عالم الحياة الزوجية - منتدى

nooooor2006 · 27-09-2007, 14:16

السلام عليكم

مشكلتي مع خطيبي مدري هل هي مشكلة أم أنا سويت منها مشكلة

نحب بعض لدرجة الجنون ونعد الأيام اللي يوافقوا فيها أهلي عليه

بس ظهرت مشكلة هو كان قبل ممتلك بس صار طلاق لأسباب أنا اجهلها وهو تأثرت نفسيته وسافر لحد ما ارتاحت نفسيته ورجع وصار ما يفكر بزواج لمدة سنتين لحد أنا ما دخلت فحياته بصراحة أنا فالبداية ما كنت أميل له وكنت أعتبره مثل أخوي وأكلمه عادي حتى تفأجات فيوم أنه متعلق فيني ويحبني أنا حاولت أبعده بكل الطرق بس هو حلفلي أنه قصده خير واذا ابتعدت عنه بينهار مره عموما أنا كنت معه جافه لأخر درجة هو تعرف على أهلي وتقدم لي

أنا فعلا بعدها وثقت فيه وعرفت أنه شاريني وتعلقت فيه

هو يكتب خواطر فمنتدى أنا كنت مشاركه فيه تفأجات فيوم أنه كاتب خاطره عن الماضي والجرح والألم الذي أصابه بسبب حرمانه من الأمل والأحلام التي كان يعيش فيها

أنا تألمت كثير وحسيتني أني ولا شيء فحياته ولا حبه لي ولا حبي له قدر يخرجه من الماضي ونسيانه

رسلت له شو سبب كتابته هذه الخاطره الحين قالي كاتبنها قبل سنة وأثناء تصفحه في جهازه حصلها ونزلها والماضي خلاص ما يعني له شيء وأنا كل حياته أنا بعدها ما رديت عليه ولا هو سأل وحاول يخفف عني ولا حاول يزليل الأفكار من رأسي

قولوا لي شو أسوي أخاف أتسرع وأقول لأهلي ماأريده رغم أني موت أحبه بس مقدر أعيش مع واحد قلبه يملك وحده ولا قادر ينساها أنا وايد حساسه

أرجوكم أرشدوني شو أسوي

wael30 · 27-09-2007, 14:32

لا تحاسبينه علي الماضي
وحاولي تكوني العلاج للجرح
كوني الاحساس الجديد اللي يتولد ويعيش
ربنا يوفقك

nooooor2006 · 27-09-2007, 17:00

اقتباس:

المشاركة الأصلية كتبت بواسطة wael30

لا تحاسبينه علي الماضي
وحاولي تكوني العلاج للجرح
كوني الاحساس الجديد اللي يتولد ويعيش
ربنا يوفقك

أنا لاأحاسبه بس أريده يتركه ما أريد للماضي وجود

يعني أحاول أضغط على نفسي تعبت مشكلتي حساسه وايد وهو عارفه هذا الشيء بس مدري أحسه غامض أحيانا

روز البحرين · 27-09-2007, 17:08

اختي صدقه الواحد وم يكتب خواطر ساعات ينساها وتمر عليها شهور وسنين ... ويوم يلقاها يحب انه يشارك فيها حتى لو ما عادت تعني له شي

انا مره نزلت خاطره يمكن كاتبتها تقريبا من سنتين .... وعادي ما فيها شي ..

دامه شاريج وتقدم لج هذا دليل انه صادق معاج... عاد انتي لا تكبر ي الموضوع براسج ترى شك الحريم يودي بداهيه ولا تهدمين حياته وحياتج من مجرد شك

انتي حاضره والثانيه ماضيه ودامه طلقها يعني خلاص عافها الخاطر حتى لو هو انهار من اللي صار طبيعي الانسان يتأثر نفسيا لمثل هذي الامور

توكلي على الله

nooooor2006 · 27-09-2007, 17:44

اقتباس:

المشاركة الأصلية كتبت بواسطة روز البحرين

اختي صدقه الواحد وم يكتب خواطر ساعات ينساها وتمر عليها شهور وسنين ... ويوم يلقاها يحب انه يشارك فيها حتى لو ما عادت تعني له شي
انا مره نزلت خاطره يمكن كاتبتها تقريبا من سنتين .... وعادي ما فيها شي ..
دامه شاريج وتقدم لج هذا دليل انه صادق معاج... عاد انتي لا تكبر ي الموضوع براسج ترى شك الحريم يودي بداهيه ولا تهدمين حياته وحياتج من مجرد شك
انتي حاضره والثانيه ماضيه ودامه طلقها يعني خلاص عافها الخاطر حتى لو هو انهار من اللي صار طبيعي الانسان يتأثر نفسيا لمثل هذي الامور
توكلي على الله

كان يكتب قبل ماأعرفه كثير في الحزن وبعد ما صارت علاقتنا قال خلاص تغيرت حياتي وما برجع لها مره بس تفأجات لما شفت الخاطرة عشان كذا تأثرت وبدأ الشيطان يلعب برأسي

أحاول أبعد عن الشك بس شو اسوي بحساسيتي الزايده

مشكوره على المرور أختي

(المهاجر) · 28-09-2007, 19:24

وعليكم السلام.....

