|
|||||||
الأبتسامه والفرفشه والضحك احلى النكت ، مقالب المحششين ، غباء ، ذهانة ، مسلفحين ، فضفضة ، نكت على الطاير ، عقول المجانين ، ابتسم ، اضحك ، وسع صدرك ، يمنع ذكر جنسيات أو قبائل محددة |
 |
|
|
LinkBack | أدوات الموضوع | طرق مشاهدة الموضوع |
21-12-2007, 23:45
|
#1 (permalink) |
|
عضو نادي الألف
 
تاريخ التسجيل: 31-08-2007
المشاركات: 4,666
|
شـاطئ العـراة..!!
على الأعضاء الألتزام بالحشمة في هذا الموضوع ... لأن فيه أفكار قاسيه قد لا يتحملها العضو ويضيع مستقبله ... والأعضاء المتعودين على الشوطئ هذي ممن هم يرتادون الكامات .. درعم ودربك أخضرر
قدر الله علي وطحت بشلة فساد .. حثالة المجتمع .. بعد ماكنت فطفوط مادري وينهي موليّـتن معه ... يتعوذ بليس منهم ... ماسلم منهم لاكبير ولاصغير .. وأتعس واحد في هالشلـة ماتاكل دراهمه النيران .. بنوك متحركة ... وانا المسيكين اللي طايحن بالمقرّضـه ... أتنيذخ عندهم بزعمي كاش ومتواضع .. وهم دارين أنه مابراسي واني مطفر .. وفالينها معي يبون واحد يطقطقون عليه وخاصة لاصاروا مـأجرين الدور الثاني !! وكالعادة في سهراتهم واللي يكون فيها كـل مالذ وطاب من أكون آخر من يفرش سراي ... ومشاريعي محد يذكرها .. يقولون خلها ألـين تكبر ! مليت من هالحاله ... مليت من الطفره ... هم ماجتهم دراهمهم بتعب ... كانوا طفارى مثلي وبلحظة ورث قلبت حياتهم ... شلون أقدر أوصل لهم ... متى بيوصلني الدور ... متى بيتصلون علي المستشفى .. وأناظر جوالي ( البطارية فارغة أعد شحن الجوال ) ... ضاقت حيلتي ... وضاق صدري .. رجعت للبيت أدربي هالدمجه .. أشوت القواطي على بالي أني متضايق وأفكـر .. وان جينا للصدق مضـيعن وين بيتنا فيه !! وصلت للبيت بعد ما أجتمع سبعين جني يحاولون يقنعوني أن بيتنا ماهوب بين هالقصور ... واني ساكن في بيت شعبي بالشميسي عند شايبن أعور بسبع أرواح .. ورّثني الدجه والفغره ... بس الفرق ان عنده دراهم وصاكـها عـننا يقول القرش الابيض ينفع باليوم الأسود ... حاولت أني أرتكب الفراغ .. وأجيب العيد في الشايب .. وأقحش اللي عنده بحكم اني الوريث الوحيد له ... وفي يوم أغبر مابه ولا نسمه هواء.. طلعت للسطح أبي أفكر بطريقه أخذ منها قروش أبوي .. وأنسدحت على جنب طالعن بطني وحاطن يدي في وسط سري وأفركـه تسني شايب يبي يوزن الرادو على إذاعة لندن ...