عالم الحياة الزوجية - منتدى

(( ضوى الليل )) · 02-02-2008, 02:27

بعد هالغيبه الطويله حبيت اقول لكم اني ولدت و جبت أحلى بنوته ف الدنيــــــا((شـــهــــــد)) الله يخليها لي
ان شاءالله،،،

و ألحين راح أقول لكم قصة ولادتي من البدايه الى النهايه,,,
ف يوم الجمعه الموافق25_1 الساعه 11 الظهر قمت من سريري ع نهر من الماي
أول شي أنا عبالي كنت أحلم هههههه لكن بعد ما فتحت عيني عرفت ان السالفه
حقيقيه و أقوم و اركض حق امي و اروح لها المطبخ واقول لها ماي ماي اتقول لي
اشفيج اقول لها باولد خلاص يالله المستشفى و انا خايفه موووووت و اروح اركض ع
الغرفه والماي ينزل ع ريولي نفس الشلال وامي تركض وراي ((حشه اتقولون حرب))
ههههههههههه عقبها امي قالت لي انتي اتحسين بألام قلت لها قالت لي عيل
مب ولاده هذي افرازات تنزل عليج قلت لها يمه والله ماي اتقول لي لا و قعدت اتهاوش
معاها و اروح ألبس عباتي و اقول لها انا باروح المستشفى وانتي اقعدي ما ابيج
اتروحين معاي و آخذ مفتاح السياره وانزل عنها الا اتقول لي انطريني وانروح
طـــــــيران ع المستشفى و بعد ما دخلنا جاتني الدكتوره واتقول لي اشفيج
قلت لها الموضوع الا تقول لي انسدحي عشان افحصج و بعدها جاتني حطت لي
نفس العود طويل تحت فيه نفس الماده عشان اتعرف اذا هذي كانت ماية الراس ولا
لا و تخيلو بنات حطته واتقول لي هذي مو ماي البيبي هذي افرازات والدكتوره
شكلها توها قاعده من النوم بعدها قلت لها لا هذي مو افرازات افحصيني
من داخل يمكن الرحم مفتوح و عقب ما افحصتني شفتها افتحت اعيونها
قلت لها اشفيج الا اتقول انتي مفتوحه 2 الا 3 سانتي وما في ألم قلت لها صج
اتقول يالله ع طول برزي اغراضج و روحي الطوارئ و اروح البيت ركض و امي مقتنعه
انها ولاده عقب هاي كله و بعد ما رحت الطواري افحصوني و قالو لي تنويم ع غرفة
الولاده و بدلت و امي يالسه اتصيح و انا اصيح معاها من الخوف و تخيلو بنات من
الساعه 11 الظهر ينزلل ماي بعدها نزل دم و الساعه 10 ونص بالليل افحصوني
الا 4 سانتي و جاني طلق خفيف و بعدها قام يزيد اشوي اشوي بس والله
نصيحه نصيحه ولا تصارخون لأن والله الصراخ يزيد الألم دبل بس اخذو نفس
و اذكرو الله طول الوقت و الله اني صرخت مره وحده قلت ف نفسي ابي اجرب
الا و يزيد علي الألم دبل بعدها الساعه 12 كنت مفتوحه 6 سانتي واقول حق
السستر ابي اروح الحمام اتقول لا قلت الله يخليج و انا يالسه اصيح واهيه اتصارخ
علي لا لا بعدين جاهل يطلع في حمام ههههههههه و بعد ما تعبت خلاص
الساعه1 ونص 10 سانتي ولله الحمد اني انفتحت ابسرعه بدون تعب و اتقول
لي السستر يالله انتي الحين ولاده وانا مو امصدقه فرحانه حدي ههههههه
واتروح اتنادي السستراتو ابسرعه واتقول اذا يجي ألم عصري و لا تصارخين
عشان بيبي يطلع ابسرعه وانا اقول لها انزين انزين و الحمدلله بعد سادس محاوله
طلعت بنتي و أول ما طلعت حطوها ع بطني واهيه اتصيح والله يا بنات ان
كان شعور ما ينوصف و الآلام كلها راحت لحظة ولادتها والله و الحمدلله
بعدها اطلعت المشيمه بدون الألم والخياطه ولله الحمد بدون ألم عقبها نظفوني
و تسبحت و ودوني ع طول الجناح مع حلوتي ههههههه
بس نصيحه لا تصارخون والله بتتألمون زياده
هذي قصتي واذا تذكرت شي راح اكتبه لكم و ألحين ما في نوم كله سهر
الله يعينكم ان شاءالله ههههههههه

ام هباوي · 02-02-2008, 02:48

الف الف مبروك حبيبتي عليكي البنوتة والف الحمد لله على سلامتك ....والله يحفظها لك ياربي ويجعلها قرة عين لك ولابوها.....

الحزن الحائر · 02-02-2008, 03:42

الف مبرووووووووووووووووووووووووووووووووووووووووووووووك وحمد الله على سلامتك
تتربى في عزكم ان شاء الله

~نواعم~ · 02-02-2008, 05:50

الف مبروك عليك المولودة

روح الرومانسية · 02-02-2008, 10:56

الحمد الله على السلامة حبيبتي و ألف مبروك المولودة الجديدة ( شهد )

mo0on_14 · 02-02-2008, 12:51

الف الف مبروووووووووووووووووك المولودة وتتربى في عزكم

мόόη Ļίģħт · 02-02-2008, 13:24

1000 مبروووووووووووووووك

والحمدلله على سلامتك

أم أسماء · 02-02-2008, 14:19

ألف مبروك
والحمد لله على سلامتك وسلامة الصعنونه
الله يخليها لكم وتتربى في عزك وعز أبوها

شوشو 23 · 02-02-2008, 14:52

اول شي اقولك الحمدلله على سلامتك وسلامة البيبي

تاني شي الف ميرووووووووك على شهوده وربنا يحفظها ليكي من كل عين

ويااارب عقبالي كده لما اقوم انا والبيبي بالسلامه واجي ابلغكم

ساجده لله · 02-02-2008, 20:43

حمد لله على سلامتك حبيبتي وألف مبروك المولوده شهوده وجعلها أن شاء الله من عباده الصالحين ....آمين

ام ايات · 02-02-2008, 20:56

الف الف الف مبروك وحمدلله على سلامتك والله يخلي بنوتك تن شاء الله وتتربى بعزكم

a-gh · 02-02-2008, 22:14

الف الحمدلله عالسلامه وان شاء الله شهوده تتربى بعزكم يا رب
ادعيلنا تكون الولاده مسهله

ايمان الشاذلي · 03-02-2008, 01:25

الف مبروك ياقلبي بي ماقلتي شو اعطيكي ابرة ووين ياقلبي
وشو عملتي بعد الولاده تحركتي عادي استخدمتي دوا او شي ياقلبي فسري ياقلبي
ومبروووووووووووووووووك وعقبالنا يارب وكم كان وزن البيبي حبيبي

ايمان الشاذلي · 03-02-2008, 01:25

حبيبي لاتنسيني الله يخليك

(( ضوى الليل )) · 03-02-2008, 12:57

اول شي الله يبارك فيكم أجمعين ان شاءالله

و يهون عليكم اللهم آمين يا صافي يا عليم

و بالنسبه لي ف آلام الطلق ما كان في أبر ولا شي

و بعد الولاده كان في ألم اشوي ف البطن نفس المغص

بس الحمدلله عدت هالأشياء كلها ع خير

و اذا عندكم اي استفسار تراني حاضره هههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

باركولي بنات أنا ولدت بالسلامه