عالم الحياة الزوجية - منتدى

أنوثه مجروحه · 04-01-2008, 09:54

أرجوكم ساعدوني نفسيتي صايره زفت
ملكتي كانت قبل 3أسابيع
تخيلوا كل هذي المده مافكر يكلمني أوحتي يجي يشوفني
حتى في العيد

اتصل على تلفون البيت وطلب الولده وكلمها وماطلبني حتى هي استغربت
والله اني أبكي كل يوم
وأنحرجت من أخواتي يوم عرفوا انه ماطلب جوالي
طول عمري واثقة جداً في شكلي ومتأكده ان شخصيتي جذابه لكن تطنيشه عيشني في ألم نفسي كبيييييييييييير
علما بأنه كان خجول يومها ومرتبك جدا وكنت أنا أكثر جرأه منه
حتى كان جالس في مكان بعيد عني( يكفي شخصين بيننا)
حتى لوكان خجول كيف كل هذي المده مااشتاق ولاوحشته ؟؟؟؟؟؟؟؟؟؟؟؟؟
أحيانا أفكر أفسخ العقد بكرامتي قبل لا يفسخه هو
لأنه يمكن شاف جرأتي وماعجبته؟؟
يعني يمكن هو خجول وتناسبه وحده خجوله أكثر منه(صحيح؟)
والله أنا كنت على طبيعتي (يعني براءه بزياده) بس هوكان مرتبك .......

Ammoolahh · 04-01-2008, 10:24

سلااامتك اختي من الجرووووووووح
والف مبرووك يارب
عقبال الفرحة الكبيرة انشالله
انتي لا تقلقي ولا تفكري
خلي الامور طبيعية
تقولين انه خجووول
وكان مرتبك يوم شافك
وانك كنتي طبيعية
والله يااختي جدا عاااااادي
بس هو مستحي يطلب رقمك ومستحي يكلمك
يمكن ده طبعه
ويمكن بعد
عاداتهم غير عنكم
سيبيه شوي وهو من نفسه راح يدور ويتصل
طولي بااالك
ولا تخلي ابليس يوسوسلك انك ماعجبتيه
او انك تفسخين
لاااااااااااااااا وانا اختك ..............
بس انتي خلي واحد من اخوانك
يرتبلك الموضوع معاه
وبس
مو محتاجه كل هذا الزعل ياعروووووسة
مبروك ياقلبي

**طــيــفــ** · 05-01-2008, 00:06

اقتباس:

المشاركة الأصلية كتبت بواسطة Ammoolahh

سلااامتك اختي من الجرووووووووح
والف مبرووك يارب
عقبال الفرحة الكبيرة انشالله
انتي لا تقلقي ولا تفكري
خلي الامور طبيعية
تقولين انه خجووول
وكان مرتبك يوم شافك
وانك كنتي طبيعية
والله يااختي جدا عاااااادي
بس هو مستحي يطلب رقمك ومستحي يكلمك
يمكن ده طبعه
ويمكن بعد
عاداتهم غير عنكم
سيبيه شوي وهو من نفسه راح يدور ويتصل
طولي بااالك
ولا تخلي ابليس يوسوسلك انك ماعجبتيه
او انك تفسخين
لاااااااااااااااا وانا اختك ..............
بس انتي خلي واحد من اخوانك
يرتبلك الموضوع معاه
وبس
مو محتاجه كل هذا الزعل ياعروووووسة
مبروك ياقلبي

يارب يسعدك ياعروستنا

انا اؤيد الكلام الي فوق

لاتقلقين ابد

بس انتي مابينتي شيء
هل يقرب لك؟؟
هل لك علاقه باخواته؟؟

ربي يوفقك

Tera. · 05-01-2008, 01:10

صباح الخير ..

اهلا فيك اختي ..

اولا مبروك .. الله يوفقك ويتمم لك على خير ..

لا يجي بخاطرك ..

صحيح انه مقصر في حقك .. بس انتي قلتيها .. " خجول " ..!!

طيب ممكن أسألك سؤال ..؟

وش كان كلامه لوالدتك ؟؟ هل كان يسأل عنك مثلاً ؟ او عن اشياء ثانية ..؟

على فكرة ..

لازم تخلي ببالك .. ان الشاب يحسب الف حساب لما يبي يكلم خطيبته .. احياناً حياء منه .. واحيانا خوف

من الحرج من اهلها ..

يعني في حالة خطيبك مثلاً .. انتي قلتي انه خجول .. فشئ طبيعي جداً انه ما يطلبك من اول مكالمة ..

( انا اقول طبيعي لأنه خجول ...) .. يعني لا تتوقعين ان مشكلة الخجل بينك وبينه راح تختفي في

يوم وليلة .. لالا ابدا .. انا اقولك من الحين .. اذا كلمتيه راح تحسين كأنه ما يحبك او كأنك مو في باله

بس على العكس .. هو في داخله ملايين من كلمات الحب والشوق اللي يبي يطلعها لك بس ما يقدر

يعبر لك عن اللي في داخله .. لذلك راح تحصلينه بااااارد شوي في البداية .. لكن مع الوقت راح تحسين

نفسك اغلى من ليلى في عيون قيس ..

