عالم الحياة الزوجية - منتدى

بنت الامارات · 03-02-2005, 05:45

السلام عليكم حبيباتي ...شحالكن انشاللله مرتاحات

لي خاطر اتعلم المكياج لاني صراحه مييييييييح

انا ما كنت اؤؤمن بالمكياج والمبالغة بس زرت مره وحده كانت عاديه بس بهرتني صراحه محلوه بزياده والبركه في المكياج

وغير هذا حليمه بولند وايد اتبالغ بالمكياج والتسريحات واللبس وكنت اتمصخر عليها قبل بس الحيييين اقتنعت باهمية المكياااااااااج وودي اتعلمه

وعشان جي ودي اعرف شو الماركات الي تستخدمها والي تعرف تخبرني

والسموووووووحه

المرشد · 03-02-2005, 07:15

يا بنت الامارت كل ما صارت البشرة احسن

ومشكورة للموضوع

عزيزة وغالية

بكرى أحلى · 03-02-2005, 15:48

شوفي مكياج حليمة ولا غيرها .. مايعتمد على ماركات الماكياج بس !
يبي لها ايد خفيفة وثقيلة بنفس الوقت .. ودقيقة ! ( مثل حنان دشتي .. فادي قطايا .. سيمون مندلق للشعر )
لكن خليني اقولك على ســر

(( إن الماركات اللي يستخدمه الكوافير لكل المشهورات لاتوجد بالمحلات اصلا ! ))
علشان كذا تشوفين ماكياج اللي بالتلفزيون مختلف تماما عن ماكياج الصالونات ومختلف أكثر عن ماكياج البنات لأنفسهن ..

لكن خليني أكتب لك عن أفضل الماركات واللي مع التجارب اكتشفت إنها هي الأفضل :

أول شي ابدأي قبل المكياج كله بشراء كريم تفتيح البشرة من أولاي برائحة التوت .. لتنقية البشرة ( على الوجه والرقبة واسفل الاذنين )

أفضل اساس : هو كريم اساس شانيل مع الديودرينت

أفضل خافي عيون ومصحح للبشرة : هو كونسيلر من ميك اب فور ايفر
( والذي يستخدم في مكياج أنـــف حليمة بولند ) ..

أفضل كحل وماسكارا <===== ( راس مال العيون الجميلة ) :
من لانكوم أو من كريستيان ديور فقط وإسألي مجرب

بالنسبة للشادو أنا مش خبيرة فيه مرة .. لكن انا استخدم علبة كبيرة فيها جميع تدرجات الألوان صباحية ومسائية وللسهرات
بس انا ما أفضل ان البنت دائما متعلقة بظلال العيون ... أهم شي الكحل والمسكارا صراحة !
لكن أهم شي وشو ؟؟؟
تضعين ظلال أبيض أو بيج ذهبي فاتح تحت الحواجب .. فقط !

البنات الجميلات يستخدمن أرواج وغلوسات من ماركة ريميل

وعموما يستحب إن الفتاة تنوّع من ماركات الأرواج كلها وتختار الألوان اللي تناسبها ...
لكن دائما اختاري ايتها البيضاء والسمراء أختاري ألوان فااااااااتحه لإعطائك نعومة وجمال أفضل ..

في النهاية اقول :
الحلوة الناعمة تختار دوما المكياج المناسب للمكان المناسب

ميعاد** · 03-02-2005, 21:25

شوفي ياحبيبتي المكياج يعتمد على صاحبته
مومهم ماركة المكياج اهم شيئ ماتستخدمين نوعيه رديئه
لإنها تضر بالبشره.
وبالنسبه للكحل انا شخصياً افضل القلم من كلارنس.
والظل يعتمد على دمج الالوان لكن انتبهي هناك نوعيات من الظل رديئه اذا وضعتيها
مو حلو منضرها كأنها بودره اوطحين وتروح بسرعه.
واذا تبين تتعلمين وضع المكياج جيبي صورة المكياج اللي يعجبك من مجله اومكياج فنانه وحاولي
تقلدينه وبعد فتره تتعلمين.
واهم شيئ في مكياج العيون تكحلين العين من تحت اسفل الرموش ودار مادار على العين وحاولي تعرضينه عند حافةالعين الخارجيه
واكحلي داخل العين...طبعاً قبل كل هذا تكونين حاطه الظل مع دمج الالوان وبعدين الكحل.
وبعدين تحطين الظل اسفل الرموش بعد بشرط مايغطي على الكحل وحاولي تدمجينه معه بشكل بسيط ويكون الظل من فوق واسفل..
وبعدين حطي الماسكرا وتشوفين النتيجه....

ميعاد** · 03-02-2005, 21:41

شوفي عيوني نسيت اقولك عن الاساس انتبهي عند اختيار الاساس
واختاري اللي يناسب بشرتك وحطي في بالك ان الاساس مصفي وليس
مبيض كمايعتقد البعض لإن فيه بعض الناس اذا شفتي الوجه والجسم فيه تضاد في الالوان.
واختاري الاساس يكون على وردي وبعد الاساس حطي بودرة الاساس إذاحبيتي..
وبصراحه يعجبن اساس لانكوم احس انه يصفي ولاخلي الوحده كأنها مهرج..
طبعاً قبل وضع الاساس ضعي كريم مرطب ........
وشكراااااا

+*+مـــــلاك+*+ · 03-02-2005, 21:59

ماااااااااشي احلا من بودرة و كريم اساس MAC

والمسكار بعد مالتهم انصحكم فيها و البلاشر نفس الشي

واذا كنتي مبتداء بعد انصحج بالفرش حقت العيون بعد من عندهم لانه تكون من شعر الخيل الاصلي و مجرد انج تحطينها

على عينج بشكل دائري و على العظمة المتابعة لها ببس ها يبالة السالفه تنسيق و اتمنى انج تعرفين و تكونين خبيرة

و تعلمينا بعد و اي شي احنا في الخدمة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الي تعرف لا تبخل ..شو الماركات الي تحطها حليمة بولند من كريم الاساس الى الروج