عالم الحياة الزوجية - منتدى

تعبت وأنا اشتكي · 08-12-2007, 02:51

السلام عليكم ورحمة الله وبركاته
أخواني حبيت اعرض لكم مشكلة صارت لي يوم الاربعاء ونسيتها ثم اكتملت من ساعتين وضايقتني كثير
من اسبوع رزقني الله بوظيفة تعاقد ومنطقة بعيدة شوي <<الحمد لله بعد الدعاء والصلاة آخر الليل>> ألف وشكر لك يارب
تعدلت نفسيتي كثير لاني صرت اطلع واشوف الناس وتغيير جو عن روتين البيت المهم في الفان معلمة من نفس الحي انا ما اعرفها لكن اهلي يعرفون اهل زوجها كنت اجلس معها وتعرفت عليها واسولف معها لان انا من النوع الاجتماعي وهي بنفس مدرستي يوم كملت اسبوع قالت لي انا بصراحة سئلت عنك وعن اهلك وماشاء الله بس قالوا فيه اكبر منك وانا شفتك وعجبتيني من جميع النواحي وانا ابغى اخطبك وجلست تمدح في صاحب الشأن المهم قلت لها وان على نياتي لي اختك اكبر مني وامي ترفض.... قالت اسئلي امك يمكن تغير رايها يومها رجعت للبيت وقلت لأمي ... امي بصراحة انفعلت وقالت لاعاد تجلسين معهااااا ولا تكلمينها << لو تقدر تمنعني من الركوب بالفان منعتني >>كله عشان أختي سكت ماقلت شي هذا الكلام يوم الاربعاء.. مع العلم اني ماني صغيرة عمري 28 سنة بس شكلي اصغر بكثير..
اليوم الساعة عشر تعشينا وجلست اسولف مع امي واختي وقلت الي صار قدام اختي وامي تغمز لي يعني اسكتي لاتقولين فيه ناس بيخطبونك بصراحة انا انفعلت وقلت لها ليه تخافين على مشاعرها وانا ماتحسبين لي حساب والله حرام عليك وخنقتني العبرة وقمت وجيت غرفتي ابكي من القهر لان امي تخاف على مشاعر اختي وتحسب لها ألف حساب وانا لااااااااااااااااااااااااا ليه وشفيني تحسسني احيانا اني ماني بنتها بالرغم اني اخدمها اكثر منها وكنت اشتري لها من مكافئاتي يوم كنت ادرس مرة طقم ذهب ومرة حلق وكنت اعطيها كل ما اخذت من مكافئتي واختي والله ما تسوي لها مثلي بالرغم انها موب محتاجة ابوي مايقصر والله وبخير بس انا من نفسي بعكس اختي الي ماعمرها شرت لها مثلي وفي الاخير تسوي لي كذا ......
مع العلم اني ماصرت انانية وقلت للمعلمة روحوا لابوي قلت لها امي ترفض ولي اختك أكبر مني وانا والله ما اهتميت كثير لاني عارفة اسلوبهم بس انقهرت تخاف على احاسيسها ومشاعرها وانا ماتحسب لي حسااااااااااب ابد ابد والله ظلم وجلست ابكي وتذكرتكم وجيت اكتب لكم .. مع ان عندي دوام بس فيه شي واقف لي بحلقي مثل الغصة ما اعرف انااااااااام..
وش رايكم وش اسوي
ياااااااااااااااااااارب ارحمني وجميع المسلمين

لبوووه · 08-12-2007, 03:53

هلا بك اختي

الموضوع ابدا مايستاهل كل هذا الانفعال والعصبيه

من ناحية الخطوبه اكيد انتي اكثر وحده عارفه وضع عائلتكم!!!!!!!هل انتم من العوائل اللي تزوج الصغيره قبل الكبيره؟؟

اذا كان لا فليش تحرقين أعصابك

وبعدين حطي شي في بالك كل انسان يجيه نصيبه وين ماكان وبوقت الله كاتبه..توكلي على الله ودايم ادعيه يكتب لك اللي فيه الخير

