عالم الحياة الزوجية - منتدى

ام عزازي · 02-01-2008, 16:00

السلام عليكم يا احلى منتدى واحلى اعضاء

شخباركم ؟؟

ان شاء الله كلكم بخير

حبيت ابشركم اني ولدت والحمدلله بالسلامه تاريخ 16\12\2007 وجبت ولد سميته فهد
مع العلم ان موعد ولادتي 25\12\2007 لكن الي صااار الحين بقوولكم قصة ولادتي

الله يسلمكم تاريخ 13\12\2007 رحت المستشفى كان عندي موعد مراجعه معا الطبيبه ودخلت وجيكت علي وقالت لي تمام راس البيبي تحت والحمدلله ولمن شافت بالسونار قالت لي الماي الي على البيبي قليل وما اقدر اخليك اكثر تنتظرين بكره تعالي الصبح الساعه تسع علشان نعطيك طلق صناعي وتولدين لان خطر على البيبي يتم اكثر هني انا مت خووف وطلعت من المستشفى والله وتميت اصيح كنت خايفه على البيبي وخايفه من الطلق الصناعي

المووهم يوم الجمعه 14\12\2007 رحت المستشفى الساعه تسع الصبح وانا ميته خوووف وطبعا رحت الغرفه وسوو لي تحاليل وفحوصات وعلى الساعه تسع بالليل بدااا هنا يطق قلبي اكثر هههه لان جات الدكتوره وعطتني التحميله حق الطلق الصناعي

تميت لين اليوم الثاني وماكنت احس باي الم ما عدا الام بسيطه عاديه
مع الساعه تسع الصبح اليوم الثاني حطو لي التحميله الثانيه حق الطلق الصناعي وهنا تميت بعد ساعتين وبعدين بلش معاي الالم اكثر من قبل فبطني وظهري وتميت على هلحال لين الساعه 8 بالليل قلت لهم خلاص ماقدر ودوني الولاده وانا اصلا كان الرحم لسه فاتح عندي بس 2 سانتي قلت لهم ماقدر وكذا
عطوني ابره حق الالم ودوختني الابره كنت اقوم اتألم وارد انام لحد الساعه 10 بالليل وصلت حدي ولمن جيكتني الدكتوره قالت صار 3 سانتي وودوني غرفة الولادة وتميت من الساعه 10 لحد الساعه 2 و45 دقيقه حزتها ولدت والحمدلله وطلعوا ولدي وكان الاوكسجين ناقص عنده ولونه صاير ازرق الله يحفظه

خلال ولادتي الحمدلله زوجي كان معاي طول الوقت حتى وقت الطلق وفي غرفة الولادة مسكين شاف الويل مني ههههه صرخت شكثر عليه ووايد تعب مسكين معاي بس حزة الي بيطلعون البيبي طلعوه من غرفة الولادة بس المسكين كسر خاطري واول ما جا يجوفني بعد الولاده قلت له سامحني لاني ما كنت بوعيي حزة الولادة والطلق قال لي ماعليج انسي المووهم سلامتج

هذي كانت قصة ولادتي باختصار ههههه

القسومة · 02-01-2008, 16:49

الفففففففففففف مبروك
وااحمد للة كل شي يهون عشان ولدك
اللة يحفظة ويخلية لكم

أم ود&& · 02-01-2008, 16:58

الحمدلله على السلامة اختي والف مبروك ماجاكم

sss$ · 02-01-2008, 17:40

للللللللللللللللللللللوووووووووووووووووووووووللللل للللللللللللللللللللللي

الف الف حمد لله علي سلامتك انتي وفهد

يتربي بعزكم يااااارب وما تشوفي فيه شر ابدا ان شاء الله

عقبالنااااااااااااا يااااااااااااااااااااااااااااارب

ها اوعي تكوني نستينا في الدعاء يا ام فهد

متزوجه حبيبها · 02-01-2008, 17:57

حمدالله على سلامتج حبيبتي ...

والف مبرووووووووك

تحياتي · 02-01-2008, 19:31

الف مبروك حبيبتي ومبروك ما جبتي والله يسعدكم بولدكم الصالح باذن الله تعالي
وتقبلي مروري

أم الفواطم · 03-01-2008, 00:39

الف الحمد لله على سلامتك عزيزتي وطلعتي من الشر والحمدلله على سلامة البيبي ويتربى في عزك والله يجعله بار لك ولوالده .

sara 777 · 03-01-2008, 00:40

بالمبارك الولادة وعساه يكون مقدم السعد عليكم

em tala · 03-01-2008, 02:06

الحمدلله على السلامة اختي والف مبروك

*عطر* · 03-01-2008, 05:13

الف مبروووووووووووووووووووك ام عزازي

يتربى بعزكم انشاءالله

nono7 · 03-01-2008, 05:54

عزيزتي........الف الحمد الله على سلامتك....ومبروك ما جاكي...ربي يخليه لكم ويجعله من الصالحين

اختك

نونو7

~نواعم~ · 03-01-2008, 06:08

الف الحمد لله على سلامتك عزيزتي وطلعتي من الشر والحمدلله على سلامة البيبي

fairywd · 03-01-2008, 07:56

mashAllah aliki habeebaty rabbana yakhalli waladik wa yasiidik beeh inshAllah alf mabrook

شما المنصوري · 03-01-2008, 10:08

الف الف الف الف مبروك اختي .. والحمد الله ع سلامتج وسلامت الحلو الصغير والله
والله يحفظه لك انشاءالله

وانشاءالله انشوفج ع طول فالمنتدى لالا تقطعينااااا

عاشِقةُ الرّوح · 03-01-2008, 10:56

الف الف مبروك

والحمدلله على سلامتك وسلامة الولد

اهم شي انه طلع بصحة ونساك كل الألام ..

يتربى في عزكم ان شاءلله ..

تحياتي
ام محمد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)