عالم الحياة الزوجية - منتدى

الوسـام السعودي · 06-12-2007, 07:01

بصراحه كنت كاتب رد ، و قرأت جميع الردود و لكن انصدمت لما ارسلت الرد بأن الموضوع مغلق ..
أنا عندي نقاط لازم أقولها ..
أولا اـمنى التوفيق ل Dr.Single و بإذن الله يلاقي البنت المناسبه له و يكون مناسب لها ، لأن الزواج سعادة للطرفين و ليس تحكم احد الأطراف بالآخر ...
ثانيا .. فكرة انك بتشوفها و تراقبها و هي طالعه من العمل ، و الله صدمتني .. Yaaaah What is this !!!!
أخوي Dr.Single .. ترى هذا العمل مو زين و الله .. لما تراقب بنت الناس .. يجي واحد سيء يراقب خواتك او قريباتك و يمكن أكثر من المراقبة ... صدقني انصدمت لما سمعت هذي الكلمه .. تذكر ان الرجل لا يعمل هذا العمل ، لأنه ينزل نفسه لأسفل ، و من يهين نفسه تسهل عليه المهانه من الناس .. خليك بعيد عن هذا التصرف .. و الله هذا عمل يكره الله و يكره من السماء و اذا كرهك من في السماء يكرهك اهل الأرض و تلاقي المصايب في حياتك ..و انت اكيد تعرف مشاكل الحياة اكثر مني بحكم انك اكبر مني ...
بالنسبه للوزن .. فأنا مثلا طولي 177 سم قبل اربع سنوات لما كنت في ثالث ثانوي كان وزني 61 كجم ، و كنت اعرف اني نحيف .. و زودت وزني الى 75 كجم و بعيدن رجع لـ 71 كجم .. ترى الوزن يزيد و ينقص على حسب العناصر الغذائية و المجهود الحركي و الرياضه ..
لا تنظر للفتاة اللي تحب تتزوجها من وزنها و طولها و الأشياء الشكليه .. صحيح هذي مهمه لكن الأهم من هذا انك تعرف انك لما تتزوج راح تعيش مع زوجتك للأبد فكر في الأشياء اللي تناسبك مع زوجتك ، و تذكر ان الزوجه امانه في ذمة كل رجل ، و يسأله الله عنها يوم القيامه ، و كلنا نعرف ان المرأة تحتاج زوج يقدرها و يشعرها بأمان و ليس زوج يأمرها تخفض وزنها في خلال شهرين .. الحياة فيها قواعد و اشياء ثابته ، و أهمها لما تظلم تلاقي النكبات تجيك و الله من كل مكان ، و تزيد لما يكون ظلمك لأهلك ، و كل نسمع عن قصص الظلم بين الأزواج و نتائجها ..
Dr.Single الله يرزقك بالبنت اللي تكون حياتكم مع بعض سعيده لكم الإثنين ، و الله يكتب لك التوفيق في حياتك ، و اذا تبي نصيحتي اذا كان يهمك الوزن بهذا الشكل المفرط ... ابتعد عن هذي البنت لا تظلمها .. و الله ما تتوفق اذا ظلمت بنت الناس .. انت قرأت اول مووع لي و عرفت عني اكثر مما اعرف عنك .. و ردك و الله اقدره لأني اعرف انه صادق ... و اتمنى تقدر رأي لأني و الله كتبته و انا صادق فيه .. الله يوفقك و يرعاك .
النقطه الأخيرة .. تخص الأخ بدوري .. اذا حبيت الناس تحترمك احترم نفسك ، و المنتدى و انا اخوك لأجل الفائده مو لأجل الشتم في الآخرين ، حاول تحترم الإسم اللي اخترته لنفسك ، و حاول تعرف ان فيه ناس تقرأ ردودك و تحكم عليك من خلالها .. ما احد يقبل منك اهانه للآخرين ..