قلبي لوكنتي انتي مكان اختك(انتي الكبيره)وجاء لاختك الاصغر منك خطيب هل ترضين وتوافقين بدون زعل؟؟؟

بعدين عمري لاتربطين الامور ببعض ..رجعتي للماضي وتذكرتي وحاسبتي والدتك على اهتمامها في اختك اكثر منك!!
حكمتي عليها عشان رفضت تتزوجين قبل أختك؟؟وبعدين ياعمري تقولين انا جبت لها واختي لا.... والخ
هذي والدتك ومهما عطيتيها مارح توفينها حقها حتى لو كانت قاسيه مع اني ابدا ما اعتقد انها قاسيه عليكم

حياتي لاتستعجلين على الزواج وتدمرين علاقتك بأغلى ناسك عشان رجال ماتدرين عنه وكل اللي تعرفين عنه مجرد كلام
وسعي صدرك ونامي وقبل تنامين ادعي رب العالمين ييسر لكم الازواج الصالحين ..وصدقيني اللي صار لك صار كثير يزعلون البنات وودهم يتزوجون ويجي يوم من الايام ويتزوجون ولما يتذكرون انفعالاتهم وزعلهم يضحكون على مواقفهم

الله يوفقك قلبي ويوفق اختك وكل بنات المسلمين

@..فراوله..@ · 08-12-2007, 03:54

ياقلبي والله
لاتضيقين صدرك
ولاتنظرين للموضوع من هالناحيه
انا مااقول تصرف امك صحيح
ولكن هي جاهله وكل تفكيرها احاسيس بناتها
باعتقادها انك صغيره ولاحقه على الزواج بس اختك ماتقدم لها احد حاليا وتخاف تنجرح من السالفه
لانو تخيلي نفسك مكانها
صحيح بتنبسطين لها
ولكن لاتكذبين على نفسك بيجي في بالك شعور بالغيره واحيان الانعزال لانو بيجي في بالها معقول الي اصغر مني انخطبت وانا لاا
ليه؟
العيب فيني؟
...............الخ
وخصوصا لو يجي يوم زواجك
عشان كذا كل تفكيرها انها تصبر لحد ماتتزوج وانشاءالله يجي نصيبك
فانتي المطلوب منك الهداوه عشان تحس فيك وتفهم
قوليلها الوضع
قولي يمه انا كبرت ودام الولد حسافه من كلام اخته
ليه اضيعه
يمه انتي ماتضمنين اختي تتزوج
اي احسن تقعد هي والا كلنا
انتي كلمي اختي وشوفي الموضوع يضايقها او لا
وبكذا بتقتنع
كلمي ابوك او اخوك
خلي عندهم خبر
ترى الرجال تفكيرهم غير

الله يسعدك يارب
لاتتضايقين ياقلبي
والله اذا هو من نصيبك جايكك جايك لو بعد 10 سنين لايضيق خاطرك على هالموقف

تعبت وأنا اشتكي · 08-12-2007, 04:16

هلا بأ اختي لبوووه

انتي مافهمتيني اقصد من الموضوع ان امي تخاف على احاسيس اختي ومشاعرها وانا ماتحسب لي حساب هذا قصدي انا مو عديمة احساس اما بالنسبة للزواج انا حاليا موظفة والله اني شلت فكرة الزواج من راسي لاني عارفة تفكير أهلي لاني اقتنعت برزقي صارت الوظيفة والحمد لله شي احسن من لا شي وليس زوج ولا كان قلت لها روحوا لابوي وماشاورت امي وسكت فهمتي قصدي

ومشكورة

تعبت وأنا اشتكي · 08-12-2007, 04:18

هلا اختي فراولة

والله ثم والله ان ماضاق صدري على ها العريس الي جاء لاني عارفة رد امي من قبل

لكن انا عتبانة على امي ماتراعي مشاعري يعني ماتعتبر لي احاسيس ولا مشاعر واختي لها كل الاعتبار والله ظلم ليه التفرقة ولا زواج عارفة مافيه ...

