عالم الحياة الزوجية - منتدى

الضحكة السرآب · 08-01-2008, 10:24

السلام عليكم ورحمة الله وبركاته
بما إن المنتدى فيه شباب حبيت اسألهم وما أستغني عن نصايح الأخوت أنا مخطوبه من مدة على أول الأيام كان الوضع تمام اتصالات وسوالف وغزل ورسايل بس لما رجع لمقر مدينته وعملو.. تغير بدت اتصالاتو تقل بشكل كبير وما صار مثل أول يسولف ويقول ماعندي سوالف رغم إنو بالأول يسولف من أحسن مايكون !
والرسايل صارت شبه معدومة يعني تصل أحياناً في الإسبوعين مرة وفي الفترة الأخيرة صار مايتصل إلا في الأسبوعين مرة والظاهر انو ناوي يطول المدة زيادة ويتعذر بشغله وانا عارفه ان عندو إجازة كان أول يتصل فيها الحين لا..
أنا عني ما اتصل عليه نهائياً لأني اشوفها صعبة وكمان الرسايل إذا هو مابدا أنا ما ارسل يعني يرسلي أرد وبعدها بفترة ارسل أنا وحاولت في الفترة الأخيرة أعطيه شويت ريق حلو بس ماتغير أسلوبه نفسه أنا والله شاكه إنو أصحابه هم اللي جالسين يخربون علي من باب خلك ثقيل ولاتعطيها وجه هذا مجرد استنتاج من عندي .. واحياناً تجيني وساوس انه مايبغاني
أنا مدري كيف اتصرف معه أواجهه واقوله انو متغير ولا اطنش ولا كأنو صاير شي بس الفترة اللي راحت كنت مطنشة ولا قلت له أو لمحت عن إن مدة غيابه طالت أخاف كمان يطول أكثر وياخذها عادة و الرسايل ابغاها تصير أكثر من كدا ..
... فايش رايكم ياجماعة ؟!

][*الحياة حلوة*][ · 08-01-2008, 11:37

مدري بس يمكن معذوووور ومشغوووول ؟؟

صحيح المفرووض هاذي فترة حلوة والمفروض مايكون بينكم حساسيات ؟؟

وبرايي مكالمات فترة الملكه المفروووض ماتكون مررررررررررره كثيرة صحيح حلوة بس مو تزيد لدرجة الاثنين يغثوا من بعضهم

وهاذي وحده من العيووووب لو جلستي او جلس فترة ماتكلموتا بتسألين ليه تغير الموضوع؟؟؟؟؟؟؟؟؟؟؟؟؟؟؟؟؟؟

وحركتك اختي ماتتصلين ولاترسلين << ليه هي لعبه هو لازم يبدأ بلاول ولا مايسير؟؟

لازم مثل ماتبغينه يعطيك اعطيييه وبعدين طاااالبيه باللي تبغينه انتي ؟؟؟

اتصلي وارسلي يمكن هو شاااااااااااك انه مزوده معاك ويمكن يقول نفس كلامك في باله ؟؟؟؟

صاااااااحيه طالما انكم تعودتوا على الصراااحه؟؟وحياااه موفقه

همسة_حنان · 08-01-2008, 12:18

اقتباس:

المشاركة الأصلية كتبت بواسطة ][*الحياة حلوة*][

مدري بس يمكن معذوووور ومشغوووول ؟؟
صحيح المفرووض هاذي فترة حلوة والمفروض مايكون بينكم حساسيات ؟؟
وبرايي مكالمات فترة الملكه المفروووض ماتكون مررررررررررره كثيرة صحيح حلوة بس مو تزيد لدرجة الاثنين يغثوا من بعضهم
وهاذي وحده من العيووووب لو جلستي او جلس فترة ماتكلموتا بتسألين ليه تغير الموضوع؟؟؟؟؟؟؟؟؟؟؟؟؟؟؟؟؟؟
وحركتك اختي ماتتصلين ولاترسلين << ليه هي لعبه هو لازم يبدأ بلاول ولا مايسير؟؟
لازم مثل ماتبغينه يعطيك اعطيييه وبعدين طاااالبيه باللي تبغينه انتي ؟؟؟
اتصلي وارسلي يمكن هو شاااااااااااك انه مزوده معاك ويمكن يقول نفس كلامك في باله ؟؟؟؟
صاااااااحيه طالما انكم تعودتوا على الصراااحه؟؟وحياااه موفقه

صح لسانك

Tera. · 08-01-2008, 12:39

صباح الخير ..

