عالم الحياة الزوجية - منتدى

((العريس)) · 15-10-2007, 12:25

أنا توني مملك ولله الحمد والمنه

ولكن...

1) ماهي الأشياء التي تجعل الحب بيننا يزداد في فترة الملكه وقبل الزواج ؟؟

2) ماهي الأشياء التي يجب تجنبهاحتى لا تفسد ما بنيناه في فترة الملكه وقبل الزواج ؟؟

بارك الله في الجميع

الرجال ذاك · 15-10-2007, 13:56

أولاً ألف ألف مبروك ... وعسى ربي يجمع بينكم بالمحبة والود ...

ثانياً ما يتعلق زيادة الحب أنا أرى الآن هو الصدق وإيضاح حرصك عليها والوفا له بكل إخلاص ...

ثالثاً ما يتعلق في الأشياء التي يجب تجنبها الآن أنا أرى أن تتجنب الكذب ... والمجاملات ...

وسوف أوافيك بالمزيد لا حقاً ... وتقبل تحياتي ...

][*الحياة حلوة*][ · 15-10-2007, 14:23

ألف مبرووووووووك

1) ماهي الأشياء التي تجعل الحب بيننا يزداد في فترة الملكه وقبل الزواج ؟؟

برايي ,
الهدايا ,,, الاتصالات بس مو مره تكثر ,,, كلمات الحب والمدح والثناء (والاشتياق !) ,,, تخدمها في اكثر من موقف حتى لو ماطلبت
والاهم مافي القلب لو ماجا الحب من نفسه ماي شيء يجيبه !

2) ماهي الأشياء التي يجب تجنبهاحتى لا تفسد ما بنيناه في فترة الملكه وقبل الزواج ؟؟

كل ماكثر الاحتكاك بينكم كل ماطاحت الميانه وبالتالي الاخذ والعطاء والزعل بيجي لوحده !!

بس لاتنتقدها على شيء ,

والف مبروك وعقبالنا

رقة مشاعر · 15-10-2007, 14:43

ما ازيد على كلام الحياة حلوة الا نقطة وهي

فترة الملكة لا تطول

والله يوفقكم ويجمعكم على خير

wael30 · 15-10-2007, 15:17

مبروك عليك
كل اللي اقوله
خليك حنين
واتقرب من كل حاجه وافهم كلحاجه علشان بعدين تبقي عارف
ربنا يباركلك

$أجمل إحساس$ · 15-10-2007, 19:03

الف مبروك والله يسعدك...

واسئلتك جبتها عالجرح

وبجاوبك من قلبي

-اصغي لخطيبتك لما تتكلم....والاصغاء عادة مو موجود عند الرجال واسال بين وقت والثاني عن اي موضوع سبق وذكرته لانها بتحس انك مهتم لكلامها...

-لاتزورها ويدك فاضيه جيب ولو ورده ب3 ريال صدقني هالحركه تسعد البنات لان مافي احد يسويها لهم
ولانهم يحبو الشخص الكريم>>>>>>>>>خليها تفرح بك قدام كل الناس

-لاتستخدم اسلوب الاختبارات وتخترع قصه عشان تشوف وش رايها>>>>>>البنات مايحبون هذا الاسلوب

-الوسامه موشرط بس خليك دايم كشخه من راسك لاظافير ارجولك!! لان البنت تدقق على الشكل المرتب والنظيف ولانه للاسف في رجال دايم يهمهم بالدرجه الاولى شكل وجسم البنت وهما ما يفكروا في انفسهم...خليها تحس انك دايم جذااااااب..حتى بعد الزواج

-خليك واضح في كلامك وصادق وصريح ولاتكثر من المزح لان الرجال اللي يضحك كثير تهتز صورته في نظر الانثى...

-حسسها دايم انك قوي مع كل الناس ضعيف قدامها>>>>>>هالشي يخليها تحس باحساس ماتقدر تعيش من دونه..

الله يسعدك ويكتب لك التوفيق...