على أساس أني أفـكر .... وتجي براسي فكـره ميب صاحيه وأنقز من السطح لبيت السوسه ... داشر مشهود له بالمواقف المشـرفه ... وأوصيه يروح للبحرين ويعصر أبط روسية معطوبه .. ويجيبه لي... ماقصر والله ... راح وبعد ثلاث أيام جاني الظهر وبيده علبه ملفوفتن بمنديل ... تسنه واحد جاي يبي يحلل بمستوصف أخذت العلبه بعد ماعطيته المقسوم .. ورحت صبيتها في طاسة اللبن حقت أبوي ... وعقب الغداء وبعد ماشرب اللبن .. وقام يتاغر كنه واحد يخفق بطار ... وراح ينام .. قلت شكلها آخر نومة ... وبعد نص ساعه رحت أطل عليه .. وألقاه جالسن بالفراش مابعد ناااام ... سألته وش فيك مانمت .. قال مادري والله أحس ودي أغسل السياره !! الله ياخذك يالسوسه.. شكل الروسيه طابتن بالمنشطات... رجعت قافلتن معي أبي أخلص من الموضوع بأي طريقة .. وبأسرع طريقة ... وأخذ لي رايش حديد .. وأحطه في الدله أبي ألحق عليه لا بغى يتقهوى العصر .. وقام وجلس يقحن من الدله الين شوّك وجهه صار كنه حبـه برشوم .. وانا جالسن قدامه أحتريه يوصيني والا يفكني ... قام مستنشط وأخذ ترمس الشاهي يبي يطلع لدكـانه كالعادة كل عصر وهو طالع من البيت عند العتبه زلق ومات !! .. وانا أناظر مانيب مصدق خانقتني العبره قدام باب البيت فيني الصيحه والعالم يمرون من عندي ويصبّروني على بلواي ... وانا أصرّخ من القهر لي شهور متحمس ودي أفتك ليييييييييه كذا .. لو أني داري كان دعكت العتبه بودكه ... كان شحّمت زبيرياته ... ماتسوى علي يذلني السوسه ما أستفدت ...
__________________
هتلر أسطورة عاليمة دونها التاريخ من أرض الواقع ابتداء في تحقيق حلمه بأن يحكم العالم والسيطرة عليه وانتهى في سحق آمه بأكلمها وقتل نفسـة (( على مايبدو لي انة احمق عظيم )) |
|
|
|
21-12-2007, 23:45
|
#2 (permalink) |
|
عضو نادي الألف
تاريخ التسجيل: 31-08-2007
المشاركات: 4,666
|
رد: شـاطئ العـراة..!!
وفي أيام العزاء .. والعالم متجمعين في البرحه اللي قدام بيتنا ... وانا مسوي نفسي زعلان ومتضايق ... ومافي بالي الا العزّ والورث ... والجلسة بصدر المجلس
تاخذني الهواجيس وتمسط بي ... أتخيل القصور والعزّ والبنيـّات يميني ويساري كل وحده تقول الزود عندي .. وأتخيل هالسيارات وهالساحات اللي بالقصر وأبوي واقف يقول لي .. والله يانت تبي عظم بعد وأتعوذ من بليس وأرجع أكمل خيالي .. وأوخر شوي عن أبوي وأتخيل غرف النوم والسرير اللي بسقف .. ويجيني الفطور بطاولة الـى فراشي وانا نايم .. وأتخيل أبوي يجيب لي الفطور يقول لي ... تبطي عظم أستوعبت الموقف وانا جالسن بالبراحه بلحالي ... مافيه أحد كلن حط عندي برشامة كاتبن فيها عزاه ... وخاتمن البرشامة بمبلغ الديون اللي على أبوي .. ورقم تلفونه ... جمعتها كلها وشبيت فيها في وسط البرحه ورحت لبيتنا قافلتن معي ألعن الساعه اللي فكرت فيها احط عزاء .. المفروض على رسالة جوال أرسلها للناس وقضينا دخلت البيت وسلمت على أميمتي وقلت لها .. قومي الله لا يهينتس جيبي صندوق التجوري حق أبوي .. خلينا نخلص من حصر الورث ترى مليت أنتظر !! ما أمداني أكمل كلمتي الا وصندوق التجوري في