Dr.Single · 06-12-2007, 07:07

جزاك الله خير اخوي الوسام
تمنيت ان ردك هذا كان هو والرسائل الخاصه اللي وصلتني تكون مدمجه في موضوعي الاسير
الذي فرح باغلاقه الجاني وهرب بلا رد..
اخوي الكريم نظرتي للبنت وهي خارجه من عملها ماشوف فيه اي مهانه او متابعه لها .. فقط اطمئن من شكلها العام بالعبايه ..
وانشاء الله اذا اطمئن قلبي تقدمت لها نظزه شرعيه ..

طبعا تخوفي من انني خايف يوم اشوف البنت فقط في النظره الشرعيه اني ارفض واصدمها .. وغير كذا التوتر اللي راح يكون بين عاوائلنا لانها ترتبط بروابط صداقه قديمه .. عشان كذا اس اني مضطر اقل شي اشوفها بالعبايه .. عساس لو مارتحت من البدايه اكنسل الموضوع
ماعتقد ان المساله فيها تحريم .. لاني طالعت في بنت بلبسها المحتشم بس اتخيل شكلها العام .. وانا قبل كل شي هدفي نبيل وشريف ..

وانا يخوي الوسام يسرني يشرفني والله ردك .. ويشرفني اني قدرت اعطيك رايي الصادق في قضيتك المحزنه
لكن
يبدو انك اخوي الوسام لم تحضر المهزله اللي حصلت في المنتدى من شوي
الناس اللي من جد كانت تستب وتشتم عدلت في ردودها وهربت من الموضوع لانهم تورطوا
وبقيت ردود بدوري والشباب ارحم بكثير من اللي صار ومن الشتايم اللي تلقيتها شخصيا

روآآبي · 06-12-2007, 07:18

الله يوففقك ياسنغل

التختوخه حلوووة ... بس اذا استخرت ومتردد افضل تبعد عشان لايزداد توترك بعد الزواج وتعيش نفسك وتعيشها في حيره

استخير ,, والله مايكتب الا اللي فيه الخير

الوسـام السعودي · 06-12-2007, 07:19

ما يحق لاحد ابدا يوجه لك الشتائم ... انت طرحت موضوع .. و لكن كان بعض الأراء لهم ردة فعل من نظرة للمرأة على انها وزن و طول .. و الشيء اللي صدمهم و انا منهم و الله انك تقول انك رايح تراقبها و هي طالعه من العمل .. بالله ترضى هذا الشيء يصير لأختك ... يمين بالله مع اني اصغر اخواني و كل اخواتي متزوجات .. لكن لو اعرف انه فيه مخلوق يراقب اي قريبه لي يمين بالله العظيم ما ارتاح حتى اشيله من وجه الأرض ... و الناس كل الناس ما ترضى لأهلها اي مكرووه

نصيحه لوجه الله لا تراقب بنت الناس حتى تعرف وزنها ... ترى الناس ما يرضو هذا العمل ابدا

و انت يمكن ما قصدت الكلمه .. لكن الردود كانت متفاجأه من هذي الطريقه ...

أتمنى لك التوفيبق .. و اذا تبي نصيحتي .. اذا كنت من النوع اللي متشدد من ناحية الوزن و الطول و غيرهـ .. ابعد عن هذي البنت و لا تخليها تحت ضغط منك لأجل تنقص وزنها .. و انت ولد حلال .. و باذن الله ما ترضى يجي لأي مخلوق ألم أو عناء بسببك

عسى الله يوفقك و يكتب لك السعاده و لزوجتك و يجعل حياتكم سعيده مع بعض

Dr.Single · 06-12-2007, 07:23

جزاك الله خير اختي سحايب
اغلب ردودكم واستشارة اغلب اخواني دفعوني للموضوع والقبول
خصوصا ان البنت لايعيبها الا هذا الشي فقط .. ان سميناه عيب
راح استخير وربي يكتب الخير للجميع
وموضوع هل النظره الشرعيه كافيه .. كان مثل التمهيد النفسي بالنسبه لي لنقاش هذا الموضوع .. لكن للاسف اقفل بفعل فاعل

روآآبي · 06-12-2007, 07:29

اقتباس:

