عالم الحياة الزوجية - منتدى

عشاق النصيحة · 15-10-2007, 04:08

مكالة الســـ4ــــاعــة فجراً أزعجتني وطيرت النوم من راسي صديق قديم توقع أي سهران هذه الأيام

راح اكتب ما جرى بيننا

الصديق/ السلام عليكم

عشاق النصيحة / وعليكم السلام والرحمة شلونك أخبارك

الصديق / الحمد الله (( حسيت في نبرة صوته شيئ من الألم )) عسى ما ازعجتك؟؟

عشاق النصيحة/ لا أبدا تعرف أيام عيد والواحد سهران

الصديق/ أبي اتكلم معاك بموضوع خاص ((( أنا قلت أكيد يبي سلف عشان يسافر ))

عشاق النصيحة / تفضل عساه خير

الصديق/ أنا متضايق من زوجتي

عشاق النصيحة/ أفا والسبب؟

الصديق / أسمع كلامي للأخير وأبي رايك

عشاق النصيحة / سم

الصديق/ قبل العيد بأيام قلت لزوجتي أحب أغير طريقة العيد هذي السنة راح أفطر أنا وأنتي بمطعم في فندق بدري مرة والعيال يكونو نايمين طلعنا الصباح وأفطرنا ورجعنا للبيت ولبست الأولاد ورحنا لبيت أهلها مسويين عنهم عيد رجعت أنا من عندهم قبل الظهر وهي رجعت بعد الظهر نمت وصحينا جميعا قبل صلاة العشاء كنا متفقين نطلع نمشي الاولاد وطلعان وكل الطلعة في حدود الساعتين والله بس عشيت الأولاد ورجعنا حتى لعب ما لعبو

ثاني يوم بعد صلاة العشاء انا رحت مع الصغار شريت لهم ألعاب وهم معاي وأمهم راحت عند أهلها قالت خصل وتعال معاهم عند أهلي واحنا راجعين للبيت قالت بكره عندي زيارة لبنت بنت عمي لأنها والده قلت طيب أنتي زرتيها بالمستشفى وعطيتيها هدية قالت كل أهلي رايحين هذي مشاوير ثاني يوم

ثالث العيد راحت للكوافير عشان تزور قريبتها من بعد صلاة العشاء ولا رجعت الا الساعة وحدة ونص بالليل
وأنا جالس بالبيت لحالي تخيلو أيام عيد طلعت للبقاله أجيب غرض وأشوف الرال معاهم حريمهم وأطفالهم وأنا هذا عيدي مع زوجتي وأطفالي والمشكلة كنا مرتبين نروح نشتري أغرض للبيت لوازم فطور قالت بكرى بعد ما رجعت بصراحة أنا قلبت وجهي فيها وكنت من جوا أغلي نار تقول شفيك أقول ما فيني شي طلعت برا الغرفة الى غرفة ثانية كلمتني بعدها بربع ساعة قالت أنا نايمة انتبه للأولاد
بالله عليك وش رايك فيها ؟؟

أنا ما قصرت معاها بأي شي والله أن كل شي موفره لها سواق سيارة شغالتين مع ان البيت صغير مره ليش هي تعاملني كذا خصوصا اننا في أيام عيد

عشاق النصيحة / شوف أنا بكرة العصر جايك ونتفاهم.

الآن ما أدري وش أرد على صديقي العزيز بجد محتار في أمره يا ليت أشوف مشاركاتكم يمكن أطلع بفائدة

" رحـــيل " · 15-10-2007, 04:39

المفروض الأخت تسمع كلام زوجها انا معا زوجي في مناسبات العيد كلها أول العيد في بيت اخوه

ثاني العيد معا عيال عمه في استراحه وثالث العيد معا خواته في بيت امه ورابع العيد عند اهلي

اهم شي رظى زوجي واقول خل صديقك يخلي عندها شغاله وحده بس بلا شغالتين وسواق وكلام فاظي شكلها إذا حست بالنعمه ما تشكر تنكر في نفس الوقت من حقها تزور اهلها وتحظر مناسباتهم وتشاركهم بس برظا زوجها وفي العيد الناس ينحاسون وينعفس جدولهم ويحسون بظغوط ويمكن لو اصر عليها ما تروح كان ما راحت

عروس الرياض · 15-10-2007, 06:50

أقول ياحظها بس ..............

زوج ينحط على الجرح يبرى........

عموما ............ أسمحلي صديقك ضعيف شخصيه....
ليه ساكت .... وين المطالبه بحقوقه.....
أقل شيء يكلمها ,,,, يفهمها,,,, يشرح لها ...مو كذا موقفه سلبي جدا....
وبعدين ليه يطنشها .... لما سألته وش فيك؟؟؟
هذي النوعيات إذا طنش أنبسطت وأتكلت زيادة...........
وشفها ماعبرته......

