عالم الحياة الزوجية - منتدى

مروج الذهب · 09-11-2007, 15:25

السلام عليكم ورحمة الله وبركاته

شخباركم حوامل عساكم بخير

حبيت اقول ليكم اني ولدت ولله الحمد ولاده طبيعي والله انعم علي بنت قمر وسميناها آلاء وان شاء الله اول مااطلع من المستشفى راح اقول ليكم عن تجربتي

وابي اقول للحوامل اللي ينتظرون الفرج اقروا سورة مريم ترى فضلها كبير وتساعد وتيسر الولاده

اختكم
مروج الذهب

omrose · 09-11-2007, 17:48

الف الف مبروووووك اختي العزيزة مروج الذهب وانشاء تتربى بعزكم
اختك ام روز

أحبــ موووت ــك · 09-11-2007, 18:07

أللللللللللللللف ألففففففف مبرووووووك أختي ..
والحمدلله على سلامتك وسلامتك الحلوة آلاء تتربى بعزكم يااااارب والله يجعلها من مواليد السعادة الصالحين البارين بواليدهم يااااااااارب..

وبإنتظاااااااار قصتك مع الطلق والولادة ويااااااااااارب تكون قبل ولادتي عشان أستفيد خخخخ..

ميكي ماووس · 09-11-2007, 19:06

مبرووك حبيبتي والله يجعلها من بنات السلامة وعقبال الكل ان شاء الله

نسيم البحر 2007 · 09-11-2007, 20:11

الف مبرووووووووووووووووووووووووووووك ام ألاء وتتربى فى عزكم

a7laa_baskoota · 09-11-2007, 20:51

الف مبروك حبيبتي و الله يخليلكم اياها وتتربي في عزكم

cendrella · 10-11-2007, 04:27

السلام عليكم ورحمة الله وبركاته

الف مبروك والحمدلله على سلامتك و الحلوة آلاء.... تتربى بعزكم وعقبال الكل ان شاء الله

@بــ ودفاء ــرد@ · 10-11-2007, 04:30

الف مبروك تتربي بعزك يام الاء

وبعز ابو الاء ان شاء الله

والله يرقها الزوج الصالح والذريه الفالحه

وتشوفين ذريتها ان شاء الله .

yanas · 10-11-2007, 04:59

ألف مبروك والحمدلله على السلامة

الله يجعلها من عباده الصالحين

احب اطفالي · 10-11-2007, 06:12

كنتوا بالعايلة 2
واليوم بقدومها 3
عقبال اللي بعده يا رب
وتزيد العايله أحباب

الف الحمد لله على سلامتك وسلامة آلاء يارب

بابلية · 10-11-2007, 16:47

الحمدلله على سلامتك ويخليلك الاء

تحياتي · 10-11-2007, 18:42

الف مبروك والحمد لله على سلامتكي وتتربى بعزكم يارب
نتظر حكايه ولادتكي

babylolo · 10-11-2007, 18:48

الف مبروك حبيبتي و يباركلك بحبيبت قلبك الاء

مروج الذهب · 12-11-2007, 07:44

السلام عليكم ورحمة الله وبركاته

شخباركم خواتي جميعا

والله يبارك لكم ويخليكم لي تسلمون والله

مسامحه طولت عليكم بالرد

بس تدرون توي ولوالده والكتكوته الله يحفظها اشوي معذبتني ما ترضع كل ساعتين واعاني انا من الحليب في صدري

المهم بقول لكم قصة ولادتي

هذا يوم تاريخ 4/11/2007 كان اخر موعد لي لمتابعة الحمل ورحت للدكتوره وكشفت علي وتأكدت ان النونو بخير لله الحمد وعطتني موعد ثاني في الاسبوع القادم اللي اهو كان تاريخ 11/11/2007 يعني قبل موعد ولادتي بعشر ايام .....

الا اقول لها ياربي بعد موعد مليت ابي اولد خلاص تعبت وانا انتظر شوفت النونو ...!!!!!

الا تقول لي اهي دكتوره هنديه بس وايد ممتازه وخبيره تقول لي ما يبي يجي الموعد الجاي يمشي وايد يسوي وايد ...

انا استغربت يمشي وايد فهمتها بس يسوي وايد ما فهمتها ...!!..

الا اقول لها شنو يسوي وجهي كله علامات الدهشه والاستغراب

جان ترد علي وتقول لي "" جماع يعني يسوي جماع كل لليلة علشان هذا المنى فيه ماده يجيب طلق""

استحيت حدي وقلت ان شاء الله واخذت اغراضي وطلعت ومن بعدها رحت مجمع واشتريت كم غرض لكتكوته واشتريت اغراض بيت اهلي من الجمعيه يعني تمشيت على اصول المشي تقريبا ساعتين وانا امشي ورى بعض تالي رحنا تعشينا واذكر ان زوجي عشاني باستا علشان ممكن ما فيه مجال مره ثانيه قبل لا اولد اروح مطعم والله شيء يكون طلعنا وعوضنا عن الاربعين اليوم اللي بقعدها عند امي المهم وصلنا البيت الا واحس ان ظهري فيه الم ويا فخذي بس ماتوقعت انه مثل ما يقولون طلق كاذب دخلنا للنوم وكالعاده قبل لا انام اقول لزوجي لا تنام وتثقل توقع اي لحظه اصحيك للمستشفى واقول له الموال الليلي حبيبي يمكن اموت في الولاده اتمنى انك تسامحني من كل قلبك ولاتشيل علي اذا زعلتك لو شيء تدري الحمل وتغير الهرمونات والحين الشهر التاسع كله عصبيه يقول لي نامي بلا هرار اطفال واسكت يعني زعلانه