@بـــداية جـديـدة@ · 15-10-2007, 22:01

شوف دايما الانسان يكون انطباع اول عن الطرف الثاني في البداية ...فاحرص كل الحرص على او مكالمة
او حتى الثانية والثالثة على انك تكون ذا اسلوب راقي في الكلام ومثقف خل الرومانسية على جنب في البداية خل المكالمات الاولى تكون عبارة عن تعارف وفهم للنفسيات لكلا الطرفين ...
بعد كذا انت بتقدر تتدرج بالكلام الرومانسي والحلو ............قلت تتدرج حط تحتها 10 خطوط
لا تمتدح نفسك كثير ولا تتكلم بصيغة الانا ....عشان ماتحس بانك تمدح نفسك....
فيه حاجة بقولها دايما المراة تحب الرجل اللي عنده ازدواجة بين الحنان و الشخصية القويه
احرص على ان الاحترام انه يكون بينكم من اول مكالمة ....
ولا له داعي للمزح اللي فيه دفاشة او مصحوب بالدعاوي مثل يا غبيه اويا هبله ....ترا بعضهم عادي يقولها بعد ماتطيح الميانه .....انا ما ايدها ابدا
اما الامور اللي لابد تتجنبها فهي انك تقنعها بوجة نظرك في اي موضوع بالقوة ...خلها على راحتها ...لان كثير من المناقشات يعقبها مشاحنات واشتباكات
حاول تقرب وجهة نظرك من وجهة نظرها ....وتشوف وش ميولها في الاحاديث والسوالف وتمشي معها على نفس الميول
كثرة الكلام عن المشاعر اعتقد يولد نوع من البرود اذا كان دايما في كل مكالمة ....نوع في احادييثك معها
مرة خلها رومانسية
ومرة خلها فكاهية ومرة خلها دينية ومرة خلها اجتماعية ولا باس من وجود كلمة ولا كلمتين حلوات تتخلل المكالمة
واهم شي تكون عندك رغبة في توليد علاقة مع هالانسانه عشان تتكون بكل سهولة ...يعني خلها هي اللي في بالك فقط ...اذا فيه نزوات لابد تنساها عشان تقدر تصدق في هالعلاقة الجديده
وبالتوفيق ومبرووووووك

$أجمل إحساس$ · 15-10-2007, 22:45

اقتباس:

المشاركة الأصلية كتبت بواسطة @الغـــلا@

شوف دايما الانسان يكون انطباع اول عن الطرف الثاني في البداية ...فاحرص كل الحرص على او مكالمة
او حتى الثانية والثالثة على انك تكون ذا اسلوب راقي في الكلام ومثقف خل الرومانسية على جنب في البداية خل المكالمات الاولى تكون عبارة عن تعارف وفهم للنفسيات لكلا الطرفين ...
بعد كذا انت بتقدر تتدرج بالكلام الرومانسي والحلو ............قلت تتدرج حط تحتها 10 خطوط
لا تمتدح نفسك كثير ولا تتكلم بصيغة الانا ....عشان ماتحس بانك تمدح نفسك....فيه حاجة بقولها دايما المراة تحب الرجل اللي عنده ازدواجة بين الحنان و الشخصية القويه
احرص على ان الاحترام انه يكون بينكم من اول مكالمة ....
ولا له داعي للمزح اللي فيه دفاشة او مصحوب بالدعاوي مثل يا غبيه اويا هبله ....ترا بعضهم عادي يقولها بعد ماتطيح الميانه .....انا ما ايدها ابدا
اما الامور اللي لابد تتجنبها فهي انك تقنعها بوجة نظرك في اي موضوع بالقوة ...خلها على راحتها ...لان كثير من المناقشات يعقبها مشاحنات واشتباكات
حاول تقرب وجهة نظرك من وجهة نظرها ....وتشوف وش ميولها في الاحاديث والسوالف وتمشي معها على نفس الميول
كثرة الكلام عن المشاعر اعتقد يولد نوع من البرود اذا كان دايما في كل مكالمة ....نوع في احادييثك معها
مرة خلها رومانسية
ومرة خلها فكاهية ومرة خلها دينية ومرة خلها اجتماعية ولا باس من وجود كلمة ولا كلمتين حلوات تتخلل المكالمة
واهم شي تكون عندك رغبة في توليد علاقة مع هالانسانه عشان تتكون بكل سهولة ...يعني خلها هي اللي في بالك فقط ...اذا فيه نزوات لابد تنساها عشان تقدر تصدق في هالعلاقة الجديده
وبالتوفيق ومبرووووووك

كلامك حلو ياااااااااااخطيييييييييره..