وسط الصالة شكلها مستعجله هي الثانيه ... الظاهر أنفك الحـصـار وتبي تعرس تشوف نفسها وأطل في وسط التجوري وألقى امعشيش على قرطاسة وأربع معاضد حديد جايبهن لأمي شبكه وبعد ما أعرس أخذها منها ... تهاوشت أنا وأمي على معاضد الحديد .. الين ضاقت حيلتي وأخذتها وصفيت على القرطاسة اللي حطيتها بمخباتي وفيني غصه مايعلم بها الا الله .... طفران إلى الأبد رحت لغرفتي وفتحت القرطاسه ... جلست أقرى في القرطاسه ... والقاها صك لأرض 300 م .. في الخرج جايتن أبوي منحه ... بلعت ريقي وانسدحت على جنب عشان أعرف أستوعب ... وأطلع بطني وأحط أصبعي في وسط سري وأبدى أفركه بسرعه وحماس أبي أفهم وش السالفه ... ماضبطت وأرجع أنسدح على جنبي الثاني وأحط أصبعي الكبير في وسط سري ... الحاله دمار ولازم أعرف وش السالفه الين لـقـم مخي وبديت أستوعب ... وأقرى في الورقه وألقاها بالفعل أرض مساحتها 300 بالخرج ... وأمزع أصبعي من وسط سرّي ويطلع صوت كني فاتحن قارورة شمبانيا وأركب سيارتي القرنقع .. ورحت للخرج أبي أشوف ممتلكاتي ... أبي أستثمر أبي دراهم أبي أفرش سراي .. لقيتها أرض فاضيه بـسور مزلوجه بباب حديد .. لو هي بدون باب أستر لها ... صايرتن كنها مصريه بالصيف حجاب والدرب أخضر ! رحت لأخوياي كالعادة في وحده من سهراتهم ... وجلست اتشاور معهم بخصوص الأرض حقتي ووش أسوي بها .. ونصحوني والله بالأستثمار خاصتن أن الوقت هذا وبعد الاسهم أرتفع سعر الأراضي ... ولو عرفت ألعبها صح ... أبفرش سراي أول واحد ... هبل فيني كلامهم ... خلاني أمشي بدون عقل .. ابي أستثمر بأي شي ... لو أفتح بها فـرع لأرامكو ... اهم شي تجيني القروش الله يلعن هالحاله والله أمـلـع قلبي من الطفره وأرجع للبيت في راسي ألف شي .. مادري وش السالفه .. كني بين شريطيه مواتر كلـن يجرني من جهه ... طلعت للسطح ابي أفكـر بعمق .. وأنسدحت على جنب .. وأحط أصبعي في وسط سرّي وأبدى أفركه شوي شوي عشان أمخمخ بالتفكــير .. الوضع يحتاج تخطيط ... غفيت بمكاني ماوصلت لنتيجة .. قمت من النوم وأرجع أحط أصبعي في وسط سري .. وأحاول أفكر .... ماقدرت أوصل لنتيجة فصخت فنيلتي وجلست أفرك سرّي .. ابي أستثمر هالارض ... ماوصلت لنتيجة ... فركت سرّي بأصبعين .. ابي تفكير مزدوج بدى يشعط ماوصلت لشي ... قفلت معي وفصخت صروال السنه وجلست بالمقوصر وجلست على حيلي.. وأبدى أفرك سرّي بكل أصابعي .. من يشوفني من بعيد يحسبني بزر بدى يستكشف نفسه !! وش أسووووي بها .. وش أسووووي بها .. أفتح طريق الملك فهد بوسطها ... والا أحطها مطار للخرج ... والا أحطها شارع للحوامل .. والا أفتح قارورة ببسي في وسط الأرض ( دايم الطفارى يحوقونها بالتفكير آخر شي ) مااوصلت الا أنه ذبحني البرد متعّري بهالسطح ..
