساج وبذكرج بالخير ـ بس كله ولا كرامتي وبمشي في طريجي وانا مرفوع الراس ولي هيبه وجيمه

وسكر عنها
وتم صيح ، فضفض اللي في قلبك بالصياح لانه والله يريح الواحد ،عسب ترتاح ، قوي قلبك

حزين سوي هالفلم معاها وقوي قلبك والله عسب تحس انه ما في فهالدنيا يستاهل

وطمني عنك والله يالسه افكر في سالفتك

وتعال تعال لا تتحرى اني متدينه يالسه اقولك جيه وجيه ههه

لا انا شويه خبله ، بس لازم الواحد يعرف انه هالدنيا مجرد محطات في حياتنا

وخبرني شو صار معاك

والله انه ربك بيعوضك بأحسن منها ، انا عندي وايد كلام امشي عليه

من باعني برخيص بعته برخص التراب
اللي ما يقدرني ولا يقدر عشرتي معاه ،تحرم عليه عيشتي وطيبتي معاه

الدنيا ما تستاهل اني اذل نفسي لانسان ما عرف جيمتي

ووايد اشيا احطيها فبالي واهي اللي تخليني اتشجع بكل خطوة امشي فيها
، في احزان وفي سعاده وفي الواحد يتناسى الحزن ويقص عالناس على انه مستانس بس محد يعرف باللي في القلب ـ سوي كل شي يريحك وما عليك من كلام حد ، شوف انت شو هو المنطق \ وشو الصح وشو الغلط ورتب حياتك

عاد وحده عمرها 22 فور ايفر ، تنصح واحد 27 فور ايفر؟؟؟؟؟؟ كيف جيه اخاف ما يعجبك كلامي ، ههههههههههههه

اكيد بيعجبك صح؟ والله احاول اكمل 100 رد عسب اكتب بالخاص هههههه

والسموحه جان غثيتك بكلامي والله بس كله لمصلحتك وشوف الاخوان ما قصرو معاك ، كلهم يحاولون يساعدونك بس انت عنيد ، تؤخذ الدنيا غلابه؟؟؟؟؟؟ مو عشانهم مو عشانا مو عشاني ولا غداني ولا ريوقي ههه اتخسف
عشان امك وابوك عشان بالمختصر اهـــــــلك الي مهما سويت اهم اللي يحملون كل قطعه من حزين بوظبي ،

تحياتي لك
دمعة الجوري

دمعة الجوري · 29-08-2007, 09:07

خيييييييييبة كل ها انا كتبته؟؟؟؟؟؟؟؟؟؟؟ كتبت قصة حياتي وحياتك وحياة اجدادي بعد ؟؟هههههههههههه تسلم ايدي اللي تفلسفت عليك وحطيت كل اللي بخاطري حقك ههههه

طمني عنك تسمع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتي
دمعة الجوري

نبض احمد · 29-08-2007, 13:02

تسلمين يادمعه الجوري والله انا استفدت من كلامك بس ربي لايحطنا بمواقف مثل هذا
اما من ناحيه سالفتك ياخوي حزين انت جايب الهم لنفسك الا الواحد اذا باعه حبيبه يصيح له شهر بعدين ينسى ....... الله يصبرك

غربه مشاعر · 29-08-2007, 15:24

ماشااااااااالله عليك أخوي حزين بوظبي ... عندك كل هلمشاااعر الجياااشه

وهلحب الصااادق فليه أخوي تظيع هلنعمه الي ربي وهبهااا لك بعلاقه منتهيه

وكل واحد صار بصوب... الانسااان مايوقف عند حب واحد والي يقول عكس كذا

بيكون غلطااان ..لان كل مرحله من عمرنااا تتغير أفكاارنااا واحلامنااا وحتى حبنا

انسى المااظي اخوي بكل مافيه ... وأبدء صفحه جديده مع نفسك كل فيها جديد

وتفاؤل أنت للحين مشالله عليك بأول عمرك واكيد بتصااادف أنسااانه بتقاابلك

هلحب الي بقلبك وبتكون علاقه صح ونهاايتهااا سعيده ..

اذا سألتني عن وجهه نظري بحبيبتك الي متزوجه ( ماراح اتكلم بالحلال والحرام

لان الاخوان مقصرو طبعا) فأنا متأكده انها ماتستاهل هلحب الي بقلبك لانها

انسااانه خااانت زوجهااا وراحت تركض وراااااااااء غرائزهااا ..كثير بنات كانو

يحبون قبل الزواج لكن لما تزوجن بشخص اخر نسن حتى أسماااءهم .

لكن حبيبتك الي ما احسهااا تستحق اي نوع من الاحترااام والحب فهي في عالم

اخر بعيد عن الحب والتظحيه والنبل والكرامه ........ز الخ

وحتى لو بعدت عنهااا احساسي بيقولي انها بتخون زوجها مع واحد اخر غيرك طبعاا

الا اذا وفقت لحظه مع نفسها وتابت توبه صادقه ...

الله يوفقك اخوي وينور دربك بأذن الله ..

@ كوكو شانيل @ · 29-08-2007, 15:31

انا مع اختي خلود

حزين بوظبي · 29-08-2007, 17:07

اشكر كل الناس وخصوصا الاخت دمعة الجوري على هذا الرد المناسب والعلاج الطيب ولكن يا اخت خلوووود كلامج مردود عليه مب انا اللي ساير واترجاها خلج معي واقري زين انتي ولا توته القصيم للاسف بس المهم اشكر الجميع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حياة اثنين تابعه سبعه سنين ونحس حياتي في سبعه