عالم الحياة الزوجية - منتدى

ام هباوي · 01-02-2008, 00:39

شخباركم بنات ...كروشات ورشيقات....

انا اليوم عندي لكم سؤال وحابة اعرف جوابكم كلكم وياريت تتفاعلون مع الموضوع لانه مهم بالنسبة لي....

بنات انا حابة اسألكم عن فترة النفاس ....وين تفضلون تقظونها....في بيت الاهل ام في بيتكم...؟؟؟؟

واذا كانت المرأة الحامل بعيدة عن اهلها

....وساكنه قرب بيت اهل زوجها ....فما هو الافضل لها ان تقضي النفاس في بيتها ام في بيت اهل زوجها...؟؟؟؟؟

ارجو تفاعلكم معي ....

أحبــ موووت ــك · 01-02-2008, 01:00

حياتي يا أم هباوي الله يسهل عليك وييسر أمرك يااااارب..

يشرفني أكون أول وحدة أشاركك..

طبعا يعتمد على علاقتك بأهل زوجك.. إذا كانت ممتازة طبعا تقضينها عندهم لكن مو أربعين يوم كاملة لين يشد عظمك شوي بس.. يعني ممكن 20 يوم أو 25 .. وأقل لو كانت صحتك أحسن..

أما لو علاقتك فيهم مو كويسة لو عندك شغالة تقعدين في بيتك أفضل ولو ماعندك تجيبين وحدة لو مؤقته على الأقل..

هذا رأيي حبيبتي..

ام هباوي · 01-02-2008, 02:37

هلا حبيبتي ....

والله حبيبتي انا علاقتي باهل زوجي كويسة والحمد لله لاكن انا مشكلتي اني عندي بنت وفي بيت اهل زوجي ساكنين اخوزوجي هو وزوجته واطفاله ....ومن اكون عندهم ما ارتاح من مشاكل الاطفال ...يعني كله صراخ وهواش ....وبنتي بذاك الوقت بتكون متحججة من الغيرة ومو عارفة شنو اعمل بصراحة محتارة حيل....

sara 777 · 01-02-2008, 04:00

والله يالغالية انا عن نفسي اتم في بيتي مع انه بيت اهلي قريب ولكن ما أحب تعودت على بيتي وفراشي ومكاني وادارة بيتي ومن اول طفل الى ان شاء الله اخر طفل بتم على هالحالة واحس انه افضل لان الزوج يتابع تربية ورعاية الطفل معاج بس طبعا انا عندي خدامة للطفل تساعدني فيه ومدبرة منزل وهالشي يريحني
وفي بنتي البكرية الوالدة قعدت عندي 10 ايام راعتني خلالها بالادوية والاعشاب والاكلات الزيييييينة يم يم اشتهيت الاكل هههههه اما البنتين الاخيرات الحمدلله اعتمدت على نفسي والوالدة بعد الله يجزاها خير وجعلها من سكان الجنة امين يارب تييب لي الاكل لي عندي ( طبعا اكل النفاس ) اما اكل بيتنا الغدا والعشا ينطبخ عادي للزوج والاولاد في بيتنا
انا افضل جذيه
وعلى فكرة زوجي يكون اغلب الوقت خارج المنزل لانه يحس بعزوبيته فأكون انا على راحتي ولا اضايقه انه يجلس في البيت اهو من نفسه اذا حاب يجلس
واييب لي المدلكة او الردادة مثل ما نسميها ومو حارمة نفسي من اي شي للنفاس نفس اللي يسونه في بيت اهلهم اسويه لكن في بيتي والله لا يغير علينا

ام هباوي · 01-02-2008, 06:13

حبيبتي سارة منورة يا الغالية....شخبارك مع الحمل والوحم...الله يتمم لك بالف خير يارب ....والله يخليلك الوالدة يارب والله لا يغير عليكي حبيبتي.....

والله حبيبتي انا قلت لزوجي يمكن اظل في بيتي لان اريح لي مكاني وفراشي واخذ راحتي فيه ....واذا على الطبخ هذا انا ايام الوحام ما قدرت اطبخ وكله اكلنا من المطعم....يعني ما يهم الاكل ....والله كريم....

أم أسماء · 01-02-2008, 14:57

حبيبتي أم هباوي
والله أنا أروح بيت أهلي عشان العادات والتقاليد بس
وطبعا هم يبوني عندهم والله خواتي وأمي مش مقصرين
بس ما أحس إني مرتاحه إلا في بيتي وأكون قريبه من زوجي
قلت له مابي اروح عندهم خلاص كان هذا الحمل الثالث لي
بس ما وافق خاف انه يتعبني وأقوم أطبخ أو أشوف أمور البيت
مع إن عندي شغاله بس هو مايحب يتعبني
فرحت لهم بس 20 يوم بعدين رجعت لبيتي
حتى صار جزاه الله خير يسهر معاي على البيبي
ياخذه شوي عني ويقرأ عليه قرآن فرتحت معاه أحسن

أم أسماء · 01-02-2008, 15:04

حبيبتي أم هباوي
والله أنا أروح بيت أهلي عشان العادات والتقاليد بس
وطبعا هم يبوني عندهم والله خواتي وأمي مش مقصرين
بس ما أحس إني مرتاحه إلا في بيتي وأكون قريبه من زوجي
قلت له مابي اروح عندهم خلاص كان هذا الحمل الثالث لي
بس ما وافق خاف انه يتعبني وأقوم أطبخ أو أشوف أمور البيت
مع إن عندي شغاله بس هو مايحب يتعبني
فرحت لهم بس 20 يوم بعدين رجعت لبيتي
حتى صار جزاه الله خير يسهر معاي على البيبي
ياخذه شوي عني ويقرأ عليه قرآن فرتحت معاه أحسن

تحياتي · 01-02-2008, 17:45

والله امي تبغاني عندها وزوجي بعد يبغاني عنده عشان يكون جنبي لكن سويت قرعه وطلع انه راح انفس في بيت زوجي
وقلت يالله ما دام امي ومعااااااي وزوجي معي خلاص ما يفرق
شكرا على السؤال الحلوووووووو

fairywd · 01-02-2008, 22:09

habeebaty madam inti tahissen ihsan fi baitik ... taiyb qooli luhum binnik mortaha fi baitik aksar wa homma iyijoki kul youm ada yibghon...

