عالم الحياة الزوجية - منتدى

السر الدفين · 28-01-2008, 02:06

السلام عليكم ورحمة الله و بركاته

كيف الحـــــــــــال جميعا أتمنى تكونوا بصحه وعافيه مع هالبررررررد الي مهبل فينا

اخوااني وخواااتي الفاهمين المثقفين وسادة العارفين <<< اخلصي

طبعا طبعا عندي مشكله محتااااره فيها يمكن من سخافتها أو ... مدري مدري

أبي أقولكم السالفه وانتم احكموا انا غلطانه والا اشلون !!!!!!!!!!!!

ياحبايبي تعرفون انه في اي علاقه تجمع اثنين الا مايكون فيه اختلاف وأخذ وعطى ومن هالقبيل

حصل معي موقف مع صديقه لي وللأسف ا نها عزيزه جدا على قلبي والحين شبه مقاطعتني

سبحان الله الناس مواقف فيها تنكشف النفوس على حقيقتها والصداااقه اااه يالصداقه

والله هذا زمن غربه مدري هذا جو الجامعه والا الناس فعلا تغيرت <<< اخلصي بلاش فلسفه

اسمعوووني للآخر رجااااء

هالسنه اخر سنه لي بالجامعه طلعنا تطبيق الي هو التربيه العملي بمدرسه اوكي

من دخلنا المدرسه أحس صديقتي هذه صدقت روحها انها مدرسه صايره عصبيه

كللش تصارخ على الي يسوى والي مايسوى

وصايره متسلطه بشكل خيالي ومهمتها تعطي اوامر

مرحلة التربيه العملي توقعته شئ وناسه ووساعه صدر طلعت مأساااااااه

طلعت الغيره والحسد أعوذ بالله والأخلاق بانت على أصولها

المهم من بدأنا نطبق وصديقتي خل أقول عنها امل مهمتها تعطي اوامر

هات اللوحه اكتبي لي حضري لي << وبصوت عالي واسلوب ينرفز

والله كنت أحضر لها دفترها كلها انا كنت اكتبلها عشان خطها شين

والوسائل انا كنت اكتبها لها وأوصلها لحد الفصل يعني متعاونه معها لآخر درجه ما أمدح نفسي بس

صدقوني هذا الحاصل لدرجة سميتها بجوالي فعل الأمر

لكن تحملتها بس الى أجل ..

المشكله اذا طلبت منها شئ تقولي شوفي فلانه انا تعبانه انا ماقدر انا ماعرف

انا يووووووه قلتلكم ما أعرف كله تصارخ علينا

كانت تجي الصبح نفسيتها خايسه أقولها اشفيك تقول سهرانه على شنو على الشات الصوتي

يافلانه........ قالت انا اعرف وش اسوي فكيني من نصايحك

قلت من عيوني

المهم جاء يوم انا كنت أحضر فيه اكتب بالدفتر اشياء ناقصتني مشغووله حدي

الا تقولي عندك رصيد قلتلها ايه قالت هاتي << لاحظوا فعل امر قلت سمي قالت صفر خمسه صفر

قلت خذي وأمد الجوال قالت صفر خمسه صفر يعني دقي... نزلت الجوال وكملت الكتابه

اخذته بتأفف واتصلت كانت معانا وحده من البنات صديقتي بس علاقتي بامل أكثر

قالت لأمل وهي تكلم اسألي عن موضوع معين وأمل تنهي المكالمه قالت ليه ماسألتي

قالت لها : جوال البنت وبصوت عالي ردت عليها البنت قالت لها بس كلمه !!!!

ردت عليها يوووه اقولك جوال البنت << بصوت عالي

صديقتي الثانيه ماسكتت لها لأنه طفح الكيل معها قالت لها : أمل ترى انا أفهم بدون رفع الصوت

قالت : مارفعت صوتي

وارتفعت أصواتهم شوي قلت خير << مسويه حالي مو معاهم

صديقتي الثانيه سألتي فلانه مو اسلوبها منرفز قلت انا: ايه ..

