عالم الحياة الزوجية - منتدى

alzaina · 13-01-2008, 21:44

اخباركم بنات كيف احوالكم

ولدت يابنااااااااااااااااااااات وقرت عيني بشوفة بنتي حبيبتي شهد

طبعا موعد ولادتي بعيد تاريخ 2\2

ولدت قبله ب25 يوم لكن الحمدللهفي البداية كان الطلق معاي من اسبوع

بس كنت اقول الم وبيروح لانه كان يخف

وانا كنت ملزمة مااروح المستشفى الا اشوف علامة مابيهم يعذبوني

الموهييييييييييييييييم يوم السبت اللي فات كان زوجي عازم اهلي على غدى بمناسبة رجوعه من الحج

وهذا اليوم زاد علي فيه الطلق بغيت اموت بس مستحملة

مع اني مابذلت اي مجهود غير غسلت الخيار والجزر ههههههههههه

اتصلت في امي اقولها تعجل بجيتهاا عشان تشوف هذي ولادة ولا لااا

جاتني اختي بالاول وسوت لي بخورة البن واللي خففت من الطلق شوية بس بعدين زاااااااااااااااد

ومانزلت اتدى طبعا والكل يسأل عني وامي تحاتي ووجها صار احمر مثل الجمر

جابوا لي داية وقالت انه طلق بس تتأخر وعدلن وضع بنوتي وارتحت على ايدها وقالت الساعة عشر تقريبا

بتولد لان الطلق معاي من 10 الصبح

طبعا امي مارجعت البيت ضلت معاي وطلعنا نتمشى مع زوجي وكان من يزيد الالم ضغطت على ايده

وهالشي ساعدني لانه كان ماسكني وخايف اطيح

بس ماولدت هههههههههههههههههه وجا الاحد ومر علي ولا ولدت بس طلعت اتمشى

وكان البرد قااااااااااااارص كنت ماسكة زوجي ولا نتمشى على البحر بعد ههههههههههههههه برد موت

واحنا نتمشى على البحر زين لفينا الممشى يمكن ثلاث مرات

وقلت له خلاص تعبت قالي بعد نص لفه ومشيت معاه

بالليل حسيت بتعب شوي حتى قلت لاختي بس وصيتها ماتقول لامي لاتحاتيني

ونمت شوي بس قعدني الالم الساعة 4:30 الفجر كنت كاتمة صوتي لاني ماابيه يوديني المستشفى

كنت ابي اشوف علامة اول اذن وصليت وقعدت زوجي للصلاة وصلى بس الحين ماقدرت اصبر من الالم

قالي طلق معاج من متى وماقلتي قلت له بموت من الالم قالي اسوي لج بن وجهز الفحم ولما بغيت اقوم

من السرير حسيت بالم وشفت دم بسيط قلت له ولادة خلااااااااااااص اتصل في امي قالت لي سبقيني

المستشفى ورحت واول شي حطوا المرهم المسهل والنرس مانبهتني انها بتحطه داخلي خلتني اصارخ

واصيح وجالي زوجي يركض وانا ميتة من الالم طبعا كنت متوسعة خمسة سانتي لما رحت

بعدها نقلوني غرفة الولادة وهناك نرس كانت اتابع حالتي وقعدت تدلك ضهري وتقرا على المعوذات وتنفخ

على جسمي خففت علي هالبنت الله يجزاها كل خير

جات الدكتورة وقالت اني توسعت لثمانية سانتي وبطت المشيمة وهني كان الالم اضعاف مضاعفة

اقولهم بموووووووووووووووووووت وهم يقولون مابتموتين

الم لايصدق اصعب يوم مر علي في حياتي

ليش ماقلتوا ان الولادة تألم هااه ههههههههههههههههه

بعدها وصلت القابلة واللي كانت حبوبة وماابي اخبركم التفاصيل لان شكلكم تمللتوا وانتوا تقرون هههههههههههه