ومشكورة

@بــ ودفاء ــرد@ · 08-12-2007, 04:27

الله يعينك اختِ
اخت ماتخف على مشاعر اختك فقط .... صدقني قلب الام كبير .... وتاخف عليكم كلكم ...
بس انت الحمدلله ظروفك احسن من اختك ... موظفه ماشاء الله والعين عليك ......
واختك مسكينه ... ماحصل لها ماحصلك ......... عشان كذا امك تقول حافظي علي مشاعرها ..... مو عشان شي ثاني .... وامك بعد مسيكنه ودها تشوفكم كلمك في بيوت رجالكم وتشوف عيالكم وعيال عيالكم بعد .
بس صدقني لو صار شي ....... اول من يفرح لك امك ... مافيه ام بالدنيا ترضي تشوف بنتها مو فرحنين كلكم تتمني لكم الفرحه ....
يالله هذا اللى اقدر اقولك الحين وفيه كلام كثير ودي اقوله بس نفسيتك ضايقه ... عشان كذا مابي اثقل عليك ...
ارجع مره ثانيه وعقب على الموضوع ان شاء الله ...
انت بس تعوذي من الشيطان الحين وصلى لك ركعتين .... وان شاء الله تهدين
مع السلامه .

أميرة العاشقين · 08-12-2007, 06:33

مشكلتك تقريبا نفس مشكلتي قبل لااتزوج

كنت لسه ثاني سنه بالجامعه واتقدملي شاب

تدرين وش سوت امي؟؟؟

راحت قالت لاختي تقدملك شاب مع انه تقدملي انا

المهم بعدها بايام اتصلت امه وقلتلها نبي فلانه بالاسم تقصدني يعني

قالتلها امي ترى اختها اكبر منها بسنه بس واجمل منها

وقالت امه طيب خلاص دامه لسه ماشاف ولاوحده وانا نفسي ماادري عنهم ..ابساله واشوف

المهم سالته قال لا وش ذا اجي اخطب وحده وتجي امها تقول لا خذوا اختها ورفض

بعدها امي قالت اجل خلاص مافي نصيب احنا مانزوج الصغيره قبل الا اذا انتظرتوا الكبيره تتزوج بعدها بنقبل

............

بس انا مره كنت زعلانه يعني وش تقصد امي همها اختي اكثر مني؟؟

وصرت افكر لو فرضا اختي تاخرت بالزواج بنصير بدل عانس نصير عانستين

ويمكن تتزوج اختي وانا معد احد يخطبني واصير عانس بسبة تفكير امي

بس الحمدلله جا نصيب اختي ونصيبي

تعبت وأنا اشتكي · 08-12-2007, 14:22

هلا اختي سكون القمر بالنسبة اني موظفة ترى عقد وينتهي آخر السنة وانا قلت لها عشاني مدرسة حلفت لي انها مافكرت في كذا لان العريس مو نفس المنطقة اصلا

انا كتبت الموضوع متضايقة اقول أمي ماتحس بس ابي ابد يعني اختي عنده مشاعر واحاسيس وانا مثل الجدار ما احس كل شي في وجهي عادي

على العموم انتظر ردك مرة ثانية

تعبت وأنا اشتكي · 08-12-2007, 14:23

هلا يا اميرة العاشقين

تصدقين امي والله قالتها في وجهي خلهم يجون لاختك وقلت الحمد لله والشكر هي قالت انتي ماقالت اختي اروح اعرض اختي عليها وقلت الاربعاء قفلنا على الموضوع

يعني انا وش صرت مالي تقدير ولا احترام معدومة الاحساس واختي ماشاء الله حساسة قسم بالله احس اني كرهتهاااااااااااا عشان امي تفرق بيناااااا

@بــ ودفاء ــرد@ · 08-12-2007, 21:52

اقتباس:

السلام عليكم ورحمة الله وبركاته

وعليكم السلام ورحمة الله وبركاته ....

اقتباس:

أخواني حبيت اعرض لكم مشكلة

حياك الله اخوانك وخواتك .....

اقتباس:

صارت لي يوم الاربعاء ونسيتها ثم اكتملت من ساعتين وضايقتني كثير

ان شاء الله خير مايجيب الله شر ...... ماضاقت الافرجت ......

