عالم الحياة الزوجية - منتدى

engaged girl · 24-01-2008, 19:08

السلام عليكم

أعزائي أعضاء المنتدى أبي رايكم ابي حل لمشكلتي مع زوجي

لنا 5 شهور ونص تصرفاته ما تعجبني أحس بديت أكرهه

تخيلوا اذا حطني عند أهلي ما يقول امرحي ولاشي في الاخير اتصل عليه يصير نايم

وإلا يرد بكل برود ويقول نامي عندهم , أنا اللي يقهرني ليه ما يقول من الأول عشان أعمل حساب

روحاتي لأهله دايما يفاجئني فيها يتصل يقول بمر نروح لأهلي

أنا اليوم لما اتصل بياخذني مع انه سافهني أمس , قلت لا بجلس أهلي بيجيهم ضيوف
قال طيب انا اليوم قاعد في البيت منب طالع قلت وش يدريني أنا واعدتهم احسبك بتروح للبر زي كل أسبوع
أنا خفت قال يصير خير ,

اخواتي يقولون أحسن خليه يتأدب , بس والله وش أسوي ما أنوم الليل أصيح

أي شي اسويه يفهمه غلط مع أني والله طيبه و على نياتي وأهله يحبوني

بس هو يكرّهني فيهم من كثر ما يحذرني من اني اتطاول عليهم

والله يا جماعة الخير بس أول أسبوع عشت الدلع

بعدها كرف وطبخ لا تمشيه زي العالم ولا روحات

لا ويقول احمدي ربك أخليك تروحين لاهلك دايم واذا راحوا مشاوير اقول روحي معهم

واذا ناقشته وقلت ليه انت كذا قال ما شفتي الرجاجيل والله

وهو يحس ان احنا كذا مرتاحين وانا أشوف العكس

والفترة الاخيره صاير مررررررره ما ينطاق

وخايفه منه أحس ماراح يمررها على خير

وأنا ما ودي تكبر الأمور بس تعبت

وش الحل ؟؟؟؟

كل الاسماء عندكم؟ · 24-01-2008, 19:59

الله يعينك
هذولا هم الرجال السعوديين وش تبينهم يعني ؟؟؟؟؟؟؟؟؟؟
عيشي حياتك ولا تسألي فيه
وخلي الامور تمشي طبيعي

طيب اجلسي وتفاهمي معاه قولي له اذا انت مو جاي تاخذني من بيت اهلي لازم تعطيني خبر من الاول
او انتي اساليه اذا جيتي تروحي لبيت اهلك هل بيجي ياخذك او لا؟
واهم شئ انك تقعدين وتتفاهمين معاه

الإستاذ · 24-01-2008, 20:34

أشياء بسيطة يا أختي تسويها :
1_ تزيني قبل الخروج من البيت بأفضل زينة وحاولي أن تتزين أمامه حتى على الأقل يثار جنسيا ويجلس يحسب متى بتخلصي من بيت أهلش عشان ياخذك .. بأقصى طريقة حاولي إثارتة .
2_ في اليوم إللي تروحي بيت أهلك ويرجع وياخذك حاولي بقدر الإمكان أن تجعلي تلك الليلة ليلة لا تنسى في حياته الزوجية الجنسية وأكيد إنتي تعرفي كيف .
3_ إذا مافاد كل هذا طنشيه وعيشي حياتك بكل هدوء تراه مثل ها الأمور ماتجيب غير الضغط .

كل الاسماء عندكم؟ · 24-01-2008, 20:38

يأخ اكيد انها تتزين له بس هو شكله طعس ومو رومنسي

مستحيل انساااه · 24-01-2008, 20:42

الله يكون بعونك بعض الرجال كذا يمكن هو احد لاعب بمخه ومفهمه المرجله بطريقه غلط

السر الدفين · 24-01-2008, 20:58

ايييييييييييوه قالتها مستحيل أنساه فاهم المرجله غلللط
اسمعي ياقمر لا تتعلقين فيه بالحيل يقوم يشوف حاله مهم ويثقل واذا نزلك لأهلك

لا تتصلين تقولين تعال خذني في كل مره احسبي حساب انك بتنامين عند أهلك بدون ماتقولين له

ولا تتصلين خلي هو يتصل اذا نام نامي عند أهلك ولا تردين عليه اذا دق ولا تطلعين من عند أهلك الا بالليل