المشاركة الأصلية كتبت بواسطة الوسـام السعودي

ما يحق لاحد ابدا يوجه لك الشتائم ... انت طرحت موضوع .. و لكن كان بعض الأراء لهم ردة فعل من نظرة للمرأة على انها وزن و طول .. و الشيء اللي صدمهم و انا منهم و الله انك تقول انك رايح تراقبها و هي طالعه من العمل .. بالله ترضى هذا الشيء يصير لأختك ... يمين بالله مع اني اصغر اخواني و كل اخواتي متزوجات .. لكن لو اعرف انه فيه مخلوق يراقب اي قريبه لي يمين بالله العظيم ما ارتاح حتى اشيله من وجه الأرض ... و الناس كل الناس ما ترضى لأهلها اي مكرووه

كلام منصف بحق ....

الوسـام السعودي · 06-12-2007, 07:33

Dr.Single عندي لك طلب ... لا تشاور اصدقاءك و زملائك ... مهما كانت الثقافه و الأمور اللي تعلمتها ، لا تشاور اصدقاءك عن بنت الناس ... أهم شيء الستر ، و لا تدخل الغريب في أدق تفاصيل حياتك .. اصدقاء على العين و الرأس .. نزور بعض .. نسافر مع بعض .. نحب بعض ... نوقف مع بعض ... ما نتخلنا عن اي واحد فينا ... لكن نتكلم مع اصدقاءنا عن بنت الناس و وزنها و كيف تنزل وزنها ... يا اخي لو تتكلمو عن رجل أكيد يزعل ... كيف بالله بنت الناس المسكينه اللي تتكلم من وراها و هي ما تدري ...

فيه امور في الحياة مهمه للغاية و اهم شيء الستر ، و لما تستر عن مسلم يستر الله عليك ، و لما تفضح مسلم يفضحك الله امام ملإ اكبر من اللي فضحتها فيه

نصيحه لك .. فكر قبل ما تسوي اي شيء ... لا تترك بنت الناس مثل العلكه يمضغها كل من هب و دب ...

انت طيب و اكيد تعرف كل هذا الكلام

Dr.Single · 06-12-2007, 07:37

اخوي الوسام اختي سحايب جزاكم الله كل خير على ردودكم
وش المشكله لو انا شفتها بعبايتها وهي في الشارع
وانا قصدي شريف ونبيل .. انا خايف اصدمها لو رفضتها
وخايف من مفاسد راح تحصل لو تقدمت للنظره الشرعيه مباشره
انا كنت قاعد افكر واوازن في المفاسد والمصالح .. ووجدت هذا انسب حل
خصوصا مافيها متابعه او مراقبه .. بس اشوفها وهي تركب سيارتها مع السواق ..

وبالنسبه لسؤال زملائي .. انا كنت احرص الناس على الستر عليها والستر علي كمان قبلها .. كنت ارويها على سبيل التلميح كقصه واخذ رايهم واقول تخيل لو تصير فلان في الموقف هذا ايش تسوي ومثل كذا .. يعني هم اصلا حتى مو عارفين انو انا صاحب القضيه
: )

مشكورين اخواني على ردودكم

شـــــــــــذا · 06-12-2007, 07:41

اقتباس:

المشاركة الأصلية كتبت بواسطة الوسـام السعودي

ما يحق لاحد ابدا يوجه لك الشتائم ... انت طرحت موضوع .. و لكن كان بعض الأراء لهم ردة فعل من نظرة للمرأة على انها وزن و طول .. و الشيء اللي صدمهم و انا منهم و الله انك تقول انك رايح تراقبها و هي طالعه من العمل .. بالله ترضى هذا الشيء يصير لأختك ... يمين بالله مع اني اصغر اخواني و كل اخواتي متزوجات .. لكن لو اعرف انه فيه مخلوق يراقب اي قريبه لي يمين بالله العظيم ما ارتاح حتى اشيله من وجه الأرض ... و الناس كل الناس ما ترضى لأهلها اي مكرووه
نصيحه لوجه الله لا تراقب بنت الناس حتى تعرف وزنها ... ترى الناس ما يرضو هذا العمل ابدا
و انت يمكن ما قصدت الكلمه .. لكن الردود كانت متفاجأه من هذي الطريقه ...
أتمنى لك التوفيبق .. و اذا تبي نصيحتي .. اذا كنت من النوع اللي متشدد من ناحية الوزن و الطول و غيرهـ .. ابعد عن هذي البنت و لا تخليها تحت ضغط منك لأجل تنقص وزنها .. و انت ولد حلال .. و باذن الله ما ترضى يجي لأي مخلوق ألم أو عناء بسببك
عسى الله يوفقك و يكتب لك السعاده و لزوجتك و يجعل حياتكم سعيده مع بعض