اقتباس:

من اسبوع رزقني الله بوظيفة تعاقد

الف مبرووووك الله يزقه .... والحمدلله شي احسن من لا شي

اقتباس:

ومنطقة بعيدة شوي <<الحمد لله بعد الدعاء والصلاة آخر الليل>> ألف وشكر لك يارب

الحمدلله مايضيع الله عبده ...... وان شاء الله يرزقك احسن منها ....... شدي حيلك .

اقتباس:

عدلت نفسيتي كثير لاني صرت اطلع واشوف الناس وتغيير جو عن روتين البيت

الحمدلله .... الله يسعدك .

ال

اقتباس:

مهم في الفان معلمة من نفس الحي انا ما اعرفها لكن اهلي يعرفون اهل زوجها كنت اجلس معها وتعرفت عليها

الحمدلله هذي هي تونسك .......... بروحتك وجيتك ....

اقتباس:

واسولف معها لان انا من النوع الاجتماعي

الحمدلله ... دايم الناس من النوع هذا مايشل هم ..... وصدره وسيع ........ وبسرعه يحل مشكلته ... ان شاء الله .

اقتباس:

وهي بنفس مدرستي يوم كملت اسبوع

ممتاز ...... اذا تقدرين تفهمينها وتتفاهمين معها ..... وصارت صديقة خلاص ان شاء الله .

اقتباس:

قالت لي انا بصراحة سئلت عنك وعن اهلك وماشاء الله بس قالوا فيه اكبر منك وانا شفتك وعجبتيني من جميع النواحي وانا ابغى اخطبك وجلست تمدح في صاحب الشأن المهم قلت لها وان على نياتي لي اختك اكبر مني وامي ترفض.... قالت اسئلي امك يمكن تغير رايها يومها رجعت للبيت وقلت لأمي ... امي بصراحة انفعلت وقالت لاعاد تجلسين معهااااا ولا تكلمينها << لو تقدر تمنعني من الركوب بالفان منعتني >>كله عشان أختي سكت ماقلت شي هذا الكلام يوم الاربعاء.. مع العلم اني ماني صغيرة عمري 28 سنة بس شكلي اصغر بكثير..

طيب .... العمر كله خيتو والله يرزقك الزوج الصالح ...... طيب .... فيك تقدرين تتفاهمين انتي واختك بهدوء ان هذا قسمة ونصيب وانا اختك بدا سني يكبر وانتي ماترضين لى من هذا الكلام الى اخره ... اختك ماضن بتقول لك لا ان شاء الله راح تقدر موقفك ... ولا ترضي انها ....... توقف في طرقيك ويمكن توقف معك ..... وتقنوعن امك ... وبالانفعالات والصراخ والبكي ماراح ... تحلون القضيه ...... وبعدين ......... اختي ... اذا الوالد .... حي الله يحفظه تكلموا معه وقنعوه .... يمكن يقتنع
ترى الوالد الايام هذي يفرح لما .... يجي ابن الحلال لبنته .... الدنيا ماهي مثل اول .... صار الواحد يخاف على بناته بس متى يجينهن النصيب ... وهو برضوا يساعدكم ... اعني لا تحاولين مع امك بشكل مباشر ... امك تفكر بعاطفتها ..... ورحمة اختك الكبيره مسكينه ممها كان ... امك تقدر وتكن لكم كل شعور هذا اللى انا اعرف لا تخلين الشيطان يفرق بينكم .... واتعوذي منه ........ وان شاء الله .... بكثر من طريقه تقدرين تقنعين امك شوفي برضوا خالتك القريبات من امك .. وبعدين ... تعالى اختي في البدايه لا تنغرين ..... ولزم تساءلون عن الرجال اول وتتاكدون من زين لا اخته ماهي رايحه تجيك كذا وتقولك اخوي فيه وفيه ... الا بطلعه ملاك ... اعني ماله داعي تخسيرين امك واختك من شان شخص ماتعرفين عنه يمكن بالنهايه تحمدين الله انه ماجاء من نصيبك ............ يعني لا تستعجلين ...... كل الناس تتسرع وتخنفقه العبره وبعدين لهدوء الحمدلله فكروا بشكل حلو ... فتره وتعدي ... أختي لا تشلين هم واذا مكتوب لك ... ان شاء الله يكون لك ...

