عالم الحياة الزوجية - منتدى

سكري القصيم · 06-10-2007, 05:44

أحب صغيرتي بشكل كبير .. وأدلعها لدرجة إن أٌمها تتضايق ..

مع انني أعرف حدود الدلع ولا اتوقع اني وصلت لحد إني ( راح أخربها ) مثل ما تقول أمها !!

من كثر حساسية الأم من تعاملي مع ابنتي تذكر أنها تغار منها .. طبعا تقولها مازحة ..

فهل هي فعلاً تمزح بهذه الكلمة .. أم أنها فعلاً تغار من إبنتها .. ؟!

سؤالي للبنات هنا .. هل تلمسن غيرة من الأم تجاه تعامل الأب معكم ؟!

وسؤالي للأٌمهات هل فعلاً تغار الأم من ابنتها ؟؟

أكيد موضوعي غريب .. لكن كل شي بالدنيا جائز ..

---

أم سلطـانـه · 06-10-2007, 07:29

لا ماأتوقع إنها تغار مهما كان هذي بنتكم أكيد تمزح معك وماتوصل للغيره ..!

عموماً لو كانت زوجتك حاسه بالنقص من ناحية الدلع إحتمااال تغار حتى لو من بنتها ، بس طبعاً مو الغيرة القاتلة لااا بس غيره إنها ودها تعاملها مثل ماتعامل بنتها ..

وإن شاءالله ماتكون مقصر معها بشيء أخوي ..

والله يخلي لك بنتك وتشوفها عروسه وتشوف عيال عيالها يــارب ..

ويخلي لك أمها ويسعدكم ويسخركم لبعض ..

موفـق أخوي..

تحيتي لنفسك ..

محتاجه فهم · 06-10-2007, 07:52

اخوي على حسب انا اعرف وحده بالعيله نفسيتها مش مضبوطه و جابت بنت بس مو بكرها البنت هذي بعد ولد و كان ابوها يحبها و يدلعها والام نفسها تشهد الى اليوم

و ربك اخوي الام ما تطيق بنتها هذي بالذات و تحاول تكره الاب فيها مع ان عمرها وصل 25 بس فرق المعامله بااااااااااااين من بين اخواتها للاسوء طبعا

ان شالله زوجتك ما تكون مثلها و اتوقع ان شالله انها غير بس حاول تزيد جرعه الاهتمام لزوجتك شوي

عسى عمرك طويل و اعذرني على الاطاله

غلاب · 06-10-2007, 08:36

متابع

ღღعاشقة البحرღღ · 06-10-2007, 16:14

الام ما تغار من بنتها...بس هي حابه انها توصلك لشئ....
يعني تطلب منك بطريقه غير مباشره...انك تدلعها ...وتهتم فيها اكثر...
زي اللي يهتم بطفل صغير...بس مش اكثر...
وانت حققلها اللي هي تبيه....وان شاء الله تتوفقون مع بعض....

عسل بوظبي · 06-10-2007, 21:32

اقتباس:

المشاركة الأصلية كتبت بواسطة **دلوعه**

الام ما تغار من بنتها...بس هي حابه انها توصلك لشئ....
يعني تطلب منك بطريقه غير مباشره...انك تدلعها ...وتهتم فيها اكثر...
زي اللي يهتم بطفل صغير...بس مش اكثر...
وانت حققلها اللي هي تبيه....وان شاء الله تتوفقون مع بعض....

راي سليم .. سبق واني سمعت الكثير من القصص التي تثبت وجود امهات تغار من بناتهن لاهتمام الآباء بهن !

كل شيء يحدث في هذا الزمان !!

لذا رايي من راي دلوعه .. قد تصبو من وراء تصرفها للفت نظرك لتقصيرك معها .. وانها في حاجه لبعضِ من هذا الحنان والدلال !

لذا قم بتحقيق الامر لها قبل تضخم الامر .. وتصبح البنت مكروهه لدى امها !!

اتمنالك التوفيق في حياتك .. .

ساااارونه · 06-10-2007, 23:39

من وجهة نظري ان الام ماتغار من بنتها بالعكس اي ام تحب اطفالها

ولكن الامر ان الحنان والدلع والمزح اصبح لابنتك فقط وزوجتك ركنتها على جنب وهذا من اكبر الاخطاء عند الأزواج وزوجات وياماتصير مشاكل بسبب الاهتمام الزائد بالابناء وترك احداهما للاخر واعرف وحدة ماتطبخ الا اللي يشتهيه ابنائها فقط والزوج كانه ضيف فقط ..