اذا بغيتوا تعرفوا اكثر خبروني

المهم اني ولدت وكنت صبورة على كلامهم وقوية بس اللحظة الوحيدة اللي بكتني

لما خلوا بنتي على صدري هني قعدت اصيح من قلب

والحمدلله انها طلعت سليمة ومعافاة مع ان وزنها صغير كلش

كيلوين واثنين وثلاثين غرام بس

لكن طلعت تجنن الحمدلله

اسفة على الاطالة بنوتااااااااات

اذا بغيتوا تعرفوا تفاصيل اكثر سالوني

تحياتي

زيونة ام شهد

أم ود&& · 13-01-2008, 22:11

الف الحمدلله على السلامة اختي

لكن انا ابغى اسألك وش اصعب مرحلة في الولادة اكثر مرحلة تعبتي فيها الطلق ولا وقت نزول الراس ولا ايش بالضبط ؟

وثاني سؤال هل سوو لك خياطة وكيف مؤلمة ولا مو مرة ؟

يالله والله عيوني دمعت يوم قريت انك بكيتي لما حطوا بنتك على صدرك مع اني ماجربتها بس حسيت فيك الله لايحرمني

ولايحرم احد من هذا الشعور يااااااااااااااااااااااارب

ام هباوي · 13-01-2008, 23:39

الف الحمد لله على سلامتك وسلامة البنوتة ...والف مبروك عليك البنوتة الله يحفظها لك يا رب ويقر عينك وعين ابوها فيها والله يبلغكم فيها يا رب...وتتربى بعزكم ودلالكم ....وعقبال كل الحوامل يا رب يولدوا بالسلامة وعقبال المنتظرات يارب الله يرزقهم بالذرية الصالحة....

هموم الغير · 14-01-2008, 00:04

الف الحمدلله على السلامة اختي وسلامة شهودة

بس وش رايج بالولادة

أنا اسميها تجدد الروح

ههههه

من الألم

يالله اهم شي غرة عينج في ابنيتج

وقمتي بالسلامة

وقولي لنا باقي التفاصيل

لا تنسين

هههههههه

والله يسهل علينا

sara 777 · 14-01-2008, 02:21

بالمبارك ما ياج حبيبتي وعساها مقدم السعد والهنا عليكم
الله يصلحها وتفرحون فيها عروس
والف حمدلله على سلامتج يا عسل وناطرين قصتج

لأني مختلفه عنهم · 14-01-2008, 02:48

الحمدلله على سلامتك 00 كنت حابه اسألك وش سبب الولاده المبكره عندك ؟

~نواعم~ · 14-01-2008, 03:55

الف مبروك عليك شهودة وتتربى بعزك وعز ابوها

وكملي لنا القصة

وصحيح انت بكرية ولا لا لان البكرية معروفة تاكل التاسع كله

الدبلوماسي · 14-01-2008, 07:57

الف مبروك
وتتربى في عز اهلها
والحمد لله على السلامة

روح الرومانسية · 14-01-2008, 11:35

الحمد الله على السلامة و ألف مبرووووووووووك المولودة الجديدة ( شهد )

fairywd · 14-01-2008, 20:09

ailf mabrrok aililki habeebay bas kammili ialqissa wa laish wilada mubakirra... wallah khawafttini marraaaaaa

الحزن الحائر · 14-01-2008, 20:10

حمد الله عالسلامه والف مبرووووووووووووووووووووووووووووووووووووك
تتربى في عزكم ان شاء الله

blue moon · 14-01-2008, 21:59

حمد لله على السلامة ومبارك ما جاكى تتربي فى عزك يا رب
بس كملى بقاى القصة بالتفصيل الممل كمان لانه عشت معك اللحظة

مــ ــوون حبيبــ ــها · 14-01-2008, 23:33

حمدلله على سلامتك حبيبتي

تتربى بعزكم يارب

ايمان الشاذلي · 14-01-2008, 23:42

حبيبي حرام عليك على اللحظات الحاسمه قطعتي القصه لا كملي تكفين وخطوة بطوة وشو صار معك امااااااااااااااااانه ياقلبي اسلوبك حلو زي بقية الي ولدو وشو حكاية هالبن تتبخرين في بن بن القهوة العادي وضحي اكثر

ايمان الشاذلي · 14-01-2008, 23:44

وشوفي كل الخوات بيقولولك كملي القصة تتغلين يعني وخليها بالتفاصيل وشو سويتي ابرة مخدر ولا ابرة الطهر او الورك وهل كانت طبيعية ولا قصوكي والاخت Fairywd ليش ولدتي بدري انت قبل موعدك بكثير المهم خبرينا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

باركولي واتحمدوا لي السلامة