عالم الحياة الزوجية - منتدى

اتعبني..طموحي · 19-02-2008, 20:24

تيرا كلامك منطقي جدا واعجبني بس
على فكره انا كنت اتكلم بالاشاره الى نفسي علشان اوضح الفكره
اما حب وخرابيط >>> اختك بالله بعيده كل البعد عن هالسوالف اصلا مااتخيل نفسي اقول لواحد احبك بحس انى بايخه خخخخ >>> بس في افكار في بالي ودي احد يشيلها من بالي او يأكد صحتها لى
.
.
بما ان كلامك اعجبني بسئلك سؤال ثاني
وبتعبك وانت تكتب جوابه
دائما نسمع ان الخيانه مالها مبرر >> انا اشوف اعذار للبعض
بعطيك مثال لوحده اعرفها .. واشوف ان لها عذر باللى سوته وماعور قلبي زوجها
الا قلت يستاهل >>>انا اتكلم عن الفكره كفره بعيد عن الاحكام الشرعيه لا احد يطلع لى فيها
المهم هذي البنت تزوجت واحد بعلاقه حب كان بينجن عليها
وهو متزوج وعنده عيال الرجال عنده لسان حلو المهم بعد ماركض وراها لين
حبته تزوجته وامها كانت رافضه بس ابوها ماعارض لان الرجال كانت سمعته حلوه
بعد زواجهم بفتره بسيطه تزوج وحده ثالثه وصار هو بمطقه وهي بمطقه >>وتخيل هنا احساسها انه لا حبها ولا شي الاكانت بنت يبي يوصل لها وان كان بشكل شرعي
قالت له ياولد الناس ياتجيني يا اجيك مااهتم لها طبعا انا اتكلم عن سنيين مو ايام او شهور وهم على هالحال المهم انها صارت على علاقه بواحد تلفون
وزوجها اكتشف >>> كفخها خخخخ بس تكتم على الموضوع وخلاها عنده
.
.
انا بجد هالبنت لانى عشت تفاصيل قصتها ماكنت ألومها
ولو ماكان زوجها حاس ان له دور كبير باللى صار بالذات انها
نبهته اكثر من مره بس ماسمع لها ماكان خلاها عنده
مااعتقد انها كانت شهامه منه بقدر ماكان يحس انه السبب بكل اللى
صار >>> على فكره هذي من مشاكل التعدد
.
ليه انا اتعاطف مع هالبنت مع ان الكل بيقول مالها مبرر هذي خيانه ومدري وش يخربطون
عطيني رأيك في الخيانه بمبرر ؟؟
.
.
على فكره اللى يجلس على هالكرسي وانا رايقه الله يعينه على

عبق الرند · 19-02-2008, 20:34

تيرا وماادراك ماتيرا؟
اجمل قلم رجولي قرأت له بهالمنتدى
قلم متزن معتدل
سؤالي الاول : لماذا الرجل الشرقي او العربي خاصة لايحب ان تكون زوجته متفوقة عليه بالتعليم اقصد ان تكون سابقته بمراحل التعليم؟ هل هو خوف ان تتكبر عليه؟ ام عدم ثقة بالنفس؟ ام جبروت وسلطة وعنجهية؟
الثاني: هل توافقني على ان المجتمع السعودي بجميع طبقاته من (...........) ا اخاف يقولون ارهابية..الى اقل طبقة يفتقد لحسن التخطيط والادارة بمعنى ان حتى القرارات العليا تتسم بالفوضى؟
ولك احترامي

Tera. · 19-02-2008, 20:55

هلا والله ومسهلا .. اختي Ms slide

اقتباس:

بالبدايه سم وتفضل

شكراً .. كأنك داريه اني احبه .. خصوصاً ان اليوم حرر ..

اقتباس:

يالله ترى ما اعرف اصفصف الكلام تحمل عاد ومن غير زعل
<< ناويه عليك بنيه >> خخخخخخخخخخخخ

افا عليك .. انتي لا يردك الا الكيبورد .. اسألي اللي تبين ..

اقتباس:

[CENTER]هل جربت في يوم من الايام انك تدخل المطبخ وتبدع طبخه من عندك ؟؟؟
اذى كانت الاجابه بنعم مين كان الضحيه او الضحايا هههه

لالالا .. المكان الوحيد في البيت اللي ما احب اقربه هو المطبخ .. ( بس يمكن عاد اذا جت المدام تتغير

قناعتي .. يمكن

) ..

انا فاشل تماماً في الطبخ .. واكثر شي اعرف اسويه تسخين بالمايكرويف اذا حدتني الظروف وما صاروا

الخدامات بالبيت ..

اقتباس:

ولو كانت بلاء .... تفكر تسويها ؟؟؟؟
ولو سويتها << مدري وش ابي >> المهم مين تبي تذوق طبخك اصدقاء او بمعنى ثاني ربعك
او خواتك او امك او كل الاهل .... لو سويتها عاد تحمل التعليقات خخخخخ

والله افضل اني اسويها عند اخوياي .. لأنهم عااادي يتحملون ..

بس اهلي لالالا اخاف عليهم يجيهم شي

.. وبعدين فشله قدامهم .. بس عند الربع .. كله واحد ..

اقتباس:

ووش اكلتك المفضله ... وهل مقولة اقرب طريق لقلب الرجل معدته ؟؟؟؟؟؟؟

وش سالفتك مع الأكل اليوم ... لا تكونين من اللي بالي بالك .. اللي حتى بالنوم يآكلون ..!!!

