عالم الحياة الزوجية - منتدى

بنوتة الحنان · 13-12-2007, 21:46

بسم الله الرحمن الرحيم
صبـــاح / مســاء الخيـــر

انا جايبة لكم موضوع مره مفيد لكل عروسة وشفته من منتدى وقراءته وفـــادني مره
كثيـــر

وحبيت انقله و افيدكم كمـــان ... وما راح يكــون عندك ان شاء الله اي حيـــرة

والموضـــوع إلي قراءتــــه كان على اجـــزاء ووالله يابنــــات انه مفيــــد واجزاءه كثير

وان شاء الله كل يوم بنزل لكم جــــزء بعد ماالاقــي منكم تفـــاعــل .. وان شاء الله
مايكــــون

الموضــــوع مكـــرر بالمنتــــدى ...

والأجـــزاء راح تتكلـــم عن :

1الاشياء اللي على أي بنت تسويها قبل الخطوبه.

2الاشياء اللي لازم تسويها عند خطبتها.

3التجهيز للملكه.

4ايام الملكه.

5التجهيــز بالتفصيــل الممل

6العنايه بالجسم

7ترتيب الشنط والاشياء اللي تسوينها فبل زواجل بيوم

8ليله الدخله والصباحيه

9 ثقافه عامه وتتعلق ب( طريقه معاملتك مع زوجك وافكار حلوه
مشاكل السنه الاولى من الزواج وكيفيه تفاديها (بشرح مبسط لان ليس لس خبره في هالمجال)

التعامل مع اهله واهلك.

التعامل مع المنزل ( طبخ .. تنظيف ...الخ
تنظيم وقتك

10نصائح مفييده جدا ومسك الختام

وان شـــاء الله راح ابدء انزل لكم الأجـــزاء وان شاء الله الاقــي منكم تفــــاعل ياعرايـــس

واي وحده عندهـــا فكرهـ او معلومه شافتها من مكان آخر او نصيحــــة لا تبخـــل فيهـــا ..

ولا تنســــون إن هالمـــوضــــوع مفيـــد جدآومنــقــــول لما فيه من فائدة لعيــــونكـــم الحلوة

واتمنـــى انكـــم ماتنســـوني بالدعــــاء بأن الله يستر علي ...

والله يوفقكم يـــارب ..

بنوتة الحنان · 13-12-2007, 21:55

الاشياء اللي على البنت تسويها قبل الخطبه
وهي تنقسم لاقسام

أ)علاقه البنت بربها

أي بنت تبي ربي يوفقها ويرزقها باللي تبي تتقرب الى الله (اكيد كلكم تصلون وتصومون) لاكن فيه أشياء نهملها احيانا وهي
#الصدقه# تراها دفع بلا
#الدعاء# وخاصه في الثلث الخير من الليل
يابنات ربي بعزته وجلاله ينزل الى الساء الدنياعشان ندعي والوحده ولا همها ما تكلف نفسها تروح تصلي ركعتين
نصيحتي قومي من نومك قبل اذان الفجر بنص ساعه وتوضي وتجهز مكان هادئ والضوء خافت وتلتجأ الى الله تقرا لو صفحه واحده من القران وتصلي ركعتين وترفع يدينها للسماء تستغفر لذنوبها وتدعي الله
جربوها صدقوني اللي يصير انشراح بالصدر وشعور غريب وحلو
ولا تنسين وانت تدعين تخيلي الجنه تنتظرك باذن الله..
# الابتسامه# اولا صدقه
ثانيا تخلي الوجه احلى وترفع الخدود

ب) علاقه البنت مع جمالها وجسمها

- حافظي على نظافتك بشكل دقيق وخلي ريحتك دايم عطره
-سوي لنفسك جدول للعنايه بالبشره والشعر ولا تهملين الرياضه.
- رطبي جسمل طوال اليوم خاصه بعد الشور وخلي اخر مويه تنزل عليك بارده عشان الجسم ينشد
- النوم وما ادراك ما النوم لازم تامين بالليل (علمي روحك) انا اذا نمت باليل وصحيت ياي تقولون ملكه جمال
بس تدرون وين السر
انه يكون نوم ليل
وانك تكتفيييييييييييييييييييييييين يعني تشبعين
اهتمي بنظافه اسنانك ( انصحكم بالسواك خليه معالك حتى وانت قدام التلفزيون) واي مشكله من البدايه روحي لطبيبه
بالنسبه للمكياج واللبس كل واحد وذوقها لاكن لاحظي
مكياج الصباح والليل يختلفون
ملابسك قللي الالوان الغامقه وكثري الفاتحه خليك زي الفراشه0 البسي الي يناسب عمرك وجسمك

