عالم الحياة الزوجية - منتدى

حلوة السعودية · 14-10-2007, 10:30

من أول ما بلغت ما كنت أعرف ان في شغلات تضر البنت لما تكون عليها الدورة وتضرها بعد الزواج!
صار لي أكثر من عشر سنوات بالغة ودايما أضر نفسي وانا مادري!
دايما أتسبح بالبانيو وأطول بالمدة وأشرب مشروبات باردة وأمشي من غير نعال على السيراميك وكل شي ممكن يضر...
والحين يوم عرفت من البنات الي معاي بالدراسة حيل أحس بخوف لدرجة أفكر ما أتزوج!!!
لا تقولون الموضوع عادي ولا توسوسين لأن عن جد حيل أذيت نفسي وأنا أدرى بالي سويته!
أبي أعرف هل الي يتأثر حجم الفتحة ولا قوة العضلة؟ولا الأثنين؟وهل لما يقولون عن البنت انها واسعة يعني الفتحة كبيرة ولا العضلة ضعيفة؟ وشنو الفرق بين الأثنين من ناحية الأسباب؟
لا تقولون لما تتزوجين تعرفين لأني محبطة حيل حيل حيل

أرجو الرد بالتفصيل الممل وياليت من متزوجات يردون واذا متزوجين ما راح أمانع

شظايا الليل · 14-10-2007, 11:55

اقتباس:

المشاركة الأصلية كتبت بواسطة حلوة السعودية

صار لي أكثر من عشر سنوات بالغة ودايما أضر نفسي وانا مادري!
دايما أتسبح بالبانيو وأطول بالمدة وأشرب مشروبات باردة وأمشي من غير نعال على السيراميك وكل شي ممكن يضر...

شو سالفه ؟؟!! انا من يومي أمشي من غير نعال على السراميك و أتسبح بالبانيو !!!

خوفتيني ؟؟!!! ....> عرسي بعد كم شهر !!!

ممكن توضيح من الاعضاء ؟؟؟

وسيع الصدر · 14-10-2007, 17:05

!!!!!!

اول مرة اسمع هذا الكلام والتحذير

wael30 · 14-10-2007, 19:10

؟؟؟؟؟؟؟؟؟؟؟؟

(المهاجر) · 14-10-2007, 22:59

تحية ،،،

ممكن الإنسان يسمع ويقرأ كثير....

خليني أكون صريح ....

كيف أصلا يتأثر حجم الفتحة أو مرونة العضلات في فتاة

غير متزوجة بمجرد جلوس في البانيو أو...مشي على سيراميك...أو........

وهذه أشياء تتأثر بعد عشرات السنين

من الزواج...وعدد من مرات الحمل والولادة....

اطمئني ولا داعي للوساوس.....

بالتوفيق ،،،،

منيب هينة · 15-10-2007, 00:37

جزاك الله خير اخوي المهاجر

اختي لا توسوسين انت وشظايا توكلو على الله

][*الحياة حلوة*][ · 15-10-2007, 00:47

تدرين اختي ::
في شيء في ذا الحياة مو مخليها حلوة >> مع ان الحياة ان شاء الله حلوة !!! تدرين وش هو؟؟؟
(( البنت دايما مظلوووومه )) ليه اقول كذا؟؟؟
البنت اللي تغلط قبل زواجها ويكون لها علاقات بالهبل ولا خلت بحياتها شيء مو زين الا سوته
(( الحمد لله الذي عافانا مما ابتلاهم به وفضلنا على كثير من خلقه تفضيــــــلا )) ؟؟
>> هاذي تعيش بعدييييين سعيدة و لاأحد يقدر يمسك عليها شيء ولاتفكر اصلا تخاف من احد ولا حتى زوجها ومبسووطة بعد !!
>> وهاذيك المسكينه اللي تخاف ربها وعلى نفسها وعلى اهلها ويصير لها موقف (( بالغلط )) اما لو هي صغيرة أو حتى لو كبرت ,, أو(( خبله )) وطيبه وادنى ماجابها ووداها وانضحك عليها ؟؟
هاذي هي اللي تنظلم وتخاف وتهوجس بعد ,,, من لاشيء يمكن صار موقف او اكثر بس مايحوج اللي براسها .....
>>>>>>> حال الدنيـــــــا !!!!
طولت عليك يالغلا بس مااااااااااااافي شيء عندك يستاهل الحيرة كل شيء عاااااااااااااادي ان شاء الله
والحيـــــــــاة حلللللللللللللللللللوة .....