اهلا فيك اختي ..

اقتباس:

أنا عني ما اتصل عليه نهائياً لأني اشوفها صعبة وكمان الرسايل إذا هو مابدا أنا ما ارسل يعني يرسلي أرد

طيب وين المشكلة لو اتصلتي عليه انتي ؟؟

يعني مادام ان خطيبك هو اللي دائماً يبادر بالإتصال في كل مرة .. فمن حقه عليك انك تكلمينه وتسألين

عنه ..

طيب ممكن انه شافك مو مهتمه وما تتصلين عليه .. وشالها في خاطره ؟! ( أقول ممكن !! ) ..

بالعكس .. انا من رأيي انك تبادرين بالإتصال عليه فوراً .. وتسألين بإسلوب حلو عن سبب عدم اتصاله

مثل اول .. وتبينين له ان مكالمته تعني لك شي كبير ..

الله يوفقك ويسمح أمرك ..

روح السعد · 08-01-2008, 14:56

مبرووك اختي

نصيحه من اختك بيني انك ملهوفه عليه ومشتاقتله مووووووووت وانك ماتقدرين تصبرين من دونه

ونوعي

مره بالرسايل
ومره بالمصارحه
ومره بالتلميح

وووو

ربنا يوفقك

الضحكة السرآب · 09-01-2008, 09:11

مشكورات اخواتي اللي ردو علي انا مدري وين تماسيح المنتدى ليه ماردوا علي
يهمني رايهم << وتسبهم وتبغاهم يردون

الحياة حلوة
هو يكون فاضي احياناً بحكم إجازته ونفس الشي لايدق ولا يرسل والمكالمات بيننا
قليله يمكن مرتين في الشهر والله احس اني بديت اتعود عليها وهذا اللي ما أبغاه
يصير لأنو حتى هو على كذا راح يتعود عليها وهنا المشكلة وبنسبة لكلامك عن الرسايل
والمكالمات مدري احسها صعبه إنو ادق عليه خصوصاً اني ما أدري هو قاطع الفترة هذي
كله ثقل منه أو انه كذا مرتاح والرسايل صارلي موقف معين معاه هو اللي خلاني اصير
مثل حركات الإبتدائي ما أرسل إلا إذا أرسل
وانا واياه مو متعودين على الصراحة مدري كيف افاتحه في الموضوع اخاف مايتفاعل
تسلمين قلبي الله يسعدك ويحقق اللي في بالك

همسة حنان
نفس ردي على الحياة حلوة <<

الله يعطيك العافية على المرور والرد
Tera
هلا والله فيك
جيبوا القهاوي والشاهي

هو صحيح كلامك انو مملك علي بس كثيرين يقولون اثقلي وان الرجال يحب الثقيلة
وكثير ناس أعرفهم على ذي الحال من صديقاتي وما شاءالله ماشيه معهم تمااام الله
لايغير عليهم وبالعكس ازواجهم بينهبلون عليهم
انا اخاف اسويها فيقول يوم شافت التطنيش جت تركض ابغى إذا بسويها اسويها
أنا من راسي مو تحت ظغط منه مدري أنا صح ولا خطا ؟؟
والله أنا احياناً اقول مثل كلامك انه حازه في نفسه إنو يتصل وانا لا ..
بس ابغى ااجل إتصالي فتره الين اتأكد من الموضوع
وتدرين وش المشكله >> ياليل الليل مابتخلص هذي

المشكله كيف اعرف وش سبب تأخيره لإتصالاته واحنا علا قتنا
رسمية تقريباً
مشكورة ياحياتي دوختك معي الله يسعدك ويوفقك
روح السعد
الله يبارك فيك ويجعلك اسم على مسمى
كلامك حلو بس من جهه اخاف يفهمها إني خاقه عليه ويتغلى زياده كذا
ومحنا خالصين ومن جهه ثانية يمكن يكون كلامك سليم بس انا كيف
اعرف التصرف الصحيح وش الطريقه والحل
الله يسعدك ويوفقك ياعسل

