عالم الحياة الزوجية - منتدى

" رحـــيل " · 17-10-2007, 07:26

**مراااحب صباحكم ومساكم عسل**

حبيت اذكر لكم وش اللي حصلي البارح ....
من يومين وانا اطلب زوجي نطلع نتمشى الثمامه بشرط يكون من العصر
مابي من الليل وافق زوجي امس انا نطلع ...صليت الظهر وسويت الغدا
والقهوه على اساس العصر نمشي مبكرين لاكن لمى جا العصر
لقيت نفسي مرهقه لأني ما شبعت نوم نايمه من الساعه 6صباح حتى الساعه12 الظهر
وابي انام بعد العصر

هونت من الطلعه اقنعني الرجال وووو
معا شويت إغراءات ان فيه ناس من اقاربنا بيطلعون معنا ...
اخيرا وافقت وصلنا منتزه (فانتزي لاند) المغرب

جلست مالعبت قلت لين يجون الشلله ونفلها جو البنات بعد العشا
قصينا دفترين تذاكر ورحنا منطلقين بنركب بساط الريح>>>>
طردونا رجال ألأمن وقالو البنات من العصر حتى العشا من بعد العشا
بس رجال طفشنااااا مررره

وكل ما رحنا لعبه نفس الحكايه يرفظون خلونا نلعب

وما فيه أمل المهم تصدقنا بدفتر على البزارين

ورحنا للمجمع الأسواق الموجوده في المنتزه وشرينا أغراض
وأكسسوار للجوال ....ومرينا الأكوابارك وكلن يقول إن شالله بحط مثل هذا

المسبح في فلتي وكلن يرسم أحلامه

ومن الجوع تخيلنا المسبح بيتزا وتناقشنا كثير في ألأكل وأخيرا
قررنا نأخر العشا بعد ما نطلع من المنتزه قصدنا نروح مطعم راقي خخخ
أخذنا تصبيره كبتشينو وفكرنا في باسكن روبز لاكن ما يغطي على
كون زون وتراجعنا ذبحنا البخل
المهم بشرونا ان فيه لعبه اللي هي السينما يقولون عادي بنات
لأنها مثل الغرفه يعني ساتره ما احد يشوفنا فيها ولا يسمع صياحنا
جينا طايرين وما سكين سرا كل البنات على هاللعبه لأنها الوحيده
ومشكلتها تهتز وتخظ الواحد

يعني الشناط من ألأفظل ما ندخلها
عطينا زوجي الشناط الذكي حطها على جهاز التشغيل واقف عندها امان
المهم دخلنا اللعبه وصارخو البني ما بعد بدت اللعبه خبركم نسوان
ما يحتاج اقولكم وش صار في السينما يوم بدا الشريط
أختكم في الله متمسكه وخايفه تطيح وفي نفس الوقت ازعجوني بالصراخ
يقال أستمتعنا ونزلنا وزع زوجي الشنط علينا وباقي انا قال خلاص قلت لا
وين !!!!!!! باقي شنيطتي

اهو تبسم يحسبني أمزح وانا تبسمت احسبه يمزح وطالت الأبتسامه المهم
قال والله ما هي معي ... والشيخ ما يكذب

انا ما نا قشته جلست امشي مسبهه مدري وين رايحه دق على
جوالي لقاه مقفل مسرع اخطفوها وقفلو الجوال في دقيقتين وشالوها من

قدام عيونه وهو كان يوزع الشنط علينا صدق حراميه يصرقون الكحل
من العين واجلس اراقب الحريم كل ما شفت شنطه سوداء فز قلبي ولا قربت
طلعت غير

المهم انا دايم اخلي الدزدانه في البيت إلا البارح
خذيتها آآآآآآ ه ه ه يا القهر
يسألني وش اللي فيها >>>>قلت جوالي n76 ما كمل شهر
و600 ريال والصراف وصورة ابوي وجدتي واخوي وزوجي
وصورة كرت العايله وحساب ماما وحلق ذهب لأختي
وأرواج ماركات العزبه كلها بلغنا ألأمن ولقينا ناس كثير مسروقيييين

طلعنا الله يسامح من خذا الشنطه ويهديه يا رب
واحنا طالعين لقينا مظاربه بين رجالين والمشكله الحريم تشربكو معا بعض صدق
تخلف اللهم لا شماته وش دخلكم يمكن عددهم عشر هذولا يقولون
امسكو ولدكم الثور وذوليك يقولون امسكو ولدكم الحمار ههههههههه