من ناحية اكلتي المفضلة .. اممم مافيه شئ معين .. بس

دائما احب المأكولات البحرية بشكل عام .. واحب ارتاد مطاعمها بشكل دائم ..

( جربتي شوربة المحار ؟؟ ) .. انصحك تجربينها ..

وبالنسبة لمقولة .. " اقرب طريق لقلب الرجل معدته " ..

فهذي غير صحيحة .. على الأقل بالنسبة لي ..

اقتباس:

القصه الثانيه
كم عدد اخوانك وخواتك وايش ترتيبك بينهم << حب استطلاع >> بمعنى تحريفي للقافه خخخخ

ههه مو لقافة ... لا بالعكس تآمرين ..

انا ترتيبي الثالث من الذكور .. وقبل الأخير .. من بين اخواني واخواتي ..

اقتباس:

سؤالي المعتاد للجنس الخشن << وش رايك هالكلمه الجنس الخشن والجنس الناعم >>

هالكلمتين انا أشبهها مثل قطبي المغناطيس ..

كل منها في حاجة للآخر .. ولا ينفكون عن التجاذب فيما بينهم ..

اقتباس:

وش تفضل بالبس اللباس السعودي التقليدي او الجنز ولبس السبورت

كل واحد له وقته .. ومناسبته .. ( اتوقع تقصدين داخل السعودية .. لأن في الخارج شي اكيد مافيه لبس

تقليدي ) ..

السبور .. حلو .. لكن في اماكن معينة .. مو في الأماكن العامة وبشكل دائم ..!!

يعني في الطلعات الخفيفة .. اوكي .. اما غيرها .. لالا .

اقتباس:

FONT=Arial]ووش رايك بشباب هاليومين اللي لين شفته من ورى تقول بنيه من هالشعر المسبسب

اقتباس:

او الي طايحين به هالايام كشه تقول لها شهر ماتغسلت
او صلعه تلمع لزوم التميز تقول انه جاي من الحج

اقتباس:

هذولي لما اشوفهم .. احمد ربي على نعمة العقل ..

والله انهم إمعااات وهم ماهم دارين ..!!

اقتباس:

الرابع
اخر كتاب قرأته ,,, المقرئ اللي تسمع له ,, وكتاب تنصحنا بقرائه .. وليه ؟؟

آخر كتاب قرأته " كتيب " .. اسمه كلمات في الحكمة ..من دار " هيلين اكسيلي " للنشر ..

وانصحك بقرائته ..

المقرئ اللي احب اسمع له .. الشيخ سعود الشريم الله يحفظه .. واللي زادني حب فيه معرفتي له عن

قرب ..

اقتباس:

الخامس
عاده تكررها دايم مثل تشبيك اليدين او حك الراس او الجبين او اي حاقه ومتلازمه كلاميه دائما تكررها بحديثك

هههه .. انتي ناوية تحللين شخصيتي ؟؟

ما ادري كيف اقولك ..

بس انا دائما .. حركة يدي متناغمة مع كلامي .. ومتوافقه معها بشكل كبير ..

اقتباس:

السادس
لو كان لك الخيار انك تختار من يقعد على كرسي الاعتراف مين تختار ؟؟؟؟؟ وليه اخترته ؟؟؟

انتي .. لأني ودي انهاااااال عليك بالأسئلة وما اخليك تحكين راسك لمدة اسبوع كااامل ..

ويمكن بعد اطلب تمديد اسبوع ثاني .. ههه ( ناويلك بنيه ) ..

اقتباس:

[CENTER]السابع
هل لك معارف بهالمنتدى او لك صداقات من هنا تخطت عالم النت الى التقابل الفعلى او بالتلفون

لالالا ابداً ..

اقتباس:

الثامن

[CENTER]هل تؤمن بالابراج مو تصديق الحظ وما الحظ ادري انه حرام بس اقصد
الشخصيه يعني البرج الفلاني صاحبه هادئ ذكي نشيط والاعمال اللي تناسبه كذى وكذى
وايش برجك او من مواليد اي يوم واي شهر ماله داعي السنه ولو قلتها مابتضر

اممم .. من ناحية تحليلهم للشخصيات .. أو تحديد نمط لشخصية كل برج ..

فهذا سبق واني قلته .. ان السمات اللي يضعونها .. غالباً ما تنطبق على كل الناس .. لذلك من يقرأها

يفكر انها فعلاً مطابقة له .. وهي في الأساس صفات مشتركة ..

كنت اول افكر ان برجي العقرب .. ولما قرأته قلت ايه والله ... صااادقين .. بس بعدين

اكتشفت انه القوس .. وصار فعلاً ينطبق علي .. ولما قارنت بينهم .. وجدت بينهم صفات ممكن تنطبق على

اي احد من ابراج ثانية ..

يعني الدعوى تسلية لا اكثر ..

اقتباس:

معد عندي اسئله
بس هل دار بمخيلتك سؤال ودك لو سألناك عنه وما سألناك؟؟ واذا كان فيه ايه هوه ؟؟
<< معليه شؤال معقد حبتين >>

الحييين قلت الأسئلة ماعاد الا هالسؤال ..

وعلى قولة سعيد صالح في مدرسة المشاغبين ..

" هوا فييين السؤال ؟؟ ... ادوني السؤال وانا اقاوب على طول " ..

فعلاً وين السؤال ..

