مساء الخير ..


انا معك ان هالطريقة خطأ في الخطبة .. على الأقل المعلومات الأساسية لازم تكون متوفرة للطرفين ..

وزيادة فوقها الشوفة الشرعية ايضاً مهمة ..

بس المشكلة اللي أكبر من كذا خجلك .. ويبدو لي ان ورثتي هالصفة من والدتك ..

وين المشكلة لو سألت عن عمره ؟ الناس يسألون عن أشياء كثيرة ودقيقة .. ولا أحد يلومهم فيها ..

هذا زواج وارتباط ..

أول خطوة لازم تعززين ثقتك بنفسك .. وقفي امام المراية واعتدي بنفسك .. لا تحاولين تبرزين العيوب اللي

انتي ذكرتيها .. مع اني ما أشوفها عيب بالعكس عادي .. حتى أشوف هالأيام البنات طايحين بتسريحة

مجعدة ( ما أدري وش أسمها .. بس يبدو لي انها اسبانية ) بس شكلها جداً حلو ..


والخطوة الثانية .. لابد تتحررين من قيود الخجل الغير مبرر .. نعم الحياء زينة للبنت .. بس الخجل الزائد يعتبر

حاجز يمنعها من التواصل مع العالم المحيط فيها .. وفي النهاية انتي من راح يخسر بسبب خجلك .

لابد تسألين عنه .. وتعرفين عنه كل شئ .. لو عن طريق أقاربك اللي خطبوك له .


والله يوفقك ويسمح دربك ..