عالم الحياة الزوجية - منتدى

عروس الرياض · 19-09-2007, 11:11

ياناس....
أنا صرت أكره أروح لأهل زوجي والسبب والد زوجي (تعبت منه)..........
نظراته غريبة ومخيفة............يعني يطالع من فوق لتحت......
ويجلس يمدح في نفسة طول الوقت..........
وإذا رحت المطبخ أجيب شيء ألتفت ألقاه وراي..........
والصراحة تعبني هالشيء........
والمشكلة كيف أفهمه؟؟؟بينت بطريقتي أني متضايقة.........
مافية فايدة؟؟؟؟
حاولت لما أجيهم ما أتزين كثير........ونفس الشيء....
رغم أنه زوجتة عمرها 30 وحلوة.........الاأنه مصيبة كبيرة...
قلت لزوجي : قال عارف ويضحك يقول أبوي يحبك مثل بنته بس ترى عاجبة شكلك مرة.
والحين تمادى الرجال........أول مايشوف زوجي راح غرفة ثانية أو شي......
يجلس يقولي كلام ماله داعي مثل (ترى الرجال مايبغى بس كلام حب وغزل الرجال وأنا خالك يبغى لمسات وأحتضان وتدليع.........)
مثال أخرى

انتبهي لاتخلي بنتك تخرب عليكم الاجواء الخاصة ترى الرجال يبغى الراحة والهدوء عشان الجو يساعدة أنه يبسطك)....
وأول مايجي زوجي يسكت ويغير الموضوع على طول....
الصراحة خلاص تعبت ومليت والمشكلة مجبورة أشوفة أسبوعيا إذا مو مرتين بالاسبوع.......
وش أسوي؟؟؟؟

*bayadaltalg* · 19-09-2007, 12:30

غريب امره بس ياترى هل معاكي انتي بس يكون باهادي الطريقه ولا مع جميع زوجات عياله لان فيه بعض الشيبان ترى دايم يتكلمو باها الطريقه
فا ان كان معك انتي بس فامعناها مو طبيعي والحل انك ماتجلسي الاوزوجك جمبك يعني زوجك مو في نفس المكان لا تجلسي نبهييه وقولي لزوجك قبل لاتروحون لبيت اهله تقعد ويااي وماتفارقني وادا شفتيه قام روحي وياه وادا تبين تغيضين ابوه عشان يوقف من ها الحركات دلعي زوجك قدامه عشان يغتاض ويتركك
وخلو زياراتكم خفيفه يعني شوي وطلعو وادا كان عندهم عزيمه رجال ممكن تخلي زوجك يروح لحاله عشان ماتتعرضي للمشاكل والله يعينك يا اختي ارجو اني اكون افتدك

المغرووومة · 19-09-2007, 12:38

ههههههههههههههههههههههههههههههه
ههههههههههههههههههههه
استغفر الله

بيدي كتبت اسمك · 19-09-2007, 12:56

ههههههههاي

من وجهة نظري اختي الفاضلة افرضي احترامك له يعني اذ جيتي تكلمينه ناديه ياخالي سم طال عمرك ومن ها لكلام الزين المحترم وخلك واثقة من نفسك طلما ان زوجك يدري خلاص خلك مرتاحة ولاتوسوسين

تحياتي

ليل المشاعر

sendbad600 · 19-09-2007, 12:59

امرك غريب.. واتوقع لو تأخذين حذرك من ابو زوجك
هذي نصيحتي

عروس الرياض · 19-09-2007, 15:13

شكرا لا أرئكم كفيتوا ووفتوا .................... ومروركم شرف لي..............

عسل بوظبي · 19-09-2007, 15:13

خذي الحذر عزيزتي

وليس له حق بالتمادي في الكلام معك

فانتي زوجه لغيره ولا يملك الحق ولو كان اب زوجك

نصيحتي لك الحذر ثم الحذر .. واياكي والجلوس معه بانفراد .. وإن حصل وتركك زوجك بمفردك تعذري باي امر لتقومي .. .

فالتمادي ياعزيزتي يؤدي إلى امور انتي في غنى عنها .. .

