عالم الحياة الزوجية - منتدى

*سعود البسام* · 08-01-2008, 16:25

واحنا طالعين من سنغافورة إلى استراليا انا وابوي الله يسلمه من كل شر ، كانت الرحلة طويله (13 ساعة تقريبا) ، فالغزال اللي هو ( انا ) مل وصار كل شوي ينزل تحت يشيك على الركاب هناك ، اخر شي لقيت شله شباب ، ذبيت عليم ذبه قامو ضحكو منها وحلفو علي اقعد بالكرسي الفاضي بينهم ، قلت الشكوى لله ولو ان الكرسي صغير لكن وناسة ، خذتنا السواليف اللين قالي واحد ( سعود انت متزوج؟ زوجتك معاك بالطيارة، شهر عسل ولا ابتعاث؟) رديت لا هذي ولا ذي ، وانتم؟ قالو لا ، قلت ليه قال واحد منهم ودي اتزوج بس اهلي مازنو علي وأستحي اقولهم( زنو = ضغطو) قلت والله حتى انا ، طلعت فوق لابوي لقيته صاحي وقمت اقوله يبه ليش مازنيتو علينا وحنا بالثانويه او بعدها ، تدري... نذر على إذا جاني ولد اني ازوجه قبل مايوصل العشرين ، حتى لو كان ماعند شي ، الحين كثير من الشباب فاتورته ماتقل عن الف ريال وكلها غزل ، وغير الهدايا الغاليه ، وغير السفر عشان.... واكثر وقته ملاحق بنات بهالشوارع والمولات ، واذا فتح التلفزيون قام يبحلق فيه ، التفت ابوي على وقاطعني - سعود ..ودك تتزوج؟ قلت ايه ( بفتح الخشه ) ، قال من رادك ، قلت الظاهر اني انزل اونس.
( الحقو علينا ترانا بنضيييع )

*سعود البسام* · 04-02-2008, 17:09

الحين استجمع قواي واتعب مصيبعاتي وآخرتها ماحد يرد " خيير " يالله عاد نبي همتكم بالردود " الصريحة " زي ماتعودنا.

منيب هينة · 04-02-2008, 17:31

سعود الله يرحم والديك
وش الي رادكـ عن الزواج
شد على حيلك ورح تزوج..ولا تبي بنت تقولك تعال نتزوج
وأحب اذكرك انت الي تخطب مو تنخطب

мόόη Ļίģħт · 04-02-2008, 18:10

اذا كنت موظف ومستعد نفسيا للزواج وعمرك مناسبـ فاتوكل على ربك .. وهو بيحلهااااااا

هذا انت كلمت ابوك .. وراح نص الهمـ

يلااااا الحين همة امك وخواتك يدورون لك على بنت الحلال

بالتوفيق خيووووووووووو

روآآبي · 04-02-2008, 20:13

طيب ابوكـ صادق
(من رادكـ ياسعود)

انت روح فاتح الوالده ... صدقني بتقول الف مبروك مسبقاً
اذا انت متوظف وعندك قدرة تفتح بيت وتكون مسؤؤل ...اذن من رادك !

*سحر الشرق* · 04-02-2008, 21:04

:
"وش رادك ..على قولة الوالد"
الآن الزن او الالحاح هو الللي يزوج
لااااا
بالعكس كثير اللح عليهم مايفيد
لان متى مابغى ونوى .."وطاح اللي براسه"
تزوج
ومو عذر ..
اللي يبي مايرده شي
خاصة المقتدر والموظف
وانت اذا مقتدر اعقلها وتوكل
وامك واهلك بيفروحوا
وتروح استراليا شهر عسل

nawaf1cool · 04-02-2008, 23:17

اسمع مني زين يا سعود هذا كلام كل الي تزوجو لا تتزوج الا وانت مطيح كل الي باسك يعني لو في سياره في نفسك لا تتزوج الا وانت راكبها لو في سفره لا تتزوج الا وانت سافترها طبعن كل شي بالحلال فلها بس حط خط احمر وانا اخووك وتحياتي ولا صار عمرك 25 او 26 تزوج بس لا تتزوج وفي شي نفسك تسويه لانه لما تتزوج ما رح يمديك تسوي شي انت نفسك فيه

عشق زوجها · 07-02-2008, 09:12

هههههههههه شر البلية مايضحك......
اخي سعود انت من قالها ..((فلوسكم ضايعه على الغزل ووو.......)) وحجتكم الواهية دائما التتكاليف الباهضه لزواج هذه الايام ولو انك امسكت حاسبه وقمت بحساب تفاهتكم .. آسفه اخي ..مصروفاتكم لوجدتم انه تعينكم على الزواج من اثنتين لا من واحده .. مع العلم ان الكثير من فتياتنى ((السعوديات)) متعلمات وجامعيات وعلى خلق ودين ولا يريدون سوى الستر ولا تجعلون ((الحياء)) و مفاتحة الاهل بالموضوع حجه اخرى فأمهاتنى وابائنى اصبحوا على علم بعلاقات الابن ((روميوا)) الغراميه مع (( بنات الجيران)) فأين المشكله.....

