عالم الحياة الزوجية - منتدى

محاسن بنت الصدف · 21-01-2008, 03:35

السلام عليكم ورحمة الله وبركاته..
يا اهل الشور والمفهومية ساعدوني ترا جايتكم امشي 180 واحس اني ضايعه قمت اشوف الصح غلط والغلط صح
انا زوجي مو موجود في الرياض بسبب ظروف عملة بس مؤقتا هو خارج الرياض وانا توني جايبة نونو صغيرونو وتوني طالعة من الاربعين من اسبوعين وهو عنده اجازة بعد اسبوعن زييييييييييييييين!!!
وش المفروض يصير ؟؟ طبعا انا توقعت انه بيجي طاير من الفرحة علشان ياخذنا ونروح عمرة او لاي مكان لانه اكيد بيصير مشتاقلي ..ايه طيب.. وش الي صار ؟؟ لما قلتله هاه ابو محمد متى ناوي تجي ان شاء الله ووين ناوي نروح ؟؟ تدرون وش قال ...
قال انا يمكن اروح لمكة اهلي بيروحون وبروح معاهم طبعا انا تنحت تتنيحة ..وبعدين قلتله بكل برائة واحنا ما اشتقت لنا تدرون وش قال ..
قال اترك اهلي لحالهم..طبعا انتو بتحسبون انه وحيد اهله... لا لا لا لو كذا انا مارضيته يخليهم بس فيه غيره 4 اخوان ...ياسلام سلم وشذا الوناسة الي انا فيها ....... طبعا انا لما قالي اخلي اهلي ناقشته وشي بديهي قلت واخوانك قال مشغولين!!! قلت مع مين مشغولين قالي مع عيالهم ياعيييييييييييني على المفهومية والله بكيت وما بكيت مدري وشفيه جاحدني والله ماصار لنا الا سنتين ونص متزوجين عجزت بكل الطرق اخليه ينتمي لي والله مو مبالغة بس مو ناقصني شي ..بشهادة الي حولي وطيوبة وحبوبة معاه مو قلق يعني اراعيه كثير و و و و و..........وهو طيب بس انه متعلق في وحده من اخواته احس هي الي تخرب علي من غير ماتقصد من كثر ماتهتم فيه وماتخليه يحتاج لي ابد انا احس هذا السبب الي ما خلاه يتعلق فيني ولا يفقدني وش اسوي احس اني مقهوووووووووورة طبعا نسيت اقولكم اني في نهاية المكالمة بينتله اني زعلت وقفلتها بعدين ارسلت له رسالة وقلتله ترا ماحد حلف عليك تبقا معاي وانت ماتحبني ولا انا بعد ترا مهوب لازم..ابيه يتحرك شوي لانه قهرني بتجاهله بقوة والحين لي ثلاث ايام ماجاني خبر تدرون انا تساوت عندي الدنيا وشذا الغبن ساحبن علي بقوة بس تكفون وش السواة معه

justice · 21-01-2008, 04:00

أختي انا اسمع عن المشكله دي كتير جدا

انو لما الزوجه تلد بيطفش زوجها من البيت و الله ما بعرف ليش .. لكن اكيد الأخوات المتزوجات و الأخوه المتزوجين بيفيدوكي .. مبروووووووووووووووووووووك على المولد السعيد ان شاء الله و الله يباركلك فيه .

محاسن بنت الصدف · 21-01-2008, 04:29

الله يخليك ويبارك فيك وشكرا على اهتمامك ومرورك......

мόόη Ļίģħт · 21-01-2008, 05:04

والله ماادري وش اقولك اختي
صحيح الموقف جدا محبط .. اذا كنتي مشتاااااااقتله ومابادلك نفس الشعووور
مااقولك عادي اهله او خليهـ مايتعلق فيهم .. لانك بتخسرينه زياااده !!!!
لكن رسالتك اللي ارسلتيهاا كانت غلط .. ادري من القهر كتبتيها ذاك الوقت .. لكن المفروض انك بينتي زعلك انه مااشتاق لك بدون هالكلمه القويه((ترا ماحد حلف عليك تبقا معاي وانت ماتحبني ولا انا بعد ترا مهوب لازم)) !!!!!!!!!!!!!!
صدقيني هو الحين بيقلب الموقف برااااسه .. ويدري انه غلط بحقك وان شاء الله بيرجع ..
اهم شي انتي لاتشدين معاه هالوقت ... لين تهدى نفسه
..........

