عالم الحياة الزوجية - منتدى

الدبلوماسية · 14-02-2008, 02:00

اخوانى واخواتى بالمنتدى السلام عليكم ورحمة الله وبركاته
انا عندى صديقة سمعت عن المنتدى الرائع واعضاؤه وردودهم الشافية فطلبت منى ان اسرد مشكلتها اليكم لتجد الحل عندكم والاراء السديدة باذن الله
هى عندها 20 سنة بتحب ابن عمها منذ طفولتها وهو اكبر منها بعشر سنين وهو كمان بيحبها اوى هو يشغل مركز مرموق وهى ايضا فى كلية مرموقة جدا
ولكن عندهم فى العيلة شايفين ان الفرق بينهم فى السن كبير وعشان كدة حاولت تنساه من فترة كبيرة وبعدين هو وصل لسن التلاتين وكان لسة ما ارتبطش بأى واحدة لانه بيحبها بس كان خايف انه يفاتحها او يفاتح اهلها ويرفضوا عشان موضوع السن وفضل السكوت والانتظار
المهم والده ووالدته من النوع المتسلط وهو من النوع المنقاد يعنى شخصيته ضعيفة فوالده جاب له عروسة عندها 26 سنة شافها وشافته وكان رافضها بس وافق عشان يسكت ابوه
المهم خطبها وبعدها الظروف قربت بينه وبين صديقتى وتجدد الحب القديم فى قلبها وقلبه
وتجرأ لانه حس انها بتحبه وممكن توافق وخاصة انها خلاص كبرت بقى عندها 20 سنة
واخيرا صارحها برغبته فى الارتباط بها بس هى رفضت على اساس انه خاطب وهى مش عاوزة تكون السبب فى تعاسة حد (البنت اللى خطبها) بس هو اقسم لها انه فى كل الحالات حتى من غير وجودها فى حياته كان كدة كدة هيسيب البنت دى لانه مش متقبلها نهاااااااااائى
فهى وافقت عليه من حيث المبدأ وانتظرت ان يعمل حاجة
انتظرت وانتظرت الى ان..................
كتب كتابه على البنت اللى خاطبها واتصل بصديقتى يوم كتب الكتاب ويبكى ويقولها ابويا غاصب عليا
وهطلقها انا مستحيل اتجوز واحدة تانية غيرك
هى متأكدة من صدق مشاعره ومتأكدة انه مغصوب عليه لانها بنت عمه وعارفة اللى بيحصل يعنى والدها اللى هو عم الولد عارف انه مغصوب ومجبر والعيلة كلها عارفة مش صاحبتى ووالدها بس
هو مشكلته انه سلبى سلبى جدااااااااااااااااااااااااااااااااا الى ابعد الحدود وما بيحبش يحرج حد
يعنى طيب لدرجة الهبل
صاحبتى دلوقتى كل اللى عايزة تعرفه تعمل ايه عشان تخليه يتحرك ويتصرف مع العلم انه لسة محصلتش دخلة على البنت اللى خطبها دى هو مجرد كتب كتاب
ارجوكم لا تبخلوا عليها بالحل
اسفة على الاطالة
لكم منى كل الاحترام والتقدير

בبيـ__ـبـة زوجـ__ـهـآ · 14-02-2008, 03:23

ما اقدر اقول الا الله يفرجها علييهم ويجمعهم بالحلال عااااااااااااجلا ليس اجلا ياااااااااااااااااااارب

الدبلوماسية · 14-02-2008, 20:52

اقتباس:

المشاركة الأصلية كتبت بواسطة ياارب فرج كربتي

ما اقدر اقول الا الله يفرجها علييهم ويجمعهم بالحلال عااااااااااااجلا ليس اجلا ياااااااااااااااااااارب

اشكرك اختى على ردك ويارب يسمع منك ويفرج همك اااااامين

*فرحة القلوب * · 14-02-2008, 21:07

يا شيخة قولي لها هذا ضعيف شخصية بكرة لا زعلوا منها
قالوا له طلقها ساعتها وش بينفعها الحب ؟

الدبلوماسية · 14-02-2008, 22:38

اقتباس:

المشاركة الأصلية كتبت بواسطة *فرحة القلوب *

يا شيخة قولي لها هذا ضعيف شخصية بكرة لا زعلوا منها
قالوا له طلقها ساعتها وش بينفعها الحب ؟

والله عندك حق وانا قلتلها الكلام ده بس هى مش مقتنعة لانها بتحبه جدا مش قادرة تشوف فيه حاجة وحشة عموما ربنا يعملها اللى فيه الخير واشكرك عزيزتى على مرورك
وياريت باقى الاعضاء يقولوا رأيهم عشان ابلغها

وحيدة القرن · 14-02-2008, 22:54

بصراااااااااااحه انا رأي انهم ماينفعوووش لبعض ابداااا
وتحمد ربنا انه اتجوز

الدبلوماسية · 14-02-2008, 23:04

[وحيدة القرن;2938447]بصراااااااااااحه انا رأي انهم ماينفعوووش لبعض ابداااا
وتحمد ربنا انه اتجوز[/QUOTE]