زوجه وحيده1 · 01-02-2008, 22:48

والله انا احب اجلس في بيتي....
والصراحه الوالده ما تقصر معي....
كل يوم تجي تطل علي وتسويلي الازم....
الله يسخر لك وحده بنت حلال تعينك...
اجلسي في بيتك اريحلك؟؟؟
وانشالله تولدين بالسلامه...

مــ ــوون حبيبــ ــها · 01-02-2008, 23:49

ام هباوي حبيبتي:

كل انسان له ظروف معينه وطبع معين وأنا في رأيي مهما كانت علاقتك جيده مع اهل زوجك أحسها ثقيله شوي روحتك خصوصا ان البيت في اخو زوجك وزوجته واولاده..يعني انتي مراح ترتاحي واكثر شي راح تجلسي سبوع يمكن وبعديها تحسيها ثقيله..فكما رأيت من ردود بعض البنات في بيت أهاليهم ومايرتاحو عاد شلون اذا بيت اهل الزوج؟؟

انا عن نفسي افضل اروح بيت اهلي لاني لو الله انعم علي وحملت حيكون اول حمل وافضل اقضي عندهم خصوصا اني في غربه يعني اسافر جايز اولد هناك اذا الله اكرمني ان شاء الله بالذريه الصالحه..

ولأن كل انسان وظروفه فانتي اريحلك تجلسي في بيتك وجيبو من المطعم زاي ايام الوحام ...ولو عندك قريبه اواخت مامتزوجه تجي تجلس عندك تساعدك ولو بالامكان امك تجي يكون احسن..انا هذا رأيي حبيبتي ويارب افدتك..

ام هباوي · 02-02-2008, 01:31

هلا بنات ....الله يسعدكم يارب ويخليلكم اهاليكم....وازواجكم يارب....

ام اسماء....تحياتي ...فري ود....زوجة وحيدة....مينا....

بنات والله فكرت كثير ولقيت ان الاحسن لي مثل ما قلتوا اني ابقى في بيتي مع زوجي اريح لي ولبنتي ولزوجي ولو ان امي حبيبتي راح تظل تحاتيني وتفكر فيني ....والله المسكينه ودها تجي بس وين وكلكم تعرفون ظروف العراق الصعبة ....الله يعينهم يارب...لا وانا اخواني في المدارس وخواتي في الكلية يعني حتى لو اعمل لها فيزا هم صعب تجي وتتركهم....بس الله كريم ....على فكرة انا في نفاسي في بنتي هبة جلست في بيت اهل زوجي بس من ثالث يوم قمت اغسل ملابسي وملابس طفلتي وملابس زوجي....والاكل كانت خالتي(ام زوجي) تطبخ وتصعده لي لمدة عشرة ايام وبعدها قمت عادي وياهم مع ان الجرح ما كان ملتئم ولان حركتي كانت زايدة ما التأم الجرح وطاح الخيط الا بعد 20 يوم من الولادة..بس شنقول هذا حال الغريب..والله يهونها على الجميع يارب ....والله لا يحرمكم من اهاليكم يارب...

~نواعم~ · 02-02-2008, 06:02

هلا ام هبة

انا من رأي انك تظلين في بيتك اريح لك وام زوجك ماراح تقصر عنك العشرة الايام الاولى ان شاء الله

وبمساعدة زوجك راح ترتاحين واهم شي الراحة لان على قولتك انه بيت زوجك عندهم اطفال وكله هواش

يعني ماراح ترتاحين لان بتكونين على اعصابك

وان شاء الله توصلين لذاك اليوم بالسلامة

ام هباوي · 02-02-2008, 08:01

هلا والله وغلا نواعم....
والله حبيبتي الظاهر اني بعمل زي ما قلتي ان شاء الله من اولد بالسلامة..وصدق مثل ما قلتي انا راح اكون على اعصابي لاني ما اتحمل الصراخ والهواش....هذا انا اللحين اروح بس خميس وجمعة وهبة والعيال مطلعين روحي من الهواش ...كل عشر دقايق جاي واحد منهم يبكي ....الله يعين بس ....والله يتمم لنا جميعا بالف خير يارب.....

شوشو 23 · 02-02-2008, 15:04

اختي ام هباااوي

الله يكون في عونك اقولك احسن اولدي في بيتك عشان تاخدي راحتك وجيبي شغاله مؤقته لو بس اول اسبوعين

وبعدين خلااص

انا عن نفسي رايحه اولد عند اهلي عشان العادات عندنا لازم ان البنت تقضي فترة نفاسها عند اهلها بس ان اماراح اطول عندهم

يمكن بس اول اسبوعين وبالكتير 10 ايام

وبعدين ارجع لبيتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتاجة لردودكم الغالية....