عالم الحياة الزوجية - منتدى

وحده في الدنيا · 29-08-2007, 07:25

السلام عليكم ورحمة الله

مساء / صباح النور

بخش على طول في الموضوع

يا اخواني واخواتي العزيزات مشكلتي مع صاحبتي وزميلتي بالدراسه ..

هالبنت كانت مرة كويسه معاي وفجأة بدون سابق انذار

.. تغيرت جذريا

صارت تصرفاتها غريبه معاي .. يعني تسرح فيني بقوه وتراقبني وين ما كنت

وتحب تلمس يدي وتقرب مني داااااايما !!!!!

لا تقولوا شاذه ماهي شاذه ولا شي .. بنت عاديه زيها زي باقي البنات

تتعامل مع البنات شي وانا شي ثاني

يعني تستحي مني مررررره وهذا الشي صار فجأة زي ما قلتلكم مدري ليه

يعني مثلا اذا قلتلها احبك صار وجهها احمر كاني قاعده مع ولد مو بنت

تسرح فيني بشكل خيالي ... وانا مرة مستغربه منها هالتصرفات

بالبدايه قلت لا انتي تتوهمين

بس بعدين قعدت فترة طويييييله وهي على هالحال ولا تغيرت وتأكدت من احساسي

ليه ما ادري

وترى هالمشكله ما فاتحتها مع احد لانها محرجه

واحتاج رايكم في موضوعي يعني انتوا ليش تتوقعوا تغيرت علي وصارت تعاملني كذا

واعيد وازيد هي مو شاذه ابدا

لكن لما تكون معاي تصرفاتها تتغير مره وما تكون طبيعيه مو زي مع باقي البنات

ومن جد محتاجه لرايكم في موضوعي

والله يجزاكم الف خير

منيب هينة · 29-08-2007, 07:52

متابعه

نور الدرب · 29-08-2007, 08:51

ممكن ما تكون شاذة و هاي انا معك فيها
لكن اقدر اقول من كثر حبها لج كصاحبة صارت خجولة عرفتي
انا كنت قبل ايام الدراسة جذي ان اشوف شعر طويل انام و تشوفيني لا اراديا ابوس معلمتي ال احبها من بعيد (fly kiss)
عادي يعني بس انتي بعد سأليها بأسلوب حلو
ليه يا عمري مستحية مني جذي
ترى في حساسات وايد نوع كلشي يخجلهم

دمعة الجوري · 29-08-2007, 12:13

وانا مع نور الدرب ، صح
انا شراتج (مثلج) تراني مريت بهالتجربه ، عاد وين ايام مدارس كله حب ورسايل ههههههههه لا تشكون اتكلم بشكل عام ههههههه
كنت ولا زلت احب ربيعتي واااااااااااااااااايد لدرجة اني بطبعي شيطانه ومسولفجيه بس بالمدرسة شوي من تحت لي تحت هاديه بس مو ايد يعني اسولف عادي ، بس معاها هي ابدن ، جني تمثاال ، اتم ساكته ولا اتكلم واخجل منها ، احبها وايد بس ما اقدر معاها اني اسولف وابين لها اني خبله ومسولفجيه كله اكون ساكته ، وهي ما حبت هالشي مني كانت تباني اكون عادية اسولف وعادي ، بس انا الصراحه مااقدر من زود حبي لها ، ما اقدر ـ وراحت اهي التقنيه وانا الجامعه يعني سكن ما شفتها يمكن كملت 5 سنين ، وللحينه بس مسجـــــــــــــــــات مب مكالمة تلفون لاني انا استحي منها ، هالشي عادي خاصة اذا كنتي منعجبة في بنت وميزتيها عن باقي البنات ، شعور لا ارادي هههههههه

تحياتي لج

دمعة الجوري

ღღعاشقة البحرღღ · 29-08-2007, 19:44

طب انت ليش كاتبة هالمشكلة...ادا انت متاكده انها مو شاده؟؟؟؟؟؟يعني انت شنو تبينا نقلك؟؟؟؟انها صداقه عادية؟؟؟؟ولا انها تحبك كثير كصديقه؟؟؟؟
لا تزعلين مني يا اختي ....لا تفكرين اسلوبي تهجمي لالالالا بس انا مستغربه بس مو اكثر...لانه الجواب اللي انت تستنينه انكتب باول رد....فما يحتاج مناقشه....