مو تسوينها زعل لااا سوي نفسك حيل مبسوطه عند أ÷لك وماودك تطلعين من عندهم واطلعي له وانتي مبسوووطه وتضحكين بعد ولا كأن يهمك شئ

اذا يبي ياخذك وتروحين مشوار فهميه قوليله ترى انا مو البس ثوب وشماغ وأطلع انا يبيلي

سشوا ميك اب أتزين أتسنع مو حيا الله ثوب وأمشي ترى هو عباله انتي واحد من الشباب

مو متعود على هيك شغلات

شوفي انتي ببداية حياتكم يمديك تغيرينه كثير لا تسمحين له في أي شئ ولا تتنازلين عن أي حق من

حقوقك اذا تعدل ابدأئي خفي عليه وسوي حالك رحومه وزوجه حنونه خخخخ

وترى الدلال مو في النوم وانك ماتطبخي وتاكلي من المطعم لا هذي أشياء بسيطه المفروض

انتي حفاظا على صحتك وصحته ما تاكلون الا مره بالشهر من مطعم

ومن يوم تدخلين البيت سوي رجه ماحصلت

أنواع الإزعاج بخور وفواحه وتلفزيون ورداو كمان افتحي أنوار البيت شموع وحركات

غيري جو البيت بعد ماتكوني غبتي يوم كامل

دلعيه اعملي له كوفي أو عشاء أو عصير اي شئ خليه يحس ان وجودك بالبيت شئ مهم والبيت

مايسوى بدونك

من تدخلين البيت أنعشيه واذا نام نوميه بحضنك والله والله مايخليك تطلعين من البيت يحجر لك

وأهلك لا تقولين لهم عن حياتك شئ نصيحه ي

اعيوني أسرار بيتك لا تطلعينها و مشاكل زوجك وخلافاتكم لا أحد يعرفها

نصيـــــــــــــــــــــــــــــــــــــــــــــــ ـــــــــــــحه من قلب

وخذيها قاعده زوجك جنتك ونارك

عدلي فيه سنعيه زبطيه اطبخيه على نار هاديه لا تقولين ماقدر عليه لا تستسلمين

وانتي مالك الا خمس شهور

لسه الحمل والوحم والولاده والأولاد والصراخ والطبيخ والعزايم والقومه والقعده وووووووووووووووووووووووين طولي بالك

اذا عمل لك شئ حلو طيري فيه امدحيه وصليه للسماء اذا زعلك بشئ مو تسكتين عن

حقك بنفس الشئ مو تصارخين والا تبكين بيني له انه كسر خاطرك خليه يحن عليك مو يحقد ويزيد عناده

اذا قال ماشفتي غيري من الرجال

قولي تؤبرني شو رجال ابن عمي << متأثره بباب الحاره خخخخخخخخخخ

وبس وزواج سعيد ان شاء الله خيتوو

السر الدفين · 24-01-2008, 21:00

خخخخخخ ردي صاير كلمات متقاطعه مشئ حالك مدري متى يتطور منتدانا الحبيب

مشكلجي · 24-01-2008, 21:24

[QUOTE=كل الاسماء عندكم؟;2873411]الله يعينك
هذولا هم الرجال السعوديين وش تبينهم يعني ؟؟؟؟؟؟؟؟؟؟
عيشي حياتك ولا تسألي فيه
وخلي الامور تمشي طبيعي

اذا انك عايشه مع رجال من هالنوعيه فهذا شي راجع لك

بس لا تحكمين على كل الرجال السعوديين بانهم سيئين

معظم الرجال السعوديين قمه في كل شي والحمد لله

بس ربك يعطي كل وحده على قد نيتهااااااااااااااااااااااا

*سحر الشرق* · 24-01-2008, 21:34

اقتباس:

عدلي فيه سنعيه زبطيه اطبخيه على نار هاديه لا تقولين ماقدر عليه لا تستسلمين

ياناس

الاخوات ماقصروا بالنصيحة ..لكن حطي ببالك الرجال تغلين بنظره لما تكوني عند اهلك
وتحلى الجلسه بالبيت ولما تكوني بالبيت مايجلس يطلع