اقتباس:

اليوم الساعة عشر تعشينا وجلست اسولف مع امي واختي وقلت الي صار قدام اختي وامي تغمز لي يعني اسكتي لاتقولين فيه ناس بيخطبونك بصراحة انا انفعلت وقلت لها ليه تخافين على مشاعرها وانا ماتحسبين لي حساب والله حرام عليك وخنقتني العبرةوقمت وجيت غرفتي ابكي من القهر لان امي تخاف على مشاعر اختي وتحسب لها ألف حساب وانا لااااااااااااااااااااااااا ليه وشفيني تحسسني

ولا تخنقك ولا شي ..... بالعكس ابتسمي ..... وقولي ان شاء الله بكذا تكسبين ود امك اكثر اكثر ... وبعدين الام .. تعرف نفسيات بنتها ... يمكن عشان انها تحس انك قريبه من اكثر وتتكال عليك اكثر .... وانها محبوبه لك وهي تحبك تصرف معك كذا ..... يمكن تشوف اختك حساسه شوي ....... وهي ماطلع بنفسها شي .... لو امك بنفسه شي ماغمزت لك .. كان قالت سكري حلقك يابنت ... هذا بحال لو انها قاسيه .... بس ماشوف انها قاسيه ... غمزت لك ...... عشان حساسيه اختك يمكن ............ الله يعينك اختي والله ...

اقتباس:

وانا لااااااااااااااااااااااااا ليه وشفيني تحسسني احيانا اني ماني بنتها

على فكره .... ترى بعض الامهات تعاملين مع بناتهن على انهن صديقتهن ...... او خواتهن القريبات لهن ... مايتعاملين .. معهن على ..... انهن بنتهن .... عشان كذا ........ تحسين شي مثل هذا ... لكن ماضن انكن بالمنزله سوى .......

وعلى فكره كل بيت كذا وكل الامهات كذا ... مايقدرن يتعاملن ........... مع ابناءهم معامله وحده لن ابناءهم يختلفون ... مثل فيه منهم العصبي وفيهم منهم الطيب وفيه منهم ...... القوى والضعيف ... فاعشان كذا المعامله ماتكون وحده طبيعي اختي هذا ...... بس انت اجتهدي برضا الله ورضاها وان شاء الله يكتب لك خير ..... بس انك ماتملكين قلب امك ماتحسين اللى هي تحسه بكره ان شاء الله اذا الله ارزقك ضناء راح تحسين الشي هذا ... ان شاء الله .

اقتباس:

بالرغم اني اخدمها اكثر منها وكنت اشتري لها من مكافئاتي يوم كنت ادرس مرة طقم ذهب ومرة حلق وكنت اعطيها كل ما اخذت من مكافئتي

ماشاء الله عليك اختِ حق واجب ...... ومهما كنت ..... اللى يزرع يحصد ... وان شاء الله هذي بذور خير زرعتيها تحصيدها عن الله ومن امك ... وعضوك الله عنها دنيا واخره وعطيك علي قدر نيتك ...

واخ

اقتباس:

تي والله ما تسوي لها مثلي بالرغم انها موب محتاجة ابوي مايقصر والله وبخير بس انا من نفسي بعكس اختي الي ماعمرها شرت لها مثلي وفي الاخير تسوي لي كذا ......

الله يعين اختك علي نفسها ..... وان شاء الله ... الله يهديها ............

تخ

اقتباس:

تخاف على احاسيسها ومشاعرها وانا ماتحسب لي حسااااااااااب ابد ابد والله ظلم وجلست ابكي

اختي ماتدرين هذا احساس عندك ومو كل احساس ..... صحيح يمكن امك تحبك اكثر منها ...... بس اختي المشكله مو بمك ابد ابد ابد .... المشكله هذا عرف عندنا في المجتمع كله ......... يعاني منه ........ خصوصا الكبار متمسكين فيه بدا يندثر عن الصغار لن الزمن اتغير ........ والناس اتغير ........ ... (( العرف هذا اللى الصغيره ماتزوج قبل الكبيره )) لو هذا الشي بس عندكم بالبيبت ... انحلت ماشكل كثير .... ولا تلومين امك كل اللوم ..... والوقف ينحل بشكل غير مباشر

اقتباس:

ياااااااااااااااااااارب ارحمني وجميع المسلمين

الله آمين ويسنك جنات النعيم ...