دروبـ · 21-01-2008, 05:15

حبيبتي
من حقج تاخذين بخاطرج ع زووجج انتي متشوقه له ومستعده وتحاولين تكونين باحلى حله
واحلى استقبال وهو مطنش حبتين
بس ياقلبي احسني الظن بزوجج مهما يكن ،،،،، يمكن هو حاب يقوم بالشي هذاا من حبه لوالدينه
واحسانه لهم وانتي حابج ترتاحين اكثر لانه ياقلبي الوحده تحتاج رااحه اكثر من بعد الاربعين
يالله جروحهاا تبرى وترد صحتهااا احسن من قبل وحبيبتي ونتي عندج طفل صغير يمكن خاف عليج وعليه بالبرد هذاا بدال مايكون فرحه طلعتج من الاربعين تكون مرض وتعب لطفلج <<< بعيد الشر عنه والله يحفظه ياارب لكم ويتربى بعزكم وخيركم ومحبتكم اثنينكم ،،،، انتي الحين بالعكس ترسلين له رسالة
حب ووشووق ودعووه من قلب يرد لج بالسلامه وتنتظرينه ع احر من الجمر
ورااح تشوفين شنو راح تكون ردة فعله وبتقولين قالت الهمس
موفقه ياقلبي

محاسن بنت الصدف · 21-01-2008, 05:22

هلا اختي ادري ان رسالتي قوية بس من حرتي ... وعساه يحس بغلطته ما تكبر في راسة مع اني قلبي ماكلني انه شاور احد في الموضوع وقساه علي .. والا هو اذا صارت لنا مواقف مشابهه اول يدق ويلح الا يكلمني ويناقشني هالمرة ماسكة في راسة روحته مع اهله .. الله يهنيه علشان كذا ما يبي يعترف بغلطة وما راح يكلمني .. هذا الي حاسة فيه وان شاء الله يخيب ظني ..

мόόη Ļίģħт · 21-01-2008, 05:24

صار لي موقف من فتره بسيطه .. كانت نفسيتي زفت وقتها ومااتحمل شي<< تخبرين تجي هالحالات بين فتره وفتره!!!!!
المهم كنت طفشانه وطلبت منه نطلع مكان معين ... قام يتعلل و و و لحد مااخرب الطلعه بعيني وانا من نفسي هونت ... بعدين قال تبين يلا قومي .................!!
طبعا مارحت .. اصلا المزاج مو اوكي .. وماتحمستـ .....................مشى الموضوع
بعد يومين ... قالي ترا بطلع انا وربعي .. لنفس المكان اللي انا طلبت منه ...... !!!!
زعلت وقتها ... قلتله وش قصدك يعني الطلعه حلوه بربعك وشينه معي . ومن هالكلام ........... وهو قال انا قلتلك نروح بس انتي مااتستغلين الفرص << انقهرررررررت زياده.....
طبعا رحت لاهلي كزياره مع اني كنت منقهره منه وهو طلع مع ربعه... صحيح مو مقصر معي .. ويحق له يطلع مع ربعه ... ومااحب اكون نكديه معه ....
بس وش اسوي صرت كذا
.
.
المهم بالليل ارسلت له مسج اعتذر من تصرفاتي معه .....لاني زودتها حبتين مع ان الموضوع مايستاهل !!
ماعلق بشئ ............ الى بعد كم يوم .... قالي تفرغي يومـ بنطلع نتمشى <<< طبعا احلاااااا من الشئ اللي طلبت منه................
والزبده من الموضوع ...........
حتى وانتي زعلانه ومقهوره منه .. حاولي تشوفين المشكله بعيون زوجكـ .......

