عالم الحياة الزوجية - منتدى

أطيااااف · 07-01-2008, 23:18

السلام عليكم

أخواني وأخواتي أنا محتاجة رايكم ومشورتكم ضروري

أنا لسى مخطوبة مو متملكة يعني حددنا وقت الملكة ورجع هو طلب تأخيرها بحجة إنه مشغول ومرتبط بعمل ضروري

أمي تلح علي تبي أكلمه قبل أتملك تقول أحسن ترتاحين له أكثر وقالت أمي لأخته الكبيرة كم مرة أنها تبيه يتصل علي واخته كل مرة تغير الموضوع

وهالمرة بعد تأجيل الملكة أمي شكت إنو فيه شي فأصرت ع المكالمة وقالت لأخته لازم يكلمها خلال الاسبوع الجاي مع ان اخته قالت انو مافيه صفة رسمية عشان يكلمني لكن امي اصرت عليها

شرايكم ؟؟؟ هالتصرف صحيح ؟؟

أنا بصراحة ضايق صدري وحاسة كأنوا أفرض نفسي عليه

أطيااااف · 07-01-2008, 23:23

السلام عليكم

أخواني وأخواتي أنا محتاجة رايكم ومشورتكم ضروري

أنا لسى مخطوبة مو متملكة يعني حددنا وقت الملكة ورجع هو طلب تأخيرها بحجة إنه مشغول ومرتبط بعمل ضروري

أمي تلح علي تبي أكلمه قبل أتملك تقول أحسن ترتاحين له أكثر وقالت أمي لأخته الكبيرة كم مرة أنها تبيه يتصل علي واخته كل مرة تغير الموضوع

وهالمرة بعد تأجيل الملكة أمي شكت إنو فيه شي فأصرت ع المكالمة وقالت لأخته لازم يكلمها خلال الاسبوع الجاي مع ان اخته قالت انو مافيه صفة رسمية عشان يكلمني لكن امي اصرت عليها

شرايكم ؟؟؟ هالتصرف صحيح ؟؟

أنا بصراحة ضايق صدري وحاسة كأنوا أفرض نفسي عليه

لهيب الحرف · 07-01-2008, 23:40

مايحق لك ٍ تكلمينه الا بعد عقد النكاح بينكما فقط

...000...

روح السعد · 08-01-2008, 00:25

نصيحه من اختك

لاتكلميييييييييييييييييييينه

واذا دقوا خلي امك تقول البنت رفضت

عشان تكبرين بعينه اكثر

انتبهي ترا تصرف مب صحيح

هذا من وجهة نظري

m.n.m.n · 08-01-2008, 00:26

اولا/ مايجوز تكلمينه قبل الملكه لانه بحكم الغريب عنك
ثانيا / اذا تملكتي اثقلي خلي هو يكلمك اول بعدين دقي عليه انتي ترى اذا جت منك اول بيحسب انك ميته عل الزواج وماصدقتي احد يخطبك
واذا على امك انها شاكه انه فيه شي لانه أجل الملكه قولي يمكن عنده ظروف بس لاتنزلين من مقدارك وتكلمينه

منتظره حبيبها · 08-01-2008, 02:06

نصييييييحه من اخت لاختها لاتكلميييينه
وجهة نظره امك ترى خطااااء
بس كمان لازم تعرفون ايش الاسباب بالضبببط اللي ادت الى تاجيل الملللكه شوفيها اذا كانت اسباب مقنعه ولالا
بس لاتكلمييينه
وواذا كانت الاشباب مو مقنعه لتجيل الملكه استخيرررري ربك عليه ولا تعلقين نفسك الى شي مجهول انتي الحين في بر الاماااان
وماتضمنين نفسك لكلمتيه ومكالمه تجر مكاالمه ماتدرين شو مكتووب بالغيب هي كون لك فيه نصييب اولا واذا لاقدر الله ما كان في نصيب يجيكي غيييرهوراح يسئئل هل كلمته خطيبها اللي قبل ولالا وساعاتها ماتقدرين تنكرييين وانتي تعرفييين كيف بتكوون العواااقب