المشتاق لنساء · 15-10-2007, 00:56

حلوه السعودية
اهلا فيك
وكل هالاشياء بسيطه مرررره
ولا تنسي ان النساء مختلفات في كل شي
اقصد ان بعض النساء فروجهن صغار من خارج والبعض الاخر فروجهن كبار
وفيه اكثر من عشرون نوعا من الفروج
ولا يعني انك فيه مشكله ولا حاجه ابدا
الامر اكثر من عادي
ولا تخافي من اي شي
لك تحياتي

شوفك شفا · 15-10-2007, 02:21

الله يستر على ولايانا..

رموش نمله · 15-10-2007, 02:35

أنا أستغرب منكم لساتكم بنات ماتزوجتو تعرفون هلأمور

والله وأنا أتزوج ماكنت أعرف هالأمور

أحس الحياء زاح منكم يابنات الوحده منكم ماتفكر في زواج الا الجنس

عـــــــــاشق بجنون · 15-10-2007, 05:34

زماااااااااااااااااااااان

قبل ما نعرف الدنيا .........

كانت جدتي وجدتك وامهاتنا يمشوون حافين وفي الجبال وفي الوديان وما يتركون مكان

وهم حافين ويشيلون ويركبوون الحيوانات وانووع الرياضه الحره ..........

ومع كذا جابونا لا وما يجيبون الا بالدرازن من البزارين والصحه تمام يعني مافيه مشاكل ........

بس مشكلة بنات اليوم ذابحهم هالوسواس الي مسبب لهم مشاكل في حياتهم

اختي توكلي على الله وما عندك الا العافيه وكثرة الجلوس مع زميلاتك والكلام في الامور هذي

رااااااح تتعبك ............ اتمنى لك التوفيق

حلوة السعودية · 15-10-2007, 07:31

اقتباس:

المشاركة الأصلية كتبت بواسطة رموش نمله

أنا أستغرب منكم لساتكم بنات ماتزوجتو تعرفون هلأمور
والله وأنا أتزوج ماكنت أعرف هالأمور
أحس الحياء زاح منكم يابنات الوحده منكم ماتفكر في زواج الا الجنس

أتمنى تتقبلون رايي بصدر رحب وأتمنى من الأخت رموش نملة تقرا كلامي للآخر

البنت الي تعرف بالجنس مو معناته انها عديمة حيا ولو سمحتي اتهام البنت انها عديمة حيا يعتبر رمي محصنة

واذا كنت اسأل عن شي محيرني وبكل أدب شي مو عيب وما في مجلس تقريبا أقعد فيه الا ويجيبون طاري الجنس حتى الحريم الكبار يتكلمون بهذي الأمور جدام البنات

وبعدين الي علمني أمي!!!!
اييييييييييييييييييييييييييييييييييييييييه أمي .......................................