ومهما صارت المشكله كبيره حاولي تصغرينها .....
احيانا تحسين بشعور تتمنين يكون هو يبادلك نفسه او اكثر .. لكن هالشئ مو بإيدهـ .. لان الزوج احيانا يكون بباله شي والزوجه مو حاسه .........

اتمنى اكون افدتك لو بشئ بسيط واعتذر عن الاطالهـ

محاسن بنت الصدف · 21-01-2008, 05:27

اختي همس مشكورة ياليت الحياة وكل النوايا وكل الناس لطيفين مثل ردك كان عشنا بسلام ..

بس اعجز اسامحه لأن هذا وقتي ومن حقي وبعدين هو بيرجع يسافر مره ثانية يعني متى بنشوف بعض اذا ما استغلينا هالإجازة قمة اللامبالاة والتجاهل.. والله قهرني..

مهاوي2009 · 21-01-2008, 05:32

هلا اختي انا عضوه جديده وحبيت انبهك لبعض الامور اللي ماتنتبه لها كثير من اللي في بداية حياتهم الزوجيه
اول شي الدعاء وفي اخر ساعه من الليل ان الله يسخره لك ويكفيك اشرار خلقه وما فيه احد بيفرج لك كربتك الا الله سبحانه وادعي بتضرع وبكاء وفي سجودك
وثاني شي لاعاد تجيبين طاري انك ماتبغاني او مغصوب علي او زي كذا لانه من كثر مايسمعها منك راح يصدقها او ماادري وش اقولك فنصيحه من اختك بعد الدعا انك تتصلين عليه وتسالين عن احواله واهله وتضغطين على اعصابك وتخلينها طبيعي وتتذكرين انه اهو جنتك ونارك وحسني نيتك بكذا
ودائما اذا دخل البيت خلك حيويه ونشيطه دائما مو كسلانه اوزعلانه فهمتي قصدي واذا طلع ان شاء الله تنومين عادي عشان يحس بالاشتياق اكثر للبيت
الله يفرج لك ويرده لك وفعلا جهل بعض الاخوات يخرب على اخوانهم حياتهم
دمتي بود,,,

محاسن بنت الصدف · 21-01-2008, 05:37

مراحب عروس جديدة عساك داااااااااايم في عينه جديدة

يعني وش بيديني ادق عليه اعتذر وانا اصلا ما غلطت !! والا اقوله اهلك ولهم حق... وعليكم بالعافية وانا يمديني اشوفك بعد 3 شهور..الي باقية له ويخلص من انتدابه ..بعدين تراهم اخواته يعني مو امه وابوه..وبعدين هم ماطلبوا منه يروح معاهم لانهم طالبين ولد اخوهم يروح معاهم يعني هو الي مشتهي وصرفني بإنهم محتاجين له .. بحجة انهم يبون سيارة احد يحتاج سيارة عند الحرم ؟؟!! ايه طيب يابو محمد ..الله يسامحك
اعتقد كذا صارت واضحة الصورة اكثر ..

دروبـ · 21-01-2008, 05:38

اقتباس:

المشاركة الأصلية كتبت بواسطة محاسن بنت الصدف

اختي همس مشكورة ياليت الحياة وكل النوايا وكل الناس لطيفين مثل ردك كان عشنا بسلام ..
بس اعجز اسامحه لأن هذا وقتي ومن حقي وبعدين هو بيرجع يسافر مره ثانية يعني متى بنشوف بعض اذا ما استغلينا هالإجازة قمة اللامبالاة والتجاهل.. والله قهرني..