امل اشفيك هدي ترى كلنا نمر بضغوط وكلنا تعبانين

قالت : هذا اسلوبي قلت لها : لا امل انتي مو كذا

قالت هذا اسلوبي الي عاجبه والا يصك راسه بالجدار

<< بصوت عااااااااااااااااالي يمااه منها

صديقتي الثانيه زعلت حدها وطلعت من الغرفه وبقيت انا وياها انا كملت الكتابه

شوي الا تصارخ علي .......انتي سنتين معاااااااي الحين صار اسلوبي يــع

قلت امل انتي عمرك ماكنتي كذا << ياقلبي على حالي

قالت انا كذا من يومي والا اغتنيتي << تقصد لقيتي وحده غيري << ااااااااخ بس شقووول

انا صدمه <<< ماكو أي رد أي ملامح صدمه وبس

قلت طيب الله يعينك وقفلت دفتري وقمت مخنووووووووووووووقه

هذه السالفه لها شهر تقريبا الحين كل ماتشوفيني تسلم بدون نفس

تاخذ اي بنت من الشله وتقوم مو طايقتني بنووووب

غيرت رقمها وقالت للبنات الا انا تحكي للبنات عن تجهيزات عرسها وعن كل شئ الا انا

تسولف اذا شافتني سكتت

شسوي فيها ياعالم انا مو مطاوعني قلبي اطنشها هذه انسانه كان بيني وبينها عيش وملح

وسوالف وايام حلوه سنتيـــــــــــــــن مع بعض على الحلوه والمره

هي راكبه راسها الحين وماعندها استعداد للنقاش وانا محتاااره ماغلطت والله ماغلطت

ولا افتريت عليها ويشهد علي ربي

شسووووي المشكله حتى نظرات البنات معانا ماترحم

يناظروني كأني مجرمه الله وأعلم اذا كانت قايله كلام عني او او او

الحين ابي اعرف شالسواه نفسي أكلمها انا يوم الأربعاء آخر يوم بالإمتحانات

وما ابي يطووول الموضوع اكثر من كذا ولا أتم على هالحااال لأني حيل متضايقه

وأخيرا أدر ي سوالفي بثره ومللتكم لكن تحملووووني

وقولولي شسوووووي معاها ولاتحرموووني رايكم لا هنتم

وسلامتكم

رموش نمله · 28-01-2008, 02:23

حبيبتي أنت مثل معاناتي تسدقيني أذا قالت من مريت مراحل دراسيه ماكانت لي سديقه وفيه أبدا للأسف

عشت سداقه فقط هدفه تعليمي لا غير

يعني الحين والله العضيم ماعندي سديقات مدرسه أبداااااا

وكتشفت صديقات أوفياء يحبون الخير لبعضهم في هالمنتدا الله يطول في عمره

لاتخسري صديقتك نصيحه مني أذا كنت حابتها وعطيك نصيحه أنت قلتي أن أمل بتزوج ليه ماتاخذين لها هديه قيمه وتغلفينها تغليفه حلوه مع الورد وتضيفين بطاقه أعتذار وبتلاحضين الفرق أنشاء الله

مو قصدي أنك أنت غلطانه مثلا في البدايه كلامك كأنك مخطأه وفي نهايه تبينين خطأك أنك (مادري كيف أكتبها
أبي عبرلك أنك ماصادفتي صديقه مثلها 000فهمتيني

تهادو تحابو

طالب حنان · 28-01-2008, 02:30

بنتي الكريمه ...يسرني أن أرحب بك ...في بيتك و بين أخوانك و أخواتك ...اما بخصوص موضوعك ...اجد و هذا حسب فلسفتي في الحياة (دعي الخلق للخالق ) و تعاملي مع الناس بما تحبي أن يتعاملو به معك ...كونها (متسلطه ) أبنتي انصحك نصيحه ...أنتي في عمل ...أقضي ساعات عملك بهدوء ...و تعاملي مع كل الامور بحكمه ...هذا ما عندي يا بنتي ...و لو تركت نفسي للكلام لن انتهي ...يبه ...دئما ...أقول قول ...الشاعر ...أزرع جميل و لو في غير موضعه ...فليس يجنيه غير الذي زرعا...يابنتي أذا فعلتي شىء لها لا تنتظري مقابل ...يبه أتمنى لك كل الخير و التوفيق ...هذا مجرد رأي يحتمل الصواب ...و يحتمل الخطاء ...تقبلي سلامي لطفا ...طالب حنان ...

أصيل مشرف · 28-01-2008, 02:38

عزيزه وغاليه اختي والحمدلله انه انا اول واحد يرد على موضوعج الله يسلمج اختي انا مابي اتهمج لكن اقولج بالبدايه انتي الغلطانه في شئ اسمه حدود وتعدي عليها بالبدايه انتي الي سمحتي لها تتعدى حدودج وهالشئ غلط لازم توقفينها عند حدها مو بس اهي كل انسان يتعدى حدوده معاج لازم توقفينه عند حده هذي نقطه

انا بسالج سؤال اختي وابيج تكونين صريحه مع نفسج انتي قاعده تمارسين هالشئ مع احد الي اهو اصدار الاوامر سواء مع اختج او امج او احد من اهلج او حتى مع نفسج اذا جاوبتي على هالسؤال 100 من 100 موضوعج راح ينحل باذن الله

