عالم الحياة الزوجية - منتدى

*سعود البسام* · 19-10-2007, 11:51

.
.
.
.
.
.
.
.
.
.
.
.
.

.
.
.

قبل مابدأ ابي ماحد يخل من المشرفين ويقفل الموظوع ، انا اتعب واكسر مصيبعاتي واخر شي وبكل برود يقولك اقفل الموظوع.

انا هاليومين ادور ابي اتزوج\، انا من عائلة كبيرة وغنية ومعروفة بجودها هذا مو استعلاء بس اظهار نعمة الله سبحانه لا اقل ولا اكثر .

رحت انا والوالد عند صديق له من زمان وخطب بنته لي ، مع ان بنته موذاك الجمال بس ابوي قال احنا شارينهم ياولدي ، قلت والله يايبه لو تبي اخذ من موزمبيق اخذت اذا يرضيك.
الابو قام يتكلم عن بنيته وانها اصغر مني بسنتين وانها جامعية وانها الصغيرة ووو ،ثم التفت على ابوي وقال ولدك راعي سفر ، قال ايه بس شغل وانا اثق في ولدي حيل ، وادري انه ماقد ذاقه ، انا غصيت ، قام ونادى اخوانها ، كلهم يتبحلقون فيني ، قال ابوي انا بعطيكم اسبوعين خلو البنت تفكر وتشاور نفسها.

( بعد يومين) يجيني اتصال وانا برا السعودية يباركل بالزواج ومن مين من ملقوف حارتنا ، قمت اسب في نفسي ، وبلغت ابوي ، والله انها حزت في نفسه ، قال يسألون عنا وانا رفيقة من سنين ، قلت والله ماردك يبه ولا ازعلك ، اللي ماقدرك مهوب كفو نناسبه ، قال وشلون قلت مابيهم ، قال من عياله ، قلت خلاص انا عفتهم مابيهم.

الخلاصة: ياناس مو كل واحد تسالونه عن الخاطب او المخطوبه ، ترى الملاقيف واجد واذا كثر الكلام فسد الشي.

@بــ ودفاء ــرد@ · 19-10-2007, 12:01

مامعك حق اخوي .... تفنكش الزواجه بسبب انهم اسالوا عنك ...

اولا:- من حقهم السؤال على كل الاحوال سوا تعرفهم او ماتعرفهم .

ثانيا :- علاقة ابو البنت بابوك هو مايعرفك ........ انت شخصك على مافهمت من كلامك .

ثالثا:- اخوان البنت اللى اسالوا مو ابوهم ... ولا البنت نفسها ....

يعني ليش تعقدها ...... والله ميسرها من ابسط حقوقهم السؤال ... يعني لو رحت تتزوج من واحده ثانيه ... ماراح يسالون عنك ...

عموما اذا هذا يزعلك ان اللى تخطب منهم ............. يسالون عنك ........... اخطب من بنات عمك ... او خالك ...

وبعدين واثق الخطوه يمشي ملك ..... سوء سالوا عنك او ماسالوا عنك .. مو امر ذاك الاهميه .... صحيح يكون فيه شرهه لكن لاتخليها هذي الشرهه تعطل حياتك ....

ياخي والله مايصير اذا الامر ميسر تعقده ....

خالص احترامي وتقديري ......

مع اني شرهت عليك باين انك انسان فاهم ...........

وبالنهايه ارزاق مقسومه الله يكتب لك اللى فيه الخير من كل قلبي

مع السلامه . اخوك .

*سعود البسام* · 19-10-2007, 12:36

سكون القمر : كثير اشكرك
ياجماعة انا ماعندي اعتراض على السؤال انا بعد بانبش البنت نبش وبسأل عليها ، لكن فيه طرق كثير ، ارسل واحد لعمله ويسأل بدون طريق مباشر ، صل معهم بعض الفروض في المسجد ، اسأل عن زملائه ومين هم ، طلع برنت عنه من المباحث والجوازات وشف وين الدير اللي يروح لها ، مو تحرج عليه عند جيرانه واقربائه وتقول بسأل ، اخر ناس يعرفون عنك الاقرباء بحكم المجاملات اللي تصير.

