هلا بك يابعد عمري هلا بك عـد مـا بالكـون
من انفاس الشجر والناس ورملٍ في صحارينا

أبرسم لك على صدري قصايد شعري المـوزون
وبشرح لك مدى الاحساس وشوقٍ صار يضنينا

الا يازين سما حبـك ملاهـا برقهـا ومـزون
لنا حبٍ علينـا يهـل كمـا الامطـار يروينـا

غرامي فيك فاق الوصف وماحبه ابـد مجنـون
لنا حبٍ كما الانهـار وحنـا الـورد يسقينـا

حياتي غير لاشفتك وقلبي لا عشـق مرهـون
وانا ملك العيون اللـي مـن العـذال تحمينـا

تعال اكثـر بعـد اكثـر لقلـبٍ هايـمٍ مفتـون
ليامنـا تقاربنـا دفــا الانـفـاس يدفيـنـا

غلاتك عندي ياعمري تساوي من البشر مليون
رجيت الخالق الوهـاب يقـرب دوم اسامينـا

انا مجنون في حبك وما غيرك بالبلـد مزيـون
دعيـت الله ياعمـري يحقـق دوم امانيـنـا

انا مابي احد غيرك ولا عينـي سحرهـا لـون
ولا حدن فز له قلبـي ولا قربـه لنـا مينـا

انا قلبي تحت امرك وانا روحي عليهـا تمـون
وانا لا قلت لك كلمـة تراهـا مـن مبادينـا

انا العاشق انا الولهان وشوقي بالحشا مكنـون
صويب العشق واللوعات وكود الحب يداوينـا

تحياتي للجميع