عالم الحياة الزوجية - منتدى

المزيون127 · 13-01-2008, 12:45

أنا شاب مقبل على الزواج انشاء الله الا أن لدي مشكلة اعاني منها وهي الخجل فأنا أخجل من أن اتغزل في زوجة المستقبل حيث أشعر بخجل شديد بمجرد التفكير بالتغزل بها او حتى قول كلام في الحب مع العلم أنني أحبها جدا وانا ايضا شخص عااااااطفي جدا جدا الا انني اخجل من التغزل فيها او قول كلام في الحب .........ز أجو من الاخوات والاخوان ايجاااد حل لمعاناتي مع شكري وتقديري لكم

мόόη Ļίģħт · 13-01-2008, 13:35

شي طبيعي في البدايهـ كونك غير متعود ... وهذا الافضل

ولكن تذكر دائما انها زوجتكـ .. حاول كسر الحواجز .. لاتبدأ بالغزل الا بعد ان تتعود عليها .. بعد الكلام والاخذ والرد بمواضيع عامهـ

اعتقد اخي ان الامر يحتاج فقط الى التدريج ....

وبالتوفيــــــــــــــــــق

أصيل مشرف · 13-01-2008, 13:58

أخوي اذا انت من الكويت فانا حاضر للمساعده لاني اخذت شهادات للتخلص من المشاعر السبيه مثل ( الغضب والخوف والحزن والخجل نهائيا بوقت ما يتعدل الساعه )فانا بالخدمه

*pain* · 13-01-2008, 19:50

اظنك حطيت موضوعك بقسم الخواطر تبينا نعلمك مثلا كلام حلو او طريقة تغزل .. او شاشلون تقول شعر ولا كلام خواطر منمق مثلا..

لكن ها الشي موهبة من الله وما يصير تتعلمه..
انصحك تكون على طبيعتك ياخوي وتخلص نفسك من الخوف وتتحرر من الخجل
وطبعا هالشي بالتدريب.. ولا ترتبك فالارتباك يزيد خجلك واحراجك..

لكن تدري خلك على طبيعتك والكلام بتشوفه يجي بروحة لا تتكلف ولا تتصنع لان الزوجحة عادة تفهم وتحس اللي يجي من القلب ولا كلام محفوظ ومكرر وبس..

ماعندي خبرة وايد يهالامور لكن اتكلم من منطلق اني بنت ..احي الزوج يكون على راحته ولا يتكلف..

اسمح لي ياخوي... انقل موضوعك للقسم المناسب<<< قسم المقبلين على الزواج..وهناك الاخوان بيفيدونك اكثر مني وما بيقصرون...

بس لا تسمع كل نصيحة وتطبقها حرفيا ..لا زم تقارن وتشوف على حسب شخصيته خطيبتك...واهي شنو تحب..

يمكن تكون من النوع اللي ما يحب الكلام الاوفر او الغزل ..مثلا تره في ناس شذي ما يفهمون الشعر او الكلام المزين المرصوص..

على حسب...

ربي يسعدك ويوفقك ياخوي...ومبرووك مقدما..

&&اختك الم&&

المزيون127 · 13-01-2008, 20:39

مشكورين على ردودكم وماقصرتو وبالنسبه لاخوي اصيل انا من السعوديه والله يعطيكم العااافيه وانا انتظر مزيد من الاراء

روح السعد · 13-01-2008, 20:55

السلام عليكم

هلا بك اخوي

بارك الله لكما وبارك عليكما وجمع بينكما في خير

الموضوع طبيعي وزوجي كان مثلك خجول بس مع الايام تعودنا

تكلمنا وتعرفنا على بعض

بدأنا بالاهتمام الغير مباشر...

