عالم الحياة الزوجية - منتدى

عروس الرياض · 12-12-2007, 04:27

الصراحة أول مرة أكتب في هذا القسم ...
بس هذة قصه حصلت لي قبل فترة بسيطه كتبتها لسبب وأحد أرجوا من الله سبحانه وتعالى أن ينفع بها .. وأن تكون عظة وعبرة للجميع ..
قبل فترة بسيطة وأنا في المكتب جاءت لي أمراه كبيرة في السن وكانت حزينة وتبكي ..
مثل الي عندها مصيبه ... جلستها وقلت لها وش فيك سلامات ؟؟؟ياخاله عسى ماشر؟؟؟
قالت: أنا يابنتي عندي بنات ماأبيهم !!!!! تاخذونهم عندكم ؟؟
أستغربت : قلت قولي لااله الا الله وبعدين أحكي بالتفصيل...
بدت الحرمة تتكلم وخف بكائها .. قالت : أحنى مو من سكان الرياض أحنى نسكن في القريه (...)
وأول مرة نجي الرياض .. وجينا عشان نشتكي على بناتنا الثنتين ونحطهم عندكم ...
قلت : شوفي ياخاله علميني سالفتك بالضبط وليه ماتبينهم وبعدين أعلمك وش تسوين بس قبل ..
ترى ماراح ناخذهم عندنا أحنى مؤسسة خاصة ( بفئة معينه من الناس ) مو شرطة ولا سجن ولا ملجاء..
ضاق صدرها شوي بعدين قالت/ خلاص بقولك وأنتي وجهيني وين أروح..
أنا عربية ومتزوجه سعودي من حوالي 30 سنه وماعندي إلا 3 بنات وحدة كبيرة متزوجه وزوجها قطع علاقته فينا ومانعرف وين ساكنه ...
والثنتين هذولا الي ماأبيهم 23 و 22 سنة وولد 13 سنه ..
أبوهم رجل كبير ومقعد ...
البنتين فجاءة ومن غير مقدمات هربوا من البيت من الفجر وأتصلوا علينا الشرطة المغرب من منطقه بعيدة عن قريتنا قالوا تعالوا أستلموهم ... لقينهم على البحر يتمشون مع شباب !!!
ورحنا نجيبهم وضربناهم وحبسناهم بالبيت ....
بعد فترة أنحاشوا من البيت مرة ثانية وأختفوا لمدة 3 أسابيع مانعرف عنهم شيء ...
لما وجدتهم الشرطة في منطقه تبعد عن القرية 7 ساعات .....
ورحنا وأستلمناهم وحبسناهم مرة ثانيه ...
ولكن مع الاسف كانوا بدون عذرية ....
الاب كبير ومقعد عمرة حوالي 90 سنه ... والابن 13 سنه طفل لاحول له ولاقوة ..
والام ضعيفة ماتقدر على البنات يضربونها ....
أكتشفت الام أن البنات معهم جوال كاميرا وفتشتة مع أخوهم ووجد البنات مصورين أنفسهم بأوضاع مخله وبدون ملابس ...
الام ماتدري وين تروح مافية أعمام مافيه أهل ....
والبنات صاروا يضربوون الام ويطلعون من البيت ويغيبوا باليوم واليومين ويظهرون وهاكذا ...
الام تبكي ....
قالت : بروح أنادي لك البنات من السيارة كلميهم ,,, أنصحيهم ...
بالله وش أقولهم !!!
هذولا يبغالهم أعادة تربية ...
جو البنات عندي كل وحدة رجل على رجل وتتكلم بشوفه نفس ....
قلت: شايفين أمكم كيف تبكي ؟؟
مارحمتوا دموعها ؟؟؟
ليه تعاملونها كذا وتعاملون أبوكم المسكين ؟؟؟
قالوا / بسرعه قدرت هذي تلعب عليك ( يقصدون أمهم ) ...
أصلا هي جايبتنا بالحرام ....
أٍستغفر الله بس ...
الام تبكي مرة ... طلعتها برة عشان ماتسمع كلام مثل كذا ...
قلت للبنات أنتوا وش سالفتكم ...
قالوا / أحنا ملينا حياتنا كلها حقيرة نبي نسكن عندكم أنشاء الله نخدمكم ..
من كنا صغار وهي 24 ساعه تضربنا ,, تكوينا ,, وغير البلاوي الثانية ..
قلت : لو تذبحك بتبقى أمك وأنتي بأعتقادك أن الشيء الي تسوينه الحين بتنتقمين منها ..
قالت : الموضوع كبير فوق ماتتصورين ..
أكيد أمي ماقالت لك أن هي مطلقه من أبوي ..
عمرك شفتي وحدة مطلقه من واحد وساكنه معه في نفس البيت!!!
قلت: طيب ساكنه عشان تحفظكم وبعدين وين تبينها تروح هي غريبة هنا ...