هههه

اقتباس:

وبس خلاص ولو طرى ببالي اسئله حاجي ماراح اتردد ابد ابد ههههههه

ههه .. لالا تترددين ابد .. حيااااك

اقتباس:

[CENTER]يالله وهذي حلاوتين بس مابيك تسمن وتدعي علي

ههه شكراً .. ثنتين ما تضر ...

لالا بالعكس .. ماراح ادعي لك ..

الا شرفتينا وآنستينا ..

الله يحفظك .. ويعطيكِ العافية ..

بجد اسعدني مرورك ..[/FONT]

نبـ الروح ـض · 19-02-2008, 22:26

افا طلعت منت راعيها ماتحب المطبخ
اسمع من يتكلم خخخخخخخخخخخ
ليه فاشل اتعلم بيوم من الايام بتجي المدام وتعلمك اصوله وبتقول
سمي وامري لك ئؤبريني ههه

اقتباس:

وش سالفتك مع الأكل اليوم ... لا تكونين من اللي بالي بالك .. اللي حتى بالنوميآكلون ..!!!

سالفتي بالاكل وحده جايعه وتبي تسوي رجيم ودها تاكل
بس خذت اجازه طويله بالاكل وسمنت كمن كيلو الله ينزلها بالعافيه

اقتباس:

( جربتي شوربة المحار ؟؟ ) .. انصحك تجربينها ..

شوربت محار لااا اصلا لين سمعت ثمار البحر تحوم كبدي
الله يكرم النعمه ما اكل غير السمك والربيان فقط ومو كل انواع السمك بعد

اقتباس:

وبالنسبة لمقولة .. " اقرب طريق لقلب الرجل معدته

اقتباس:

" ..

اقتباس:

فهذي غير صحيحة .. على الأقل بالنسبة لي ..

طب حلو ان هالمقوله غير صحيحه
فكت ازمه وخوف من المستقبل المجهول
يالله الله يكثر اللي من امثالك يارب

اقتباس:

ههه مو لقافة ... لا بالعكس تآمرين ..

انا ترتيبي الثالث من الذكور .. وقبلالأخير .. من بين اخواني واخواتي ..

ما يأمر عليك ظالم بما ان سؤالي مو لقافه طب ماقلت كم عددكم يخزي العين
ماشاء الله تبارك الله لاتقول ان عيني حاره

اقتباس:

آخر كتاب قرأته " كتيب " .. اسمه كلمات في الحكمة ..من دار " هيلين اكسيلي " للنشر ..

شكل الكتاب حلو راح احفظ اسمه واللسته طويله ومحرومه من المكتبات
ودي ينسوني اهلي في جرير او العبيكان يوم او يومين بس بالمشمش
بس ساعات اتمنى ان المره تسوق علشان تقضي حاجاتها
مع اني من المعارضين للفكره انت شو رايك بها

اقتباس:

المقرئ اللي احب اسمع له .. الشيخ سعود الشريم الله يحفظه .. واللي زادني حب فيهمعرفتي له عن

قرب ..

ماشاء الله تعرف الشريم اجل امانه ان شفته وذكرت قله فيه وحده
ترسلك السلام وتقول لك جزاك ربي الجنه والديك وحرم جلدك عن النار

اقتباس:

هههه .. انتي ناوية تحللين شخصيتي ؟؟

لا بس لقافه
بس معقوله مافيه حركه تسويها مميزه مثلا انا اخوي لين جى يتكلم
بموضوع خاص فيه مدري ليه يتثاوب لاحظت هالشئ عليه
بس ماكملت الاجابه وش متلازمه كلاميه عندك مثل طيب , خلاص , عرفت , ok

اقتباس:

انتي .. لأني ودي انهاااااال عليك بالأسئلة وما اخليك تحكين راسك لمدة اسبوع كااامل ..

ويمكن بعد اطلب تمديد اسبوع ثاني .. ههه ( ناويلك بنيه ) ..

حرام عليك ليه انا انا كتاب مفتوح على كل الصفحات
لا وبتمدد لالا مستحيل امبوسيبل ههه

لا من جد شخصيه غامضه بالنسبه لك ودك تعرفها او ودك تسأل هالشخصيه
اسأله عامه وكثيره مين ياترى

اقتباس:

اممم .. من ناحية تحليلهم للشخصيات .. أو تحديد نمط لشخصية كل برج ..

فهذاسبق واني قلته ..

كنت ناويه احذف هالسؤال واعدل بس راحت علي خخ
لاني حطيت الاسئله قبل ما اقرى

بس انا عن نفسي كنت مثلك احسب اني شي واقرى فيه مو مقتنعه
باللي يقولونه بس لما حسبته طلع لي برج ثاني ولما قريته قلت ايه هذي انا
خخخ

اقتباس:

الحييين قلت الأسئلة ماعاد الا هالسؤال ..

ايه ايه يالله اسأل وجاوب
بس خلاص اذى ما قدرت الحين خله ليوم الجمعه بس هاه انتظر الاجابه

اقتباس:

لالا بالعكس .. ماراح ادعي لك ..

الا شرفتينا وآنستينا ..

اللهيحفظك .. ويعطيكِ العافية ..

بجد اسعدني مرورك

الله يسلمك ربنا يكرمك
وانا اسعدت بأجوبتك الجميله

في حفظ الله

][*الحياة حلوة*][ · 20-02-2008, 00:33

تحياتي لك تيـــــــــرا ,,,

اكتفيت بممتابعة الاسئلة والاجااااااباااااااات ,, وخرجت بشيء ,, وكل مااقرأ لك رد أرجع اعيده؟؟؟

\

\

\

\

\

الله يعين اللي بتتزوجــــــــكــــ ,, !!!

