اخواني واخواتي ودي اقولكم موقف صار لي ويشهد الله ان الغرض منه هو الفائدة لكم لأني ما توقعت ردة الفعل بهاالصورة. اختلفت انا وزوجتي وفي قمة غضبي تكلمت بكلمات حسيت اني جرحت شعورها واثرت بها تأثير كبير والم شديد لأني لم اتعود على التلفظ بهالكلمات الجارحة.....والله اني تألمت اكثر لأن ابليس لعنة الله اشتغل مظبوط في ذاك اليوم ويمكن الظغوط الي كنت امر بها ساعدت.....المهم حاولت اعتذر, امازحها,اسولف عليها لكن والله ان عيونها احس انها تعاتبني. رغم مجاملتها لي ومسايرتها....المهم فكرت وشلون ارجع الأمور مثل الأول وازين..........

تذكرت اول مطعم تعشينا فية بعد الزواج ورحت وحجزت فية وظبطت كل الأمور وبليلتها قلتلها يالله بنروح مشوار. المهم

جينا المطعم استغربت قلت خلينا نغير جو اليوم وناكل شيء خفيف...دخلنا كان بنص الأسبوع يعني موب ذيك الزحمة سولفنا شوي والا انوار المطعم انخفضت واغنية عبد المجيد كل عام وانت الحب بصوت خفيف ومسموع..قالتلي شكلة في اثنين محتفلين بزواجهم قلت يمكن .......


وبعد دقيقتين دخلو بالتورتة والشمع عليها وكنت كاتب عليها كل عام وانتي حبي مهما يصير..............
طبعا قصاصات اوراق فوقنا ملونة وبالونات وحركات كلة انا مظبطة من بدري.واكيد هدية صغيرونة..........

المهم اخواني والله العظيم كان شعورها لا يوصف وفرحتها لا تقدر حتى انها ما قدرت تتحمل دموعها بس هذي دموع الفرح موب دموع الجرح والأهانة,,,,

المهم رجعت البيت وحسيت بالفرق الكبير بين الحين وقبل ساعة ونص الحين الخواطر طيبة والنفوس صافية والقلوب صار ما فيها الا الحب......

(ليس العيب ان نخطأ***************العيب ان نصر على خطئنا).

حبايبي اهم ما بالموضوع المفاجئه يعني موب ايام مناسبات يوم زواج او اعياد....

شيء بخاطري حبيت اقوله يمكن احد يحتاجة عاد موب تنتظرون هوشة عشان تسونها انا الصراحة استانست وبسويها كل فترة بس اهم شيء تكون غير متوووووووووووووووووقعة لأنها احلى واجمل..


دمتم في رعاية الله.