سبحان الله حتى في النت مانتعلم نضبط أنفسنا , من ناحية أن النت مافي مواجهة مباشرة يعني معك وقت تفكر وتحلل بمنطق ثم ترد بدون ماحد يظغط عليك ويتسبب في أنفعالك في الردود ..

سلمت يد ربتك أخي الوسام , ودامك ذخر لأخواتك المسلمات , هذه الغيرة يفترض أن تكون في قلب كل رجل يستحق اسم رجل ولو فكر كل ذكر بأن كل الفتيات أخواته لما أنتهك أحد حرمة مسلم
فكما تدين تدان

المرفهة · 06-12-2007, 07:47

شكر لك اخي الوسام على فتح باب الحوار
وارجو ان يتم الحوار بين الأعضاء بطريقه مثمره
فنحن هنا للإستفاده ( نفيد ونستفيد )
عموما حبيت اقول للأخ دكتور إن موضوعه ( بخصوص الإستفتاء عن النظره الشرعيه )
الموضوع مفتوح وقابل للنقاش من الأعضاء وغير مغلق كما ذكرت

Dr.Single · 06-12-2007, 07:50

اختي شذا شكرا لمرورك الكريم وملاحظتك الجميله
وكلنا والله على غيره وحب على ستر احواتنا المسلمات
لكن المشكله اذا فيه شخص ماعنده اخوات ومايقدر ياخذ معلومات تفصيليه عن وضع البنت .. مثل حالتي والوالده الله يطول بعمرها عجوز كبيره ..
انا امامي مفاسد قد تحصل لو تقدمت مبارشره بنظره شرعيه ..
مالمانع لو شفتها وهي بعبايتها وكامل حشمتها .. حتى يطمئن قلبي بس
الرسول كان يقول للصحابه على رسلكم انها صفيه " او حفصه " نسيت والله
انا ما افتي لكن اشوف مافيه مانع لو شفتها بعبايتها ..
طيب عندي استفسار وافادني فيه البعض ... هل التلميح وقت الخطبه مثل بعمل رجيم او تمارين يكون مقبول من ناحية البنات ؟؟
اتمنى ردود من الاخوات ..لانه وصلتني ردود من الاخوه في هالجانب

اختي مرفهه .. كنت اقصد الموضوع القضيه هو الذي اقفل .. : )

مشكورين اخواني على تفاعلكم
وربي يجمع الكل على خير موده

السياف سلطان · 06-12-2007, 07:51

أنا أشوف دكتورنا العزيز أن المسألة زادت عن حدها
وبالنسبة لي أنا من المعارضين للخلافات اللي تصير
هنا لأننا من أسرة واحدة وكلنا أخوان
والأخوان دايما تحصل بينهم خلافات
في داخل البيت واحنا في ملتقى خيّر ومعروف
لدى كل المعمورة
أعتقد أن الشيطان دخل ووسوس بينكم
لذلكـ اللي نسويه دكتورنا العزيز الان كله
من صنع الشيطان ، ويجب علينا أن نرفع أنفسنا
وأن نكون في مثل هالموقف حليمين في اتخاذ قراراتنا
قبل الإقدام على اي شي .
وبالمناسبة أنا لن أكون معكـ أو ضدكـ بالعكس
الطرح كان شيق وكانت مشكلة لديكـ وانت تريد حل لها
واللي يبي يدخل ويقول رايه له الحرية في قول مايشاء بس في حدود
واحترام للأخلاق والمبادئ اللتي تربينا عليها في هذا الصرح الشامخ
وهذا ماعهدناه منذ أن دخلنا حتى نفترق من هذه الدنيا
ولكن من ناحيتي أنا ضد الاختلافات بيننا كأعضاء
سواء كنت أنت مخطئ أو الطرف الاخر .
أتمنى أنه يعاد فتح الموضوع وان تلغى كل المشاركات
التي يرى فيها تجريح أو اهانه
وأرجو من الاعضاء الرد في صلب الموضوع وعدم التجريح .
تقبل تحياتي ،،