انتي بس عطيه فرصة ..

ولما يكلمك .. حاولي تحسسينة ان مكالمته لك تعني لك شئ كبير مرة ..

وبكذا صدقيني راح تشوفين منه انسان ثاني ..

اهم شئ شيلي هالأفكار السلبية من بالك .. وان شالله ماراح يكون الا كل خير ..

الله يوفقكم .. ويسعدكم ..

اميرة البرق · 05-01-2008, 05:00

حبوبتى لاتزعلين انتى قولتيها خجوووووووووول وترى الوضع عادى انا خطيبى ما كلمنى ولاطلب رقم جوالى مع انى ليلة الشبكه سهر عندى لأن عادات قبيلتهم العريس ما يكلم ولا يشوف خطيبته غير ليلة الدخله فكان خايف من الاحراج وبعد اكثر من اسبوعييين كلم
الوالده وفهم انه مسموح عندنا
وقتهاما قصر اول ما جا طلب رقمى خخخخخخ

واناقلتلها مو حافظه رقمى <<<<<ثقيله

بس ماقصر ما طلع الى وهو معطينى الرقم وقالى منتظراتصالك

لاتزعلين كم يوم راح تكتبين موضوع كيف احدد وقت المكالمات لأنى طفشت <<<بسم الله عليك
سي يو ياحلوه وطمنينى عنك

اسيرة نفسها · 05-01-2008, 05:10

متابعه :/ ..

أبو زعبل · 05-01-2008, 08:22

والله أنه رجال ههه

خرطوم · 05-01-2008, 21:18

أنا مع أميرة البرق
و الله صج الشباب ما ينعطون وجه (شباب لا تزعلون أنا منكم)
وراح تملين من اتصاله بعد و لا تفكرين في هاي الافكار الشيطانيه
أتمنى لكِ حياة سعيده ومثيره جداً جداً

أنوثه مجروحه · 06-01-2008, 16:14

سلااااام اعذروني على التأخير في الردعندي اختبارات هالفتره
شكرا على الردود شعرت كأني بين اخواني
Ammoolah الله يسلمك ويبارك فيك والله انك طيبتي خاطري كلامك عسل يا عسل
والحكايه مو مسألة عادات خطيبي من أقاربنا ونفس عاداتنا
وفكرة ان أخويه يكلمه جات في بالي وحتى فكرت أكلم أخته وأطلبها رقم جواله
لكن كل الفكرتين صعبه شوي وشو بيقول عني ( بيقول هذي البنت قاطه وجهها )

أنوثه مجروحه · 06-01-2008, 16:20

[COLOR="red"]طيف[/COLOR] شكرا على مرورك
مثل ماقلت هو من أقارب أمي لكن علاقتي في أخواته شبه معدومه
كلهم أكبر مني في السن وما نتقابل إلا نادراً

أنوثه مجروحه · 06-01-2008, 16:34

أخي Tera. شكرا على كلامك المنطقي والمقنع إلى حدما
مثل ماقلت طبيعي ما يطلبني من أول مكالمه لكن هل طبيعي مايسأل لمدة شهر؟؟
وكلامه للوالده كان بشكل عام ماخصني في ولا سؤال ؟؟
أتمنى يطلع إنسان ثاني مثل ماتقول
ومشكوووووووور ياأستاذ

أنوثه مجروحه · 06-01-2008, 16:36

أسيرة نفسها مشكوره على المتابعه
لكن مانستغني عن رأيك

أنوثه مجروحه · 06-01-2008, 16:38

[B]أبو زعبل
هذي هي الرجوله في نظرك؟؟؟؟؟؟؟؟؟؟؟؟؟؟؟؟؟[/B]

دروبـ · 06-01-2008, 16:40

حبيبتي انوثه
ولايكون خاطرج الا طيب ولاتزعلين ياغلاتي
هذي حركات المخاطيب لازم ثقل يعني هههههههه معروفه بس ياقلبي
اذا تعرفين رقم جواله دزيله مسج حلوو في غزل وعتاب بنفس الوقت
ولاتقولين مااعرفه الي يسال ميتوهش << ع قولت اخوانا المصريين
وترى ايام الملجه ايام حلوه ماتتفوت خلوهااا وناسه وكشته وخلكم من الزعل والعتاب << ذكرتيني بايام قبل آآه ايام حلووه ماتنسي

وربي يجعل ايامج كلهاا سعااده

أنوثه مجروحه · 06-01-2008, 16:47

أميرة البرق مرورك أكثر من راااااااائع
اذا على العادات عاداتهم مثلنا عادي
عن جد ضحكتيني يا ثقييييييييييييله
ان شاء الله أخبركم بكل جديد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطيبي مطنشني...تكفون ساعدوني