عالم الحياة الزوجية - منتدى

عروس الرياض · 04-12-2007, 17:32

أسمعي السالفه هذي بعدين جاوبي ....
كنت رايحة مع زوجي للمطار ,, أجيب شغالتي الجديدة ,, ووأقفة جنبي مرأه وزوجي وزوجها مع الرجال ...
وينادون الشرطه بأسم الكفيل ويجي ياخذ كل واحد شغالته ...
جاء زوجها ومعة الشغالة الجديدة وكانت مره جميلة طول وبياض وعيون ...
قال لزوجته : يالله .مشينا..
قالت: هذي الشغاله الجديدة ؟؟؟ وعيونها طايره
قال:أي
طاحت الأوراق الي بيدها وشنطتها وجاكيت بنتها ..جمعتهم..
كررت السؤال علية: هذي الشغاله الجديدة؟؟؟!!!
قال: أي وش فيك ..
طاحت أغراضها مرة ثانية ...
مرتبكه ,,, منفجعه ,,, وعيونها طايرة ...

-------------------

جارتي جتها شغاله جديدة : تخوف ... صارت بنتها الصغيرة تبكي ماتبيها ...
قررت تسفر الشغاله ....
وفيه زميلتي محتاجة شغاله ... قلت بقولها ..
علمتها أنها شينه تخوف ...
قالت/ أحسسسسسسسسسسسسسن
الرجال مايبغالهم إلا كذا...

-------------------------------------

وش رايكم ؟؟؟ هل تغارين من خادمتك لو صارت حلوة ؟؟
مهما كنتي جميله وجذابه ومهما كنتي واثقة من أدب زوجك بترفضين وجود شغاله جميله ؟؟؟
أرجوا المشاركه ؟؟؟

هذا جزا حبي !!! · 04-12-2007, 18:00

أكــــــــــــيــــــــد بغار حتى لو اني احلى منها
وحتى لو اني واثقه من زوجي
ولج منــي كـــل الــحــب

*فرحة القلوب * · 04-12-2007, 18:43

مو مسألة غيرة ولكن ليه تقربين الكبريت من البنزين ؟؟
وعموماً الفتنة لا تؤمن على حي من امراة عادية ..! فما بالك لو كانت أمراة جميلة ؟
أحمد أبن حنبل يقول والله لا ءآمن نفسي على امرأة عبدة سوداء ؟؟ وهذا شيخ الأسلام مو رجالنا الحين ..؟
شوفي كلامه ..؟
وطيب بسألك الشغالة ما هي آدمية وامرأة ..!

mlok · 04-12-2007, 19:08

عروس .. دائماً مواضيعك مثيرة ..
قبل فترة عزمت على استقدام خادمة .. وكان لي زميل متخصص في الاستقدام .. ولديه مكتب في الفلبين .. ومتزوج أيضاً من فلبينية ..
اتصلت عليه .. وقلت أريد خادمة .. قال تبي ( مزيونة ) قلت إيه .. ( وكنت امزح ) .. وكنت أنوي أن تكون ( متوسطة ) ..
بعد أيام .. كنت في البر أيام الخيام والوناسة .. اتصلوا علي المطار .. قالوا تعال استلم خادمتك ..
رحت للمطار .. ولمكتب الجوازات .. وأخذ الجواز .. ونادى بإسمها ..
طلعت ذيك المزيونة اللي تهبل .. ( جنز ) و ( مكياج ) و ( ضحكات ) بصراحة ما توقعتها ..
وسارت معي للسيارة .. وكل الحاضرين يطالعوا فينا .. ولسان حالهم يقول :
( هذا شاب ناويها ) ..
احضرتها للبيت .. ولم تتفاجأ زوجتي .. لأني مسوي لها مقدمات .. وأن صاحبي هو السبب .. فعلى طول ألبستها زوجتي ثوب يوسع سبعة أشخاص !! وحتى الآن موجودة عندي .. لكن زوجتي مسوية عليها ( حظر ) الله يستر عليها .. شافها والدي مرة فجأة .. ومسكني على انفراد .. خادمتك متزوجة .. قلت لا .. قال دبرها لي .. الرجال مايشبعون معه زوجتين .. أمي .. وأمي الأخرى ..
لكن اعتقد أن المرأة تعرف زوجها .. ومدى تمسكه واحترامه .. وإلا كيف تثق به وهو يسافر إلى الخارج ..
ومن وجهة نظري .. أن الخادمة يجب أن لا تكون ( جميلة ) فالشيطان حريص ..
والموضة الآن على الخادمات الأفريقيات .. لكن تبقى إمرأة .. ويبقى الممنوع مرغوب ..
شكراً لك .