السر الدفين · 28-01-2008, 02:43

اقتباس:

المشاركة الأصلية كتبت بواسطة رموش نمله

حبيبتي أنت مثل معاناتي تسدقيني أذا قالت من مريت مراحل دراسيه ماكانت لي سديقه وفيه أبدا للأسف
عشت سداقه فقط هدفه تعليمي لا غير
يعني الحين والله العضيم ماعندي سديقات مدرسه أبداااااا
وكتشفت صديقات أوفياء يحبون الخير لبعضهم في هالمنتدا الله يطول في عمره
لاتخسري صديقتك نصيحه مني أذا كنت حابتها وعطيك نصيحه أنت قلتي أن أمل بتزوج ليه ماتاخذين لها هديه قيمه وتغلفينها تغليفه حلوه مع الورد وتضيفين بطاقه أعتذار وبتلاحضين الفرق أنشاء الله
مو قصدي أنك أنت غلطانه مثلا في البدايه كلامك كأنك مخطأه وفي نهايه تبينين خطأك أنك (مادري كيف أكتبها
أبي عبرلك أنك ماصادفتي صديقه مثلها 000فهمتيني
تهادو تحابو

اهلين رموووشه والله الصداقه تمر بأزمه خاصة ايام الدراسه

على قووولتك أصدقاء مصالح

حاولت أفهم كلامك بالأخير ماقدرت لكن مشكوووره يالغاليه على هالتواجد ومشاركتك

الف شكر

ابو سلمى · 28-01-2008, 02:45

مادري وش اقولك الحقيقه .

لكن الذي اراة ان تتركينها في شأنها حتى تعرف انها هي التي قصرت في حقك وهي الغلطانه

او انك تعاملينها معامله عادية بدون اي اهتمام زائد لها

تقبلي مروري المتواضع وشكرا

السر الدفين · 28-01-2008, 02:59

اقتباس:

المشاركة الأصلية كتبت بواسطة طالب حنان

بنتي الكريمه ...يسرني أن أرحب بك ...في بيتك و بين أخوانك و أخواتك ...اما بخصوص موضوعك ...اجد و هذا حسب فلسفتي في الحياة (دعي الخلق للخالق ) و تعاملي مع الناس بما تحبي أن يتعاملو به معك ...كونها (متسلطه ) أبنتي انصحك نصيحه ...أنتي في عمل ...أقضي ساعات عملك بهدوء ...و تعاملي مع كل الامور بحكمه ...هذا ما عندي يا بنتي ...و لو تركت نفسي للكلام لن انتهي ...يبه ...دئما ...أقول قول ...الشاعر ...أزرع جميل و لو في غير موضعه ...فليس يجنيه غير الذي زرعا...يابنتي أذا فعلتي شىء لها لا تنتظري مقابل ...يبه أتمنى لك كل الخير و التوفيق ...هذا مجرد رأي يحتمل الصواب ...و يحتمل الخطاء ...تقبلي سلامي لطفا ...طالب حنان ...

استاااذي طالب حنان انا مع كل كلمه ذكرتها وصدقني انه اسلووبي مع الجميع بعموم ( دع الخلق للخالق )

بل احاول قدر الإمكان اجتناب أي شجار او نقاش

لكن عندما يمس الموضوع الصداقه ولأن الصداقه بنظري اعمق وأصدق علاقه ممكن أن تجمع متحابين

فانا أتعمق أكثر وأندفع في صدقاتي وبلااااا حدود ولو كنت أنتظر ر د الجميل لأنهيت صداقاتي منذ زمن

لكن لا بد من بعض الدعم أيا كان ليستمر هذا العطاء والإخاء

لك كل أحتراااامي يبه وكل الشكر

السر الدفين · 28-01-2008, 03:06

اقتباس:

المشاركة الأصلية كتبت بواسطة أصيل مشرف

عزيزه وغاليه اختي والحمدلله انه انا اول واحد يرد على موضوعج الله يسلمج اختي انا مابي اتهمج لكن اقولج بالبدايه انتي الغلطانه في شئ اسمه حدود وتعدي عليها بالبدايه انتي الي سمحتي لها تتعدى حدودج وهالشئ غلط لازم توقفينها عند حدها مو بس اهي كل انسان يتعدى حدوده معاج لازم توقفينه عند حده هذي نقطه
انا بسالج سؤال اختي وابيج تكونين صريحه مع نفسج انتي قاعده تمارسين هالشئ مع احد الي اهو اصدار الاوامر سواء مع اختج او امج او احد من اهلج او حتى مع نفسج اذا جاوبتي على هالسؤال 100 من 100 موضوعج راح ينحل باذن الله