بتكلم بصرااحه مثل ماتعودت ,,

يعني اللي بتتزوجها لازم التواااافق بينكم ولابد منه ,,!!

في ناس يتزوجون من غير توافق وتمسي الحياة بينهم بالغصـــة!!

بس توافق عن توافق يفرق لو العمر يهوووووون ولاغيره !!

وانا شاااايفتك ناط كثير (بسم الله عليك) ,, ,, ,,, !!

وعندك قناااعات الا (مسلماااااااااات) تمر علي بعض سطووورك مافهمها مو الفهم الحرفي بس ماتركب

براسي <<<<<<<< جيبوها هاذي خخخخخخخخخخخخخخخ

واشياء ثانيه بس بلاش!!!!!!1

\
\
\

بالنهاية الله يزوجك وحده زيك لازيادة ولانقصاااان وتخلفوا صبيان وبنات

الحـ ـ ـلم القريب · 20-02-2008, 05:23

هلاااا فيك تيـــــرا حياك الله ..

أتمنى لك أمتع الأوقات على كرسي الإعترافـــ ..

شفت الرابط في مشاركه سابقه لك ودخلت ع الموضوع ..

حبيت أسلم وأسأل بعض الأسئله اللي أتمنى تكون خفيفه ..

الأول :

يقال أن الضدان ينجذبان ويكملان بعضهما .. فالليل ضد النهار ولايكتمل اليوم إلا بالتقائهما ..

في المغناطيس يجذب الموجب السالب ..

برأيك .. في حياتنا الخاصه .. هل الإختلاف بين الزوجين في بعض النواحي يحدث إنجذاب أم تنافر ؟؟

هل كل ضد يجتمع مع ضده ؟؟

الثاني :

ما رأيك في الشخص النظامي .. هل يستطيع أن يعيش حياته بكل متعه وحريه أم أن النظام

يسبب له الملل ؟؟ هل تيـــــــرا شخص نظامي ؟؟

الثالث :

نــــــــاديكــ المفضل ؟؟

الرابع :

هل يستطيع تيرا الحكم على أعضاء المنتديات وتمييزهم من خلال كتاباتهم ومعرفاتهم ؟؟

الخامس :

في موضوع سابق لي طرحت هذا السؤال : برأيك هل تؤيد أن تفصح الفتاة عن معرفاتها التي

تشارك بها في المنتديات لزوجها مستقبلا" .. حتى لو كان في هذا المنتدى ؟؟ ولماذا ؟؟

السادس :

أكلتك ومشروبك المفضل ؟؟

السابع :

المكان الذي يحبه تيرا في الرياض ؟؟

الثامن :

متى يكره الرجل المرأه .. ومن هي المرأه التي لاتعجب تيــــــــرا ؟؟

التاسع :

هل تشجع العمل في القطاع الخاص أو الحكومي .. ولماذا ؟؟

العاشر :

تمنيت أكمل عشر أسئله بس مالقيت سؤال .. يمكن لي عوده بعدين

\
\

دمت متألقا" ..

تحيتي لك

....

Rawwaf · 20-02-2008, 11:52

هلا تيرا ... وإجاباتك رائعة

وعندي أسئلة أيضاً

1

اقتباس:

بس راح اقولك رأيي ..

اذا كان فعلاً تبيني وشاريتني .. وما تأثرت بالخلاف ..

فصدقني ..

ما راح اتخلى عنها مهما كان .. وراح اسعى بكل ما املك اني أربأ الصدع بين الأطراف المتنازعة ..

وتتوقع اني اذا فسخت الملكة بناء على طلب والدها بأكون حفظت كرامتي ؟؟

لا بالعكس الا هذي قمة الإهانة .. والكرامة انك تتمسك فيها .. مو تخليها بناء على رغبات ابوها ..!

حلو .. بمعنى أن تيرا إذا أحب .. فممكن يتغاضى أحياناً عن مبدأ الكرامة .. أو لا يمكن بتاتاً ؟؟ مهما يكن.

ثم هنا

اقتباس:

اذا كان فعلاً تبيني وشاريتني .. وما تأثرت بالخلاف ..

طيب .. لنفترض العكس .. أنك أنت شاريها وتبيها .. ولكن من جهتها هي ما تأثرت بالخلاف .. فماذا سيكون موقفك؟

ولنفترض أيضاً أنها تأثرت بالخلاف .. ومع ذلك أنت شاريها وتبيها ولا يمكن تفرط فيه ... فما موقفك؟

2

بالنسبة للدراسة .. فما أقدر أترك العمل .. فهل هناك طريقة أخرى غير السفر لبريطانياً؟

3

لو معك مبلغ بإستطاعتك أن تفتح به محل تجاري .. فما هو النشاط الذي تحبه وترغب به؟ والسبب؟

4

لو قيل لك .. سوف نشتري لك قناة إعلامية .. وبها معدون وإعلاميون .. فما هو التوجه للقناة؟ أخباريه أو دينية أو .. أو ..

