عالم الحياة الزوجية - منتدى

yanas · 03-02-2008, 14:20

اقتباس:

المشاركة الأصلية كتبت بواسطة عروس جديــ ـ ــدة

انتظروا يوميااااتي ..
يبيلها قعده عشان التفاصيل
لي عوده

فيه تفاصيل ؟ <---تحمست خخخ

ننتظرك يالغلا

منيب هينة · 03-02-2008, 14:42

عروووووووس وينك ماكنكم طولتوها

رقه يارقه

تسلمين ياعسل احلى يوميات لأحلى اعظاء

ومنكم نستفييد

мόόη Ļίģħт · 03-02-2008, 15:12

تررررررررن << صوت المنبه الساعه 12 وربع الظهر

اقومـ وطبعا اكون لحالي بالبيت لان المعزب بالدوام وانا عطاليه تخرجت هذي السنه .. وجالسه انتظر الوظيفه

اروح اغسل وجهي واتوضأ واصلي.. ارتب السرير << مع انها أزمه لكن الحمدلله مواظبه عليها بشكل 98% خخخخ

احيانا لي نفس للطبخ اتفنن .. واحيانا نخليها فطور .. يطلع زوجي من نص الدوام ونفطر ويتكنسل الغداء ..

نرجع للموضوع .. احط الغدء الساعه 2 .. نتغداء واروح اغسل المواعين .. وابو الشباب يناظر التلفزيون شوي ويروح ينامـ

افتح النت شوي .. او اكوي ثياب .. او اي شغلة اسويها بالبيت .. او اسكرب بنفسي

احيانا<< لاحظوا احيانا ..اسوي حلا او شي خفافي

تصير الساعه 4 يقوم ابو الشباب ويقعد من نص الى ساعه يتبطح .. الين يصحصح

بعدين يطلع لربعه بعد ماايذوق الحلا .. مسمي عمره ( فار التجارب) خخخخخخ كل ماسويت طبخه جديده اجرب فيه

او يجلس معي يناظر مسلسل لوست عالاب توب ( هو متابعه من زمان لكن مشاركه وجدانيه)

اذن المغرب اروح البس>>لازم طلعه لاهلي او اهله ...

مااذكر اني صليت العشاء ببيتي ههههههه لازم طالعه

اخذ الحلا ان كنت متسنعه ذاك اليوم ومسويه

اهلي ماشاء الله ازعاااج بزارين وحريم اخواني واخواتي اغلب الاحيان

نجلس نتقهوى وسوالف وضحك

اذا صرنا طفشانين .. نلعب (انسان .. حيوان ..) <<يااااااقدمهم كح كح

مرة اخوي غشاشه بنص اللعبه نتهاوش ونقوم عليها .. ثم تعقل ونرجع نلعب

بعد العشاء نتفرج عالتلفزيون غالبا عالام بي سي وفيه مسلسل سوري حلو بقناة عمان الساعه 11

بعدين يدق بعلي ويجي ياخذني .. اذا كان متعشي مبكر .. يبدا يجوع ويفكر وش ياكل

نمر عالبقاله ناخذ توست .. <<وجبته المفضله مع كاس شاااااااهي

نقعد نسولف ونخطط للمستقبل خخخخ >>هذي من راااااااسي

والا نتكلم عن زيادة 5% ..>>> من يومياتهم!!!!

بعدين نروح ننام واحط المنبه على صلاة الفجر .. اقوم اصلي واقومه ...

وانااااااااااااام الى الساااااااعه 12 وربع>> ماادري ليه الربع!!

وبس

هذي يومياتي العاديه ايام الدوامات

мόόη Ļίģħт · 03-02-2008, 15:16

اختاااااااااااار اللي بعدي مس فراوله

راح ارسلها واعطيها خبر

yanas · 03-02-2008, 15:28

عروس يومك يجنن ماشاء الله واحلى مافيه إنسان حيوان <---قديمة مثلك !