__________________
هتلر أسطورة عاليمة دونها التاريخ من أرض الواقع ابتداء في تحقيق حلمه بأن يحكم العالم والسيطرة عليه وانتهى في سحق آمه بأكلمها وقتل نفسـة (( على مايبدو لي انة احمق عظيم )) |
|
|
|
|
21-12-2007, 23:48
|
#3 (permalink) |
|
عضو نادي الألف
تاريخ التسجيل: 31-08-2007
المشاركات: 4,666
|
رد: شـاطئ العـراة..!!
متعرّي
أي والله أني جبتها .. وعزّ الله أني طلعت بنتيجة ... أبفتح بالأرض شاطئ عراة ... لو عن خاطري ! وابخلي الطفارى اللي مايقدرون يسافرون يشوفون هالشواطئ ... يشوفونها عندي وينبسطون ... وهذي أسرع طريقة للأستثمار وثاني يوم رحت للأرض وأشوف وش ناقصها وش يبي للمشروع عشان يكتمل ... وأبدى أرسم مكان الشاطي .. وقسمتها نصين واحد للشباب والثاني للعوائل ... ووزعت على الأطراف كشكات كلها رسم بالارض ... بس الحين المشكلة شلون أقدر أجيب البحر في وسط هالارض .. وأبدى أفكر بجدية وانا في وسط الارض وأنسدح على جنب وأحط أصبعي على سرّي من فوق الثوب .. ابي أفكر بسطحية مستعجل .. ويطري على بالي دورة الماء انه يتبخر وترجع تمطر مره ثانيه يعني انا بحاجة للمطر ... طيب أندنوسيا شلون صارت ديرتهم كلها ممطره ... وأنقز وأدور بسيارتي وأجمع كل الشغالات اللي بطريقي ... وأحشرهن في وسط الأرض .. وأحتريها تمطر ... لا أمطرت ولاشي ... أقفرت الأرض زودن على فقرها ...قفلت معي ... وفتحت الباب وسرّحت الشغالات بالشارع .... وأدق على السوسه ... ياولد شلون تمطر بأندنوسيا .. وعندنا ماتمطر ... جلس يضحك قال شف وجهك بتعرف ليه ما أمطرت ... بعدين شلون تبيها تمطر وانت منتب حول خط الأستواء .. أندنوسيا يالرخمه على خط الأستواء وهالشي هو اللي خلاها تمطر صكيت السماعة بوجهه ... عشااااان خط الاستواء ... طيب شلون أدبر خط أستواء عندي ... أستنسخه .. والا أفتح لي تحويلة من طريق الخرج على الأرض حقتي وأسميها خط الاستواء .. والا شلون بالضبط حسيت أني توهقت وأستحيت أدق على السوسه خاصتن أني صكيتها بوجهه .. أنسدحت على ظهري وحطيت أصبعي في وسط سري عشان أبي أفكر شلون تمطر السماء ... وجلست أفرك سرّي .. وأفركه وأفركه لو هو بريق كان طلع لي الجني ... بس عجزت أفهم شلون أجيب خط الاستواء ... أصلا مادري وش خط الأستواء هو مثل الخط الكوفي .. والا مثل خط الشرقيه .. قلت مالي إلا أمسك العصا من النص ... وأجيب حبل وأتعلق على سور الأرض وأعلق الخط أخليه يقطع الأرض من النص ... وأعلق عليه لوحه وأكتب عليها ( خط الأستواء .....