اختى وحيدة القرن اسعدنى مرورك ولكن ياريت توضحى وجهة نظرك

مستغرب · 15-02-2008, 00:59

اولا مبروك فوز منتخب مصر بالبطولة الافريقية
اختي عادة كل فتاة تقضل ان يكون شريك حياتها شخص ذو شخصية قوية وان يكون يحمل صفات معينة ولكن ماذكرتية عن الشاب ذو شخصية ضعيفة وهذا مما سوف يجعل الفتاة بمشاكل لاحصر لها وسوف يكون شخص منقاد الى اهلة اكثر من زوجتة فطالما هو مقبل على الزواج فهذا ارادة الله فالنصيحة بان تبتعد عن الشخص وان تفكر في نفسها وفي حياتها المقبلة وهي مازالت صغيرة وبسن الورود فلا تفكر بشخص سوف يرتبط بفتاة اخرى فقط اجعليها تحكم العقل وليس القلب في هذا الامر لانة زواج ورباط طيلة العمر وليس رحلة وتنتهي بوقت معلوم اتمني ان اكون وفقت في الرد
تحياتي

ذهبية · 15-02-2008, 01:04

يعنى اية خطب واحدة اخرى و هو بيحب واحدةتانية لا و مش بس كدة يكتب كتابة غصب هو فية رجل فى هذاالزمان يتغصب علية امال ساب اية للبنات
للاسف انا لو مكانها احتقرة و ابعد عنة فورا انا اسفة انا اريد رجل عارفة يعنى اية رجل يكون صاحب الكلمة فى البيت يكون حمايا يكون ضهرى يعرف يحمينى مش انا اكون اقوى منة
هيربى ولادة ازاى و هو ما لة راى هل هى هتقبل هذا النوع من الرجال
هل هى هتقبل ان لو لو لو حصل و تزوجتة هل هترضى بتدخل اهلة و ابوة فى كل كبيرة و ضغيرة فى حياتهم و دة طبيعى حسب شخصيتة
و كيف يكون الحال لو حصل خلاف بينها و بين امة او ابوة تخيلى شكل الحياة هل هيعرف يحافظ على كرامتها هل هيعرف يجيب حقها و لا هيطلقها ساعتها علشان يرضة ابوة فوقىىىىىىى يا اختى و فكرى بالعقل و الحياة العملية هذا هو الواقع الحب بعد فترة هينتهى و هتكرة ضعفة و سلبيتة لكن بعد ضياع الاوان و بعد ما تجيب اطفال ما لهم ذنب ابعدى احسن و فكرى تتزوجى رجل رجل و سالى والدتك او اى صديقة من اصحابك يعنى كلمة رجل

الدبلوماسية · 15-02-2008, 01:36

اخى مستغرب الله يبارك فيك واشكرك
اما بالنسبة لرأيك فى المشكلة فوجهة نظرى هى نفسها وجهة نظرك وانا هقولها الكلام ده مع انى قلتهولها كتير ولكن هعيده تانى يمكن ربنا يهديها وتستجيب واشكرك اخى على المرور والرد العاقل

اختى ذهبية اشكرك على مرورك وردك السليم وانا رأيى من رأيك

وادي النسيان · 15-02-2008, 18:49

اختي الدبلماسية
الطريق وصل الى حيث لارجوع حبيبها قطع اكتر من منتصف الطريق
ادا كانو يحبو بعض كان المفروض من الاول انهم حاربو علشان يرتبطو ببعض
لكن كان كل واحد فيهم رامي المسؤلية على التاني
ادا كان هوا سلبي من وجه نظرها ومن جر ورا اهله
صدقيني ادا تزوجتو هتتزوج اهلو يعني هما الي هيتحكمو في حياتها
كان المفروض من الاول فرض رايو
- وبعدين كتب الكتاب مو بالسهل يعني متزوجها لكن مادخل عليها يعني لو سابها هتكون في نظر المجتمع مطلقة
وانتي عارفة مجتمعنا العربي
خلاص ياختي قليلها انتها هنا مشوارك ولا تبني حياتكي على حطام الاخرين
وادا استمرو في الحب تظحي وتكون زوجه تانية
وفي الاخر ماراح تاخد الا نصيبها

الدبلوماسية · 15-02-2008, 22:03

اشكرك وادى النسيان على المشاركة والمرور الرائع
وانا هبلغها بكل الاراء
اشكرك مرة اخرى

فراشه اسكندريه · 16-02-2008, 14:51

بنت بلدي الدبلوماسيه الموضوع معقد من الاول لرفض الاهل بارتباطهم وتعقد اكثر بضعف شخصيته وكتب كتابه علي الاخري
اولا لا ينفع ان يطلق الفتاه الاخري لانها ليس لها ذنب ويعني ايه غصب لايوجدر جل في سنه يغصب عليه في هذا الزمن واا هو اتغصب عليه فالفتاه الاخري قبلته زوجا لها يعني هي مش حاسه معاه بالرفض
ثانيه اصعب شي ان تعيش صديقتك مع شخص ضعيف الشخصيه واهله متداخلين في كل شي بعد الزواج في اشياء كثير اقوي من الحب وهي كده ححتجوز عائلته ومش حتستحمل تدخلهم في حياتها حاولي تقنعيها ان تصرف نظر عنع وهي لسه صغيره وستجد ان شاء الله الانسان الي يستحقها ويقدرها

ALSANAM · 17-02-2008, 09:22

احسن ما في الموضوع
انه اتصل فيها وهو يعقد كتابه وهو يوفع على الغقد ويبكي ويقول انا مش عاوزاها انا عاوز بنت عمي والناس تزغرد وهو يبكي
مشاكل عاطفيه تجنن

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يحبها ولكن.......................