اميرة البرق · 29-08-2007, 20:43

كم عمرها ؟
لكن طالما ما هى شاذه
على ما يبدو انها من النوع الخجول وما تعرف تعبر عن مشاعرها نحوك
خدى الامور بساطه وتعاملى معاها عادى الين تتغلب هى على الاحراج الى تحسها اتجاهك
وراح تبدء تتعامل معاك بشكل طبيعى بعد ما تستوعب مشاعرها تجاهك
وانتى ساعديها
يعنى مثلا دايم ذكريها بصلاه واعطيها افكار قوليلها خلينا نتعاون على طاعة الله
ونصوم مع بعض
<<<يعنى لو براسها شى ما تعرفيه بهذى الحركات تلغى من تفكيرها
يعنى ساعديها تعبر بطريقه سليمه وتقربكم من بعض
ما تدرين يمكن سبحان الله تصيرون اكثر من الأخوات
تحياتى

خطنطيره · 29-08-2007, 21:54

من النوع الخجول وتملس يدك !!!!!!!!

ماعليش اختى الحركات ذي شاذه وإذا تركتيها سايبه راح تنعكس عليكي

ايش عرفك ان نيتها ماهي شينه يمكن ماهي متجرأه تمسكك <<<<خوافه ولى الود ودها سوت علوووم

ماعليش تراني شوي قاسيه بردي بس الدنيا ماتضمنين فيها أحد خليك حذره وتفاهمي معاها وبين لها ان علاقتك معاها اخويه والمحبه لله بالله وان اكره ماعليكي حركات الاعاجب طبعا موتقوليها اجكره قوليها بتلميح

واللبيب بالاشاره يفهمووووووو

auckland · 29-08-2007, 22:13

اقتباس:

المشاركة الأصلية كتبت بواسطة حلا الرووح

من النوع الخجول وتملس يدك !!!!!!!!
ماعليش اختى الحركات ذي شاذه وإذا تركتيها سايبه راح تنعكس عليكي
ايش عرفك ان نيتها ماهي شينه يمكن ماهي متجرأه تمسكك <<<<خوافه ولى الود ودها سوت علوووم
ماعليش تراني شوي قاسيه بردي بس الدنيا ماتضمنين فيها أحد خليك حذره وتفاهمي معاها وبين لها ان علاقتك معاها اخويه والمحبه لله بالله وان اكره ماعليكي حركات الاعاجب طبعا موتقوليها اجكره قوليها بتلميح
واللبيب بالاشاره يفهمووووووو

مع هذا الرأي

فيه كثير من الشاذين والشاذات يخفون ما بداخلهم حتى لا يشعر بهم الآخرون بشكل ظاهر وعلني ،،،،
وفي حقيقتهم لا يمانعون بل ويشتهووووووووووون الشذوذ والعياذ بالله

هدى الله الجميع

نور الدرب · 29-08-2007, 22:22

بس في كثير ما يدرون ياخوي بمعاني تصرفهم
انا عندك اتهموني بالشذوذ و للحين ماعرف ليش تصدق!!!
حللت و تذكرت تصرفاتي الي ذكرتها قبل فكتبتها
عموما عمري انتي حطي كل شي بالاعتبار لا تظلمين ولا تغافلين ولا تستهونين
و سألي و ترى الشاذ يبين عليه بالنهاية

ورد77 · 29-08-2007, 22:37

يمكن يكون الموضوع متعلق بخطيبك إذا كنت مخطوبة أو زوجك او أخوك ... يمكن تكون معجبة بأخوك أو!!؟؟ يمكن

خطنطيره · 29-08-2007, 23:09

اقتباس:

المشاركة الأصلية كتبت بواسطة نور الدرب

بس في كثير ما يدرون ياخوي بمعاني تصرفهم
انا عندك اتهموني بالشذوذ و للحين ماعرف ليش تصدق!!!
حللت و تذكرت تصرفاتي الي ذكرتها قبل فكتبتها
عموما عمري انتي حطي كل شي بالاعتبار لا تظلمين ولا تغافلين ولا تستهونين
و سألي و ترى الشاذ يبين عليه بالنهاية

ايم سوري!!