5

أين تقضي إجازتك .. وما هي الدولة التي أحببتها وتود زيارتها مرات عدة؟

6

ما رأيك بإرتفاع العقار .. وما هي خطة تيرا في مواجهة هذا الغلاء؟

7

ما هو برأيك المساحة المناسبة للبيت السعودي؟

8

ظاهرة الفشخرة؟ وش رايك فيها؟

9

أنت تعتبر لبنة من لبنات المجتمع .. وما يؤثر على المجتمع يؤثر عليك .. فكيف تستقبل هذا التأثير .. سواء إصلاحي أو إفسادي؟

10

أم علي .... حلى رائع .. هل لها قبول عند تيرا أو لا؟

11

في الحياة الزوجية ... دائماً ما ينصحون بأن نفهم نفسية الطرف الأخر للوصول له باسرع الطرق .. وأن هناك مفتاح .. إذا عرف .. سهل علينا فتحه.

كيف نعرف هذا المفتاح .. وكيف نستفيد منه؟

12

هل تعتقد أن قيس (حبيب ليلى) .. عندما رفضه عمه أن يتزوج أبنته ليلى .. انه كان رجلاً لا كرامة له .. حيث أنه بدأ يهيم ويمشي كالمجنون؟
هل تعتقد أن قيس (زودها شوي)؟
وهل تعتقد أن نموذج قيس .. نموذج خاطئ يقتدى به؟ حيث لم يجعل لقلبه مجال لأتخاذ القرار في العيش في حياته من دون ليلى .. مما أدى به إلى الموت عندما رفض والدها أن يزوجه؟

13

لو أعطيت لك سلطة إقالة وزير من الوزراء ... فمن يستحق ذلك؟ ولماذا ... >>> لا تخاف منيب مباحث. هههه

14

لو أعطي لك مجال لأن تكرم رجلاً .. بجائزة عالمية ... فمن هو ذلك الرجل؟

15

بصراحة ... هل يخطط تيراً للسنوات القادمة ... ليس تخطيطاً عابراً ... بل أقصد تخطيطاً مدروساً ومكتوب ومجدول؟

16

هل تؤيد الإنتخابات الوزارية .. ام أنك تفضلها هكذا أختيارية لجهة رسمية؟

17

ما رأيك بمجلس الشورى .. هل تعتقد معي أنها مجلس وظيفي لم لا وظيفة له .. ام أنه أدى أهدافه المرسومة .. وهل تعتقد أن أستجواب الوزراء أدى نتيجة أم أنه نقل فضائي فقط؟

18

متى برأيك تعترف وزارة التعليم العالي بالدراسة عن بعد؟ وهل تجد مبرراً للرفض؟

19

ما رايك بسوق الأسهم .. وهل تشعر أنه إستثمار جيد؟

20

ماذا يطمح تيرا في المستقبل ... ماذا تريد أن تكون في المستقبل؟

بالتوفيق تيرا .. والقادم أحلى وأحلى .. بس عجل علينا.
احترامي

(المهاجر) · 20-02-2008, 11:54

هلا بك أخي تيرا....
منور...
سؤالان....
- أنت من المترددين على قسم المقبلين...رأيك في المشكلات التي تطرح
هل هي تمثل واقع المجتمع ؟؟وكم تعطي نسبة مئوية تقريبية لمطابقتها للواقع ؟؟
- افترض أن العائلة التي تقدمت لها رافضة مبدأ (الرؤية الشرعية)....
تأخذها كزوجة مقتنعا (بالتقارير)...أم تبدأ رحلة بحث أخرى ؟؟

نهايه بلا بدايه · 20-02-2008, 11:58

اجاباتك ممتعه اخوي
عندي سؤال ماله داعي وانا معترفه انه ماله داعي بس مدري ليش طرا على بالي

ماهو مشروبك نمبر ون؟

&شروق& · 20-02-2008, 17:38

اكيد .. زوجتي ما ابيها تجلس بالبيت مثلها مثل التحف الموجودة لأن زوجتي هي صورتي الثانية في

المجتمع لذلك ابيها دائما تكون امام الركب مو متخلفه عنه ..

دراسة .. وظيفة .. عمل خاص فيها .. كل هذا انا أؤيده .. بشرط انه ما يتعارض مع الأمور الأساسية

مثل القيام بواجباتها .. وان عملها ما يكون في بيئة مختلطة ..

كلام راااائع تيرا ويدل على شخصيه واعيه

بس سؤوالي الان

حاليا لا يوجد عمل مافيه اختلاط ولو بنسبه قليله.. حتى لو كان في اتوقع بعد مده بسيطه راح يكون ها الشي معدوم..

ما رأيك؟؟

بتغير رايك انه زوجتك تعمل؟؟

او تشوف انه عادي تعمل وتتعامل مع الرجال؟؟

سؤالي الثاني::

تعتقد هل يوجد زماله بين رجل و امراه سواء فى العمل اوغيره؟؟

وماهي حدود هذه الزماله؟؟

السؤال الثالث:

تابعت لك كثير من الردود

ولكن برجع اسأل واشوف وجهة نظرك للمره الثانيه هههههههههههه

هل تؤمن بان هناك حب قبل الزواج؟؟

واقصد من سؤالي انته ترفض عدة وسائل تجمع بين اثنين .. ماهي الوسيله التي يراها تيرا صحيحه لبداية حب نية كل طرفين بالزواج؟؟؟؟؟

اعذرني طولت عليك

Tera. · 20-02-2008, 17:59

اهلا فيك اختي .. حنين

اقتباس:

على فكره انا كنت اتكلم بالاشاره الى نفسي علشان اوضح الفكره
اما حب وخرابيط >>> اختك بالله بعيده كل البعد عن هالسوالف اصلا مااتخيل نفسي اقول لواحد احبك بحس انى بايخه خخخخ

اكيد وانا أخوك .. الشك زايل ..