الضحكة السرآب · 09-01-2008, 09:23

اين بنو تمسوح إني لاأرى منهم أحد مذا هناك
يا إخون العرب نحتاج فزعتكم >> الله يخلف على الفصيح ^_^
من جد والله ابغى اشوف رايكم
تروا المره الجاية إذا ما لقيت لكم ردود
7
7
7
7
7
7
بقول الله يسامحكم واحزن بشده >> يقالها اسلوب استعطاف ^_*
يالله وروني همتكم ولا يهونون الأخوات مانستغنيش عنهم واللهي ^_^

0ـــافـــيــــا · 09-01-2008, 10:17

عزيزتي أنا مملك
كنت أفرح باتصالات خطيبتي و أنبسط كثييير ... للأسف بعدين صارت أختها الكبيرة تتدخل بيننا .... و تقولها سوي كذا و سوي كذا ومن هالحاجات قالت لها لا تتصلي عليه و لاتسألي عنه ولا تقولي له أحبك .... وصارت حياتنا خناق بخناق
بصرراحة صرت ما أدق عليها ... لأني أخاف نتخانق ... أنا أموووت فيها ... لكن حسبي الله ونعم الوكيل
عزيزتي ... فكري ..احسبيها صح... شوفي يمكن أنتي مسوية حاجة هو مايحبها....
و على فكرة .. أنا بالنسبة لي راح أفرح كثييير لو خطيبتي ترجع تعاملني مثل أول و تصير حياتنا بسيطة و سهلة و بيننا ...
و أتركي عنك اللي يقول ثقل ماثقل ....
لاتخربي على نفسك... أنا أعاني مما تعاني منه .. على الأقل أنتي جربي اتصلي ... جربي ارسلي رسالة... ترى الدنيا بنعيشها مرة وحدة .... ليه نعيشها بغم وهم وثقل
وفقك الله

abeid · 09-01-2008, 14:12

فعلا انا مع رأي أخوي مافيا لاني متملك وعندي نفس الظروف تقريبا
وانا اتصل واتكلم معها وهي منصتة ولا ترد ولو ما اتصلت عليا لا تتصل عليا اي كان
احس ان ما في مشاعر في قلبها تجاهي لذا اهملتها كما اهملتنى ولا اريد سماع صوتها لانها قتلت كل شي حلو ناحيتها
تحياتي للجميع

Rawwaf · 09-01-2008, 14:25

رأيي إنك تتعوذين بالله من الشيطان الرجيم من الوساوس الشيطانية .. وتعرفين أن خطيبك يحبك

وتأخذين برأي أخوي تيرا

احترامي

أبهاوي · 09-01-2008, 14:34

الوضع عادي أختي بس إنتي بادري بالإتصالات والرسائل

الله يسعدكم لايصير حساسيات من أولها غضو النظر

روح السعد · 09-01-2008, 14:54

حبيبتي

لو تلاحظين معظم الردود تبين لك انه مافيه شيء اسمه ثقل

يابنت وربي انك بتخربين حياتك اذا فتحتي اذنك للناس

تعرفين اول ماملكت قالوا اثقلي وايانا واياك يشوفك ميته فيه

تركت كل هالكلام ورى ظهري وتعاملت بطبيعتي

بالبدايه تعارف وهو الي كان يتصل على العلم باول اسبوع كان جواله مفصول وكنت ادق عليه عادي بعدين سدد ولاعمره خلاني اتصل واذا اتصلت اعطاني مشغول ورجع دق علي