الان هذا اللى عندي واسف جدا على الاطاله ..........

ملاحظه :-

ان ولد .... اختِ

خالص الاحترام مع التقدير

مع السلامه .

*سحر الشرق* · 08-12-2007, 22:48

قرات قصتك واستوعبت الدورين تماااااااااااااااااااااااااااااااما

عارفة شعورك وفاهمة قصدك وفاهمة اكثر احساس اختك

وصدقيني امك ماتقصد انها تحسسك بس طبيعي تراعي شعور الكبيرة مراعاة على الاقل

امك لاتزعلي منها ابداا مهما كان لان تحبك وتخاف عليك وتمنى اليوم قبل بكرة تتزوجي صدقيني

اي ام هذااااا شعورها الحب والخوف لاولادها
لاتزعلي ربي ييسر لك
على فكرة حلو انك بعقد السنة الجاية يكون لك اولوية في العقد مررررررررررررة اخرى

وتتزوجي قريب
لاتشيلي هم ربي يرزقك انشالله ويفتحها بوجهك ويرزق أختك آآآآآآآآآآآآآآآآآآآآآآمين

Think Pink · 08-12-2007, 22:49

شوفي حبيبتي ببساطة وبدون لف ودوراااااااان.....

كثييييييييييييير انخطبت الصغيرة وقبل لا تتزوج انخطبت اختها الاكبر وتزوجت....

وأو ممكن بعد خطوبتك أو زواجك يشوفون أختك الناس ويتقدمون لها ..... يعني دايم زواج وحدة يجر بالثانية بتوفيق الله طبعا

المهم واللي لازم أمك تعرفه....أنك 28 سنه موب صغيييييييييييييرة ......يا أما انك تقنعين أمك أن خطوبتك ممكن تساعد
بخطوبة أختك.....يا أما أنك تكلمين أختك بشفافيه كااااااااملة وتقولين لها بلباقة أنتي أختي وأكيد تبين لي الخير وانا موب صغيرة والفرص كل ما كبرت الوحدة تقل وخلونا نوافق ونسال عنه يمكن ما نوافق عليه اصلا....
خلي أختك هي اللي تضغط على أمك....وفعلا يمكن نصيبها يجيها بسبب هالخطوبه ....
أنا من رأيي حااااااااولي ولا تخلين الموضوع يخرب علاقتك بأمك دايم اذكري انها محاولة لو انجحت خير وبركة ولو ما انجحت ماتأثر بعلاقتك بأهلك...ولو تطلب الامر تكلمين أخوك الكبير يساعدك في اقناعهم زين بعد....
شوفي عزيزتي ....انتي متى انخطبتي..... لما دخلتي في مجتمع جديد ,,,,,صح....

فممكن أختك تنخطب بعد ما تدخلون انتم في علاقات جديدة بخطوبتك الله يساعدك في اقناعهم....وقوليلها انك في

ذمتها لو اتسببت بعدم زواجك...
الله يوفقك ويسر أمرك

*سحر الشرق* · 08-12-2007, 22:52

قرات قصتك واستوعبت الدورين تماااااااااااااااااااااااااااااااما
عارفة شعورك وفاهمة قصدك وفاهمة احساس اختك
وصدقيني امك ماتقصد انها تحسسك بس طبيعي تراعي شعور الكبيرة مراعاة على الاقل
امك لاتزعلي منها ابداا مهما كان لان تحبك وتخاف عليك وتمنى اليوم قبل بكرة تتزوجي صدقيني
اي ام هذااااا شعورها الحب والخوف لاولادها
لاتزعلي ربي ييسر لك