ولا يوجد لنا فروع أخرى ) ... وأروح أجيب لي شماسه عشان المطر ... ماشوف إلا صقعة الشمس كل مالها ويزود الحرّ تطبخ لهاتك من الضماء ... وأرجع أجيب الشغالات عقب ماسرّحتهن قلت يمكن عشان إذا أجتمعن الاندنوسيات تحت خط الاستواء .. تمطر وأخليهم يمسكون طابور تحت الخط ... وأناظر السماء .. أحتريها تمطر ... باقي شوي ويتحسحس وجهي ... ماهيب مواري أمطاار !! وأمسك الخيزرانه وأسرّح الشغالات بالشارع ... ضايقتن بي الحيله ... مشروعي بيخرب والسبه أني ماعرفت أملى الأرض ماء ... ولا عرفت شلون تمطر السماء ركبت السياره أبي اروح للعيال بتبدى السهره هالحين وانا مادبرت عمري ... وصلت للأستراحه وانا حاطن سراي بمخباتي .. مافيه أمل أفرش هالسرا الله لا يبارك لافي السرااا ولا في ساعته ! وحنا في الاستراحه فتحت طاري الأمطار ووشلون السماء تمطر .. بدون ما أقول لهم وش السالفه عشان مايقلبون السهره علي .. كفاية الموجود ... وبدوا يتكلمون أن فيه شي هالحين أسمه تلقيح السماء ماحاولت أني أسأل اكثر عشان ما أنفضح ... بس واضحه ماتحتاج شرح ... انا ماجيت إلا بنتيجة من زواج أبوي على أمي ... والمطر نتيجة وعشان أقدر أحصل على النتيجة لازم ألقّـح السماء كل هالتفكير بدون ما أحط أصبعي في سرّي !! وثاني يوم وانا في الأرض حقتي ... جايبن معي لقاح نخل .. ابي أنثره في السماء عشان تتلقح وتمطر ... وأبدى أعجعج في وسط الأرض ... وأعجعج الين قمّـعت جبهتي وأحتريها تمطر ... والسماء لابها سحاب ولاهيب مواري مطر .. وش أسوي .. شلون أجيب مويه في وسط هالارض ... المشروع بيخرب وانا مشهّب وجهي من أول خطوه بيخرب المشروع ... قلت في نفسي انا الحين رجل أعمال ولازم أني أسافر أشوف البحر بعيني ووشلون أمتلى ... ورحت للشرقيه ووقفت على البحر .. وجلست أدقق بالشاطي شلون أمتلى ... الين لقيت ماصوره في وسط البحر يسورب منها الماء ... عرفت ان الدعوه من تحت لتحت ... وانادي واحد وأسأله وش هالماصوره .. قال صررف صحي قلت يابعد عمري والله .. حبيت راسه وقلت له الله لا يهينك وأرجع للخرج أمشي بين السماء والارض ... خلاص سهله .. لقيتها أبقلد الشرقيه وأجيب ماصوره صرف صحي في وسط الأرض وأفقعها ... أهل الشرقيه موب أذكى مني ! وأبدى أحفر بالأرض الين لقيت ماصورة الصرف الصحي قلت لا والله أبدور ماصورة البلديه .. خلني أتميز عن أهل الشرقيه هم بحرهم صرف صحي وانا أبحط بحري ماء شرب... واكمل تنقيب في الارض الين لقيت ماصورة البلدية .... وأحفر لها ساقي لوسط عشان يضبط تخطيط الأرض ... وأفقع الماصوره بفاروع الين مابدى الماء يصب في الأرض .. وكشرتي هذا كبرها ... الحمدلله نجحت وبستثمر الأرض ... يوم أمتلت الأرض ماء ... وألزق شطرطون على الماصوره .. وأرجع أدفنها مره ثانيه .. بعد ماكتبت على الماصوره ... الله يعطيكم العافيه ماقصرتوا ... وأدفن الساقي عشان يحسون أن البحر صدق .. وانه من المطر .. وأجيب لوحه وأكتب عليها ... شاطئ العراة وأعلقها على المدخل ... وأحط في وسط الارض كشكات ... بشرط أنهم مايبيعون فيها شي ... لأن الزباين عراة .. وش بيبيعون لهم ... وأكمل زبرقة في الأرض ... وأبدى أدهن بويه