ومن ناحية انك ما راح تقولين كلمة " احبك " ..

انا اقولك .. راح تقولينها .. شئتي ام ابيتي ..

وراح تنطقينها وانتي تحسين نفسك مثل الملكة فوق عرش من تحبين ..

( طبعاً انا اقصد انك تقولينها لشريكك في المستقبل بإذن الله .. )

اقتباس:

بس في افكار في بالي ودي احد يشيلها من بالي او يأكد صحتها لى
.

ممتاز .. يعني اهم شئ انك حاسة انك مو مرتاحة .. وودك تغيرين بعض الأفكار اللي تدور براسك ..

وهذي اول خطوة في الإتجاه الصحيح ..

اقتباس:

دائما نسمع ان الخيانه مالها مبرر >> انا اشوف اعذار للبعض
بعطيك مثال لوحده اعرفها .. واشوف ان لها عذر باللى سوته وماعور قلبي زوجها
الا قلت يستاهل >>>انا اتكلم عن الفكره كفره بعيد عن الاحكام الشرعيه لا احد يطلع لى فيها
المهم هذي البنت تزوجت واحد بعلاقه حب كان بينجن عليها
وهو متزوج وعنده عيال الرجال عنده لسان حلو المهم بعد ماركض وراها لين
حبته تزوجته وامها كانت رافضه بس ابوها ماعارض لان الرجال كانت سمعته حلوه
بعد زواجهم بفتره بسيطه تزوج وحده ثالثه وصار هو بمطقه وهي بمطقه >>وتخيل هنا احساسها انه لا حبها ولا شي الاكانت بنت يبي يوصل لها وان كان بشكل شرعي
قالت له ياولد الناس ياتجيني يا اجيك مااهتم لها طبعا انا اتكلم عن سنيين مو ايام او شهور وهم على هالحال المهم انها صارت على علاقه بواحد تلفون
وزوجها اكتشف >>> كفخها خخخخ بس تكتم على الموضوع وخلاها عنده

اكيد .. الخيانة اصلاً .. ليست خيانة الشريك فقط ..

الخيانة هي الخروج عن اعراف وتقاليد ومواثيق قطعها الإنسان على نفسه .. بغض النظر عن شريكه هل

هو ملتزم بها ام لا ..!

يعني خيانة الإنسان لنفسه .. اكبر واعظم من خيانته للناس ..! لأن ما صان نفسه عن ما يدنسها ..!!

بمعنى اللي يخون ذاته .. شئ طبيعي انه راح يخون الآخرين .. حتى لو كانوا اقرب الناس له ..!!

انا قرأت قصة زميلتك ..

ابداً مالها مبرر .. ولا لها حق ..

هي اصلاً .. لما تزوجها زوجها .. كانت عارفه انه متزوج .. وانها بتكون الثانية ..

ليش ما جا بخاطرها الألم اللي راح تسببه للزوجة الأولى ؟؟

ولما تزوج عليها .. فتحت باب الخيانة لنفسها .. لأنه تزوج عليها ؟؟!!

حتى لو كان مهملها .. حتى لو كان مقصر في حقها .. الخيانة ماهي خيانة الزوج .. الخيانة هي خيانة

شرفها وقيمتها بين الناس .. والا زوجها ممكن يطلقها وما تكون في حسبته ..!!

لكن خيانتها راح ترافقها طول حياتها .. حتى لو كبرت .. وانجبت .. وصارت ام .. راح تبقى رواسب الخيانة

في حياتها .. ومستحيل انها تتخلص منها ..!!

يعني لما اهملها زوجها .. المفروض انها وضعته امام الأمر الواقع .. ( امساك بمعروف .. او تسريح بإحسان )

مو تنتقم من ذاتها ومن شرفها ومن سمعتها .. وتروح تخون ..!!

اقتباس:

انا بجد هالبنت لانى عشت تفاصيل قصتها ماكنت ألومها
ولو ماكان زوجها حاس ان له دور كبير باللى صار بالذات انها
نبهته اكثر من مره بس ماسمع لها ماكان خلاها عنده
مااعتقد انها كانت شهامه منه بقدر ماكان يحس انه السبب بكل اللى
صار >>> على فكره هذي من مشاكل التعدد
.
ليه انا اتعاطف مع هالبنت مع ان الكل بيقول مالها مبرر هذي خيانه ومدري وش يخربطون
عطيني رأيك في الخيانه بمبرر ؟؟

انتي واضح عليك .. انك تعطين قلبك مساحة للتفكير .. أكثر من المساحة اللي تعطينها عقلك .. وهذا خطأ !

ممكن نتألم لحال زميلتك .. لأن زوجها مهملها .. وماله حق ابد في اللي يسويه فيها ..

وممكن نأسى لحالها .. لأن زوجها تزوج عليها .. وما يعطيها حقها اللي فرضه الله لها ..

لكن ابد .. ما عمرنا نتعاطف معها .. ونبرر خيانتها ..!! ونقول فعلاً انتي انتقمتي منه ..!! لأنها انتقمت من

نفسها قبل ما تنتقم من زوجها ..!! يعني هي الخاسرة في كل الأحوال ..!

الصح صح .. والغلط غلط .. و عمر الجرح ما يتداوى بجرح أكبر منه ..

ممكن يكون علاج جرها مؤلم شوي .. ومُرّ ..