ماتعزموني اجي العب معاكم وأوريك فيها مرة اخوك الغشاشة خخخخ

على فكرة كم صار لك متزوجة <---ادري مو كرسي الاعتراف بس الفضول ذابحني !بشوفك جديدة بقراطيسك ولا لأ

الله يهنيكم ويسعدكم

ودي بس امي تعيي · 03-02-2008, 15:31

موضوع جميــــــــــــــــل ورائع ..

تحيه

мόόη Ļίģħт · 04-02-2008, 01:42

ياناااس احسبي لي جديده من بداية تسجيلي بالمنتدى

يوم اسجل بالمنتدى كان لي 4 شهور

يعني الحين يبيلي مكنسه << بدت تغبر خخخخخخخخ

نبـ الروح ـض · 04-02-2008, 03:02

عروس ماشاء الله يومك نايس
ماشاء الله الى 12 وربع
ليييييييييييييه اكيد فيه سبب ؟؟؟
الظاهر تقومين على الاذان بعدي والله
سؤال سؤال؟؟؟

متى اخر مره صليتي العشاء ببيتكم ؟؟؟
خخخخخخخخخخخخخ
في حفظ الله وننتظر فلاوله الحلوه

@..فراوله..@ · 04-02-2008, 03:04

هههههههههههههههههههههههههههههههههههههه
عروس خلاص غيري معرفك صرتي قديمه
ميس فراوله؟؟؟
يااااااااااربي الاسم مو غريب علي بس وين سامعته ياناس
ياااااااااربي وين سامعته؟؟
<<جايه مروووعه
حسبي الله على شيطانتس ياام كشه ناويه تنكبينا انتي خلي الطابق مستور
كذا وودهم يشوتوني فما بالك اذا كبيت العفش
ياحبنيلي بس ليت كل الناس مثلي كان الدنيا مرق هههههههههههه
بس خلاص سامحتك عشان قلتي مس مو مسز<< متعقده
يلا نبدا؟؟
اصبروا اجيب دفتر ابو 200 ههههههههههه
يلا رددوا ياليل مااطولك
بسم الله وعلى بركة الله نقص الشريط
تشك تشك<<<صوت الكاميرا تصور هههههههههههههه
تشكشتكتشكتشك<<صوت التصفيق هههههههه
كلك 123 البدايه:
الساعه 3 العصر>>> انتي ماتستحين على وجهتس؟؟؟
يالله صباح خير ميييييين؟؟
<<عادي ترد وهي نايمه وماتدري وش السالفه
عمى يعمي العدو.. متى نايمه هاااااااااااه؟؟ ماتبطلين هالعاده قسم بالله يبلتس تدخلين الاصلاحيه
لااااااااا منتي طبيعيه يابنت الناس عدلي حالك..........طووووط طووووط<< مشفر
طبعا بعد كل هذا عرفت انها امي هههههههههههههههه
اوووبس ماما شوي (....) على الخط
طيب
الووو صباح الخير حبيبي
وينك؟ اكلت؟ وش قاعد تسوي؟؟ متى تجي؟ وش تبي على الغداء؟؟
<<تؤمن بالمقوله الي تقول: "اتغدى فيه قبل يتعشى فيني"
<<تخاف يسالها متى صحيتي؟
عااد علطول يسكت يقول خلاص جوني عملاء باي حبيبتي
هع هع هع بااااااااااااااااااااااااااااااي<<تخاف يغير رايه ويسال
واقوووم واتمغط<<ساعتين
وترجع امي تتصل: وينتس؟؟ اقولها هذاني بالطريق