نام بدري
اصحى لصلاة الفجر
حصني نفسك...وكان كثير يقولها لمن اجي بطلع..وكان لها وقع في نفسي
لمن ترسل رسايل
لازم بالنهايه تدونها بكلمه خاصه فيك
حبيبك
شريك حياتك
عمرك
لاتنسى تعود لسانك على هالكلمات الي تحسها صعبه بالبدايه
يالله ياعمري تامريني بشيء
وصدقني انت بتحس انها صعبه عليك بس اهي ماراح تلاحظ عليك وراح تفرح فيها

مع الايام باذن الله بتبادلك نفس الشعور والعاطفه

وبتجي وبتكتب موضوع
ابي اغير اسمي لقيس هههههههههه

الله يوفقك ويسهل امورك

أختك::روحــ السعد

عسل بوظبي · 13-01-2008, 21:14

الله ايتمم لك على خير اخوي

في البدايه راح تنظر للموضوع بها النظره

وهذا الشيء طبيعي .. خاصه انك حالياً مقبل على الزواج وبعدك ماعشت هالجو

صدقني وقتها راح اتحس بارتباك بس مع الوقت راح تتقدم اكثر واكثر

وبتصير فنان في التغزل بزوجتك ^^

الله ايوفقك ويسعدك .. .

المزيون127 · 15-01-2008, 00:13

يسلموووووووووووو لكل اللي ردوا ويعطيكم الف عاااااااااافيه خصوصا اختي روح السعد وايضا اختي عسل بوظبي والله ريحتوني لله يريحكم

روآآبي · 15-01-2008, 00:18

ضع صوب عينيك

ان المرأه تحب العواطف .. والشاعريه ... وتحب ان تكون نابعه من جرأة رجاليه

اول مبادره قد تستصعبها ... لكن مع ثاني مبادره ستكون خفت حدة الصعوبه

وهكذا .... حتى تتمكن من ماتريد

الاهم هي اول خطوة .... فان لم تكن ... فلن تحقق مرادك

*سحر الشرق* · 15-01-2008, 00:27

بالضبط ماذكرت العزيزة روح السعد
الشباب السعودي ماتعود على الكلام الرومانسي لايجري على لسانه
بالبداية صعب بعدها ضروري يتعود ليس بمرحلة الخطبة أيضا مهمة بعد الزواج

*pain* · 15-01-2008, 08:59

اختي تبين الصراحة مو مهم الكلام الحلو قد ما الرجولة مهمة<<ياما في ريايل يقولون كلام حلو ويتغزلون بالوحدة واتري كله كذب ونفاق وحركات شباب بس هذا مو اللي في قلبهم...

المهم يكون رجال صج...يعرف يحترم زوجته ويقدرها وحزتها بيي الحجي الحلو طبيعي بروحه و بدون تعليم...

مربية اجيال · 15-01-2008, 11:21

في وحد من اقربائي جدا جدا خجوله والآن ماشاءالله
عليها عندها 5 اطفال بس عارف انشاءالله انك تحبها
ويكون الكلام من داخل قلبك ويطلع ولاتدري وشلون طلع
وحاول انك تقرا كتب او تسمع اشرطه وحتفيدك باذن الله
لاتشيل هم لان الموضوع طبيبعي
لاتفكر في الموضوع وخلك عادي
والله يوفقك وتكون زوجه صالحه
وتعيش حياة زوجيه سعيده

همسةسحرية · 15-01-2008, 11:37

يااا اخوي الكلام مب مهم المشاعر اذا كانت صادقه بتوووووصل حتي بالنظرررات لاتشيل هم هالموظووووع

(السفيرة) · 15-01-2008, 14:53

لا تحرمها حقها الفطري في الشعور بالحب والاحتواء العاطفي من زوجها...
خجول معليش بالبداية لكن لا تظل على حالك بحجة الحجل وهذي شخصيتي
تدريجيا ابدأ بلفتات بسيطة ثم تتطور قدراتك الكلامية معها.. وتذكر..
المرأة ان لم تلبى احتياجاتها العاطفية... تكون مضطربة الاركان وتعيسة مهما فعل الزوج لها!
الله يسعدكم...

المزيون127 · 17-01-2008, 17:41

يعطيكم العاااافيه بنااات ماقصرتو ومشكورين جدا والله يعين انشاء الله على هالخجل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

احتاج لمساعدتكم خصوصا البناااات