لكن اهون من انه يتحول الى سرطان شرس ينهش في مبادئها وكرامتها .. ويهدم عزتها وقيمتها امام

نفسها .. وامام الناس ..!!

صحيح ان مشاعرنا ممكن تبرر افعال غير مقبولة اصلاً .. لكن الله اعطانا عقل .. يكبح جماح مشاعرنا المتهورة

اللي ممكن توردنا المهالك .. واحنا مو دارين ..!

اقتباس:

على فكره اللى يجلس على هالكرسي وانا رايقه الله يعينه على

لا والله بالعكس اختي ..

اتمنى اني قدمت ولو شئ بسيط يفيدك ..

الله يحييك .. مشرفة ومنورة ..

Tera. · 20-02-2008, 18:36

اهلا وسهلا .. اختي عبق الرند

اقتباس:

تيرا وماادراك ماتيرا؟
اجمل قلم رجولي قرأت له بهالمنتدى
قلم متزن معتدل

قرأت ذات مرة .. " الجمال ليس في الأشياء من حولنا .. انما هو نابع من دواخلنا " ..

فجمالك الذي بداخلك .. وسمو روحك ..

هما من يصوران لكِ الجمال ..

وعبق شذاكِ .. الذي يملأ الأرجاء

هو من يجعلنا نتفس الإبداع .. لننثر كلماتنا المتواضعة بين ايديكم ..

( اشادتك .. وسام اعتز فيه .. ) ..

اقتباس:

سؤالي الاول : لماذا الرجل الشرقي او العربي خاصة لايحب ان تكون زوجته متفوقة عليه بالتعليم اقصد ان تكون سابقته بمراحل التعليم؟ هل هو خوف ان تتكبر عليه؟ ام عدم ثقة بالنفس؟ ام جبروت وسلطة وعنجهية؟

انا سمعت بمثل هالنماذج .. لكن محيطي خالي منها تماماً ..

بل على العكس .. انا ارى نماذج امامي .. زوجاتهم تفوقوا عليهم بالتعليم .. وكان في الأصل بدعم من

منهم ( اقصد الرجال ) .. وبفضل تشجيعهم ومساندتهم لهم ..

لكن .. الصورة النمطية التي يتقمصها بعض الشرقيين .. والتي يتصورها البعض ايضاً .. ان التفوق المطلق

يجب ان يكون للرجل في كل شئ ..

بمعنى ان لديهم خلط بين مفهوم القوامة .. ومفهوم التفوق الشخصي ..!

صحيح .. ممكن بعض الناس .. يصل مستوى الجهل لديه .. ليعتقد انه متى ما تفوقت عليه زوجته .. فهذا راح

يقلل قدره امامها .. او يقلل من احترامه ..

مع انه على العكس .. كل مازاد علم الإنسان .. كل ما زاد احترامه للآخرين .. و زاد تواضعه ايضاً ..

واحياناً .. بعض الرجال .. لديه كلمة " لأ " .. عادة ..

ظناً منهم .. انها هي الرجولة ..!!

مع ان دائماً تجدين من يكثر من اللاءات .. هم اجهل الناس واقلهم تعليماً .. ومستواهم العقلي متواضع

جداً ..

لذلك الله يصبر زوجاتهم .. وعيالهم عليهم ..

اقتباس:

الثاني: هل توافقني على ان المجتمع السعودي بجميع طبقاته من (...........) ا اخاف يقولون ارهابية..الى اقل طبقة يفتقد لحسن التخطيط والادارة بمعنى ان حتى القرارات العليا تتسم بالفوضى؟
ولك احترامي

اممم .. نعم

لدينا كل شئ .. فقط ينقصنا شئ واحد ..

النظرة البعيدة للأمور ..

دائماً ما تأخذنا العواطف لقرارات متسرعة ..

ونفسها العواطف ايضاً .. تجعلنا نراوح لسنوات دون تغيير ..!

فقط نحتاج لدمج بين القرارت .. وبين الحاجات الفعلية .. والنزول لمستوى الشارع ..

لكي نسير بالإتجاه الصحيح ..

ولك مني كل الإحترام والتقدير ..

الله يعطيكِ العافية .. اسعدني مرورك ..[/COLOR][/SIZE][/FONT]

Tera. · 20-02-2008, 18:56

هلا والله Ms Slid

اقتباس:

افا طلعت منت راعيها ماتحب المطبخ
اسمع من يتكلم خخخخخخخخخخخ

اجل مفيش حد احسن من حد ..

اقتباس:

ليه فاشل اتعلم بيوم من الايام بتجي المدام وتعلمك اصوله وبتقول
سمي وامري لك ئؤبريني ههه[/CENTER]

نعمممممم ... ما عندنا حريم يعلمون الرجال طبخ ..( واحد فاهم غلط ) ..

والله بيني وبينك التعاون شي مطلوب .. ( ههه رافع الراية البيضاء من الحين ) ..

لا بجد .. انا ما احب حتى زوجتي تطبخ .. ممكن يكون لها لمسات وتوجيهات في المطبخ اوكي .. لكن

تطبخ .. ما احبذ هالشئ ..

اقتباس:

سالفتي بالاكل وحده جايعه وتبي تسوي رجيم ودها تاكل
بس خذت اجازه طويله بالاكل وسمنت كمن كيلو الله ينزلها بالعافيه

وانا اقول ..!!