رمال البحر · 19-10-2007, 13:02

أصلا أنت ماأقنعتك البنت والا السؤال دليل على أن أبوها وأخوانها رجاجيل وينشد بهم الظهر

صل استخاره وربي يدلك على الخيره

NOSTALGIA · 19-10-2007, 13:16

السؤال عنك ليس بالأمر المزعج....أحيانا يخفى عن العائلة بعض خصوصيات الفرد فكيف بالأصدقاء
أما سؤال الجيران فهذه عادة عند الكل ولا تغضب أحدا...لأن الجيران هم أقرب الناس بحكم الجيرة ...وغالبا عندهم أخبار الشخص كلها تقريبا حتى طريقة مشيته بالطريق فكيف بتصرفاته
احمد الله على حسن الجيرة والجار ...هناك من الجيران سامحهم الله ممن يقفون حجر عثرة سواء في زواج البنت او الولد لحاجة في نفس يعقوب سواء حسد أو سد طريق وغيره كثير....فالمجاملات ليست لدى الجميع كما ذكرت
فلا تبتئس لذلك ...الأمر جدُّ عادي جدا....وعلى المرء أن يضع مكانه دائما محل الشخص الآخر في كل خطوة ...عندها ستلتمس له الأعذار

الحنيـــــــــــــن

(المهاجر) · 19-10-2007, 14:20

وعليكم السلام....

أولا ...حياك الله في القسم.

أخي الفاضل الإشراف لا يقفل الموضوع إلا بمبررات قوية....والمسالة ليست مزاجية.

بالنسبة لموضوعك....يمكن انت زعلت أكثر من اتصال ( ملقوف الحارة)...

الموضوع عادي ....و(الملاقيف) كثيرين في الحارة ...في العمل...في الشلة..

هل معناها الواحد يترك حياته و يعتزل الناس ؟؟؟

تعامل معهم بالطريقة المعروفة...(وينك.... أخبارك قديمة....توّك تدري)....واقلب الموضوع عليه..

ومن حقهم يسألوا عنك...

راجع نفسك ....واستخير...

وبالتوفيق ،،،،

فاقعة الجمال · 20-10-2007, 00:44

عادي جدا انهم يسألون عنك تراهم هم بعد يبون بنتهم ويبون يتطمونون عليها

بس شكلك انت تكره هذا الي كلمك عشان كذا عفت الموضوع

بس ترى البنت مالها ذنب انك تهون عن خطبتها عشان هذا كلمك

يعني خلك واقعي شوي اكيد بسالون وهم موب عارفين الملاقيف من غيرهم

العتب على الي كلمك هذا موب على اهلها وا عليها

وبس

والله يوفقك

حاير بين امرين · 20-10-2007, 00:50

ما غلطوا في السؤال

انت اللي مكبر السالفه ..

يارب انصرني · 20-10-2007, 01:04

الله يهديك يالغلا

اكيد بتسال لا جاء واحد خطب اختك وودك تطمن عليهاا

لاتعقدهااا ومشيها لو فعلاَ انت من قرارت نفسك تبيها والسؤال عنك ماتوقع انه

عثره في طريق الزواج بينكم واكيد انت لازم هم بعد تسال عنهاا

يمكن هم اساؤ بطريقة السؤال

بس ماهو شيئ مقنع انك اتهوون عشان سالوو عنك

الله يوفقك لو لك خير ولها خير فيك

اما بالنسبه الجمالها الجمال مو كل شيئ ترى

اميرة البرق · 20-10-2007, 03:51

الموضوع بسيط خليهم يسئلو عنك حتى لو كان البكستانى الى بالبقاله
هم احرار لهم وجهة نظرهم واسلوبهم الخاص بالسؤال
ومو بس كذا حتى الاطفال الى بمخططكم
يا أخى عاااااااااااااااااااادى هذا من حقها
مو معقوله تعلمهم من يسئلون وكيف يسئلون
واذا الرجال الى مسميه الملقوف دق عليك وباركلك هذا دليل انه مدح فيك عندهم
يعنى ما ضرك
واذا انت مو مقتنع بمواصفات البنت او اهلها لا تجبر نفسك استخير ربك
اهم شى انك تكون مرتاح لها
وترى في عوائل مو بس تسئل ترسل اشخاص يستفزون العريس عشان يشوفون حلمه وعقله
هذى بنتهم اغلى ماعندهم
الله يوفقك ويختارلك الاحسن
تحياتى