انتي تقولي اتهموني بالشذوذ !!

يعني مافي شي من دون سبب صح!!

راقبي تصرفاتك وشوفي السبب<<<تراني اخاطبك بالمؤنث مادري انت بنت ولى ولد؟؟

نور الدرب · 30-08-2007, 02:00

انا بنت انا قلت اتهموني
فقلت لج ما كنت ادري ليش
احيان الواحد يتصرف و ما يدري
انا لما حللت قلت يمكن لأني لا اراديا من بعيد ابوس معلمتي(fly kiss)
او لأني لما كنت اشوف شعر طويل كنت اسرح فيه لأني احلم بشعري يكون طويل
و نوع اصير ابي انام بس اصحى
عرفتي
هو تهام اساسا ما له اي صحة بس شكلهم كانوا يبون ينرفزوني البنات لأني انرفزهم عرفتي خاصة انهم ما كانوا يخافون مني ولا شي
عادي يعني

نور الدرب · 30-08-2007, 02:11

حلا عمري اشكرج مع انج ذكرتيني بجروح الماضي
انا الله يسلمج مثل ما قلت لج هاي تحليلي
و لكن حتى لو ما ذكرت كان تصرف شاذ فأنا ما كنت ادري عرفتي
فهي المسألة ادراك لا اكثر
لأن انا مو شاذة و ربما هاي مو شاذة
لأن الشاذات يبان عليهم
و انا وحدة انطوائية مو اجتماعية و هاي بروحه دليل ان ما بي شذوذ
لكن الناس تبالغ احيان
تخيلي
مرة بس غدرت رفيجتي بي و قعدت اصيح عليها و اقول لبنت خالتها غدرت بي
تقول لي عادي تهدج انتي بج شذوذ!!!!!
صدمتني و قلت لا ما بي شذوذ انا
و بعدين تأكدت تراوالي بعد اجاباتي ع اسئلتها
فشفتي
عبالها المسكينة اني معتبرة البنت كلش
و الواحد و علي طبيعي يصيح لو غدر به رفيجه ولا لا

فأقولج يعني احيان الناس تبالغ
و مرة بعد بالنت كنت اكلم بنات
و وحدة منهم تدلع الباقي دلع عادي حبيبتي حياتي
هم خذوها منحى ثاني و قالوا بها شذوذ و قلت لا و فهمتها مع ان عادي
و صار كلشي تمام
يعني الناس احيان تفهم غلط و احيان تبالغ
فوعلي البنت شذنبها!!!
فالأحرى انها تستبين و تفهم
و هي لو شاذة ببين لأن الشاذات يفتخرون بالي هم فيه و بعدين تلقين من حركاتهم تعرفينهم يعني
موخجل زيادة جذي يصير بكم
مهو في مرض خجل زايد ولا لا
يعني شوي بعدوا عن هالمصطلحات الكبيرة شاذة و مادري شنو لأنها بالنهاية تصب بعرض و سمعة و مستقبل البنت المشبوهة المسكينة

خطنطيره · 30-08-2007, 02:11

ههههههههههههههههه

كلام بنات أجل ماعليهم شرهه

البنت يحقدت تقوم تخبص بالحكي تقول كلام وماتعيه يعني تفسر على هواها

وبالنسبه للجمال كلنا يشفنا الجمال نسرح فيه وماحد قالنا شاذات

ههههههههههههههههههههههههههههه

الله يهديهن البنات كل شي قولنه اللى الشذوذ قويييييييييه وربي الكلمه !!

كاف يار · 30-08-2007, 06:52

هذا هو ماسمي بحب اخر زمن !!!!!!!! عيش كثير تشوف كثير ,, اول مره اسمع عن وحده تسوي هذه الحركات ومو شاذه ,,, برضو الله واعلم ,,,,,,, .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

صاحبتي تتصرف بغرابه لم أعهدها !!!!!!