أميرة العاشقين · 04-12-2007, 19:12

الحمدلله ماعندي شغاله ولا حتى انوي اني اجيبها

الرجال لو جبتيله عنزه بالبرقع انفتن فيها

هموم الغير · 04-12-2007, 19:26

مو مسألة غيرة

كفاية انها موجودة بصفة مستمرة في البيت وكفاية انها رايحة جاية

وكفية من هاقصص اللي نسمعها

ولاتنسين ان الشيطان موجود مامات

يعني اكيد زوجي مابي يشوف غيري

ولو ان يمدح مايكفي

الغريزة موجودة ..وغيرة المرأة موجودة..واكيد الزوجة تبي اهي الشخص الوحيد بعيونة

وشلون لو بتكون حلوة ..حتى لو انها خدامة

لزهر5 · 04-12-2007, 21:07

الحمد لله انا ما عندي شغالة ويا ويلي من زوجتي
لو كانت عندنا شغالة بالبيت هههههههههههههههه
... تقبلي مرور اخوك سامي حتى وان كان السؤال ليس موجه لصنف الرجال ...

عسل بوظبي · 04-12-2007, 21:23

مثل ماقال الاخوان والاخوات

ليس مسأله غيره ؟

ولكن الاحتراس واجب

لماذا ارغب بجلب خادمه جميله وهي لن تأتي إلا للعمل لا للترويج أو الدعايه لمستحضرات وامور اخرى ؟؟

اعتقد اختي فرحة القلوب وفت وكفت (ليه تقربين الكبريت من البنزين ؟؟)

شكراً لك وفي انتظار المزيد من مواضيعج الجميله .. .

عبق الرند · 04-12-2007, 21:24

والله ياعسل انا لازينة ولاشينة ارتاح لوجودها ولاآمن منهم على الرجال لأنهم معروفين يموتون بالسعوديين يبغون يخلفون شيوخ على قولتهم ههههههههههههههههههه
الله لايضطرني لهم والله يااني اكرههم كره مااحد يتصوره
اما غيرة لا
شكرا لك ياعسل على الموضوع الحلو بس ما قلتي لنا ايش قلت بنفسك لما شفتيها
لااااااااااااازم تقولين

][*الحياة حلوة*][ · 04-12-2007, 21:56

100%

غيره !!!!!!!!

يسلمو عروستنا على الطرح المميز

for ever11 · 04-12-2007, 22:14

من القصص اللي نسمعها عن الشغالات ...كل يوم والثاني...قررت اني انا اللي اختار الشغاله...بعد ما كان هو يختار ...وكل مره تكون وحده صغيره ودلوعه...
ولما اخترت انا .....اخترت وحده الباب ما يدخلها....والمره الثانيه وحده كبيره...
وعلى قولت اخوانا المصريين.......حرص ولا تخونش

تسلمين عزيزتي على الموضوع

الودق · 04-12-2007, 22:21

سلاااام
شكراً عزيزتي على الموضوع الراااااااائع
انا ما احب وجودها بالبيت كلياً
لكن مره جبتها لأني طالعه بنونو ..وبيتي دورين وسراميك واثاث وتحف ....وانتم عارفين تنظيف البيت ما ينتهي وام زوجي واخت زوجي عيشين معنا.. مره مسأوليه
والله ماجلست عندي الخدامه اكثر من سنه وسفرتها ..
والله ما لحظت شي ..بسما احب وجودهم بالبيت بسبب القصص اللي اسمع عنهم .... يرتاح الواحد جسديا ويتعب نفسيا .

" ابغى بديل الله يخليكم ساعدوني بالبديل "

اللي تدلني على البديل بدعيلها من كل قلبي
لكم مني ارق واعذب تحية
الودق

عنيده بس حبوبه · 04-12-2007, 22:58

اكيد راح اغار

الأمل الضائع · 04-12-2007, 23:36

امممممممممممممممممممممم

اعتقد مو غيره بس الشك راح يخرب بيني وبين زوجي ( لا تخافو مو متزوجة هههههههههه )
والحذر واااااااااااااجب

تحيااااااااتي

almaha82 · 05-12-2007, 00:04

مب سالفة غيره بس الاحتياط واجب بعدين شغالاتنا لو الوحده حلوة شوي بتشوفها تتعدل وتتجمل وكريم الصبح وكريم في الليل وسن بلوك يوم تطلع ترمي الزباله على شو ؟

انا الحمدلله ما عندي وان فكرت اييب بتكون بمواصفات خاصه انا اختارها والزوج ماله دخل ابدا في اختيارها حتى بيكون الكلام مع الخدامه بحدود وبوجودي

خدامات هالايام مشاكل وواجب اخذ الحذر

بعدين شوفيها الاثيوبيه والسيلانيه زينه هههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أرجوكي ,,,,,, أدخلي