أنا ماني ضد أنها مرأه ومن حقها تزور قريباتها وعيد وحفلات وعزايم وووووووو
لكن إجازة زوجي ,,, وإجازة أبنائي إذا ماصرت معهم متى بكون معهم ؟؟؟؟

لازم يكلمها ... ويمنعها تروح.... وقريباتها مو طايرين....
بعد العيد تزورهم وخير ياطير أهلها بيروحون لقريبتهم..... لازم تروح...
يقولون مشغوله مع زوجها,,,,, حتى قريباتها بيغرون لو دروا أنها مع زوجها.... بيدرون أنها مبسوطه وسعيدة...

ألان صاير الزوج يسافر,,,, ينعزم,,, يروح إستراحات وزوجته بالبيت ساكته... لو هي من النوعيه هذي كان وش سوت....
تحياتي...

حلا باتشي · 15-10-2007, 07:12

معليش اخوي بس المراه تبحث عن رجل يطاااااااااالبها بحاجته لها
رجل ينزع منها الحب ليرجع يغدقه عليها بقوه اقوى من الساابق
سياسة المد والجزر ليست متوفره لصديقك
ارجوا منك ان تعلمها له
وبس

مشاعل123 · 15-10-2007, 07:25

موفر لها كل شيء ويبيها تسئل عنه خله يخليها مراه سنعه تجرب شغل البيت وتعب العيال يصير حمش لا يلين زمننا لصار الرجال لين طغت المراه.. بلا شغاله بلا سواق ماباقي الطباخ وكواي ومربية ابنا وهي بس حق الليل لا وموفر سواق حق الطلعه على كل ساعه ياخي روح قول لصديقك احرمها وتشوفها تحت رجولك تدلكها قال شغالتيين احنا مو حاصل لنا نصها ونهمز رجالنا ونسوي غداهم وعشاءهم وفطورهم ونرتب عيالهم ونروح بيت اهليهم وزي الخداميين ولو تنسين يوم ماتكوين ثوبه قال اتي هاملتني وسواها خنقه وانتي اللي تتاسفين على قولت امي راحت رجال العازه وجات رجال المطنزه والحاجه...
وسامحني لتهجت بكلامي...

المؤشر 2000 · 15-10-2007, 14:00

يرجال في الأول والأخير الغلط منه

مدلعها سواق وخدامتين وخرابيط

الله يعينه عليها

جنت على نفسها براقش

وبعض الدلع يخرب

@بــ ودفاء ــرد@ · 15-10-2007, 14:14

لا بس قله لا يرخي لها الحبل مره ولا يشده مره
هو عودها يلبي لها طلبتها ... ورغباتها بدون احساب
ايش المره اللى تطلع ......... من البيت العصر وماترجع الا وحده ونص بالليل اسمح لي صحابك هذا طيب مره ..... لزم يحط لها حد باي طريقه .... لكن بدون مايسبب مشكله ...
وبعدين ترجع وهو زعلان ......... ولا سالت فيه ....... لنه ماعودها على المحاسبه ...... او وضح لها ايش يبي ...... بصراحه .
اخي وشكل مرته ماتفهم كثير في الحياه الزوجيه .... شي لحظت من كلامك ان اهم شي عندها اهلها ..........
كل وقتها معهم ..... حتي ايام العيد لو تلاحظ ...... انا كله عند اهلها ..... اخي قله شي ثاني ..... لاياخليها كذا ويخذونها منه ........
هذا اللى اقدر عليه الان
ويمكن لى رجعه
اسمح لى صرحتي بس المشكله لزمها الصراحه حتي تنحل ...
خالص احترامي وتقديري .

رقة مشاعر · 15-10-2007, 14:31

يا اخوان السالفة مو عشان سواق وشغالتيتن

السالفة معاملة الزوج وشخصيته

وش دخل ان عندها شغالة بروحتها ببيت قريبتها ورجوعها الساعة وحدة ونص الليل

الزوج هو المفترض فارض شخصيته ولما قال لها انتي زرتيها بالمستشفى خلاص يتكي على كلمته

لأ يعني لأ

ويشرح لها بطريقة هادية وكلام حنون انه يستمتع معها ويبغاها قربه هنا الحرمة مستعدة تترك الدنيا كلها عشانه

لكنها حست انه مو جاد في منعه فسوت اللي براسها

يا اخوي انصح خويك يفرض شخصيته عليها حبتين ولا قال ايه ماقال لأ ولا قال لأ ما قال ايه

اما اللي يقولون يجردها من السواق والشغالتين مع احترامي كلامهم مش منطقي وحاسدين الحرمة