اقتباس:

شوربت محار لااا اصلا لين سمعت ثمار البحر تحوم كبدي
الله يكرم النعمه ما اكل غير السمك والربيان فقط ومو كل انواع السمك بعد

جربييييها وراح تدعين لي .. شوفي مطعم الخليج الصيني اللي على طريق الملك فهد .. هم احسن ناس

يسوونها ..

اممم عدد اخواني 7 .. رجال 4 .. بنات 3

اقتباس:

ماشاء الله تعرف الشريم اجل امانه ان شفته وذكرت قله فيه وحده
ترسلك السلام وتقول لك جزاك ربي الجنه والديك وحرم جلدك عن النار

بس ما اشوفه الا من رمضان لرمضان .. وابشري ان شالله بإذن الله راح اقوله ..

اقتباس:

بس معقوله مافيه حركه تسويها مميزه مثلا انا اخوي لين جى يتكلم
بموضوع خاص فيه مدري ليه يتثاوب لاحظت هالشئ عليه
بس ماكملت الاجابه وش متلازمه كلاميه عندك مثل طيب , خلاص , عرفت , ok

اقتباس:

اخوك يتثااااااوب ..

هذي من علامات الخجل .. على ما اظن ..

لالالا انا كلامي واضح .. ولا اخجل من اي شئ ابي اقوله ..

المتلازمة اللي احياناً اشوفها في نفسي .. ( فاااهم علي ؟ عرفت .. اوكي ) لا يكون لها دلالات نفسية

بس ..!!

اقتباس:

حرام عليك ليه انا انا كتاب مفتوح على كل الصفحات
لا وبتمدد لالا مستحيل امبوسيبل ههه

ايييه هين .. الوعد قدام يا مس سلايد ..هههه

اقتباس:

لا من جد شخصيه غامضه بالنسبه لك ودك تعرفها او ودك تسأل هالشخصيه
اسأله عامه وكثيره مين ياترى

يمكن اختنا اليمامة .. لأني ما اشوف لها ردود او مشاركات ..

اقتباس:

الله يسلمك ربنا يكرمك
وانا اسعدت بأجوبتك الجميله

ربي يسلمك من كل شر ..

وانا اسعد بمرورك الرائع ..

يعطيكِ العافية .. شرفتينا والله ..

Rawwaf · 20-02-2008, 20:38

ماشاء الله كلام ورد جميل يا تيرا في مسألة الخيانة ومسألة التعليم والتفوق بالنسبة للمرأة

اقتباس:

بمعنى ان لديهم خلط بين مفهوم القوامة .. ومفهوم التفوق الشخصي ..!

طيب يا تيرا عندي سؤال
ألا يؤدي تفوق المرأة على الرجل أنها تشوف نفسها بأراءها وتتعالى عليه دوماً .. وتجدها دائماً تذكر أنها أعلى منه منزلة علمية؟
كيف تتعامل مع النموذج هذا .. وهو التعالي العلمي؟ وربطه بأي قرار ورأي.

احترامي

سأرحل ولكن! · 20-02-2008, 21:18

السلام عليكم ورحمة الله وبركاته
ماشاء الله تبارك الله ,, اسألة جميله ,,, واجابات أروع ,, تنم عن فكر راقي ..
عندي بعض الأسئلة التي احببت طرحها هنا في هذا المنبر ,, مع ان الأخوان والأخووات هنا ما قصروا
سؤالي الأول :
أختك !! ما مدى علاقتك فيها .. والى أي حد تصل بينكم الصراحه ,,, هل تفشي لها بأسرارك ؟؟؟
سؤالي الثاني : قرأت لك (ان ماكنت غلطانه) انك لا تفضل مشاركتك اختك في المنتدى ؟؟؟ لماذا ؟؟؟ واذا كانت قد تربت في نفس البيئة التي تربيت فيها ستكون مشااركتها مثل مشاركاتك دون تعدي الحدود ؟؟ اليس كذلك؟
سؤالي الثالث :
مفهومك عن الزواج رااااائع جدا ,, ينم عن فكر راقي ومثقف ,, من اين اكتسبت هذا المفهوم وانت مقبل على الزواج وليس لديك خبرة في التعامل مع الطرف الآخر ؟
سؤالي الرابع : (طول بالك علينا)
مارأيك بزواج الأقارب ؟ تؤيده أم تعارضه ؟ وماذا اذا كنت تريد الزواج بفتاة من العائلة وهي ايضا تريد ذلك ولكن لم يكن بينكما توافق في الكشف الطبي ما قبل الزواج هل تتزوجها ؟ وما اذا كنت تريدها وهي تريدك ورفضوا اهلها تزويجك اياها ؟ او رفض اهلك تزويجك اياها ؟
سؤالي الخامس : هل تقبل الزواج بفتاة عفيفه طاهره لكنها قذفت بأبشع التهم افتراءً وهي بريئة من هذه التهم ؟
سؤالي السادس : من هو مثل تيرا الأعلى ؟
سؤالي السابع : متى يبكي تيرا ؟ ومتى يكون في قمة سعادته ؟
سؤالي الثامن : لك قراءات في الشعر ,,, ولكن هل تكتب الشعر ؟
ودي بأسئلة أكثر ,,, بس ما بغيت أطول عليك <<<< ما قصرتي !
لي عودة بإذن الله ,,,
شاكرة لك طولة بالك

ووفقك الله لكل ما يحبه ويرضاه
ورزقك ببنت الحلال والذرية الصالحه
اللهم آمين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

۝ضيف كرسي الاعتراف۝¸¸. المتميز .Tera .¸¸۝