حيا الله الناس المتأهلين (قلنا العزابية بره)

هذا برنامج حلو وحجمه صغير وإن شاء الله يعجبكم
هذا شرح بسيط ان شاء الله يفيد

اسم البرنامج
PMS *****

لتحميل النسخه العربية من البرنامج , أضغط هنا

الوصف:
يصلح للمعرسين بحيث يقوم بتحديد الدورة الشهرية ومعرفة وقت الأخصاب وموعد الولادة ويعلمك عن نفسيّة المرأه
ويقدر الرجال يكفش الحرمة إذا جت تنخبق وتهك على رجلها بالدورة

متوافق مع كل إصدرات الوندوز

الإصدار:
Shareware

حجم الملف:
1.38 MB

لتحميل الكراك أضغط هنا

طريقة استخدام الكراك :
كليك على About ثم Register ثم انسخ الرقم الي بداخل خانة Your code و حطه بالكيجين بخانة Machine Code وكليك Generate Key ثم انسخ Key الى خانة الKey بالبرنامج وكليك OK

تابعوا معاي


اول ما تثبتين البرنامج راح تطلع لك هالصورة :


وهي اهم شيء بالبرنامج لان من خلاله يستطيع التنبىء بموعد الدورة القادمة ...

ناخذها حبة حبة :

بالبداية احب انبهك ان الاعدادت الموجودة جميعها ما تغيريناها ( ما عدا رقم 3 & 4 ) الا بعد ما تستعملين البرنامج لفترة ... بحسب الي فهتمه ان هالاعدادت قياسية يعني ما تختلف من شخص لاخر الا بشكل طفيف

نخش بالشرح :

1 - ادخال الاعدادت يدويا ,,, بحسب الي فهمته ان اول مرة تستعملين فيها البرنامج لازم تدخل الاعدادت يدويا ( نختارها الحين )

2 - ادخال اوتوماتيكي ... و تستعملينها بعد ما ادخلتي البيانات في رقم 1 بحيث البرنامج بنفسه يستطيع اكمال باقي البيانات .. ( نخليها لبعدين )

3 - تاريخ انتهاء الدورة هذا الشهر ( دخلي تاريخ اخر موعد للدورة جتك هذا الشهر ) ,,

4 - ادخلي الوقت التقريبي لانتهاء الدورة ,, كل ما كنتي دقيقة كل ما كانت نتيجة البرنامج دقيقة ( ادخلي الوقت )

5 - هنا عدد الايام و الساعات بداية ظهور (( اعراض )) وليس الدورة نفسها , قبل انتهاء الدورة السابقة ...
ستضل هذه القيمة بدون تغيير الين تغيرينها بنفسك ..

6 - نفس رقم 5 لكن هنا تحطين وقت انتهاء عراض الدورة

7 - طول الدورة ( بالايام و الساعات ) ,, هالقيمة راح تتغير اوتوماتيكيا بعد ما تستعملين البرنامج لفترة ... ( ** عندي تعقيب هنا )

8 - استرجاع الاعدادت الافتراضية للبرنامج .... تقدرين تستعملينها اذا اردتي شخص غيرك ان يستعمل البرنامج ..
تحذير : اذا ضغطتي عليها جميع القيم و الاعدادت الي انتي دخليتها بالبرامج راح تنمسح .... للابد << هم كاتبين للابد

انتهينا من اول شهر ... اي بداية ادخال بيانات البرنامج

الحين نجي للقسم الثاني ..... الي هو رقم 2

مثل ما ذكرت بالملاحظة تحت ان من اليوم و رايح راح يكون 95 % من تعاملنا مع البرنامج عن طريق رقم 2 ..

بافتراض ان مر شهر على استخدامنا البرنامج اي حان موعد الدورة الجديدة ...

9 - تدخلين ( تاريخ ) حدوث الدورة ...