عاشق حور العين · 20-10-2007, 09:10

السلام عليكم

أخي الكريم

لو جاء أحد أولاد هذا الرجل الذي هو صديق أباك وقام بخطبت أختك ، هل تعتقد أن أباك لن يسأل عنه أو حتى أنت ؟؟

أخي السؤال أ،ا أراه واجب في هذه الأيام لكل شخص يأتي لخطبت بنت من بنات الناس، والسؤال لا ينقص من قدرك أو من كرامتك بالعكس لأنهم عندما يسألون ويروا خيراً من كلام الناس ستزداد كبراً في عينهم وعين أبنتهم

أخي كل شخص له طريقته بالسؤال فهي ليس قاعده ثابته يجب على الكل تطبيقها ، منهم من يسأل شيخ المسجد ومنهم من يسأل الأقرباء والجيران ومنهم من يسأل الزملاء في العمل... الخ

أخي

لا تستعجل وتقرر لتندم على قرارك ، إذا كانت البنت صاحبة خلق ودين فأستخير وتوكل على الله

وأعلم أن أباها وأخوانها يريدون الخير لأبنتهم وهذا شيء محمود لأنهم لا يريدون أن يرموا أبنتهم أو يوافقوا على أي شخص حتى لو كان صديق والدهم

وفقك الله لكل خير

دلع حب · 21-10-2007, 21:24

يا اخي ليش زعلان هذا من حقهم وزي ماقالوا الاخوان اذا ما تبي حد يسال عنك خذ من قرايبك اما السؤال فهذا من حقهم....

مـاعاد بدري · 22-10-2007, 00:22

ماعندك سالفه
طبيعي بيسألون .. اذا انت بنظرك كامل وماتحب يتسأل عنك .. فهم مو دارين عن هالشي ولا عاشوا معك وعرفوا تفاصيلك
هم بعد عندهم بنت "غاليه عليهم" وماراح يفرطون فيها لأي واحد .. لمجرد انه : غني وعايلته معروفه ..
تسرعت اخوي .. وان كنت انا اعتبر هذا التصرف استعلاء وغرور .. يعني تراي فوق السؤال ومنزه..
وهم يوم سألوا مادروا منهو ملقوف الحاره ومنهو عاقل الحاره .. الناس تسال المعارف وبس مايدرون بدواخل كل شخص...
بعدين وش دخل عدم جمال البنت .. بموضوع السؤال. .ولا جت من الله ؟ خخ
تحياتي

مووووج 2 · 27-10-2007, 23:39

صراحه ضحكني ملقوف الحارة

من زمان عنهم ملاقيف الحارات

ياسعود واضح انك مو جاد في موضوع الزواج
وبعدين لازم يكون عندك ثقة في نفسك لو يسالون سواق جيرانكم انت مايهمك لانهم راح يسمعون عنك الكلام الطيب

والله يوفقك ويرزقك الزوجه اللي تسعدك

nalo · 28-10-2007, 01:01

وين المشكلة ؟
عادي جداً أهل البنت يسألون عنك بطريقتهم
ياعزيزي:
هذي بنتهم يهمهم يطمئنون علي مستقبلها مع من تتزوج
ماهي سلعة يبيعونها لك وخلاص
هذة حياة ومصير
وبعدين هذي بنت ناس مايهمهم الا يأخذ بنتهم رجل كفؤ يقدر يصونها ويسعدها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

والله العظيم قهروني ، وهونت؟؟؟؟