بس انا بالبدايه بينت اهتمامي وايش تعني له مكالماته

واظن انتوا تعديتوا هالمرحله

شوفي حبيبتي انا قبل نصحت احدى الاخوات لان خطيبها ابد مادق عليها

وقلت انتهزي مناسبة السنه الجديده

واانتي بعد

ارسلي مسج شوق مرررره
والمسج الثاني انتي اكتبيه وقولي وربي مدري ليه اليوم اتمنى انك جنبي ماادري ليه هالمناسبه خلتني اتخيل السنه الجايه وانت معاي وربي بتكون غير وقولي له ماادري احس تغيرنا على بعض لاتقولين انت تغيرت بس تكلمي بصيغة الجمع وقولي والله ودي هالسنه تكووووووون غير احنا حيلتنا الوحيده الاتصالات ابيك تكون معي على طول وانا ابي اكون معك على طول

اصحيك من نومك واقلك صباح الخير وانت مثلي
اعرف شو تاكل واطمن على صحتك

قولي وربي مالي غنى عنك

يابنت هذا زوجك وحلالك البنات بالحرام والعياذ بالله ويسون الهوايل فمابالك حلالنا الي صبرنا عن الحرام من اجله

ربي يوفقك ويحفظه لك من كل سوء

تكفين لاتتركينا وطمنينا عنك

أسد الجليد · 09-01-2008, 16:36

اختي الكريمـــة ,, وصفك للموضوع فيه الكثير من (( الظنون )) ويظهر ذلك في كلماتك /

شاكــه !!
خايفــه !!
ما أدري !!
يجيني وسواس !!

أختي ,, اذا كنتي انتي مو مستوعبه الموضوع وانتي أقرب الناس لـــه !! فمن الصعب أن نســـتوعب ونحلل نفسية خطيبك !!

وإلا سنقع في نفس الخطأ ونحلل بــ(( الظنون )) و ربمــا نزيد المشكلـــة ونعمــّــق الهوة !!

أختي نصيحتي استوعبي الموضوع بالمصارحــــــة و فهم ظروف خطيبك الكريم من كل جوانبهـــا قبل أن تتملكك الظنون أكثر و أكثر !!

ربنا يوفقك

Tera. · 09-01-2008, 19:56

اقتباس:

المشاركة الأصلية كتبت بواسطة الضحكة السرآب

Tera
هلا والله فيك
جيبوا القهاوي والشاهي

هو صحيح كلامك انو مملك علي بس كثيرين يقولون اثقلي وان الرجال يحب الثقيلة
وكثير ناس أعرفهم على ذي الحال من صديقاتي وما شاءالله ماشيه معهم تمااام الله
لايغير عليهم وبالعكس ازواجهم بينهبلون عليهم
انا اخاف اسويها فيقول يوم شافت التطنيش جت تركض ابغى إذا بسويها اسويها
أنا من راسي مو تحت ظغط منه مدري أنا صح ولا خطا ؟؟
والله أنا احياناً اقول مثل كلامك انه حازه في نفسه إنو يتصل وانا لا ..
بس ابغى ااجل إتصالي فتره الين اتأكد من الموضوع
وتدرين وش المشكله >> ياليل الليل مابتخلص هذي

المشكله كيف اعرف وش سبب تأخيره لإتصالاته واحنا علا قتنا
رسمية تقريباً
مشكورة ياحياتي دوختك معي الله يسعدك ويوفقك

الله يحفظك .. انا اخوك تيرا .. مو اختك ..

عادي ترى مو اول مرة .. ( صار عندي مناعة ) ..

تعليق بسيط على كلامك ..

عن نفسي .. والغالبية ايضاً .. نحب الرزينة والثقيلة ..

بس مو لدرجة انها تصير ثقيلة طينه ..

يعني العقل والثقل .. والتحكم في العواطف .. ما يمنع البنت من انها تظهر مشاعرها بشكل متزن وراقي

لأقرب الناس لها .. اللي هو زوجها .. او حتى قبل الزواج .. اقصد في فترة الملكة ..

وعلى فكرة ..

الرجال ما يحبون كلام الحب مثل البنات ..

الرجال يفضلون الإيحاءات اكثر من الكلمات ..

لذلك حاولي تترجمين له حبك وغلاك له .. بسؤالك عنه .. بإهتمامك فيه .. وحاولي تكونين معه في كل

لحظات حياته بدون ما تتدخلين في التفاصيل ..