الوسـام السعودي · 06-12-2007, 07:54

Dr.Single

و الله العظيم اني اتمنى من الله يسعدك و يوفقك في غايتك .. لكن فكر مرتين في الوسيلة ، أنا اعرف ان قصدك الزواج ..

أنا ما فهمت موضوعك بالكامل .. هل كلمت اهلك عنها ؟ أنتي تعرف اللي صار لي .. و انا اعترف اني كنت غلطان .. و الحمد مشكلتي انهت على خير .. و يعلم الله اللي يعرف كم بقي لي في الحياة من لحظات اني حاولت اني ما اجرح أو اسبب ألم لبنت الناس ... و كنت أتوقع اننا بنعيض مع بعض في سعادة .. لكن فجأة اختفى كل شيء ... أعرف ان الصدمه تركتني فتره في ألم ... لكن تعرف ايش اللي خفف الصدمه علي ... و الله اللي خفف الصدمه علي اني كل كلمه قلتها او او كتبتها لها ، و الله ما جرحتها ابداً ... و الحمد لله اني طلعت من الموضوع .. و هي ما سمعت مني كلمه محزنه ... لأني ما اقبل يتألم انسان لأجل عمل سويته ...

بعد كل اللي صار لي _ و انا اقول هذا الكلام لأجل تقديري لك _ اللي صار اني قررت اترك مسألة الزواج لوقت آخر .. و طريقة زواجي بأكلم والدتي الله يشفيها و يحفظها و كل امهات المسلمين .. بأكلمها تبحث لي عن بنت طيبه .. و اذا كانت تناسبني و انا اناسبها .. نتوكل على الله انا و هي و نتزوج و نبدا حياتنا الزوجيه .. و الله ما يحق لي اطلبها منها تخفف وزنها او تزود وزنها ... لأني راح ارخص في عينها .. لأنها رايحه تحس اني تزوجتها لأجل الشكليات فقط .. انا اعرف ان الشكل مهم للزوج و الزوجه .. و لكن الأهم من الشكل هو التفكير و الروح

الله يوفقك و كل مسلم و مسلمه .. و ادع لنا بالخير الله يحفظك و يرعاك

.

Dr.Single · 06-12-2007, 07:55

اخوي السياف جزاك الله خير على ردك ..

ولو مايجي منك الارسالتك الخاصه اللي تدل على طيبك وحرصك على اخوانك ومتابعتك لهم

المتسبب سيلقى جزاءه انشاء الله

..

نرجع لموضوعنا .. ردي السابق كان فيه بعض الاستفسارات اتمنى من اخواتي لو يقدرون يساعدوني فيه

ويعطيكم العافيه

عذابات رووح · 06-12-2007, 08:02

الرسول صلى الله عليه وسلم لما وصى على النظرة ما اعتقد حددها تكون بطريقة محددة وسمعت مقولة ان الصحابة كانوا يحاولون النظر للخطيبة بالطريق اذا امكن ...
يعني في حالتك ما اشوف فيها شي ابد....
تقدر تنظر اليها .. بس من وجهة نظري ما تقدر تقدر ان كانت ممتلئة او لا ...

لكن عليك اخي بالاستخارة ثم الاستخارة...
لأن الاستحارة تقربك من الامر او تبعدك عنه ...

وفقك الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعليق على رأيكم في البنت الدبدوبه كزوجه