10 - تدخلين ( وقت ) حدوث الدورة ... هني اختاري اي من هالثلاث خيارات :
أ - صباحا
ب- العصر
ج - ليلا او بعد المغرب

11 - بعد ما تدخلين رقم 9 و رقم 10 تضغطين عليها ....

12 - هذي تستعملينها اذا مثلا اخطأتي في ادخال معلومات رقم 9 و 10 و حبيتي تمسحين اخر شيء دخليتيه .... يعني للتصحيح



ملاحظات :

** 7 - هالمرة حنا اخترنا رقم 1 و ادخلنا الاعدادت يدويا ,, في المرات القادمة ما راح نضطر الى اختيار 1 ولكن راح نختار رقم 2 ,,, وفي كل مرة تدخلين معلومة ,, رقم 7 راح تتغير بنائا عليها

الحين نضغط اوكي علشان البرنامج يشتغل
__________________________________________________ _____

خلصنا من الجزء المتعلق بالاعدادت ,, والان نأتي لمعرفة البيانات الي قاعد يعطينا اياها البرنامج ...

- بعد ما ضغطنا اوكي البرنامج راح يشتغل و راح تشوفين ايقونة جديدة تحت ,,, ضغطي عليها مرتين علشان تفتح معانا هالصفحة :


هذي هي المعلومات الي تهمنا من البرنامج ............. 1 & 2 & 3 .. اما البقية فهي مجرد اضافة للبرنامج ..

1 - تبين مدى استعداك للحمل ... رقم 100 اكثر استعدادا ,, و رقم صفر اقل استعدادا

2 - هذه تبين لك ( المود ) اعتقد انها مزاجك بشكل عام .. فكما هو معروف عند وقت الدورة المرأة تصبح متقلبة المزاج ..
اذا السهم على اليسار تعني انك هادئة او مرتاحة بشكل اصح ... و كل ما تحرك السهم لليمين تعني زيادة الصعبية ...
طبعا الخانات الملونة توضح درجة مزاجك ... ( هذه ميزة يحتاجها الزوج )

3 - توضح لك الملاحظات الي انتي كاتبتها لهذا اليوم ( مثلا تنبيه بعيد ميلاد شخص عزيز او حضور عرس ...الخ ) .. بالاضافة الى توضيح عدد الايام المتبقية لحين موعد الدورة القادمة ...

4 - لاضافة ملاحظة .... ضغطي عليها و راح تفتح عندك نافذه جديدة كتبي فيها الي تبين و بعدن من فوق اختاري يوم الدورة الي راح تطلع لك ( اذا حان موعد الملاحظة راح تشوفينها عند قم 3 )

5 - اضافة تذكير لموعد او حدث ... اذا ضغطتي عليها راح تطلع لك هالصورة :

الي يهمنا هو الي انا محددة بالمربع :
1 - اذا حابة البرنامج ينبهك اذا ارتفع مزاجك عن Elevated يعني ( مرتفع )
2 - اذا حابة البرنامج ينبهك اذا ارتفع مزاجك عن Caution يعني ( الحذر )
3 - اذا حابة البرنامج ينبهك اذا ارتفع مزاجك عن Panic يعني ( الرعب ) جايبها من الترجمان لا تلوموني

6 - اذا ضغطنا عليها راح تفتح لنا اعدادت البرنامج ( الي فيها الاعدادت اول مرة )

7 - وهذا اهم شيء ... نحط علامة صح بالمربع علشان البرنامج يشتغل مع بداية التشغيل

8 - مثل ما وضحت لك بعد ما تستعملين البرنامج لفترة راح تقدرين تتوقعين موعد الدورات القادمة ... بهالخيار تقدرين تشوفين الملاحطات الي انتي كاتبتها و اعتقد ايضا بحالة مزاجك ( ماني متأكد منها ) ... الخ



أعذروني اذا الشرح مبهذل ( غير مرتب ) ... لكن الشرح ان شاء الله كامل ...

منقوووووووووووووووووووووول