عالم الحياة الزوجية - منتدى

روووح الغالي · 13-10-2007, 06:25

نتزاعل ان وزوجي عشان سله حلويات

بصراحه ان ودي اعرف انا مخطيه ولازوجي المخطي

اليوم كنت رايحه لخوالي وكنا متاخرين حوالي ساعتين يعني بعد صلاة العشاء بساعتين

وللمعلوميه ان زوجي رايح يحطني عند خوالي وبعدين يروح لخواله هو

قلت لزوجي اشترلي سله حلاوا

قال لا
جلست احاول فيه ومره رافض قلت ليش قال متاخرين

المهم زعلت عليه وبديت ماتكلم معه وحنا رابحين بالسياره وهو بعد مايتكلم

وبالنهايه قالي اذا بتزعلين عشان حلوا ازعلي

المهم انا المخطيه ولا زوجي

جاوبوني بكل صراحه

متميزهـ بدلعي · 13-10-2007, 06:36

يالله عليكي !!!!

بالله تسوي زعله وفي العيد عشان حلاوه

عسى عمره ماحد اكل حلوى يختي مارح يموتوا

فكي عنك هالتفكير وروحي تعذري من زوجك بسرعه

وعيدوا زي الحلوين

الله يستر عليكم ويوفقكم

اتمنى ماتزعلي من ردي لكن مالها داااااعي الزعله

تقبلي مروري

خطنطيره · 13-10-2007, 06:39

مرحبا:

لو قلت لك انتي المخطيه تروحي تعتذري من زوجك !!

ماني فاهمه وش اللي تبينه بالزبط

عموما

مشكلتك ذي ولاشي قدام المشاكل العاطفيه بس مبين عليكي تشرهي كثير على زوجك مو اول مره تزعلي عليه

ونصيحتي لك خلي الزعل لاشياء اكبـــــــــر!!

يعني بسالفتك ذي ماقدر احدد مين الغلطان انتي ولا هو لاني ماسمعت منه <<<عاد لو فيها يسمع منك كان اللغت المشكله كلها كأن شي لم يكن

فالمشكله كانت عناد في عناد

فشيلي عنك الحساسيه بكره يجي ويتعذر منك

روووح الغالي · 13-10-2007, 06:53

نسيت اقول انه بعد قال مانيب مشتري لان مامعي فلوس وللمعلوميه راتبه5500

وكل وحده من حريم خوالي تجيب معها عيديه

وانا مابي اكون اقل منهم وكلها سله شوكولاته,,,,,بس مااادري وش فيه

اعطوني رايكم؟؟؟؟؟؟؟؟؟؟

ياقوووت · 13-10-2007, 07:10

الله يهديك اكيد انت ماخليتي عنده ولا قرش كل الراتب خلصتيه
على تجهيزات العيد
اكيد راح يضايق ومايبغى يدفع اكثر
لا تزعلين عليه وبعدين 5500 مش كثير في هذي الايام

روووح الغالي · 13-10-2007, 07:13

والله ماشريت شي غالي يمكن كل اللي كلفته 700او800 ريال حق العيد

خطنطيره · 13-10-2007, 07:16

اقتباس:

المشاركة الأصلية كتبت بواسطة روووح الغالي

نسيت اقول انه بعد قال مانيب مشتري لان مامعي فلوس وللمعلوميه راتبه5500
وكل وحده من حريم خوالي تجيب معها عيديه
وانا مابي اكون اقل منهم وكلها سله شوكولاته,,,,,بس مااادري وش فيه
اعطوني رايكم؟؟؟؟؟؟؟؟؟؟

يمكن سالفة هديه الشكولاته ماهي خاشه مزاجه

او

يمكن يكون زعلان وحط الحره فيك

او

مايبيكي تمشي رايك عليه عناد الدعوه

او

مشحون من سوالفك معاه سواء منك او من اهله

تبين الزبده

أسأليه ليه سوى كيذا ويمكن تلقي حدا خياراتي صح

او

لاشي مما ذكرت

ربي يسعدك

lunar maria · 13-10-2007, 07:27

والله حرام حتي بيوم العيد نكد

لاتضايقي نفسك وتضايقي زوجك عشان سلة حلاو

واذا هالمره دخلتي بلا عيديه مو مشكله << ماصارت مصيبه

ومن رآيي لاتعتذري له بس خلاص خليك عادي ولا كآن شي صار

بعدين مهب حلوه الزعل على اشياء تافهه بعدين يبدا مايهتم لك اذا زعلتي

لاتزعلي الا لشي يستاهل فعلاً

بعدين الغلطة غلطتك كان ضربتي حسابك و اشتريتي حلاوة العيد قبل يومين ومهب على آخر لحظه

جايه تطلبين عزيزتي

الله يهديكم ويشرح صدرك وصدره

تحية ورد لقلبك

وكل سنه وانتي طيبه ~_*

م-سيف · 13-10-2007, 09:01

بعض النساء تفتقد الدبلماسية في الحياة الزوجية

لو انك طرحتي الموضوع بطريقة مناسبة للبى طلبك

ويجب ان تعذريه

متأخرين ساعتين من الموعد ... وأكيد التأخير منك لأجل التزين

وبعد ما يحطك بيروح لاخواله ... يعني مو ملحق العشا ....