زرقاء على الاسوار وأحط حبال وشبك بين النخل عشان يحسون أنهم بشاطئ عراة محترم ... ويقدرون ينامون على هالشبك مثل برى خلاص مابقى إلا أني أسدل الستار عن المشروع ... وأقص شريط الأفتتاح .. ويبدى أول مشروع من نوعة في المنطقة .. وأكون أنا صاحب أول شاطئ عراة .. وأصير مطخطخ .. وأفرش سراي وانا مرتاح ! وأول مافكيت قراطيس اللوحة .. كان أول الزباين دورية قربعوني وطقوني الين عضيت الأرض .. وصندقوني بسيارتهم على الحجز ... ولا أحد سألني وش السالفة ... وانا اقول في نفسي .. هذي أول مشاكل المشاريع الناجحة ..قمت أصارخ عليهم عشان أسوي نفسي رجل أعمال ... وقلت لهم تراكم عطلتوني وسببتوا لي الخساير وهم يناظروني بطرف عين ... وقالوا لي .. الوعد بالمحكمه ... وصلت للمحكمة بدون ما أدري وش تهمتي ... حكم علي القاضي بالسجن سنتين عاري .. والجزاء من جنس العمل عاد هالحين أقول لكم هالقصه ...وانا في الحاير مابقى على سجني إلا 90 يوم ... ولموا أنفسكم ترى المشروع جاهز وبنكمل في شاطئ العراة .... وترى فيه خصم لحامل نسخة من هالموضوع 
__________________
هتلر أسطورة عاليمة دونها التاريخ من أرض الواقع ابتداء في تحقيق حلمه بأن يحكم العالم والسيطرة عليه وانتهى في سحق آمه بأكلمها وقتل نفسـة (( على مايبدو لي انة احمق عظيم )) |
|
|
|
|
14-05-2008, 05:51
|
#4 (permalink) |
|
V.I.P
تاريخ التسجيل: 09-01-2005
الدولة: فديت الديرررررة وغبارها
المشاركات: 13,706
|
رد: شـاطئ العـراة..!!
00
هههههههههههههههههههههههههههههههههههههههههه خخخخخخخخخخخخخخخخخخخخخخ الله يقطع بليسسسسسسسسسك على الاختياااااااااار المجنووووووووون ياشيخ والله انك رااااااااااااايق يسلموووووووووووووووووووووووووو
__________________
  |
|
|
|
14-05-2008, 07:59
|
#5 (permalink) |
|
مشرفة المنتدى العام
تاريخ التسجيل: 13-01-2006
الدولة: وخلصنا الغبار ... وصارت رطوبة ياعالم رطوووووووووووووووبة <<نشرة جوية اوب مكان اقامة هع
المشاركات: 7,723
|
رد: شـاطئ العـراة..!!
.. على ضحك فهد تحمست اقراااا الموضوع بس فيني النوم وحجم خطك ولونه ما يشجع الواحد يقراااا وهو بالحالة المجنونة هذل لي عووودة هع هههههههههههههههه <<<اضحك بس ارفع معنوياتك هههه سي ياااا ..
__________________
......} يَآرب تَهديِني قَبَل لَحْظَة الْفُوت .. وتَغْفَرْ ذَنُوبِي .. يَآكَريّم الْعَطَآيَآ آشْكِيّك هَمِاً دَآخِل الصّدر مَكْبُوت .. وايّآمِي الْلِي بَالخَطَآيا ,, مَلَآيَا ,, {.... حماك لامنا صحينا من الموت واليا وقفنا عند بابك عرايا **لا يشغلكم النت عن اغتنام شهر الطاعاااات**  الف مبروووك دنونة .gif "احبكم") |
|
|
|
|
16-05-2008, 18:08
|
#7 (permalink) |
|
عضو نادي الألف
تاريخ التسجيل: 31-08-2007
المشاركات: 4,666
|
رد: شـاطئ العـراة..!!