المهم قلت لكم جاني الم غريب في ظهري وفخذي قريب الحوض وظل معاي وكل يوم يتنقل من مكان لمكان الم لين يوم تاريخ 7/11/2007 من الفجر لما صحيت للحمام يعني الساعه تقريبا 3 ونص حسيت برطوبه وكان الطلق انتظم يعني يجيني تقريبا كل نص ساعه لمدة دقيقه او دقيقه ونص حتى جيت عند امي بس ماكنت متوقعه انه اهو الطلق الحقيقي ....

وكنت تعبانه مره بس ما كنت اظهر الم لامي لان كنت بروحي وياها واهي اعرفها ماتتحمل هالمواقف بسرعه بترتبك ولا كنا متفقين انا وزوجي الليل نروح نشتري ملابس لي حق النفاس ويا كم غرض للكتكوته

لما اتصلت له الساعه وحده تقريبا قلت له خلاص عندي طلق ونزل مني الماي تعال نروح المستشفى قال لي متأكده قلت له اي ومتأكده

وجا لي مسكين من الشغل حتى بدون استذان ورحنا انا واهو امي وكانت دكتورتي في اجازه بس باشروا فيني وخلوا علي جهاز قياس نبض الجنين وقياس حدة الطلق لين تجي الدكتوره لان اتصلوا لها لما جات على طول كشفت علي والا ان الرحم متوسع 3ونص سانتي الا تسوي اوووووووووووووه اوبن 3اور 4 سانتي ولاده ولاده واخذوني لغرفة الولاده وبدلوا اثيابي واول شيء عطوني مسهل للخروج وانتوا بكرامه وقعدت في الحمام تقريبا ربع ساعه لين تفرغت وانا طول الوقت من بدا الم لين رحت المستشفى كله ساكته ولا كاني فيني الم ولاده حتى زوجي قال لي مااعتقد تولدين اليوم لان ما يبان اني بولد وتالي اشتد الطلق علي عند الساعه 5 ومن الساعه 5 العصر بدا الم يزيد وبديت احس اني خلاص بموت من حدته وكانوا من يجني الطلق يخلون علي اوكسجين منكهه بالفانيلا فيه شوي تخذير علشان يقلل الم بالنسبة لي بس بدون ماافقد الوعي وعلى الساعه 7 تقريبا وصلت بنتي آلاء ولدت طبيعي بس خواتي اهم شيء انكم ماتربكون نفسكم ولا تخلون في بالكم ان الولاده تخوف اهي سهله اذا انتي فكرتيها سهله واهي صعبه اذا انتي فكرتيها صعبه والحمدلله زوجي ماخلاني بروحي الا لما جا وقت اني خلاص بولد خلته الدكتوره يطلع لان كان يبجي

من اللي سويته فيهم في الولاده اني لما كان كلش قريب بولد خلاص الطفل صار في المهبل اقول لهم اني ابي اروح الحمام ضحكوا علي ... واصريت اني اروح الحمام تالي اخذوني للحمام بس بعد الف تجهيز وتحضير علشان لا سمح الله لو طلع الطفل يكون بامان اياديهم كانت عندي تحت حتى حسيت اني بتبول عليهم

وشغله ثانيه انهم شغلوا لي موسيقى اول مادخلوني الغرفه حتى لما زاد الم قلت لهم طفوا حسيت ان الموسيقى زادت من حدت الطلق

ولما خلاص قريب الولاده كانت الدكتوره من يجي الطلق تقول لي بوش بوش يعني ادفعي ادفعي اقول لها مافيني طلق الا تقول لي ادفعي فيج طلق على الاقل طلعي لنا الراس واحنا بنكمل الباقي ولله الحمد طلعت الكتكوته وخلوها على صدري وشفتها ونسيت الم والولاده حتى لما قطعوا الحبل السري لها واخذوها نظفوها وجابوها لي كنت ابي ارضعها من وقتها بس مارضيت الدكتوره ......

وهذي قصتي بالكامل ترى مو سهله الولاده ولا صعبه بس اذا ماتعاونتي ويا الدكتوره بتصعب الولاده وبيظرون للولاده قيصري ولا من يجيكم الم تظلون تبجون لان البجي يرفع مستوى الاندريالين في الدم وتالي تتعسر الولاده

اختكم
مروج الذهب

layla80 · 12-11-2007, 11:04

الف الف حمدلله على السلامة
و تتربى بعزك و عز ابوها يا رب
جعلها الله من مواليد السعد و السلامة
و عقبال باقي الاخوات الحوامل

و عقبالنا احنا كمان بالحمل عن القريب العاجل

آمييييييييييييييييييييييين يا عليييييييييييييييييييييييم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الحمد لله .... وصلت آلاء