بكرى أحلى · 07-02-2008, 10:58

ياخف طينتك وانا اختك
شف موب لازم الأهل يتكلمون .. الحين مين اللي يتكلم ؟ أنت والا البنت ؟
أكيد كرجل بكل أدب تطلب من الوالدة ان تبحث لك عن بنت الحلال بالمواصفات التي تريدها ..

توكل عالله محدٍ رادك

الرجل الحر · 07-02-2008, 13:34

أخوي الزواج في الصغر كالعيش في القمر ههههه نعم هو لذيذ و جميل بإذن الله تعالى
على طول يكون الولد و البنت في الفراش يالله يلحقون يتروشون علشان الصلاة
توكل على الله و كلم الوالدة و إذا ما كان عندك دخل ترى الأرزاق على الله

انكسار ورده · 09-02-2008, 17:49

الله يرزقك الزوجة الصالحة
و الدرية الصالحة

@بــ ودفاء ــرد@ · 09-02-2008, 18:07

اقتباس:

أخوي الزواج في الصغر كالعيش في القمر ههههه نعم هو لذيذ و جميل بإذن الله تعالى

اعجبتني العباره هذي .. بقوه .. الرجل الحر الله يسعدك .. ماهو هذا القهر انك تتزوج على كبر ....
واستغرب من ابوك يوم قال ايش رادك ..... (( سعود البسام ))
مايدري انك تحتاج مساعده في المهر ...
مايدري انك تحتاج احد يدور لك ...
مايدري ان لزم يجي احد وجاهه معك حتى تخطب .
ومايدري ومايدري .. واستغرب من اللى ردوا ايش ردك ...
يحسبون الزواج هم .. مثل الروحه لسوق الخضره ...
اختر لك صندوق قرع على كيفك .. ومش
لكن ماقول الا لاحول ولاقوة الا بالله ..
وخلك هنا ... الان حتي تحصل على وظيفه زينه ومحترمه لزم تقضي طول عمرك تدرس .. (( وهو العلم زين يعني لو تخلص طول عمرك تدرس مافيه مشكله ... لكن من اللى يعطيك وانت طالب .. حتى تعرس .. وتسقر .. فيه الا من رحم الله .. ))
ولو تقول ماتبي تدرس وتبي تتوظف راح تحصل على وظيفه ... متدنيه .... ولجيت تعرس مايقولون هو موظف او لا بس ..
يسالون وش وظيفته ...... يجي التشرط هنا .... واذا الوظيفه .. مثلا موظف بسيط ... يقولون ليش نزوجه .... مايمن .. متطلبات المعيشه .. اقصد الكماليات حقت المعشيه .. معن المتطلبات متوفره ...
ويستغربون ليش الشباب ينحرف .. وليش وليش .. وهم موفرين لهم .. كل مؤهلات الانحراف ..
عموما نصحيتي لك .. حاول انك تجمع حق الهدايا ... والسفرات .. للخارج .. (( وتسفيد من حر مالك المحلل وتنفقها ... في امور الحلال ... وماقول انك بالسفر تلجا للفواحش والعياذ بالله لكن قصدي .. بدل فلوس الهديا .. لو تشوف لك واحد محتاج .. وتصدق عليه ... يبارك الله في نفسك ومالك .. او تبعد عن الغزل .. والمبالغ اللى تصرفها فيه من مكلمات ... تجمعها وتسوى فيه عمل خير .. لكن يرجع عليك بخير .
وهذكذا ..)) واجمع ماعندك
وبعضه على بعضه .. لعسى وعلا .. انه يزوجك ... (( اذا ماتدينت )) ولا احد يردك ان شاء الله .
واتمني لك التوفيق اخوي ..
انت وكل شب مسلم .
مع السلامه .

ياقوووت · 09-02-2008, 18:40

متابعه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياحسرة