عالم الحياة الزوجية - منتدى

ابوالبنات 2010 · 18-10-2007, 20:55

هذى اول مره زوجى يسافر عنى من يوم ماتزوجنا .. وجلست افكر الاسبوعين اللى طافوا وش اسوى .. والحين بقول لكم وش سويت معاه ..

طبعا مع بدايه الاسبوع بديت فى نفسى .. صرت احط خلطه تنعم الجسم مره رهيبه مرتين باليوم .. ورحت يوم الاثنين وصبغت شعرى خصل طلعت ماشاء الله جناااان .. ماقصيته لانه مايحب الشعر قصير .. ويوم الاثنين فى البيت حفيت رجولى وايدى .. وغيرت فى غرفه النوم ترتيبها .. رحت سعد الدين للحلويات وحجزت لنا شيز كيك يموت فيها وانا بعد .. ورحت السوق جبت لى بدله حلوه ناعمه ( قميص وبنطلون .. واخذت قميص نوم لونه خوخى .. واخذت مفرش حق السرير .. واخذت لى عطورات حق الفرش خالتى وصتنى عليهم صج انهم حق العجايز بس بصراحه جابوا مفعول رهيب خخخخ .. ونسيت اقول لكم اخذت بعد شموع صغار 20 حبه .. واخذت شنطه ليه ماادرى بس كان المحل مسوى تخفيضات قلت حق العيد مره وحده .. يوم الثلاثاء رحت تحنيت عند حنايه .. ووجهزت كل شى . ونمت بدرى علشان مااتعب حالى يوم الاربعاء .

يوم الاربعاء الصباح اتصلت عليه واكدت معاه متى بيجى وقال لى على الساعه 10 الصباح .. فطرت كويس .. ورحت اخذت دش عدل قلت لاخوى .. يوصلنى لبيتى .. بدرى .. ومانسيت قلت لامى الله يطول بعمرها تسوى لى ذيك القهوه اللى تعدل الراس ..اول ماوصلت البيت كلمت محل الحلويات علشان يتصلون عليه ويكلمونه علشان يجيب الحلى معاه وهو جاى .. طبعا غيرت غرفه النوم وحطيت المفرش الجديد .. و حطيت العطور اللى وصيتنى عليها و نثرت الشموع ع الارض .. و طفيت الانوار وحطيت موسيقى هادئه .. بعدها لبست البدله الجديده . و تمكيجك كانى رايحه عرس على انه مايحب المكياج الكثير واستشورت الشعر .. ونسيت اقول لكم قميص النوم حطيته على السرير واخذت له بجامه مره حلوه وهديه خلتيهم بعد على السرير ..

حطيت القهوه .. وشويه رطب .. ع طاوله وشغلت الدى فى دى على مسلسل اجنبى هو يحبه كنت مخليه اخوى يسجل له حلقاته ..

وتبخرت وبخرت البيت وطفيت الانوار وارسلت له مسج حلو وقلت له قبل ماتدخل البيت عطنى رنه ..

المهم ..

دخل البيت وهو مستغرب ليه الانوار مطفيه .. كنت كاتبه لوحه اول مايدخل انا فى المطبخ لاتزعجبنى ع طووووووووووول راح المطبخ .. واول مادخل كتبت له ورقه ثانيه انا بالحمام استاذن قبل ماتدخل ع طووووووول طار الحمام ودخل من غير مايدق ومالقانى لانى كنت كاتبه على المرايه .. اوعك تدخل غرفه النوم لانك راح تنقهر .. وطبعا اخونا فى الله اسمعه يقول لى انت وينك حرام عليك .. وانا اضحك .. الين قلت بس .. بعدها دخل غرفه النوم واسمعه يقول الله الله ... وش ذا الزين .. بس وينه المزيون وانا ميته من الضحك بعدها راح مجلس الحريم ماكنت موجوده .. والمجلس مالقانى قام جلس بالصاله .. ع الطاوله .. ويقول وينها هذى ياربى .. تعبت وانا ادور عليها قمت طلعت له من تحت الطاوله وقلت له انا هنا شبيك لبيك حوريتك بين ايدك وضحكت ضحكه اللى يحبها قام ضمنى يابنات ضمه خياليه بصراحه رحت فيها وقلت له وين الحلى قال لى فى المطبخ .. ياشاطره ..
منقول

ودي بس امي تعيي · 18-10-2007, 21:04

يا ســـــــــــــــــــــــــــــــــــــلام يا سلام .. يا بختـــه ماشاء الله عليه ..

لو .. انا مكانـــة كان كل يوووووم اسافــــر وارجـــع ...!!

اشكرك على النقـــل الرائع ..

تحيــه ..

صقره · 18-10-2007, 21:07

حلوووووووووووووووه يسلمووووووووو

ابوالبنات 2010 · 18-10-2007, 21:34

كل الشكر لكم

ضامى حنان · 18-10-2007, 21:42

ياساتر بشويش علينا ياخوك

شى جميل انه فيه زوجات يهتموا بتوفير بيئه منزليه مناسبه للزوج .

نقل جميل يعطيك العافيه

Hector Ferrer · 18-10-2007, 21:49

ياريت زوجاتنا يستقبلونا كذا....
موضوع رائع يعطيك العافية

.•:*:•.Lavender.•:*:•. · 18-10-2007, 21:51

ابوالبنات 2010 · 18-10-2007, 21:55

ياريت زوجاتنا يستقبلونا كذا....
ان شاء الله عام 300000

محب الحياه · 18-10-2007, 22:01

بدي عرفك على مرتي بركي بتتعلم منك شوي ههههههههههههههههههههههه

ابوالبنات 2010 · 24-10-2007, 11:25

طيب كل الشكر لكم

نونة الصغيرونة · 24-10-2007, 12:16

بصراحة صار عيده عيدين الله يديم السعادة يارب على كل زوجين

ويعطينا ربي ما عطاهم

تحياتي

أختك

كازوزا · 24-10-2007, 13:01

معقول في واحده بتعمل كده ده ولا في الاحلام

أنتظرك · 24-10-2007, 13:05

شكرا لك مجنون على النقل المفيد

والتجديد والتنويع له اثره الكبير على الحياة الزوجية

دامت افراحكم

ابوالبنات 2010 · 24-10-2007, 20:26

نتشرف اختي فيكم

جوري&& · 24-10-2007, 20:55

مجنون حريم ليش عام 300000 لا تعمم فيه زوجاات كذا ويمكن اكثر بس تدري فين المشكله فيكم انتم
يمكن ما تلاقي الوحده الشي المشجع حتى تسويها مره وثنين وثلاثه
تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعالوا شوفو وش سويت فى زوجى يوم العيد