بالتوفيق لج

asser_26 · 19-09-2007, 15:32

كوني جادة معاه ورسمية لأبعد درجة
وأي كلمة يقولها لها إيماء أو إيحاء غير سليم
ردي عليه بعنف أو قومي عنه خليه يحاكي روحه

عروس الرياض · 19-09-2007, 16:07

مشكورين جدا على هالاراء الحلوة بس المشكله الي فيه أنه مو سهل أبدا يعني عادي عنده يعطيك كلمة محرجة في الوقت الي لما تقوله شي يحقق معك.......اقتباس النص في الرد؟

يعني مرة جابت زوجته لي عصير .........شربت منه شوي.......فاجأني قالي:تراك ماشربتي العصير ولا خايفة اني حاطلك شي بالعصير هههههههههههه بصوت عالي .......
الصراحة هو يخوف يعني يرمي كلام وأنا مرة ماأرتاح له يعني هو يمزح بس بطريقة تقهرني مرة.........
وأنا مرة أكره النوعية هذي .......
أول يو م في رمضان رحت عند أهلي أفطر وزوجي راح لأهله أتصلت على أبوه أبارك بالشهر.......
قال: وينك ماجيتي قلت والله اليوم تعرف أول يوم وودي أفطر مع أهلي وأنشاء الله الايام كثيرة.....
قال وأنا الحين مستعد لك حطيت فطوري على الطاوله وخليته فطور رومانسي وحطيتك شموع وورود..وفرشتلك الارض سجاد احمر (طبعا يتهبل علي)....
طبعا

أنا يرتفع ظغطي مرة نكد علي الفطور .......قلت ياخالي أنا ما أحتاج عزيمة وحركات أنا بنتك ماله دعي تكلف على حالك
مع السلامة........
وهذي حالتي معة يعني حتى بالتليفون يتحرش...أف بس...

المغرووومة · 19-09-2007, 19:41

يسوي نفسه ملكع وخفيف دم انتي لاتصير نيتك عاد شينه مررره
وخليك شينه نفس معاه لاتردين سفهه و(احتقريه)

روز البحرين · 19-09-2007, 20:03

لا حول ولا قوة الا بالله العلي العظيم

وش فيه الرجال .. جن وقعد ؟؟

الله يعينج على ما بلاج يا عروس الرياض ..

طفشاانه · 19-09-2007, 21:13

متابعه

رهييب · 20-09-2007, 01:30

احتمال يكون ماهوب سئ النية لكن متعود على المزح الثقيل اللي يخليه متبلد الأحاسيس و لا يفرق ان هذا واحد من خوياه او زوجته او زوجة ولده.
على اي حال الحذر زين لكن في رأيي لا يكون حذر قوي لأن قد يكون الوضع مثل ماقلت لك ويكون الرجال نيته صافية و انتي تعيشين نفسك في هم و غم و تضيعين على نفسك وناسة الدنيا
وقد يكون سئ النية فالحذر جيد بشرط انك تتأكدين ان شكك في محله و انه حقيقة سيء النية.

وينك ياغلا الدنيا؟ · 20-09-2007, 02:24

لا حول ولا قوة إلا بالله

أسأل الله العلي القدير أن يهدي والد زوجك .. ويصلحه .. ويرزقك خيره ويبعد عنكي شره آمين

عزيزتي :: هذا الوضع غير طبيعي للأسف .. وليس لوالد زوجك الحق أن يفتح مواضيع لايفتحها معك إلا زوجك

وعليكي بالحذر عزيزتي .. وكوني معه إمرأة من الوزن الثقيل في رجاحة عقلها وسرعة بديهتها .. مثلا ً إذا

بدأ معك بالمزح بطريقة غير لائقه .. لاتعطيه ولانصف ابتسامه .. إنظري له بطريقة باااااردة جدا ً .. أو عامليه

وكأنه غير موجود .. حتى يعرف بأنكي لستي صيدا ً سهلا ً .. وبأنك إمرأة لاتبيع نفسها ولاحتى بالكلام مع

أي كان .. وإجعلي زوجك على درايه بما يحدث .. أو قولي لزوجك بأن يتظاهر وكأنه سيخرج من الغرفة

ويبقى خلف الباب .. حتى يسمع بأذنيه مايقوله والده .

وإعذريني على شدتي في الرد ولكن هذه الامور في الإسلام لاتهاون فيها .

تحياتي

الحياة من غيره ظلام · 20-09-2007, 03:26

امرك غريب..

واتوقع لو تأخذين حذرك من ابو زوجك
هذي نصيحتي
ولو تلمحين لزوجك يكون احسن تحكين مشكلتك مع خالك لزوجك على انها مشكله صايره
مع صديقتك وراح يفهمها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أف من والد زوجي طفشني..