أخي الكريم أصيل انا في صداقاتي خاصه أعطي بلااااا حدود

وأتقبل أي شئ وأتحمل الكثير وأعذر الى 70 عذر

لكن هالمره انسدددت بووووووجهي

وبالنسبه لسؤالك انا لو اتأمر على الناس كان ماسمحت لها وتعاملت معاها بالمثل

بالعكس مساااالمه الى أبعد حد

أنتظر حلك وكل الشكر أخوي

السر الدفين · 28-01-2008, 03:11

اقتباس:

المشاركة الأصلية كتبت بواسطة (( السا مر))

مادري وش اقولك الحقيقه .
لكن الذي اراة ان تتركينها في شأنها حتى تعرف انها هي التي قصرت في حقك وهي الغلطانه
او انك تعاملينها معامله عادية بدون اي اهتمام زائد لها
تقبلي مروري المتواضع وشكرا

ياخووووي انتظرت عليها شهر ابيها تحس بغلطها وطنشتها كثير

عارف انا ما ابي نرجع مثل قبل لأن الحر لا يلدغ من جحر مرتين

بس ودي انهي هالمشكله لأن ضميري مأنبني ماودي تنتهي ع لاقتنا بهالشكل حرااام

آسيـــــا · 28-01-2008, 03:31

اسمعي يا قلبي...
أهم شي الآن انك تركزين في امتحاناتك ولا تخلين السالفة ذي تأثر على دراستك....

غالبا الصداقة الجامعية تبنى على مصلحة...يعني توقعي أي شي...

أنا في السنة الأخيرة شفت العجايب...الجروب كله تغير...... كل كشف عن وجهه الحقيقي.. وبان معدن كل شخص....

اسمعي حبيبتي...حاولي تطنشين صديقتك هالفترة شوي لين تهدى النفوس....وعلى الترم الجاي سلمي عليها عادي ولا كأنه صار شي... واذا استمرت بنفس الموقف...عامليها بشكل رسمي... لاتغلطين عليها..ولا تدخلين معها كثير...والله يهدي النفوس ان شاء الله ويوفقك في دراستك...

ابو سلمى · 28-01-2008, 03:41

اقتباس:

المشاركة الأصلية كتبت بواسطة شهريه

ياخووووي انتظرت عليها شهر ابيها تحس بغلطها وطنشتها كثير
عارف انا ما ابي نرجع مثل قبل لأن الحر لا يلدغ من جحر مرتين
بس ودي انهي هالمشكله لأن ضميري مأنبني ماودي تنتهي ع لاقتنا بهالشكل حرااام

انتي اديتي اللي عليك والباقي على الله

ولا تأنبين نفسك ولاهم يحزنون ، يمكن هي درست نفسيتك

وعارف انك طيبه القلب ، عشان كذا هي تبيك تجينها انتي

انا مرت على الحالات هذة كثير ، ولا تهتمين فيها لان هذة النوعيه

عندهم انانيه شديدة لحب انفسهم تحياتي .

مداريه الليل · 28-01-2008, 04:11

متابعه

nawaf1cool · 28-01-2008, 06:58

انا كان عندي صديق زي كذا مالك غير حل واحد اسحبي عليها لين ماا تتعدل هي من نفسها ورح تتعدل اذا كانت صدقيتك فعلان وفرقي بين الصديق والزميل

همسة_حنان · 28-01-2008, 09:16

الصديقة لي ما تحترمك وتقدرك ...

انتي ما غلطتي معها هي لي غلطت معك

بس ادا حبيتي تقومي بالمبادرة اكيد في طريقة تجيبي رقمها الجديد وابعتيلها رسالة وضحي فيها الأمور

yanas · 28-01-2008, 10:51

ماعتقد بنلاقي لك طريقة نغصب فيها أمل تحسن أخلاقها وطباعيها معاكم شوي

ممكن اقولك اعذريها يمكن تمر بمرحلة صعبة مع زواجها وتجهيزاته وسالفة الشات الصوتي يمكن مسوي لها عدم اتزان في حياتها

مادري كل هذي ظنون وإن بعض الظن إثم

انتي بينتي لها انك شاريتها وهي ما قدرت

اتركيها لحد ما يطيح الي براسها

تبغى ترجع أهلا وسهلا - ماتبغى خلاص قرارها

مافيه شي يدفعنا نتحمل شخص جاف وجلف في المعاملة من غير سبب قوي

شيليها من راسك نهائي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

معاناتي ويا صحباتي