والله يووفقك يااارب

الضحكة السرآب · 08-01-2008, 11:35

انا مع كل اللي فوق

لاااااااااااتكلمينه وإذا هو سمع كلام امك وكلمك لاتردين نهائي أو خلي امك مثل ما قالت وحده من

الأخوات تقول البنت رفضت تكلم وخليها هي اللي تسأله وتشوف وانت استخيري والله يوفقك

رغم اني مو معا انكم تطلبونه يكلم احسها قويه شوي

همسة_حنان · 08-01-2008, 12:24

ما ادري امك ليش مصرة انك تكلميه المفروض هي لي تكلم اهله وتعرف السبب تأخير الملكة

وبعدين اخته قالتها لأمك في الوش انو ما في صفة رسمية

*فرحة القلوب * · 08-01-2008, 21:34

شرعاً حبيبتي ما يجوز لك تكلمين رجل أجنبي عنك وإذا ولابد
أبوك أو احد أخوانك وليه أنتِ تكلمينه ..؟
حبيبتي ومن يتق الله يجعل له مخرجا أرفضي مكالمته لله مو لشي ثاني
والحمد لله فيه حاجة أسمها سؤال أسألوا عنه ؟؟
أهلك يقعدون معه يشوفون وشو هو من رجال ..!
وصدقيني لو فيه شي بيبان ..

والله يكتب لكم اللي فيه الخير والصالح

*سحر الشرق* · 08-01-2008, 22:09

أستغرب إصرار أمك رغم تعذر اخته وكلامها أن لاعلاقة رسمية تسمح بالكلام بينكم
غريبه أمك..؟؟
واضحة يعني نراها ليست خطوة جيدة لصالحك نهائي
بالعكس أظنه لن يتحمس لمحادثتك لأنكم من طلب وأخته اعتذرت
لم العجلة بعد العقد بينكم اتصالات ..والمتعارف الشاب يطلب وليست الفتاة
المفترض أمك تمتنع عن محادثة أخته ولاتكرر الطلب
موفقة

روآآبي · 08-01-2008, 22:22

اولا مثل ماقالت فرحه شرعاً لايصح

ثانيا

طلبه لتأخير الملكه .... المفروض يعطيكم دافع اكبر للسؤال عنه ... لانه حتى لو مشغول .. الملكه ماراح تمنعه من شغله او اي شي

لانكم انتم اللي تحضرون لها ... وهو مجرد زيارات بين فتره وفتره

يمكن امك مرتابه .. وتبي تتطمن بمكالمته لك

بس خطأ ,,, اولا كونها تطلب هالشي من اخته ,,, كأنكم تعطونهم اشاره لفكره مبدأيه غير جيده عنكم

ثاني شي .... فيه الف طريقه لجس نبض خطيبك

اسألوا عنه اكثر
وارسلوا له خالك او اخوك .... باسلوب غير مباشر ويشوف مويته

او امك تكلم امه ,,,, وتقولها بشكل صريح

اش اللي يمنعه من الملكه ....!!!

I Like Winter · 09-01-2008, 03:41

لا تعليق

مستحيل انساااه · 09-01-2008, 10:16

اكيد لاتكلمينه من باب الحراااام اولا
ثانياا انتي ماتدرين عن عقلية الرجال ويمكن مايعجبه الوضع بعدين
ثالثا الثقل احسن

Rawwaf · 09-01-2008, 14:19

أنا رجل

ولا أقبل أن تكلمني خطيبتي قبل الملكة

إلا لحاجة ملحة .. أو سبب مقنع

ولو أصرت أم خطيبتي على أن أكلمها .. وجاءتني خطيبتي لتكلمني .. فسأستغرب هذا الطلب

وخصوصاً أنها لا تحل لي شرعاً

والشيطان هنا حريص .. وقد تصغر في عيني

أختي

أمك أقنعيها من طرف الدين والشرع أنه لا يحل لي .. وستقتنع بإذن الله.

احترامي

أبهاوي · 09-01-2008, 15:10

مايجوز تكلمينة قبل عقد القران

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أكلم خطيبي قبل الملكة أو لأ