المهم : البنات ماينفع معهم الكلام يحتاجون علاج نفسي طويل وأحنى بالمؤسسة مالنا علاقة بهذي الامور ..( مالي صلاحيات )
أتصلت بصديقتي في الموسسة المعنية في هذي الامور ووضحت لي أن الأم والاب بحكم أنهم المتضررين من سلوك بناتهم هم الي المفروض يبدون بالشكوى على البنات ...
ولازم يحضرون عندي الآن نفتح محضر ...
أخذت الأم على جنب :
قلت / ياخاله أنتي مالك إلا تروحين لفلانة صديقتي هذا رقمها وعنوانها الان وتقدمين شكوى ضد بناتك ..
الأم وهي تبكي : أرجوك يابنتي أطلعي لأبو البنات معه ( تاكسي ) وصفي للتاكسي المكان أنا ماأعرف ..
طبعا التاكسي جايبهم من القرية علينا على طول ...
طلعت للاب ...
رحمته ومن أول ماشفته بكيت يرجف وهو يطلع الورقه وناداني :
يابنتي أقري ...
طبعا كاتب : أنا فلان الفلاني متنازل عن بناتي ومتبرء منهم ليوم الدين ومبصم ...
( ليتني ماشفته )
المهم وصفت المكان ..... وراحوا لصديقتي ...
بعد ساعتين أتصلت أطمئن قالت صديقتي :: يالمسكينة ضايق صدرك .عليهم.. صدق أنك حبيبة ...
قلت / ليه ...
قالت مسكنا الأم وقالت مثل ماقالت لك ...
ومسكنا البنات وحققنا معم وعرفوا أن الدعوة فيها محاكم وبلاوي وسجن مو بس خذني جيتك وفجروا المفاجاة ...
أن أمهم من كانوا صغار وهي تعمل في نفس مجال بناتها ....
ولها سوابق كثيرة .... وأنهم ( البنات ) مستعدين يجيبون شهود يشهدون على أمهم ....
وبعد كذا ضغطنا على الأم بضرورة توقيعها على الشكوى ضد بناتها وخافت ...
من بناتها لايكبرون المشكله وقالت خلاص أصلا أحنى جايين الرياض نتمشى وهربت مع بناتها ...

طبعا الحرمة رجعت لي .... وبرضوا تبكي وأنا خلاص عرفت السالفه ..
وقالت / يابنتي أنا عارفه أنك عرفتي السالفة كلها من صديقتك ...
بس أنا أرتحت لك وودي تساعديني وش أسوي ..
أنا لما كنت شابة سويت وسويت وسويت وأنا عارفة أنها عقوبه من الله بس معاد أدري الحين وش أسوي ..
تبت لله بس بناتي لما أشوفهم حاليا يضربوني ويطلعون مع شباب قدامي أحس أني أموت ألف مرة ومابيدي شيء...
وتبكي بكاء يقطع القلب ...

قلت والله ياخاله ماأدري وش أسوي لك ... ودي أساعدك وحاسة فيك بس بنفس الوقت مشكله كبيرة مالها حل ...
قلت أنتظري شوي ...
وأتصلت على صديقه أخرى زوجها من رجال هيئة الامر بالمعروف ( أدامهم الله )
وقلت أستشيريه .... وأستشارته وقال خذي رقم مكتب الهيئة في قريتهم ,, تكلم فلان الفلاني الام ,, لما بناتها يخرجون وتجي الهيئة لعند بيتهم وتقبض عليهم وتتم جميع الاجراءت ....
وينظر في أمرهم ...والام بحكم أنها مراة كبيرة وتائبة أنشاء الله ماتتضرر...
وعطيت الأم رقم الشخص ورقمي وأنتظر منها أتصال تطمني ....

موضوع مؤلم ... بس
الأنسان مهما عمل من عمل رجل أو أمراة فسوف يجدة في أحب الناس الية أطفاله ...
اللهم أحفظنا وأياكم ...