قالت كلي .........
يلعن ابوكم وابو ابوكم استغفر الله هذا كلام ونصهم كاشفين
والبراقع جاي الخطام على جنب اشكالهم تظحك ههههههههه
آآآآآسفه على لأطاله وعارفه ثلاثة ارباع الكلام ماله خص بالموظوع
بس اكرر انتبهو من الحراميه والسراقين في كل مكان
خلص الحبر سلالالالالام

النسر 99 · 17-10-2007, 08:00

اقتباس:

طلعنا الله يسامح من خذا الشنطه ويهديه يا رب

ما شاء الله تدعين له بالهدايه وتسامحينه نيتك طيبه

ان شاء الله ربي يعوضك

ومشكوره على الموضوع

ذهبيه · 17-10-2007, 08:26

والله قهر ,,,
إذا كانت الأرقام مهمة اللي في جوالك ,,,
اتصلي على شركة الأتصالات يعطونك الأرقام اللي سبق و دقيتي عليها من رقم جوالك
عندهم طريقة يجيبون لك الأقام
.
.
وحلو أنك دعيتيلهم بالهداية
بس شكلك ما انبسطي كثير بالرحلة
الله يسعدك

'Taghrid · 17-10-2007, 17:21

طريقة مسليه في طرح الموضوع
الف شكر لك على التنبيه من النشالين
الله يبعدهم عنك تاني مره ديروا بالكم اكثر
يعطيك العافيه

" رحـــيل " · 17-10-2007, 23:18

النسر ******* ذهبيه ******* تغريد

يا هلا فيكم نورتو .... وطبعي سموحه يالنصر رغم ان زوجي ما سامح

ويا ذهبيه أكيد ما انبسطت ومن قبل وانا ظايق صدري وامأعرف السبب

تغريد تسلمين يا عسل الله يبعدهم عنا وعنكم وخلاص مابروح فانتزي لاند مره ثانيه كرهتها

نديم الشوووق · 18-10-2007, 22:03

الله يعوضك خير عزيزتي00

وياكثر اللي يسرقون الكحل من العين000

ومن أمن العقوبه أساء الأدب

لكن اللي لفت نظري هالجزئيه من القصه:

اقتباس:

طردونا رجال ألأمن وقالو البنات من العصر حتى العشا من بعد العشا
بس رجال طفشنااااا مررره
وكل ما رحنا لعبه نفس الحكايه يرفظون خلونا نلعب

وما فيه أمل المهم تصدقنا بدفتر على البزارين

اللحين ما بقى الا الصرافات الأليه تكون للعائلات0000

وزعلتو علشان الوقت المخصص للعبكم أنتهى,,,

أجل وش تقولووون علينا اللي بس ماغير دوران في هالشوارع واذا كشخنا رحنا للبر!!

" رحـــيل " · 19-10-2007, 01:24

يا هلا فيك اخوي نديم الشوق سراحه قهر توني احس فيكم بس عندي لك حل

تزوج هههه وتصيد عصفورين بحجر عرس وناسه وين ما رحت الأماكن كلها مفتوحه لك

نسايم ورد · 19-10-2007, 03:54

الله يعوضك خير اختي

وين بيروح من رب العالمين

الله يكفينا شر الحراميه

" رحـــيل " · 19-10-2007, 04:09

جزاكي الله خير نسايم ورد على الكلام اللي احلى من العسل

جـــذاب · 19-10-2007, 05:22

فتاة ترج
مشاءالله عليك
مومتضايقه من الي صار لك
لكن الله يعوضك بأحسن من الي سرقوه منك يارب
حسبي الله ونعم الوكيل
بيني وبينك السرقات هاليومين كاثره الله يكفنيا الشر يارب
دمتي بحفظ الله

" رحـــيل " · 19-10-2007, 06:25

ثانكس جذاب بعدين وش تبيني اسوي يكفيني دعواتكم ربي يحفظكم

أبو بنية · 20-10-2007, 01:39

الله رجيت بزوجك رايحين جايين........لم أقرأ مقالك بس أوله

مووووج 2 · 20-10-2007, 02:08

هههههههه ضحكتيني يافتاة ترج واكثر شي ضحكني لما طالت الابتسامه

الله يعوضك خير عن المسروقات وان شاء الله اخر الاحزان

@..فراوله..@ · 20-10-2007, 08:05

امسكو ولدكم الثور وذوليك يقولون امسكو ولدكم الحمار ههههههههه
ههههههههههههههههههههههه
ياشيخه الله يرجك اكثر من رجتك الي انتي فيها
جد مهوووووووووووووووووووووووووووووووووووووووووووووووو وويه انتي هههههههههههههه

رقة مشاعر · 20-10-2007, 16:23

الله يعوضك خير يا قلبي

ومشكورة ع التنبيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تحــــــــــــــــــــــذير تحـــــــــــــــــــذير تحـــــــــــــذير مهم