ج) عنايه الفتاه بالمنطقه الحساسه

فيه نصائح لازم تمشين عليها ولا بتندمين ..
1لاتمشين على شي بارد وانت حافيه القدمين
2لاتجلسين على شي بادر
3لا تحملين شي ثقيل مهما كان
4اذا جت الدوره البسي فوق الكلوت شورت اوبنطلون لازم ولا ترى يدخل الهواء والبرد ويسببون لك مشاكل واشربي يانسون قرفه شمر بس لا تكثرين
5فيه نصيحه تقول لا تستحمين ايم الدوره واذا بغيتي اولا غسلي شعرك وبعديه مسحي جسمك بفوطه مبلله ((بصراحة ماني مقتنعة فيهابس حبيت أقولها لكم زي ماسمعتها))
6قللي من الزبادي والباميه والاشياء اللزجه وكثري من الخضروات والفواكه
-اهتمي بنظافتها وبعد الدوره حطي مسك وتمتعي بالانتعاش
5فيه موضوع بنزله لكم في الحياه الاسريه انصح الكل يقراه
اذا طبقتو هلنصائح بتصيرين بعد الزواج فراش وكل شي تمام

د)التغذيه

باختصار خلي غذائك متكامل وشوفي البشره المتغذيه
( هالنقطه راح اتكلم عنها بعدين)

ه) شخصيه الفتاه وعلاقتها بالمجتمع

-خليك مبتسمه دائما وعودي نفسك
-كوني ذوق مع الناس ودبلوماسيه بتصرفاتك وكلامك واذا طلب شخص منك خدمه
اذاتقدرين .. قدميها بطيب نفس وكلام حلو
اذا ما تقدرين.. اعتذري باسلوب راقي
-حاولي ما تنامين واحد زعلان عليك او انت زعلانه على احد
-مشيتك لازم تكون راكزه وكتوفك مرفوعه وراسك لقدام ومشيتك كلها نعومه وانوثه
- ثقي بنفسك مهما كانت عيوبك حاولي تعدلينها مو تفقدين الثقه( اللي يمشي واثق يمشي ملك)
-خلي صوتك دايم هادي وكلامك قليل ومفيد ولا تقاطعين احد بكلامه
واذا تكلمتي مع مجموعه لا تقدمين راسك خليك ثابته وكلامك شوي شوي.
انتبهي لطريقه اكلك وتعلمي الاتكيت.
ثقفي نفسك بكل المجالات ولو معلوات بسيطه وكثره القراء بتغير من شخصيتك للافضل بدون ما تحسين
ثقفي نفسك بامور الزواج وخلي المعلومات توصلك من اماكن موثوقه ومحترمه.

انتهى الجـزء الأول

لاتنسوني من الدعاء بالتوفيق بحياتي

بنوتة الحنان · 13-12-2007, 22:00

الجـــــزء الــثــــاني / الاشياء اللي لازم تسويها عند خطبتها

اول خطوه مو عليك هاذي على اهلك..السؤال لازم اهلك يسألون عنه كويس حتى لو كان قريبكم (في المسجد..جيرانه.. زملائه في العمل واصدقائه ) صدقوني هالخطوه مهمه مويومين او ثلاث وتقولون ايه زين (ترى اذا فات الفوت ما ينفع الصوت) وعلى فكره الوسامه والمركز الاجتماعي وكثره المال مو هي اللي بتخليه يسعدك لاكن اذا كان زين والاشياء او بعضها فيه خير على خير
بس صدقوني وهالكلام يعرفونه المتزوجات اهم شي الاخلاق والدين
اهم شي صدقوني

ثاني خطوه.. والله سألتوا عنه وطلع الرجال زين وصار فيه ارتياح نفسي مبدئي تروحين حبيبتي توضين وتفرشين السجاده وتصلين وتستخيرين الله يعني تدعين ( اللهم اني استخيرك بعلمك واستقدرك بقدرتك واسألك من فضلك العظيم فانك تقدر ولا اقدر وانت تعلم ولا اعلم وانت علام الغيوب
اللهم ان كنت تعلم ان زواجي من فلان خير لي في ديني ودنياي وعاقبة امري فقدره لي ويسره لي ثم بارك لي فيه وان كنت تعلم ان زواجي من فلان شر لي في ديني ودنياي وعاقبه امري فاصرفه عني واصرفني عنه واقدر لي الخير حيث تشاء ثم بارك لي فيه) ادعي وانت خاشعه وبعدها
ان حسيتي براحه توكلي على الله ووافقي
وان حسيتي بضيقه صدر الله يرزقك غيره
واذا ما حسيتي بشي توكلي على الله واذا مو خيره ربي راح يصرفه عنك

