عالم الحياة الزوجية - منتدى

كيان إمراه · 12-09-2007, 08:10

بنات جبتلكم فكره ماهي جديده مره...بس عشاني جربتها وعشت الواقع صايره بالمره حلوه..........

الفكره هي سياحه داخليه 100% على شاطئ البحر...حتى لو انت في الرياض........

اقولكم على الفكره:

فرغي غرفه عندك حتى لو تكون الصاله بس حبذا لو تكون سيراميك..لا يكون فيها أي اثاث شيله في أي حته.. احكي شو سويت:

جيبت مناظر للبحر غالبا تلاقين الاسمطه البلاستيكيه القويه ( اتوقع عرفتوها) المهم علقتها على الجدران بطريقه حلوه وركن من اركان الجدار لما علقت عليه المنظر البحري خليت فوقه النجوم الفسفوريه وهلال جمبها جبت تل سماوي وغطيت به بعض الاثاث الي ما حركة وما اثر على المكان........

بعدين جبت مسبح بلاستيك وسط ولونه سماوي مليه ماءو حطيت عليه نقاط من الزيوت العطريه ونثرت عليه اوراق بلستيكيه صغيره بعضها مسك في الارضيه وبعضها طفى على الماء... وجبت من ابو ريالين البلاستيكات المربعه الي كانها زرع اخضر وحطيت على جوانب المسبح وبعضها خليته ممر وهالممر حطيت عليه لمبات صغيره خضراء من ابو ريالين وعلى شكل ورد اخضر فضيييييييعه بعدين عن مسافه بعيده شوي عن المسبح حطيت بساط وعليه سله خوص كبيره وحطيت فيها القهوه والفناجيل والعده الباقيه ومعمول تمر ومويه كاسات ومناديل ...... وجبت تكيه والمسنده حقت البر وبجنب البساط بشوي فرشة سماط على شكل نص دائره وفي وسطه تراب رشيت التراب بشوي مويه عشان الريحه وعشان الشكل وحطيت فوقه منقد شوي صغير حاطه عليه قصدير وثلاث شمعات حمر دوائر حقات الفواحه .عشان يوحي لك انه نار وشوي وحطيت عليها الشوليه الحديد.....طبعا الستاره سكرتها وحطيت عليها الاشجار الطويله الخضراء....وفوق المسبح حطيت كشاف عشان الانوار مطفيه وعلى الممر الاخضر حطيت حجر من ابو ريالين ودخلت فيه كشاف والكشاف هذا يسطع على المنظر البحري وحطيت عصفور بلاستيكي على غصن شجره ويغرد كل شوي وبصدى عالي ( طبعا حرقت راسه) خليت الاضاءه خافته بس فيه اباجوره بلون سماوي اذا مل من الجو نبي اضاءه قويه شغلتها ....تل ازرق لبست على حاجز متحرك عندي وخليت عند مدخل الباب وكتبت على الحاجز: شاليه خمس نجوم فئه أ...
من يفتح الباب يلاقي الحاجز..........

طبعا حطيت عند المسبح كرسي بلاستيكي ابيض ضغير مره عليه منشفتين سماوي واصفر وعليه ملابس السباحه.. وعنده طاوله صغيره بيضاءعليها تل سماوي وعليها عصيرين برتقال طبيعي بمزاز وقطعة برتقاله على جنب.... طبعا جبت العشاء وهومشويات ....بعدين جبت مسجل وسجلت فيه امواج البحر وجه كامل..
عطى جو رهيييييييييب ...زوجي ذاك اليوم مرهق وعارفه ان ما يجي الا في الليل .لما دخل والله يقول ما صدقت عيوني خاصه المسبح شي خيال ......لا وكان معصب علي رفعت ظغطه كل شوي ادق عليه وين فيه في أي شارع ؟؟؟ طبعا اللبس تلبسين مثلا بنطلون سماوي وترفعينه لحد الركبه وصديري سماوي ابيض أي شي ونظاره زرقاء وقبعه كبيره زي الخوص سماويه............طبعا غير تبخير الغرفه وتعطيره وووووووووووو

طلعتي للبحر وانت في بيتك وخصوصيه ما بعدها خصوصيه اسبحي على كيفك ( يازين هااااااااااااااااااااااااه شو رايكن في الرحله البحريه بلى ماليزيا بلا غيرها رحله ماتنسى..

ملاحظه الاعداد لهذه الرحله قد يتطلب وقت اذا هو الي يوديك للسوق اذا مو هو عادي غير مكلفه ..

توتة الغنوجة · 12-09-2007, 08:36

وااااااااااااااااااااااو

بصراحة لي فترة و أنا أقراء بهذه الأفكار و كلها مكررة لكن فكرتك أول مرة أقراها و مرررررة روعة ما تخطر ع البال ...

يسلمووووووووو أناملك حياتي و انتظر افكار جديدة حلوووة مثل ذوقك

و الله يسعدك أنت و زوجك

أختك توووتة

حور~ · 12-09-2007, 08:47

وااااااااااااو

كيان إمراه · 13-09-2007, 02:00

مشكورين على مروركم يا
توته الغنوجه
وام خماس الحلوه

م-سيف · 13-09-2007, 02:41

وإلي وده يروح لسويسرا ....!

من وين يجيب جبال وثلج !

موفقة وافكار رائعة

حفيدة عبد العزيز · 13-09-2007, 02:44

والله يبيله شغل أحسن شئ نسافر هههههههههههههههههههههههههه

السفر أحلى ..

اتمنى لك اجمل واروع واحلى حياه زوجيه ..

كيان إمراه · 13-09-2007, 23:19

م-سيف
اللي يبي يروح لسويسرا ماله الا يروح لسويسر

هههههههههههههههههههههههههههه
حفيدة عبد العزيز
يعطيك العافيه على المرور

عسل بوظبي · 14-09-2007, 00:48

رائع

فكره جميله ومبتكره

تسلم اناملج عليها

والله يسعدج ويوفقج في حياتج

كل عام وانتي بخير

وفي انتظار جديدك دائماً .. .

كيان إمراه · 14-09-2007, 23:44

وانتي بخير مشرفنا الغاليه وشكرا على المرور

الفاطمية · 15-09-2007, 20:44

ما شاء الله عليش عيشتيني في الجو مره افكارش حلوه تسلمي حبيبتي.

عزالطلب · 16-09-2007, 04:25

الردود كله بنات

بس انا ابقول وووين نلقى رومنسيه مثلك

16-09-2007, 04:45

مشكوره ع الفكره الرائعه وكل عام وانتي بخير ودامت سعادتكم ,,,

كيان إمراه · 17-09-2007, 09:55

الفاطميه
مشكوره على المرور حبيبتي
عز الطلب
بتلقى كثير صدقني بس انت دور زين
زمن الصمت
تسلم اخوي و وانت بخير

فتفوتة سكر · 17-09-2007, 10:32

بصراحه فكره جنااااااااااااااااااااااان
الله يهنيك يارب

الدلوعة باربي · 17-09-2007, 13:10

ماشاء الله عليك على الأفكار الرومانسية

التغيير والتجديد في العلاقة الزوجية يأثر إيجابياً على كلا الزوجين ومهم أيضاً

يعطيك ألف عافية وجزاك الله خير أختي الكريمة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

رومانسيه على شاطئ البحر...........رائعه بالمره سهلة التطبيق