عالم الحياة الزوجية - منتدى

دبدوبة بس حبوبة · 03-11-2007, 21:34

السلام عليكم اخواتي هل من حقي ان اطلب طلبات معينة من خطيبي مثل فلوس او شراء اغراض...انا استحي كثير اني اقوله واعتبره استغلال مع انه بيسالني دايما عن الي احتاجه بس ما ادري ابغى رايكم اقوله ولا لا

لهيب الحرف · 03-11-2007, 22:14

انا أقول لاتطلـبين

بكرهـ بيعطيك مهر وأشـتري الي تبينه

أتوقع انها ماهي حلوهـ بحقك

ونا ادري انه ماهو رآفض وبيعطيك ... لكن مبدأين لاتطلبين

لاتزوجتي أطلبي من اللأف لليآء

...000...

دبدوبة بس حبوبة · 03-11-2007, 22:18

شكرا اختي لهيب الحرف على مداخلتك فعلا هذا رايي انا بعد بس هو يقول عادي انا حبيبك ومسؤول عنك ما ادري على العموم شكرا راي احترمه واقدره

المربية · 03-11-2007, 22:20

انا من رايي اذا انتي مخطوبه وما يجوز له ان يلمسج نفس الشي ..عيب انج تطلبين فلوس واغراض اتجي منه اجسن وافضل لان ما تدرين شنو افكر من داخله وخلي الامور تمشي طبيعي ولا تطلبين منه ولا شي بعد ما تدرين يحصل نصيب ولا لأ وانشالله ما يصير الا كل خير

القفعان · 03-11-2007, 22:23

إذا كانت هدايا فلا مانع

دبدوبة بس حبوبة · 04-11-2007, 00:01

شكرا اختي المربية عساي ما انحرم من طلتك ونصايحك..تسلم اخوي القفعان مشكور

*سحر الشرق* · 04-11-2007, 00:10

الدبدوبة مايبغى لها دكاااااااااااا

كيف تطلبي منه
مايصير لاااااااااااحقة

اخت القمر · 04-11-2007, 00:10

اذا كان خطيبج يعني عاقد القران عليج مجبور اول ما يعقد عليج يصرف عليج لو يعطيج بالشهر مبلغ انا اعرف الكل جي يسوي حتى لو ما طلبتي لازم هو يعطيج من عنده

اسيرة نفسها · 04-11-2007, 00:38

امم من وجهة نظري .. اطلبي بالحد المعقول لانه زوجك وعليه حق الصرف عليك وعلى احتياجتك ولكن لا تقومي بهذا التصرف باستمرار .. وهذا حقك

دبدوبة بس حبوبة · 04-11-2007, 00:44

شكرا اختي اخت القمر على مداخلتك هذا راي احترمه

نوارة بيتها · 06-11-2007, 11:30

اختى دبدوبه
اذا كنتو عاقدين قرانكم فهو مُلزم بك من الألف للياء اما اذل مخطوبة فلا يوجد ألزام تجاهك بس اذا هدايا ممكن تقبلينها وربنا يتمم لك على خير ويرزقك الزرية الصالحة

اختك نوارة

@ كوكو شانيل @ · 06-11-2007, 12:16

دامك بس مخطوبه احس مو حلوه بحقك

عزيز العريس · 07-11-2007, 18:44

اقتباس:

المشاركة الأصلية كتبت بواسطة نوارة بيتها

اختى دبدوبه
اذا كنتو عاقدين قرانكم فهو مُلزم بك من الألف للياء

أنا ماني مع هذا الرأي ابداًً .. كيف اصرف عليها وأنا وراي مهر أبدفعه لها ..

أحيان يتأخر الشاب عن الزواج بسبب التكاليف والمهر.. كيف يقعد يصرف عليها .. على كذا ماراح يكون فيه زواج

إلا بعد 10 سنين ..

لا وفوق هذا ممنوع أنه يختلي فيها أو تطلع معه أو حتى يلمسها !!!! ليش أصرف أجل ؟؟!!

ليش الحريم ماهمهم إلا جيب الرجال ؟!!!

Mr.G · 07-11-2007, 19:18

رائي وبصراحة انك ماتطلبي وتخليها تجي منو
واياكي والتلميحات فالرجال ما يحبوها

*pain* · 07-11-2007, 19:30

اذا مالكين اوكي يصرف عليج اظنه مكلف لانك زوجته بس لا تطلبينها منه انت ما احسها حلوة مع اني اظن اهو من نفسه اذا متقبل وعادي مثل ما قالك خلاص طلبي منه اللي تبين بس باسلوب حلو ومو كل شي تطلبينه منه يعني بالمعقول

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اطلب فلوس من خطيبي ولا لا