على فكرة حلو انك بعقد السنة الجاية يكون لك اولوية في العقد مررررررررررررة اخرى
وتتزوجي قريب
والزواج نصيب امن رب العالمين
وفي عصرنا تغيرت الافكار قليلا حول سن الزواج
في السابق كانت فوق 24
تعد كبيرة جدااااا
ا
الآن تصل 30 و35 وعاادي لاينظر لها نظرة انها كبرت
ولها خطاب يبطلبون من هي في ذلك العمر
لاتشيلي هم ربي يرزقك انشالله ويفتحها بوجهك ويرزق أختك آآآآآآآآآآآآآآآآآآآآآآمين

م-سيف · 08-12-2007, 23:27

الام مسكينة تعبر بتصرفها هذا انها ستساعد ابنتها ... ما تدري انها بتصف بناتها جنبها في البيت

على العموم هذي قسمة ونصيب

ادخلي احد في الموضوع ... خال .... خاله ... اب .... جد .... أي احد قريب من والدتك ....ويكون له كلمه عليها

ويحاول اقناعها

فوزية الدريع في احدى الحالات المشابهه نصحت المتصله انها تصارح امها بانها تريد الزواج وانها لا تستطيع الصبر

الله يوفقك

تعبت وأنا اشتكي · 09-12-2007, 03:26

السلام عليكم ورحمة الله وبركاته

مشكورين لكم جميعا لك من رد علي ولكن اود او اوضح

اول شي انا واختي مانطلع لمجتمعات امي ترفض بس خوالي عمي عماتي حتى خالتي ابوي يرفض اغلب الاحيان زواجات والله مانروح الا قريب لنا مررررررررة تقريا في الخمس سنوات مرة والله مانروح احنى كل ماطلعنا لازم ننخطب بس الحين ماعاد نطلع كيف ننخطب ؟؟؟
هذا راي اهلي على حسب منطقتناااااااا زواجاات ممنوع اهلي من النوع الملتزم وانا بعد ما احب اروح زواجات واغلب اقاربنا عائلي مرة لدرجة احنا البنات مانروح وكم مرة انخطبنا بزوجات اخواني بس اهلي الله يهديهم يبون انسان كامل والكامل وجه الله ....... مافيه انسان كامل كل شخص فيه عيب ودائما اذكر امي بس الله يهديهاااااا

واحب اقولكم ان والله ماقصدي من الموضوع الزواج تقريبا انتهى بمصارحة امي على كلامي يوم الاربعاء لكن اقصد امي تخاااااااااااااف على مشاعر اختي بمجرد ذكر الموضوع ولا هو انتهى بالنسبة لي لاني رديت عليها وقلت لها بكل صراحة يومهااااا..

لاخي سكون القمر .......أهلي من النوع الي يسئلون عن الرجال واذا مو من منطقتنا يكفي انهم مايعرفونه ويردونه يعني انا فاهمة أهلي مايبونا نتزوج .. من كثر ماكان يجينا رحمتك يارب

وانا احمد الله على انه انعم لي بالوظيفة تغيير جو عن البيت وعشان انسى بس الظاهر مكتوب علي الحزن بكل وقت ياااااااااااااارب رحمتك..

اما بالنسبة اكلم خال او خاله .............الخ اول شي استحي ولو صار بيقولون علي كلام لان المجتمع الي انا فيه ومن حولي مايسمح بكذااااا

موضوع الخطبة كان كلام وانتهى بالنسبة لي ... والله اني ما افكر اتزوج قبل اختي الحمد لله ربي رزقني وظيفة يعني شي احسن من لا شي ولو انها ماتسوى شي قدام الزواج لكن قدر الله وماشاء فعل .. وراضية بالقسمة والنصيب.....

ابيكم تفهمون قصدي من الموضوووووووووووووووووووووووووووووع مشاعري مايحسب لها حساب

امي ماتحس فيني يعني عادي تجرحني بالكلام واختي لا وتفرق بيناااااااااااااااااااااااااا

اما ناحية الزواج قبل اختي ناقشتة بموضوع هنا من زمان وتقريبا انتهينا منه

وسلامتكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياااااااااناس وش اسوي