حتى صوتك خلي له نغمة خاصة ما ينساها طول حياته .. انا ما اقصد ان تتدلعين لدرجة " المصالة " .. ولا

تكونين ثقيلة لدرجة انه يمل منك ..

خليكي وسط .. على طبيعتك .. لكن لازم تبينين سعادتك ولهفتك اثناء مكالمتك له ..

وبالنسبة كيف تعرفين سبب تأحيره لإتصالاته ..

فيه عدة اسباب .. الأول ..

اقولها لك بصراحة .. احياناً .. يكون الشاب تجيه ايام مو طايق احد ..

مو عن شي .. او انه متضايق من شي .. لكن سبحان الله فيه دراسة تقول ..

ان الرجل له "دورة شهرية نفسية " .. يتعكر مزاجه خلالها .. وتستمر احياناً من يومين الى اسبوع

ووقتها غير محدد .. يعني ممكن مرة في اول الشهر ومرة في آخره ..

والثاني .. واللي انا متأكد منه ..

انكم استنفذتوا طاقتكم العاطفية بسرعة في الأول .. عشان كذا حب ينسحب مؤقتاً لحد ما يرتفع مؤشر

العواطف عنده مرة ثانية ..

وقد يحتاج المؤشر عنده لإتصال منك انتي ..!!

لذلك لازم تبادرين بالسؤال عنه .. وراح تشوفين النتيجة ..

الله يوفقكم ويسمح أمركم ..

الضحكة السرآب · 11-01-2008, 09:18

اقتباس:

المشاركة الأصلية كتبت بواسطة 0ـــافـــيــــا

عزيزتي أنا مملك
كنت أفرح باتصالات خطيبتي و أنبسط كثييير ... للأسف بعدين صارت أختها الكبيرة تتدخل بيننا .... و تقولها سوي كذا و سوي كذا ومن هالحاجات قالت لها لا تتصلي عليه و لاتسألي عنه ولا تقولي له أحبك .... وصارت حياتنا خناق بخناق
بصرراحة صرت ما أدق عليها ... لأني أخاف نتخانق ... أنا أموووت فيها ... لكن حسبي الله ونعم الوكيل
عزيزتي ... فكري ..احسبيها صح... شوفي يمكن أنتي مسوية حاجة هو مايحبها....
و على فكرة .. أنا بالنسبة لي راح أفرح كثييير لو خطيبتي ترجع تعاملني مثل أول و تصير حياتنا بسيطة و سهلة و بيننا ...
و أتركي عنك اللي يقول ثقل ماثقل ....
لاتخربي على نفسك... أنا أعاني مما تعاني منه .. على الأقل أنتي جربي اتصلي ... جربي ارسلي رسالة... ترى الدنيا بنعيشها مرة وحدة .... ليه نعيشها بغم وهم وثقل
وفقك الله

اهلين اخوي مافيا
طيب انت طلبت منها ولا هي اللي بدت على طول ؟؟ معليش على اللقافه بس كل اللي اعرفهم ما يتصلون ع شان كذا أنا كنت مبعده الفكره نها ئياً انا داريه انو مافيها مشكلة لو اتصل بس مادري متى الوقت المناسب
احس الوقت الحين مو مناسب بيفسرها انو من تطنيشه واخاف كلما بغا شي يصير يطنش وتحلى له الحركة
والله انا مثل خطيبتك اخواتي يزنون على راسي لاتتصلين لا ترسلين بس الفرق اني انا ارسل رسايل من عندي والاقيه مايهتم فيها يعني كأني مرسله رساله عاديه وهو عارف إنها من عندي
وفي الفتر الأخيره صرت لينه معه مو مثل أول بس ماتغير شي هذاني في نفس المشكلة
وانت اصبر عليها شوي تراها تتغلى والوحده تحب اللي يدلعها ويحسسها بحبه لها وانه طاير فيها ويمكن لو تصارحها بإحساسك يكون احسن وعلى قولتك العمر مرة وحدة ليه نعيشه بنكد والله جرأتني لفكرة الإتصال
والله يردلك خطيبتك مثل أول ويتمم لكم على خير
مشكور اخوي على المساعدة شرفني مرورك وردك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياشباب وصبايا المنتدى وش الحل