أختي الفاضلة تقليب الملفات القديمة ما منها إلا الصداع....

وخذيها قاعدة...الأديب يكتب أحيانا خواطر حزينة من وحي السعادة....

لأن نظرتهم للأمور مختلفة عن الآخرين....

لا تلتفتي للصغائر....

وهمتك على سعادة بيتك....

بالتوفيق ،،،،،

Ana Hena · 28-09-2007, 19:54

إنتي تحبيه !
وهو يحبك!

هو إختارك مافرضتي نفسك عليه !

إذن إنسي \ تناسي اللي حصل ..
مهما كان هذي فتره مرّت في حياته .. والزمن كفيل بأنه يمسحها
صدقيني لما تعيشي معاه في بيت واحد راح تنسيه كل شي مرّ عليه في حياته ..

اعرف انه الوضع مؤلم ..
وانك حسيتي فجأه انك غريبه وانك ماحققتي شي معه ..
لكن صدقيني كل انسان تجيه حالات ويفكر بماضيه مو انه يتمناه يرجع ولكن يتحسر على نفسه وايامه ..!
وهو وضّح لك اللبس وقالك انه كتبها من سنه يعني قبل يعرفك وقبل تنتشليه من وضعه !

كلام وكتبه ونساه ..
كبري عقلك ..
ولاتخربي حياتك وحياته بالتدقيق ...
هو يحبك واختارك لاتخسريه ..
انتي أمله وانتي مستقبله وانتي فرحته وانتي اللي نسيتيه اللي صار له ورجعتي له الأمل بالدنيا ..

ارجعي واحكي معاه .. تناقشي معاه وبكل عقلانيه ..
واقبلي عذره .. وعلميه انك فرحانه انك انتي اللي رجعتي له ثقته ورديتي الروح فيه ..

الله يوفقك وياه .. : )

nooooor2006 · 29-09-2007, 21:45

اقتباس:

المشاركة الأصلية كتبت بواسطة (المهاجر)

وعليكم السلام.....
أختي الفاضلة تقليب الملفات القديمة ما منها إلا الصداع....
وخذيها قاعدة...الأديب يكتب أحيانا خواطر حزينة من وحي السعادة....
لأن نظرتهم للأمور مختلفة عن الآخرين....
لا تلتفتي للصغائر....
وهمتك على سعادة بيتك....
بالتوفيق ،،،،،

أسعدني مرورك سيدي

أخوي أنا عمري ما سعيت عشان أفتح الماضي بس اذا الطرف الأخر سعى يفتحها شو اسوي أحس بأحباط كبير

بحاول وعسى خير

nooooor2006 · 29-09-2007, 21:52

اقتباس:

المشاركة الأصلية كتبت بواسطة Ana Hena

إنتي تحبيه !
وهو يحبك!
هو إختارك مافرضتي نفسك عليه !
إذن إنسي \ تناسي اللي حصل ..
مهما كان هذي فتره مرّت في حياته .. والزمن كفيل بأنه يمسحها
صدقيني لما تعيشي معاه في بيت واحد راح تنسيه كل شي مرّ عليه في حياته ..
اعرف انه الوضع مؤلم ..
وانك حسيتي فجأه انك غريبه وانك ماحققتي شي معه ..
لكن صدقيني كل انسان تجيه حالات ويفكر بماضيه مو انه يتمناه يرجع ولكن يتحسر على نفسه وايامه ..!
وهو وضّح لك اللبس وقالك انه كتبها من سنه يعني قبل يعرفك وقبل تنتشليه من وضعه !
كلام وكتبه ونساه ..
كبري عقلك ..
ولاتخربي حياتك وحياته بالتدقيق ...
هو يحبك واختارك لاتخسريه ..
انتي أمله وانتي مستقبله وانتي فرحته وانتي اللي نسيتيه اللي صار له ورجعتي له الأمل بالدنيا ..
ارجعي واحكي معاه .. تناقشي معاه وبكل عقلانيه ..
واقبلي عذره .. وعلميه انك فرحانه انك انتي اللي رجعتي له ثقته ورديتي الروح فيه ..
الله يوفقك وياه .. : )

شكرا على الباقة الجميلة من النصائح القيمة

بحاول وربي يعدي هالمرحلة على خير مع أنها ثقيلة علي وايد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطيبي والحب والماضي والتفكير في البعد عنه ماذا أفعل ؟