ثالث خطوه.. الان تمت الموافقه تجي النظره الشرعيه
-لاتبالغين في شكلك بعدين ينصم فيك بعد الزواج ويمكن يسمعك كلام ما تحبين تسمعينه.
-الشعر سرحيه تسريحه حلوه وبسيطه اهم شي مايكون على وجهك عشان يبان الوجه واذا شعرك مو ناعم لا تستشورينه الافضل تحطين جل وتجعدينه وتحطين ورده صدقيني بيطلع حلو وخليك طبيعيه احلى.
المكياج .. ان كا ن ولا بد فاونديشن خفيف.. ولا تخفين عيوب وجهك الكبيره
كحل من جوا العين
بلاشر خفيف .. لانه يمكن مع الخوف يصفر وجهك فيصير تعويض
قلوس خفيف.. وصدقيني مع الابتسامه الحلوه بتطلعين قمر
وعلى فكره اصلا الرجال الاغلبيه منهم ما يحبون المكياج الثقيل (بس يموتون بالكحل بدون شدو والقلوس(يعني الشفايف هههههههههههه)
اللبس..اهم شي يكون ساااااااااااااتر ترى مو محرم لك وتذكري ممكن أي شي تسوينه حرام يكون سبب لعدم توفيقك .. الله يوفق الجميع
المهم اللبس زي ما قلنا ساتر+غير مبالغ فيه
لكن هنا يجي الذكاء .. يعني هنا البسي احلى ماعندك وعلميه انك تعرفين الذوق والشياكه وبكذا راح يشوفك طبيعيه وانيقه ( ترى راح يقول بنفسه هاذي وهي بدون مكياج ولبسها كذا اجل وشلون.......... ترى الرجال خيالهم واسع)

اذا دخلتي مو على طول تناظرين لا ادخلي بحياء(بس مو عاد مره تمصخونها) وخليك واثقه ( بالمختصر طبيعيه) واذا جلست شوي بعدين ارفعي وجهك شوي وناظري فيه بس خليك خجوووووووووله ومبتسمه ترى يموتون في البنت البشوشه مو اللي كن عمرها 70هموم الدنيا فوق راسها ويمكن مع ابتسامه حلوه ونظره حلوه منك يطيح في حبك
-البعض عند النظره يسأل البنت كم سؤال عالطاير عشان يسمع صوتها وياخذ لو فكره عن تفكيرها عشان كذا
- لا تخلين خجلك الزايد يمنعك من الكلام بس خلي اجوبتك واضحه ومختصره والصوت واضح لاكن واطي وكله انوثه
وبالتوفيق للجميع

((( الحين كل بنت بتنخطب تروح تسوي بروفات )))

خلص الجزء الثاني
ولنــا عــودة لتكملة باقي الأجــزاء اذا عجبكم
اما اذا ماعجبكم قولوا وانا اوقف

لاتنسوني من الدعاء

lunar maria · 14-12-2007, 06:54

الله يوفقك

لفتات مفيدة

يعطيكٍ العافيه ....تشكرين على هالجهد

نبـ الروح ـض · 14-12-2007, 07:58

جزاك ربي الجنه

وش هالنصائح

ابحفظها واخليها لوقت عوزه

في حفظ الله

حور~ · 14-12-2007, 10:39

يعطيج ألف عافية يالغلا
بانتظار الباقي
شكراااااا

NASREEN115 · 14-12-2007, 10:55

يعطيك مليووووووووووووووووووووووووووووووووووووووووووووووو ن عااااااااااااااااااااااااااااااااااااااااااافية
موضوع هااااااااااااااااااااااااااااااااااااااااااااااااا اااااااااااااااايل
سلمت يداك

لي عودة باذن الله تعالى

sally meido · 16-12-2007, 15:16

جزاك الله خيرا

بنوتة الحنان · 16-12-2007, 21:01

سالي
اسعدتني طلتك غاليتي
دمتي بود حبيبتي
انتظريني بالبقيه

بنوتة الحنان · 17-12-2007, 00:40

الجزء الثــــالـــث / التجهيز للملكه

بعا بعد الخطوبه والموافقه التامه يتم تحديد (عقد القران) فيه ناس تكتب العقد لكن مايشوفون بعض الا ليله الدخله
فيه ناس لا عادي تكلمه وناس تطلع معاه مع وجود اطفال معهم
وفيه ناس تسوي حفل (عائلي ,صغير.كبير نوعا ما)
المهم احنا راح نفرض انها راح تسوي حفله وتشوفه
وش الاشياء اللي راح تسويها