طولي بالك على زوجك

تراه قره عينك

إبتسامه ... وضحكه .... وهمسة ... وضمه .... ترجع المياة لمجاريها

الله يوفقكم

لمسة ساخنة · 13-10-2007, 09:11

بسم الله الرحمن الرحيم

االابنه السائلة

اين المشكلة هنا

انا لا اجد مشكله على الاطلاق

هذه حادثة عابرة تحدث كثيرا

ماهذا
ما الذى ارا

تغضب الزوجة ويغضب الزوج على اشياء شبة عادية

سبحان الله

اين العقل

السالة

سوف ياتى اليوم وتصبحين ام

اكيد تعرفى مامعنى كلمة ام

وزوجك يعرف معنى الاب

سيدتى

خلاصة القول

هذه اشياء عادية جدا ولا داعى للغضب او الضجر من الزوج والعكس

الله يهديكما

اب لبنات

متزوج4 · 13-10-2007, 09:13

بصراحه وبدون زعل مااقدر اقول غير اهل العقول براحه الله يعطيكم العقل
علشان حلوي ويوم عيد

أصيل مشرف · 13-10-2007, 09:37

اختي الله يهداج 99 % من الازواج ما يحبون التاخير تلقينه يقول بداخله هم متاخرين وهم تبي تاخرني زياده ويظن انج انتي مو مقدره خواله لانكم متاخرين وفوق هالتاخير تطلبين تاخير زياده على سله شوكولاته وتلقينه معصب لانك اعتبرتي هذي السله اهم من خواله ومو مهم يتاخر عليهم اعتقد هذا السبب هونيها وتهون العيد فرحه ووناسه مو من اول يوم عصبيه وزعل الله يهداج تسامحي منه وطلعوا استانسوا وخلي الزعل عنج

أبوعبدالإله · 13-10-2007, 09:47

من راقب النــــــــــاس مــــــــات همّــــــــا ً..

أخيتي : طاعة الزوج مع الإكراه أعظم أجـــرا ً من الطاعة مع الرضى , ذهبتي لتؤدّي واجب صلة الرحــم والمعايده فكما قال صلى الله عليه وسلم (( من إلتمس رضا الله بسخط الناس رضي الله عليه وأرضى الناس عنه , ومن إلتمس رضا الناس بسخط اللــه سخط الله عليه وأسخط عليه النـــاس ))..

وقال صلى الله عليه وسلم (( ماكان الرفق في شيئ ٍ إلاّ زانـــــــه ومانزع من شيئ ٍ إلاشـــــانـــــه ))

إذا أعرض الزوج عن تلبية طلب زوجته فعليها بسؤالـــه باللين والرفق مع المودة , وإلاّ الرضا وقطع الجدل فإنه الأفضل لها ولدينها..
الحــــــــــــل :
قبّلي رأســــــــه وإعتذري منـــــــــه فهو جنّتك ونـــــــارك..

دمتم بحفظ الله وتوفيقه , وكل عــــــــام وأنتم بخيـــــر..

روووح الغالي · 13-10-2007, 09:58

شكرا لاهتمامك بموضوعي
الحين وضعنا طبيعي

انتو مافهمتوني

زوجي اذا طلبت حلا مره يجيب وعشر لا ومقادير الحلا مايجيبها

أبوعبدالإله · 13-10-2007, 10:16

اقتباس:

المشاركة الأصلية كتبت بواسطة روووح الغالي

شكرا لاهتمامك بموضوعي
الحين وضعنا طبيعي

انتو مافهمتوني

زوجي اذا طلبت حلا مره يجيب وعشر لا ومقادير الحلا مايجيبها

أخوك أبو عبدالإلـــه أحيانا يجيب وأحيانا يقول لأم عياله مافي داعي , والحلا مقاديره مكلفه نوعــا ً مــــا , والسكريات وأنا أخوك كثرتها تضرّ الجســــم وتغيّر من طبيعته , كذلك من واجبات الزوجــه على زوجها المحافظه على مـــالـــه من التبذير في غير الضروريــات , صدقيني ياأختــي , الرجل همّه الشاغل توفير الضروريات لأسرتـــه من مسكن وملبس وغير ذلك , فكوني خير عونٍ لــه على راحت بالـــه , والرجل بطبعه كريم , إذا فاض ماله جاد على أسرتــه..

أتمنى لكم التوفيق ياعفيفـــة..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)