عندنا شغالات وما عمرنا طلعنا من البيت بدون شور رجالنا ....السالفة مافيها تعارض

الحب من صفاتي · 15-10-2007, 14:44

ولله في خلقه شئون

المؤشر 2000 · 15-10-2007, 15:24

اقتباس:

المشاركة الأصلية كتبت بواسطة رقة مشاعر

يا اخوان السالفة مو عشان سواق وشغالتيتن
السالفة معاملة الزوج وشخصيته
وش دخل ان عندها شغالة بروحتها ببيت قريبتها ورجوعها الساعة وحدة ونص الليل
الزوج هو المفترض فارض شخصيته ولما قال لها انتي زرتيها بالمستشفى خلاص يتكي على كلمته
لأ يعني لأ
ويشرح لها بطريقة هادية وكلام حنون انه يستمتع معها ويبغاها قربه هنا الحرمة مستعدة تترك الدنيا كلها عشانه
لكنها حست انه مو جاد في منعه فسوت اللي براسها
يا اخوي انصح خويك يفرض شخصيته عليها حبتين ولا قال ايه ماقال لأ ولا قال لأ ما قال ايه
اما اللي يقولون يجردها من السواق والشغالتين مع احترامي كلامهم مش منطقي وحاسدين الحرمة
عندنا شغالات وما عمرنا طلعنا من البيت بدون شور رجالنا ....السالفة مافيها تعارض

ورقة مشاعر

كلامك جميييييييييل الله يبارك فيك يالغلا

maryoom · 15-10-2007, 15:46

انزين صاحبك صراحة مكبر السالفة

يعذرها هالمرة والعيد الياي يطلع معاها وتعوضها وحاول أنه يكلمها بالموضوع

بس صاحبك صاير حساس شوي ترى السالفة واااااااايد عادية

عسل بوظبي · 15-10-2007, 16:13

اخي الكريم

المشكله الوحيده فقط فرض الكلمه

ان هناك شخص يشد يجب على الثاني ان يلين

ولكن الموضوع هنا هو سماحه لها بحرية التصرف من البدايه

ولم يحسب لهذه الحريه اية عواقب إلى ان جاء هذا اليوم

الذي يشتكي فيه انشغال زوجته !

يجب عليه التحدث لها واعلامها بطريقة لطيفه انه اجاز لها هذه المره عمل ماتريد وتغاضى ان امور كثيره

ليس لضعف فيه بل تحقيقاً لرغبتها حتى لا تحدث مشادات بينها

فليقف بحزم ويوضح انه من الآن يجب ان تجعل حياتها الخاصه أولاً ويتليها الامور الاخرى لا العكس .. .

موفق اخي الكريم

عشاق النصيحة · 15-10-2007, 17:51

بصراحة ينشد فيكم الظهر ما توقعت أشوف هالردود المقنعة ولا يهون باقي الأعضاء

فتاة ترج

فعلاً المفروض تسمع كلام زوجها هذا المفروض ولكن حصل اللي حصل

عروس الرياض

لا مو ضعيف شخصية اللي عرفتة منه اليوم انه في سنة من السنوات حمل عفشها عند أهلها وقال لين صرتي حرمة ردي

حلا باتشي

المسألة مو مسألة عواطف وأحاسيس المشكلة اللي بينهم عدم اهتمام

مشاعل123

ردك خطير تدرين ليه كأنك عايشة معاهم وشخصتي الحالة بالضبط

المؤشر 2000

صحيح أخوي الدلع الزائد يخرب

سكون القمر

كأنك عارفه المشكلة بالضبط كل شي أهلها

رقة مشاعر

لا ممكن الحرمة اللي عندها كل شي وكامل ومكمل تعاند بدون ما تعرف

عسل بوظبي

صحيح هو الغلطان من الأول

oraeen · 15-10-2007, 21:33

باين علية بقي عادي
الفتور
وطول العشرة
والاولاد
والاهل
والانشغال بكل ذلك جعل من العلاقة بين الرجل وزوجتة علاقة فاترة
باين علية بقي هو ده العادي
قول لصحبك هو امام احد امرين
ياما يكبر دماغه ويعمل زيها
يا ما يتزوج عليها زوجة اخري عن حب ولكن احذره بان تتحول الزوجة الجديدة مثل القديمة

رقة مشاعر · 16-10-2007, 13:38

اقتباس:

المشاركة الأصلية كتبت بواسطة المؤشر 2000

ورقة مشاعر
كلامك جميييييييييل الله يبارك فيك يالغلا

ويبارك فيك خيوو

اشكرك...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مكالمة الســـ4ــــاعــة فجراً أزعجتني وطيرت النوم