-اول شي تحجز لها فستان وجزمه سواء تفصيل او جاهز ويفضل انه يكون فاتح ويبين انوثتها ونعوم لان البعض يمشي على الموضه واحيانا تكون الموضه فضفاضه من فوق او فيها حركات (وهالاشياء تنفع اذا كانت معزومه وبتوري الناس كشختها وانها تعرف الموضه )لاكن الرجال صدقوني ما تعجبهم هالاشياء وهنا المهم زوجك اولا واخيرا

-تحجز الكوافير اللي راح تسوي مكياجها وزي ما قلنا المكياج الثقيل ما يعجب الرجال وحتى انا شخصيا ما يعجبني الروج خليه فاتح نصيحتي والعين بدعي فيها بس بذوق
التسريحه كل واحد وذوقه وشوفي وش الدارج بالتسريحات واللي يناسبك

-تشتري الطقم اللي بتلبسه سواء اكسسوار ( البعض يفضله مثل شوار فسكي) اوذهب او ماس كل واحد وعاداته

-حجز المصوره للي تبي

-حجز الحلويات والعصائر والقهوجيات

حجز المكان اللي راح تسوون فيه الحفل (اذا مو بالبيت) والعشاء طبعا من المطعم

-بالنسبه للطق ان افضل دي جي للملكه

-تكثف العنايه ببشرتها هالايام

تشتري لها عطر يهوس
قبل الملكه بيوم

-تروح مركز او مشغل موثوق(افضل المركز)
تشيل شعر جسمها
تنظف البشره
بديكير ومناكير( والدارج الان احمر ,بنفسجي)
حمام زيت
وترجع البيت تشرب لها عصير وتناام

نفس اليوم

العصر تاخذ لها شور محترم وتفرك جسمها بالسكراب او ليفه( بس انتبهو لا تقطعون اجسامكم)
بعدها نشفي جسمك تنشيف خفيف(وحطي مرطب وهو لسه رطب لانه يحبس الرطوبه فما يجف جسمك)
المهم بعدها رشي البودره على جسمك وتبخري ورشي العطر على جسمك وملابسك
وروحي للمشغل يسووون لك الميك اب والتسريحه
وبعدها شيلي شلايلك وروحي البيت او الاستراحه او القاعه او الفندق(كل واحد وعاداته) والبسي وخذي لك كم صوره مع المعرس

لا تنسووووووووووني من الدعوه

بنوتة الحنان · 17-12-2007, 00:44

الجزء الـــرابـــع / نتكلم عن ايام الملكه

من تجربة صديقاتي وتجربه الكثيريييييين اهنئ كل وحده تدخل هالمرحله لانها كلها رومنسيات وحب ودلع وروحات السوق يعني اسميها (مرحله الدلع) حتى اهلك ما يرفضون لك شي لانك بتفارقيهم (الا اذا كان مو معقول)
وراح اتكلم عن هالمرحله في نقاط للتسهيل

1) اللبس

خلييييييك شيك على قد ما تقدرين غيري من تسريحات شعرك غيري من المكياج غيري بس اسلوب لبسك خليه يشوفك في كل مره اميره جديده
طبعا بيموت عشان يشوفك لابسه مشخلع ومفتح
من ناحيه الدين ؟ يجوز
من ناحيه العادات.؟ كل وحد وعاداته بس لكل شي حد يهني ممكن كت او شويه من الصدر اوالظهر
ممكن بناطيل وخلافه ترى صار زوجك بس موعاد كنك لابسه قميص نوم لا ترى كل شي له حد على الاقل احترمي حرمه بيت اهلك
وانا قلت تلبسون كذا بس من فتره لفتره لزوم التشويق وغض البصر عن غيرك
طبعا الايام الاولي البسي ساااااااااااااااااااتر وخليك فتره حتى لو طلب بعدها فاجئيه بلبس من اللي قلت عليهم وشوفي الاطراء
وهكذا فتره تستري وفتره لبس دلع عشان ما يطفى
وطبعا قبل الزواج بشهر ونص كم طويل لانك راح تخلين الشعر من دون شيل استعداد للعرس

2)علاقتك معاه

اولا قسمي الفتره من عقد القران الى موعد الزواج الى3اقسام:

الفتره الاولى.. خليك هاديه على الاخر ورسميه شوي وغامضه وصدقيني كذا هو راح يتكلم بما انك ساكته ولراح تعرفين شلون يفكر عشان بعدين تعرفين وش تقولين وما تندمين على شي قلتيه
وعلى فكره الرجال مهما كان متفتح يموت على الغامضه والثقيله يبي هو يعرف يطلع ها من غموضه وهذا اللي راح يصير في الفترات الثانيه وبكذا عشان يحس بقدرته الكبيره وبكذا يحبك اكثر ويلاحقك اكثر عشان يفك الغموض اذا قال نكت اكتفي بابتسامه مع ضحكه صغييييره

بس انتبهومو تكشروون لا خليكم بشوشات اذا ناظر في وجهك يتفائل بالمستقبل

الفتره الثانيه... وسط بكل شي يعني تسولفسن وتاخذين راحتك بدون تعمق بس لا تطولين الهرج بعدين يمل خلي شوووووووويه غموض واذا قال نكت عااااادي اضحكي من قلب بس خلي ضحكتك انثويه
يعني طبيعيه وبحدود

الفتره الثالثه.. خلاص قرب موعد الزواج تناقشي معاه بااسلوب حلو حاولي تفهمينه اكثر
ممكن تنكتين تورينه خفه دمك براحتك
ممكن تتناقشون في اشياء خااصه بس لا تتعدين حدودك
مثلا اذا سألك عن موعد الدوره ما فيها شي لكن العميق نصيحه مني اذا ناقشك صرفيه بطريقه دبلوملسيه
ممكن في هالفتره بوسه عالطاير من باب التشوييق وتقربكم لبعض اكثر

الرسايل
الفتره الاولى .. في البدايه خليه هو يراسل لفتره بعدها ابدي برسايل عاديه وبريئه ممكن الرسايل اللي فيها ( اختار من 1 الى 10) توسع الصدر
اواللي تجي (7اسئله جاوب عليها بصراحه) وبكذا تكتشفينه اكثر بدون احراج

الفتره الثانيه..
رساااااااايل حب شوق عتااب وهكذا
بس حاولي 60% هو اللي يبدا و50% انت

الفتره الثالثه..
كلهاااااااااااااااا شووووووووووووووووق بوساااااااااااااااااااات
والحديث عن المستقبل

الطلعه معاه
اذا طلب منك تطلعين معا او كيه بس بشرطين لا تتنازلين عنهم
0علم الاهل
0تاخذين معاك اختك او اخوك الصغير

ولا تسمحين له باي حال من الاحوااااال انه يسوي معك حركاات اباحيه او الي بالي بالكم
ترى حتى لو واثقه فيه من يدري يمكن يموت (لاسمح الله قبل الزواج) بعدها وش تقولين للناس
وين الاثبات
ممكن تنقلب حياتك تعاااسه
خليه بس بوسات وخفيفه بعد ترى لاحقيييييين ومنها تشويق له

التقديم
طبعا اذا جاء عندك انوااع العصيرات والحلى وتفنني في الكابتشينو
صيري مبدعه وبايدينك وخبريه انك انت اللي مسويتها
اللي ما تعرف لاتقول ما عرف المنتدى مليان

المفاجأت
ممكن تسوين حفله خاصه في البيت بسسب شي زين صار له واذا مافيه سبب قولي بدون سبب بس لعيونك
وطبعا تجيبي كيكه وعصير وتقعدوون على اضواء الشموع

وانتـــظــــرونـــــي بالجــ5ـــزء
ونبـــي تفـــاعــــل
ولا تنسونــــي بدعــوة حلوة

نبـ الروح ـض · 17-12-2007, 06:05

الله عليك يابنوته

الله يوفقك ويرزقك ماتتمنين يارب

ومن خير الدنيا والاخره

جزاك ربي الجنه على هالاجزاء الحلوه والمدروسه

ان شاء الله ربي يرزقنا واياك وكل بنوتانا وانطبقها قريييييييب

في حفظ الله

حور~ · 17-12-2007, 07:39

حلووووووووووووو

تسلم الأنامل يالغلا

و ربي يرزق كل العذارى يا رب

بنوتة الحنان · 31-12-2007, 13:21

ام خماس الحلوه
امين يارب العالمين
الأروع تواجدك وتشريفك متصفحي

لاعدمت طلتك الدائمة والمميزة

مع كل الود والتقدير ..

بنوتة الحنان · 31-12-2007, 13:23

ميس سلايد

اللهم امين يارب العالمين

افرحني دعائك كثير حبيبتي

لاحرمك الله بمثله ياارب
جزيتي خيرايارب
ووفقك الله دنياواخره ياقلب بنوته
شاكرة تواصلك العذب وردودك العطرة

لاعدمت روعة تواصلك

دمتِ بكل الحب ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لعيون البنات كل عروس تبي تصير أميره زمانها ...