وازواج مايلبو الا طلبات ابنائهم والزوجة كأنها العبد الطائع لهم ..

بكرى أحلى · 07-10-2007, 01:18

الأخ الفاضل / سكري القصيم

جواباً على سؤالك : نعم
الأم قد تغار من ابنتها (شوي بس)

منطقياً الأم تسعدب أن تحظى ابنتها بشيء من الدلال من والدها ..

لكن الواقع عكس ذلك , إذن لماذا ؟

لابد من سبب

فكّر بالسبب , فلربما أن الأم تريد دلالاً من نوع خاص مثلما تحظى ابنتها

@بــ ودفاء ــرد@ · 07-10-2007, 01:24

كل شي جايز حتي لبس البلايز للعجايز .

سكري القصيم · 07-10-2007, 03:42

اقتباس:

المشاركة الأصلية كتبت بواسطة أم سلطـانـه

لا ماأتوقع إنها تغار مهما كان هذي بنتكم أكيد تمزح معك وماتوصل للغيره ..!
عموماً لو كانت زوجتك حاسه بالنقص من ناحية الدلع إحتمااال تغار حتى لو من بنتها ، بس طبعاً مو الغيرة القاتلة لااا بس غيره إنها ودها تعاملها مثل ماتعامل بنتها ..
وإن شاءالله ماتكون مقصر معها بشيء أخوي ..
والله يخلي لك بنتك وتشوفها عروسه وتشوف عيال عيالها يــارب ..
ويخلي لك أمها ويسعدكم ويسخركم لبعض ..
موفـق أخوي..
تحيتي لنفسك ..

شاكر لك أختي الكريمة أم سلطانة لطيف عباراتك .. وكريم دعواتك .. ولك بمثلها .. اللهم آمين ..

طبعا هي تقولها بتعابير المزاح .. لكن لا أستبعد ما قلتي من حيث انها ترغب بنفس الدلع ..

أما التقصير .. قد يكون لب المشكلة من قبل الطرفين .. لكن نسدد ونقارب ..

تحياتي وتقديري لك ..

---

اقتباس:

المشاركة الأصلية كتبت بواسطة محتاجه فهم

اخوي على حسب انا اعرف وحده بالعيله نفسيتها مش مضبوطه و جابت بنت بس مو بكرها البنت هذي بعد ولد و كان ابوها يحبها و يدلعها والام نفسها تشهد الى اليوم
و ربك اخوي الام ما تطيق بنتها هذي بالذات و تحاول تكره الاب فيها مع ان عمرها وصل 25 بس فرق المعامله بااااااااااااين من بين اخواتها للاسوء طبعا
ان شالله زوجتك ما تكون مثلها و اتوقع ان شالله انها غير بس حاول تزيد جرعه الاهتمام لزوجتك شوي
عسى عمرك طويل و اعذرني على الاطاله

أشكرك أختي الكريمة .. على هذه المداخلة .. وهذه التجربة الشخصية لمن تعرفينها ..

الصراحة انها حالة شديدة مرة .. وكان يفترض معالجتها ..

أن تصل العلاقة بين الأم وبنتها للكره .. !! صعبة والله .. الله يكون بعونها ..

ومشكورة على نصيحتك ودعوتك الطيبة ..

ابد مافي اطالة .. المحل محلك .. أقصد الموضوع موضوعك

---

نهايه بلا بدايه · 07-10-2007, 04:32

اقتباس:

الام ما تغار من بنتها...بس هي حابه انها توصلك لشئ....
يعني تطلب منك بطريقه غير مباشره...انك تدلعها ...وتهتم فيها اكثر...

>الشرس< · 07-10-2007, 04:33

سكري القصيم اعتقد انها تغار
لاني انا اغار من ابني اللي سرق كل اهتمام امه من يوم ما حل ضيف علينا

دمعه وفى · 07-10-2007, 05:47

ممكن فيه نساء تغار
على حسب وخاصه من الطفل الاول

هيفاء · 07-10-2007, 06:29

اكيد تغير بس مو غيره توصل للكره

ممكن اذا كان سن الام بالاربعين والبيت بالعشيرنات تبدا الام تشوف الفروق الي ببنتها وبينهاا

لما كانت بعمرهااا وخاصه اذا البيت كانت جميله

وشكرا

المغرووومة · 07-10-2007, 06:36

اويلاااااااااااه تغار اموووه
مابوه ام تغار تسذا وه بس
ليت من جاب قشطه مع السكري

عالم الحياة الزوجية - منتدى

حل المشاكل الاجتماعية