سلام2008 · 24-01-2008, 21:39

5شهور و بدأت المشاكل ما هذا الزواج الجديد انا ياختي علىرأي اخي الأستاذ انا جربتها و نفعتني مش خسرانة ولا شيئ اتمنى ان يصلح الله بينكم قولوامين

@ كوكو شانيل @ · 24-01-2008, 21:59

خلك طبيعيه ولبي طلباته بكل هدوء وشوي شوي بتلقينه يفقدك لو غبتي ساعه

إليسا · 25-01-2008, 00:32

الأخوات مقصرو في النصائح و خاصة شهرية كلام من ذهب إنشاء الله انك أستفدتي

كل الاسماء عندكم؟ · 25-01-2008, 00:36

[QUOTE=مشكلجي;2873612]

اقتباس:

المشاركة الأصلية كتبت بواسطة كل الاسماء عندكم؟

الله يعينك
هذولا هم الرجال السعوديين وش تبينهم يعني ؟؟؟؟؟؟؟؟؟؟
عيشي حياتك ولا تسألي فيه
وخلي الامور تمشي طبيعي
اذا انك عايشه مع رجال من هالنوعيه فهذا شي راجع لك
بس لا تحكمين على كل الرجال السعوديين بانهم سيئين
معظم الرجال السعوديين قمه في كل شي والحمد لله
بس ربك يعطي كل وحده على قد نيتهااااااااااااااااااااااا

انا ماعشت مع رجال لا من هالنوعية ولا غيرها
لكن كل الحريم يتشكون من ازواجهم انهم مهملين دور لي وحدة تمدح بزوجها؟؟؟؟؟؟؟؟؟؟
واتمنى انو يكون السعوديين كويسين ويثبتون لنا انو نظرتنا لهم كانت خاطئة

ودي بس امي تعيي · 25-01-2008, 00:54

الله يعينـــك عليـــــــــــــــه .. تدري هاذا وش يبيله .. يبيله عزبـــه يحط فيهــــــا ..

بصراحـــة حوســـة شغلة هذا وبربســـة ..

وجهه نظر .. لا تاخذيها بعيـــن الاعتبار ..

بصراحـــة فيه اكثيـــر من النســـاء يشتكوا من رجالهم والعكس كذلك .. ولكـــن ايش الحـــل ..

الرجل هو الرجـــل سواء خليجي او عربي او اي جنسيـــة اخرى ..

التعامل مع الزوجــة فن وكذلك العكس ..

طبعاً ممكن تقولي طيب وش الحـــل ..؟

الحل هو التفاهـــم .. اذا كان ما يفهم .. الله يعينك والدعاء هو افضل وسيلة ..

ولما تقولي في البدايـــة كان زي العســـل .. او بمعنى اخر ..

صحيح كل المتزوجيـــن احلى من الحلى في البدايـــة ولكن ما بعد البدايـــة ..

وللحديث بقيــة ..

تحيه ..

engaged girl · 25-01-2008, 01:12

يا حبيييييييييييييييييلكم كلكم ما قصرتوا

الله لا يحرمني من هالوجيه السفره

شهريه كلامك حلو

انا والله اهتم بنفسي صح مو دايم

بس احاول قد ما أقدر

وبعدين هو قايل لي من أول الله يعينك علي نفسي شينه وعصبي

بس والله أحس هو يتعمد يهبل بي

أنا والله أخاااااااااف منه كثير

أشياء والله مريت فيها الجبال ما تقدر تتحمل اللي انا تحملته

وأنا ما أقول لأهلي كل شي

لو أقولهم كان علووووووووووووووووم

مره رفع علي يمين الطلاق تخيلوا بس عشان اهله نادوني ولارحت كان عندهم ضيوف

تخيلوا جلست 3 أيام ما أكلمه وكانت أختي مسويه لي عزيمه لأني عروس تخيلوا مارحت
من الصياح وجهي صاير يروع كأن ميت لي أحد , لعبت على أهلي قلت اني مزكومه وحرارتي مرتفعه ماأقدر أجي

ولا جبت سيره لأحد الى يومكم

وبعد ما تصالحنا طبعا أنا اللي بديت بالصلح

يقول احمدي ربك انه يوم إجازه والمحكمه مقفله

تخيلوا ذاك الموقف مستحييييييييييييييييل أنساه

وهو يطلع نفسه هو الصح وانا في عينه خطأ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

آآآآآآآه تعبت من زوجي ما أقدر عليه؟