شافتني مرة لابسة قصير وأمشي حافية وآكل آيس كريم والجو شتا وعلي الدورة قالت لي ترا بعدين الشي هذا يضرك بعد الزواج (كان عمري حزتها 18) وقلت لها ترا مو فاهمة اي شي !
وفهمتني باختصار ايش الي يصير وبعدها خفت بس طمنتني ان هالشي ما راح يضرني لاني بنت!
وهذا الكلام صار له أكثر من 5 سنوات ! أتوقع اني كبيرة كفاية وأصلا بأي لحظة ممكن أتزوج لأني ببساطة بسن زواج!!!!!!!!!!!!!!!!!!!!!!!!!!!!!!!
واذا كنت أفكر بهالموضوع (الجنس) مو عيب طالما انا ما عصيت الله وما في بنت طبيعية ما تفكر بهذا الشي !
بس الفرق ان في بنات عفيفات وبنات غير عفيفات ويركظو ورا شهواتهم!!!
وما في حياء بالدين ........... أنا ما قلت اشرحو لي عن العلاقة الخاصة الي بين الزوج وزوجته! أو طلبت أشوف فيلم جنسي ! أنا ببساطة شديدة حسيت ان فيني مرض وحبيت أتأكد من صحة هالمخاوف ويكون في علمك أنا أفراح ماأحضر واذا حضرت ماأرقص لأني أستحي والله العظيم
وما اسمع أغاني لأنها حرام وما أشوف تلفزيون بس أحيانا قناة المجد!!!!!!!!!!!!!!!!!!!!!!!!!!!
وأزيدك من الشعر بيت
متشوقة للزواج بشكل ما تتصورينه
وهذا شي مو عيب ولا حرام بالعكس يمكن العفيفة تعاني من الفتن أكثر من غيرها لأنها تكبت!!!
ولا تنسين ان احنا بزمن الفتن
أصلا حتى الأولاد ما يحبو البنت الي حيل ساذجة وعندها هالأمور ممنوعة حتى بعد الزواج وهذا ما يمنع انها تكون مؤدبة وعفيفة وطاهره وبعدين ما في حيا بالدين شو الله يحلل وانتو تحرمو على كيفكم!!!!شباب الله يخليكم عطونا رايكم بكلامي
وبعدين اذا كنت حيل (تستحين) ليش داشة هالموقع وهالمواضيع بالذات؟! هذا الموقع يتعامل مع الجنس كثقافة مو شي ممنوع وعيب طالما ما في اثارة شهوات وفتن وطالما كان في حدود الأدب وسؤال وجواب بكل احترام!

واذا ما سألت قبل الزواج أسأل متى ؟ بعد ما يطيح الفاس بالراس؟!
أخيرا آسفه على الاطالة بس عن جد تنرفزت من اتهامي بعدم الحيا و
آسفة اذا زعلت أحد

حلوة السعودية · 15-10-2007, 07:57

اقتباس:

المشاركة الأصلية كتبت بواسطة (المهاجر)

تحية ،،،
ممكن الإنسان يسمع ويقرأ كثير....
خليني أكون صريح ....
كيف أصلا يتأثر حجم الفتحة أو مرونة العضلات في فتاة
غير متزوجة بمجرد جلوس في البانيو أو...مشي على سيراميك...أو........
وهذه أشياء تتأثر بعد عشرات السنين
من الزواج...وعدد من مرات الحمل والولادة....
اطمئني ولا داعي للوساوس.....
بالتوفيق ،،،،

أشكرك أخوي العزيز على ردك الراقي بصراحة ارتحت مو 100% بس حيل!!!!
اذا تسمح تجاوبني انت متزوج؟ يعني عندك خبرة عملية؟
وبعدين مثل ما قلت لك الأشياء هذي صار لها سنوات .... أكيد ما تضر؟
وخصوصا البانيو..... أقعد بالماي بالساعات حتى بالأيام الأولى بالدورة!!!
يعني أوافق عالعرسان؟؟؟
مابي أتزوج و زوجي يكرهني!
أرجوك حتى لو كان الرد قاسي أبي أعرف الحقيقة

ليش دايما أسمع المتزوجات يقولون ان هالأشياء تضر ويحذرون منها؟ متزوجات يعني عندهم خبرة وتجربة!
مع العلم ان كلهم مثقفات ومنفتحات ومعاهم شهادات!
انزين لما أشيل أشياء ثقيلة أو أدز كبت أو سرير بعد ما يضر؟؟؟؟؟؟؟؟؟؟؟؟؟؟؟؟؟؟؟
وجزاك الله خير

قالت احبك قلت صفي طابور · 15-10-2007, 08:00

( ماسمعنا بهذا من قبل ... ان هذا الا اختلاق)
لم اسمع في حياتي عن هذه الاشياء انها تضر بالجنس !!!! اذا مصرة اسألي اي دكتورة نسا بالتلفون حتى ...
الله يهدي سرك .... تقبلي حبي واحترامي.

بانتظاره..! · 15-10-2007, 08:11

أختي كلنا نمشي حافين ونسبح في البانيو ونلعب ونركض وغيره

مب بهالسهولة هالأمور .. التوسع وهالكلام مب بهالسهولة تستوي ..

ابعدي الوسواس عنج ... الله يوفقج

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماراح أتزوج الحين بس عندي سؤال ومحتارة..يعني شلون ما تساعدوني؟!