لكم هذة الابيات ..

النفس تبكي على الدنيا وقد علمت أن السلامة فيها ترك مافيها .....
لا دار للمرء بعد الموت يسكنها إلا التى كان قبل الموت يبنيها ....
فإن بناها بخير طاب مسكنه وإن بناها بشر خاب بانيها ....

em tala · 12-12-2007, 09:06

قصة مؤثرة مشكورة حبيبتي

الحزن الحائر · 12-12-2007, 11:56

لاحول ولاقوه الا بالله
شكررررررررررررررررررررررررا الله يعطيك العافيه

عاشق الزان · 12-12-2007, 14:21

لاحول ولاقوة الابالله

أم الفواطم · 12-12-2007, 18:07

لا حول ولا قوة الا بالله ,,,,
اللهم لاتبلانا ,,,,, هذا من استهتار الأباء يبنون بناء ويهدمونه على ابنائهم .
اللهم لا بلوى ,,,,
شكراً لك .

عروس الرياض · 12-12-2007, 18:56

اقتباس:

المشاركة الأصلية كتبت بواسطة em tala

قصة مؤثرة مشكورة حبيبتي

تسلمي أختي حياكي ... منورة ...

عروس الرياض · 13-12-2007, 21:06

اقتباس:

المشاركة الأصلية كتبت بواسطة الحزن الحائر

لاحول ولاقوه الا بالله
شكررررررررررررررررررررررررا الله يعطيك العافيه

يعافيك ياربي وشكرا على المرور.......

عروس الرياض · 14-12-2007, 04:05

اقتباس:

المشاركة الأصلية كتبت بواسطة عاشق الزان

لاحول ولاقوة الابالله

شكرا أخوي على المرور ....

تعب قلبها · 14-12-2007, 05:10

قصه مره حزينه... باين عليك ياقلبي طيبه حيييييييييل ..الله يحفضك يارب..

عروس الرياض · 14-12-2007, 14:24

اقتباس:

المشاركة الأصلية كتبت بواسطة أم الفواطم

لا حول ولا قوة الا بالله ,,,,
اللهم لاتبلانا ,,,,, هذا من استهتار الأباء يبنون بناء ويهدمونه على ابنائهم .
اللهم لا بلوى ,,,,
شكراً لك .

مشكورة أختى أم الفواطم على المرور ...... وحياك ...

حور~ · 24-12-2007, 19:41

لا حول ولا قوة إلا بالله
و أستغفر الله بس
اللهم لا شماتة
بس ترا الجزاء من جنس العمل

الله يحفظنا من شرور أنفسنا و الله

رقة مشاعر · 24-12-2007, 19:53

..

لاحول ولا قوة الا باللهخ

الله يستر على بيوت المسلمين

ويحفظنا واياهعم من كل مكروه وسؤ وفتنه

من جد قصة مؤثرة

ياريت توافينا باللي حصل بعد ما يتصلون عليك <<<ذابحتها اللقافة ههه

..

عروس الرياض · 24-12-2007, 21:53

اقتباس:

المشاركة الأصلية كتبت بواسطة تعب قلبها

قصه مره حزينه... باين عليك ياقلبي طيبه حيييييييييل ..الله يحفضك يارب..

أشكرك ياتعب قلبها ....
وقلبك أطيب يالغاليه ...

عروس الرياض · 24-12-2007, 21:54

اقتباس:

المشاركة الأصلية كتبت بواسطة أم خماس الحلوة

لا حول ولا قوة إلا بالله
و أستغفر الله بس
اللهم لا شماتة
بس ترا الجزاء من جنس العمل
الله يحفظنا من شرور أنفسنا و الله

نورتي يالغاليه وتحياتي لك ...

عروس الرياض · 24-12-2007, 21:56

اقتباس:

المشاركة الأصلية كتبت بواسطة رقة مشاعر

..
لاحول ولا قوة الا باللهخ
الله يستر على بيوت المسلمين
ويحفظنا واياهعم من كل مكروه وسؤ وفتنه
من جد قصة مؤثرة
ياريت توافينا باللي حصل بعد ما يتصلون عليك <<<ذابحتها اللقافة ههه
..

مشكورة على المرور يارقه ....
وللأسف مدري وش صار عليهم ...
الله يستر على الجميع ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أتمنى أن تكون عبرة ..