واقوم اخذ لي شور والبس والبس دودتي<<ولدها
واكرشه معي لاهلي<<بيت اهلها قريييييب مره مره
وشوي ترجع تدق امي: جعلتس المخباط وينتس؟؟
<<هذاني عند الباب يابنت الحلال
واروح لاهلي
واشرب شاهي<<سريلانكيه واردد:
مااشربش الشاي..اشرب ازوزه انا مااشربش الشاي هههههههههههههههههه
وبعدين ادق على زوجي بعد ماحفظت لي كم كلمه <<متاثره بافلام فاتن حمامه
واقوله هلا بااحلى واحد بالدنيا والله انك ياعمري ماتقصر معي مدلعني اخر دلع لاتخليني اطبخ واطلع اهلي وتمرني وتشتري غداء يافديتك بس
<<تلمح له تراني ماني طابخه ولاتدقق كثير وخلك رجال اجودي وسنافي
انما الامم بالمكارم ما (مدري وشو)..وخير الرجال من يشتري الغداء <<والله تصلحين شاعره يابنت بس مضيعين مواهبتس هههههههههههههههههههههههههه
وبعدين يمرني واروح البيت
واردد من قلب
بلااااااااااااااااني زمااااااااااااااااني ترررم تررررم ترررن طوووط طووووط<<مشفر برضوو
واقعد معه اسولف ويجحدني واسولف ويجحدني
وانشب بحلقه اختار ياتطلعني ياتخليني اسولف
<<تنرحم هههههههههههههه
واذ مافاد رحت ادور خطه جوهنميه
اخر شي يطلع يصارخ لابوك لابو الي ياخذ اشكالك
هع هع هع والله اني قمل قصدي قمرر بس محد يقدر
ويطلع للاستراحه وبما اني عواطليه مالي شغله غيره اعطيه مجال نص ساعه وادق
<<تسوي مقدمات
حبيبي تجي نطلع سوا؟؟
لاااااااا
طيب حبيبي طفشاااانه
اطلع ؟؟
لااااااااااااااااااااااااااااااااااااااااااا اقص رجولك
طيب حبيبي طفشااااااااانه والله
<<يبدأ المسلسل المكسيكس<<6000 حلقه مايخلص هههههههههه
برضضووو مافيه فايده
اجل بطلع ميد بشتري كاكولا وفشفاش ترى علمتك
خلاص ياعمري ولايهمك اطلعي واذا رجعتي حياتي فيه ورقه معلقه على باب العماره لاتنسين تقرينها على امك ههههههههههههههههههههه
لحووووووووووووووووووول
واجلس اصيح اصيح اصيح هههههههه
اروح العب مع عيالي سيارات ووالا احط للشغاله مكياج
<<بتشوف ابداعها وين يوصل؟ ههههههه
وانتظر لحد مايجي <<كني طراره على الباب ناقص بس حزمة مساويك وتكمل
يرحمني اخر شي ويطلعني اي مكان ياناخذ كشتبينو والا اذا مرره راااايق ويبيحقق احلامي>>يوديني ابو ريالين ويعطيني 5 ريال طبعا يبقى ريال مدري وش اسوي فيه فلازم يوديني اشتري قوطي بيبسي
ويرجعني البيت ويركض على الغرفه ينحاش قبل لااجيه
<<حالتها مزريه
وانوم عيالي معاه واسحب عليهم ههههههههه
<<ليلها طوييييييييييييييييييل
7
7
7