إقتباس » ههههههههه حياك وبياك ودامت الضحكه بمحياك مو انا اللى رايق والله اللى كتبها فاضي ههههههههه الله يسعدك على هالمرور
__________________
هتلر أسطورة عاليمة دونها التاريخ من أرض الواقع ابتداء في تحقيق حلمه بأن يحكم العالم والسيطرة عليه وانتهى في سحق آمه بأكلمها وقتل نفسـة (( على مايبدو لي انة احمق عظيم )) |
|
|
|
|
23-06-2008, 12:52
|
#10 (permalink) |
|
مراقبة عالم حواء الجميلة
تاريخ التسجيل: 04-08-2005
الدولة: الـزين نـجدي والـدلع شـرقاوي
المشاركات: 9,240
|
رد: شـاطئ العـراة..!!
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه ههههههههههههههه <<ميته ضحك الله يرجك كان مافيك فيوز صاحي لا انت ولا هو هههههههههههههههههههههههههههههههههههههههه اما هو وسره الله يحوم كبده حسيت بيطلع منه فقع هههههههههههههههههههههههههههههههههههههههههههههههههه هه وععععععععععععععععععععع وموضوع بطرااااااااااااااااااااااااااااااااااااااااااااان وتستاهل التثبيت يامعلم يتثبت لمدة اسبوع لعيون الهبال ههههههههههههههههههههه
__________________
 كتاكيت قلبي.. من كل قلبي اشكر كل من سال عني في غيابي ناس سحبوا علي ^_^ و ناس ماتوقعت يهتمون لغيابي وعن جد اسعدوني بشكل خيالي طيروني من الفرحه، بجد الله لايحرمني منكم   |
|
|
|
|
23-06-2008, 21:55
|
#11 (permalink) |
|
عضو نادي الألف
تاريخ التسجيل: 31-08-2007
المشاركات: 4,666
|
رد: شـاطئ العـراة..!!
إقتباس » ايه الله يرجه هو وسره مو بس طلع الفقع ههههههههههههههه وصل للفقع الدبه .ههههههههههههههههه الله يسعدك ودوم الضحكة بمحياك ... لاعدمناك ومشكوووووووووووووووووووووووره على التثبيت .. يعطيك العافيه ’
__________________
هتلر أسطورة عاليمة دونها التاريخ من أرض الواقع ابتداء في تحقيق حلمه بأن يحكم العالم والسيطرة عليه وانتهى في سحق آمه بأكلمها وقتل نفسـة (( على مايبدو لي انة احمق عظيم )) |
|
|
|
|
24-06-2008, 20:30
|
#14 (permalink) |
|
عضو نادي الألف
تاريخ التسجيل: 31-08-2007
المشاركات: 4,666
|
رد: شـاطئ العـراة..!!
إقتباس » ان شاء الله حياك وبياك باي وقت الله يخليك بس وسعي عيونك المره الثانيه عشان الخط صغير امزح والله حياك باي وقت اختي |
|
|
|
|
25-06-2008, 19:24
|
#15 (permalink) |
|
عضو نادي الألف
تاريخ التسجيل: 31-08-2007
المشاركات: 4,666
|
رد: رد على: شـاطئ العـراة..!!
إقتباس » هههههههه حياك وبياك ودامت الضحك بمحياك لا ياخوي ... هذي مو بفكاري ... مخي مطلع حجات مثل هذي ههههههه هذا منقول وانا اخويك نورتنا والله .
__________________
هتلر أسطورة عاليمة دونها التاريخ من أرض الواقع ابتداء في تحقيق حلمه بأن يحكم العالم والسيطرة عليه وانتهى في سحق آمه بأكلمها وقتل نفسـة (( على مايبدو لي انة احمق عظيم )) |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العاب - العاب بنات - الفراشة - عالم حواء - منتديات - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - بنت الحلال – زواج - اصحاب–تعارف - مدونات مكتوب – مدونات عربية
.gif "حسااافه")
......لي عودة باااااااااااي 
.gif "اخصائي جراح")
العرض العادي