ياقلبي
هونيها وتهووون ولاتسوين مشكله من لا مشكله
اذا ع رجعته من السفره هذي وانشالله تكون لج ايام تتهنين معاه فيهاا وبعدهاا يروح لعمله
ويرد لج ساالم ياغلااي
خليه جذي ياكل من الحلى جزء جزء عشاان يرد لج مشتاق وولهان ويتلذذ بالباقي
الحين انتي خليج دوم السؤال عنه عشاان يحس انه عنده زووجه مهتمه فيه ومشتاقه له
بس لاتردين تجيبين هالسالفه من جديد له عشان مايمل ويطفش
والله يوفقج حبووووووووووبه ويعطيج ع قد نيتج

محاسن بنت الصدف · 21-01-2008, 06:07

آآآآآآآآآآآآميييييييييييييين الله يسمع منك ..
الله يخليك الهمس وعساها تهون
ولا تهونين..مشكوووووووووره.

محاسن بنت الصدف · 21-01-2008, 06:21

هلا بالمها ونصيحتك في محلها ..والله يتقبل دعواتنا ان شاء الله..
وتراني غالبا رزينة وحليييمة يعني نفسي طويل بس هالمرة ماعاد قدرت امسك نفسي..
انا ودي اعرف كيف اقدر اكون في الصورة احس اني دايم مهمشة .. مو الله يهديها مو معطيتني فرصة (اخته ) والله انها تدق عليه تصحيه للدوام وانا جنبة جالسة اصحيه وشذا الحالة وهو يحبها مره يعني لو ابين له اني عتبانه عليها يمكن يشيل في وجهي الكرت الأحمر .. تعبببببببببببببببت احس بديت اكرهها وانا مو كذا اصلا ما احب يصير بيني وبين اهل زوجي اي سؤ تفاهم لأني اعتبرهم مثل اهلي...

محاسن بنت الصدف · 21-01-2008, 15:55

برضوه ماسأل ..وجالسة انتظر حل

мόόη Ļίģħт · 21-01-2008, 15:57

اقتباس:

المشاركة الأصلية كتبت بواسطة محاسن بنت الصدف

مراحب عروس جديدة عساك داااااااااايم في عينه جديدة
يعني وش بيديني ادق عليه اعتذر وانا اصلا ما غلطت !! والا اقوله اهلك ولهم حق... وعليكم بالعافية وانا يمديني اشوفك بعد 3 شهور..الي باقية له ويخلص من انتدابه ..بعدين تراهم اخواته يعني مو امه وابوه..وبعدين هم ماطلبوا منه يروح معاهم لانهم طالبين ولد اخوهم يروح معاهم يعني هو الي مشتهي وصرفني بإنهم محتاجين له .. بحجة انهم يبون سيارة احد يحتاج سيارة عند الحرم ؟؟!! ايه طيب يابو محمد ..الله يسامحك
اعتقد كذا صارت واضحة الصورة اكثر ..

فهمنا من كلامك ان اهله مالهم يد بالموضوع ... يعني المشكله بزوجك...................
واتوقع انقطاعه 3 ايام بعد كلامك معه ورسالتكـ .. 95% يظن انك تبغينه يبعد عن اهله .. وطبعا هذا مو اللي تبينه ...
يعني المسأله فيها سؤء تفاهم............
نصيحتي ...
يااما ترسلين رسالة شوق .. وتنتظرين منه يتصل
او تتصلين عليه وانتي راااااايقه ... وتتكلمين معاه بهدووووء بعيد عن ذكر المشكله .. وبعدين تقولين له (( انا مااتضايقت انك بتروح مع اهلك .. بالعكس اخواتك ولهم حق ... لكن كنت مشتاقتلك واحتري شوفتك .. وحطمتني بكلامك .......<< طبعا بهدووء وبدون عصبيه ))
يمكن مايعترف بخطأه لكن ان شاء الله بتكبرين بعينه

لاتقولين هو الغلطان وانا اللي احتريه يعتذر .... لانه حاس انه ماسوى شي غلط

ونصيحه ثااانيه ... لاتطولون الزعل ... لانه بيتعود ويصير عنده منااااعه ....... وهذا اللي مانبيه يصير
الله ييسر امورك اختي .. ويعينك ياااااااااااااااااااااارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفوووووووووون ابي شوركم