@..فراوله..@ · 04-02-2008, 03:05

واجلس اسوي عمليات سمكره وتلييص وبناء وصباغه ههههههههههههههههه واجلس ع النت من 12 لحد مايجيب الله مطر ههههههههه
ياحبكم للقافه يدكم تحككم تسالون (المنتدى+ماسن مع خوياتي واذا مشغوله اجمعهم مع بعض واسحب عليهم ههههههههههههه)
الساعه 2:
طخخخخ<<صوت الباب
عمري ماراح تنامين؟
لا شوي حبيبي جايه جايه
الساعه 4:
كححح <<الصوت بدأ يستشر ماراح تجين؟؟
هااااااه ياااعمري روح نام جايه جايه
الساعه 6:
بتنامين والا لاااااااااااا؟؟
يممممه مدري الا الا الحين الحين هذاني اسكر الكمبيوتر
الساعه 8:<<صحى للدوام
قسم بالله ياقراوله ان مانمتي الحين واعتدل نومك من بكرى اني لا......طوطوطوطوطو<<بقوووه مشفر
<<قام بطنها كنه غساله
عبودي حمودي يووووه عتريس<<<من الرووعه نست اسمه
هاااااااااه لا قسم قسم<<تحط يدها على رقبتها
مااعودها بكرى 9 نايمه
<<قال وشدراك من النصبه قال من كبرها ههههههههههههههههههههههه
وتجي 9
وترررم ترررم بللللم بللللم ترررررررررررم<<<نغمة امها اذا دقت
هلا ماما
ماشاءالله قايمه بدري لااله الا الله؟؟ وش عندك.؟
<<لا مانمت للحين
وشووووو...!! عمى يفضخ كبدالعدو يالـتسلبه طووووط طووووط<<برضو مشفر
انا مدري كيف تجي عمى + كبد بس يلا مع امي غييييييييييييييييير
<<دعاية جده ههههههههههههههههه
واحط راسي على المخده واسمع انواع الاصوات والاكشن
<<ترد على الجوال وهي نايمه وتسولف وتسكر الخط واحيان ترسل وتمسح الارقام وتتفق على طلعه مع خوياتها
طبعا الي بيسحب يسحب حكي على كيف كيفه
والي اتفقت معه نطلع مدري وش صاير اذا قمت
زي مرره دقت بنت خالي تنافخ ساعتين انتظرك
قلت سلامات حبي؟
قالت وينك وانا معطيتك خبر
هع هع هع والله محد قالك تتفقين معي
وانا صاحيه ماركزت ادري وانا نايمه طييييييييييييييييري هههههههههههههههههه
..
وبسسس
لاتصيحون خلصت
<<ياحليلها بذمه وضمير حضرت رسالة دكتوراه هههههههههههههههههههههههههه
هييييييييييييييه هييييييييييييه
نمتوا هييييييييييه
هيييييييييه
خلاص اتووب والله خلصت

,,,,
تؤبري البي على هيك موضوع رقروقتي
ولبا شلاخيف قلبك عروستي على دعوتي
ولبا قلب الكتاكيت الي قبلي جد رهيبيييييييييين كل يوميه ارووع من الثانيه بس اقرا واقول اهبي ياوجههم هههههههههههههههههههه
انبسطت وياكم كتير كتير تؤبروني
لبا قلبكم وكبدكم ومريئكم وقولونكم والطحال الايمن والايسر وكلوتكم <<<ياقليلين الادب قصدي كليه مو سروال نياهاهاها<<قرووون ههههههههههههههههههههههههههههههههههههههههههههههههه
تؤبروني متابعتكم بقوووه
هيييييييييييييييييييييه اشوفكم تحت
رهييييييييب درعم يلا بعدي اشوف كشتك تطل برا الكيبورد يلا ياواد
ابعد هات الكرسي وللل عليك رجل على رجل ويشرب كشتبينو قم فز
<<ناويه تجلس مكانه ههههههههههههههههههه
يلا بانتزارك

_خلود_ · 04-02-2008, 05:58

نووسه يومك حلووو مميز احسه نشاط وحيوية

عجبتني الجزرة كسرت خاطري بنتك

وعرووسة يومك مرتب ما فيه حوسه زي اللي بعدك

اقتباس:

يطلع زوجي من نص الدوام ونفطر ويتكنسل الغداء ..

<<< احلى شي هالحركة تريح من الغدا

فناولة انتي انساااانه فزييييعه اوووي

عليك اسلوب عسسسسسل <<لا تخقين علينا الحين

احسه يشبه يومي على خفيف

رهييب · 04-02-2008, 09:06

السلام عليكم و رحمة الله وبركاته
مشكورة أختي فراولة على الدعوة و الشكر موصول لإختنا رقة مشاعر على الموضوع الطيب ...
اجمالا يبتدي يومي عند الساعة 5:05 الفجر أصحى على منبه الجوال و أأدي الصلاة ... على الساعة 5:35 تقريبا يمرني أحد الشباب أو انا أمرهم و نروح للعمل؛؛؛
مسافة الطريق 98 كم تقريبا نقطعها في حدود الساعة ...
يبتدي الدوام الساعة 6:30. في أغلب الأحيان مانقدر نوصل على الوقت و هذا عام عند الموظفين تقريبا لكون منطقة العمل تعتبر نائية ما عدا اللي يسكنون داخل منطقة العمل... و ينتهي الدوام الساعة 2:30 لكن نتطلع عادة قبل ربع ساعة