ذكرتيني بشي وحبيت اركز عليه
-الرومانسيه في البدايه ماهي اساس لانه البنت ماتحب الشخص اللي اول مايكلمها يحسسها انه بيموت عليها>>>>>>>>>>اصلا من وين يعرفها

الكلام في البداية يكون جدي اكثر للتعرف على الشخصيات ولامانع من الكلمتين الحلوه..

-انا كمان ما أييد المزح الكثير المصحوب بسب لانه دفش على قولتك..

-لا تمتدح نفسك كثير ولا تتكلم بصيغة الانا ....عشان ماتحس بانك تمدح نفسك....هذي احلى جملة قلتيها وغالبية البنات مايحبو هذا الشخص اللي يمدح روحه...>>>>>>>>تذكرت خطيبي كان في كل مكالمهكان يقول أنا ارضي امي وابويه .. وانا اخاف الله واصلي وانا اسوي كل شي في البيت وانا.. وانا...وطفشني

الله يسعدك ويخلي لك عروستك...

ان شاء الله انك استفدت

بانتظاره..! · 16-10-2007, 10:42

ما شاء الله الأخوان كفو ووفو

حتى اللي بغيت أقوله قالوه .. الله يوفقك أخوي

عاشقة الخواطر · 16-10-2007, 23:51

اهم شئ الصدق ولاتقعد تمدح نفسك كثير تراك تطيح من عينها ... واذا عندك موضوع حاول تطرحه عليها من باب كنك بتاخذ برايها حتى لو ماخذيته بس عشان تبين لها انك مهتم فيها وتبيها تكون شريكة حياااة فعلا وفي كل شئ ..

الله يوفقك ويسعدكم يارب

((العريس)) · 17-10-2007, 09:19

ملخص الردود كتالي ...

ماهي الأشياء التي تجعل الحب بيننا يزداد في فترة الملكه وقبل الزواج ؟؟

1) الصدق
2) حرصك عليها
3) الوفا لها بكل إخلاص
4) الهدايا
5) كلمات الحب والمدح والثناء
6) الاتصالات بس مو مره تكثر
7) تخدمها في اكثر من موقف حتى لو ماطلبت
8) خلك حنين معها وتقرب منها
9) اصغي لخطيبتك لما تتكلم
10) اسال بين وقت والثاني عن اي موضوع سبق وذكرته
11) لاتزورها ويدك فاضيه جيب ولو ورده ب3 ريال
12) خليك دايم كشخه من راسك لاظافير ارجولك
13) حسسها دايم انك قوي مع كل الناس ضعيف قدامها
14) اذا عندك موضوع حاول تطرحه عليها من باب كنك بتاخذ برايها

________________________________

ماهي الأشياء التي يجب تجنبهاحتى لا تفسد ما بنيناه في فترة الملكه وقبل الزواج ؟؟

1) تتجنب الكذب والمجاملات
2) لاتنتقدها على شيء صغير
3) لاتستخدم اسلوب الاختبارات وتخترع قصه عشان تشوف وش رايها
4) لاتكثر من المزح
5) لا تمتدح نفسك كثير
6) إقنعها بوجة نظرك في اي موضوع بالقوة
7)

ماشاء الله تبارك الله

مجهود طيب

ومشكورين

وإذا فيه زياده لا تبخلون علينا

مرهـ شكرنـ · 17-10-2007, 09:27

.. الموضوع ممتاااااااااااااااااااااز ..

.. والردود إبداااااااااااااااااع ..
.
.. والانصااات هنــــا شي مطلوب ..

... متابعه ...

.. العريس ..
.. مررررررررررره شكرررررررررررا على الموضوع

عـــــــــاشق بجنون · 17-10-2007, 10:44

.................................................. .

عـــــــــاشق بجنون · 17-10-2007, 10:50

.................................................

عـــــــــاشق بجنون · 17-10-2007, 10:50

خلك طبيعي

لا تمثل عليهااا

بكره تجيك وتعرف انك كنت بتمثل

وقت الضحك اضحك وقد الجد خلك جد

وما فيه احلى من الطبيعه ........................... صدق مجرب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)