يتخلل هذي المدة الاستمتاع بالعمل و التمشي في الهواء الطلق قريبا من البحر في هذه الأجواء الطيبة و الجلوس مع الزملاء في الكافتيريا للحش في الرؤساء و الأنظمة و الشركة و محاولة تعديل العالم و طبعا للنساء نصيب من الحديث .... هذا بالإضافة للحديث الممتع اللذي نتشارك فيه مع رفقة الطريق أثناء الذهاب و العودة من و الى العمل

اصل الييت في حدود الساعة 3:30 العصر .. أمر بيتي أطمن على أمره و ان امور التشطيبات ماشيه على المطلوب و بعدها أدخل شقتي و القى المدام مع ولدي الصغير ينتظروني على السلم أو الأطفال يستقبلوني عند باب العمارة و هم يتسابقون من يسلم علي قبل ... و بصراحة حينها يخالجني شعور لا أكاد أوصفه من الأنس و المسرة لنظري للوجه الحسن و زينة الحياة الدنيا ....
أغير ملابسي و الطيبة تجهز الغداء و بعد الغداء مع الأطفال نجلس نشرب الشاهي اما على التلفزيون او على النت يتخللها بعض التمتع بالمنصب الأبوي مع الأطفال من لعب و ملاطفة و توجيه و رفع صوت (شيش لكن مايوصل للضرب)

بعد المغرب تكون فيه طلعة لبيت الأهل او للتمشية او لتقضية بعض الحاجات و يختم اليوم بالنوم في حوالي الساعة 11 لأعيد الكرة في اليوم التالي..

الجدول هذا مخصوص بأيام العمل أما الويكند فما أظن فيه شبه باللي كتبته الا يمكن الجلوس لصلاة الفجر ...

رهييب · 04-02-2008, 09:14

أتمنى أختي الحياة حلوة تكون بعدي تطلعنا على يومها

@..فراوله..@ · 04-02-2008, 09:26

اقتباس:

المشاركة الأصلية كتبت بواسطة _خلود_

فناولة انتي انساااانه فزييييعه اوووي

عليك اسلوب عسسسسسل <<لا تخقين علينا الحين

احسه يشبه يومي على خفيف

تهي تهي تهي<<<ضحكة دلع
ياحبنيلي بس اخيرا لقيت احد يعرف قدري انا وعويناتي
ولك لبا هالعوينات الخط هههههههههههههه<<تحسب الناس زيها
فديت زوقك يامزوقه جد تسلم لي هالطله العسل ياقشطه<<جوعانه هههههههههههههههههه

نبـ الروح ـض · 04-02-2008, 11:25

فراولوه
فرااااااااااااااااولوه وصمح /// تقمصت دور الوالده الله يحفظها
ترى امزح لا تعصبين
الحين من جد هذى يومك كله ترجي وصياح تبين تطلعين يابعدي
( ابد تراي كلش السواق بس يقولي امري وتدللي )
ياحليلس والله يومك خرافي عن جد
معليه تكتبينه مره ثانيه لاني مافهمت منه شي
/
/
/
/

بنجلد شكلي خل اهرب قبل لاترجع وتشوفني خخخخخخ
.
.
.
.
.

رهيب ماشاء الله يومك مرتب بس روتيني
الله يخليلك اهلك وعيالك
في حفظ الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ܓܨ ܓܨيومـ فيـ حيــــ (عضو ) ــــاة ܓܨ ܓܨ