عالم الحياة الزوجية - منتدى

'Taghrid · 17-02-2008, 02:15

صباح الورد كثر ما بالكون ورد..
مساء المحبه كثر ما تسكن بقلوبنا محبة..

تحية معطرة احييكم بها احبتي
نجتمع هنا دوم
لـنلتقي و نرتقي بكم

ضيفنا لهذا الاسبوع ..ضيف عزيز ..مبدع..متميز
اثبت وجوده بعطائه ووجدانه وحبه للخير

ضيفنا عنوانه الحب ورمزه الوفاء

فهو من اعمدة هذا الصرح الشامخ ومن الاوفياء لداره

يرسل في جنبات المنتدى الحب والاخلاص وعذب الكلام

كطائر يحلق في الاجواء وبين السحاب

مهما حلق بعيداً فـ وفائه لهذا الصرح وحنينه يرده الى حيث موطنه

~*¤ô§ô¤*~.Tera ~*¤ô§ô¤*~

اهلا وسهلا ......ومرحبا الف ....

لـــ تقبلك دعوتي ... المتواضعه ....

وأتمنى لك التوفيق بــ الاجابات والحضور الرائع ...

وكن كما عودتنا ...

الدائم على العطاء بلاحدود ..والابداع بلا قيود ...

وانت الان في الكرسي ولا مفر من الهروب

تـفضل بالجـلـوس اللـه يسلمـك

فالبيت بيتـك ونحـن ضيـوفك

اتعبني..طموحي · 17-02-2008, 04:08

مافي احد خليني اخذ راحتي اجل بالاسئله خخخ
اول شي البطاقه الشخصيه ؟
.
.
عندي سؤال ودي اسئلك وياه احسك متحامل على البنات وكأنك مقروص منهم
>>>صحيح تكره البنات او على الاقل ماتحبهم ؟؟اذا صحيح ليه وشنو اللى مخليك متحامل على الحلوات الناعمات خخخ ؟؟
.
.
في رد لك حسيتك واحد مصدق حاله >>>مو بشكل عام يعني مو فكره عامه بس اللى يقول هالكلام يعطي هذا الانطباع عن نفسه
يعني لمن تقول انا اذا اخطب بنت وترفضني اعتبره من سوء حظها >>>ماتحس هالرد فيه نوع من الغرور ؟؟
.
.
حتى لو مااعجبتك اسئلتي
برجع وقت ثاني
احس انى زودتها >>>لو صحيح حسيت انت مثل احساسي خبرني اتأدب شوي خخخخ

мόόη Ļίģħт · 17-02-2008, 04:11

ياهلا والله بأخوي تيرا
منور عالكرسي
وهذا فنجال قبل لا تبدأ بالشغل الدســــــــــــمـ

تـ ح ــياااتي

Tera. · 17-02-2008, 17:55

مساء الخير ..

اختي العزيزة .. تغريد

عندما اتقلب في فضاء منتدانا الغالي ..

تتراءين لي دوماً ..

كفراشةٍ من نور ..

لها اجنحةٌ بلونِ النقاء ..

وشعاعٌ ممتد .. بإمتداد الكون ..

تطير هنا .. وهناك ..

لتنثر .. الإلهام في جميع ارجاء المنتدى ..

اختي تغريد ..

إن كنت انا مبدع بنظرك ..

فتأكدي ..

ان ابداعي من فيض إلهامك ..

شكراً على كلماتك الرائعة .. تسلمين .

واختيارك للكرسي هذا بالذااات رااائع ..

وشكرا للـ 21 صوت اللي صوتوا لي .. واتمنى اكون عند حسن ظنكم ..

Tera. · 17-02-2008, 19:06

اهلا فيك اختي ... حنييــــــــــن

اقتباس:

عندي سؤال ودي اسئلك وياه احسك متحامل على البنات وكأنك مقروص منهم
>>>صحيح تكره البنات او على الاقل ماتحبهم ؟؟اذا صحيح ليه وشنو اللى مخليك متحامل على الحلوات الناعمات خخخ ؟؟

متحامل على البنات .. واكرههم بعد .. وما احبهم ..

ليييه طيب .. ..

بالعكس .. انا من اشد الناس ايماناً بأن البنت هي نصف المجتمع .. وهي ايضاً اللي تلد وتربي النصف

الآخر ..

انا ممن يقدر حواء .. ودائماً ما تثير اعجابي الرزينة والواثقة .. لأني لما اكون امامها احس اني في عالم

سامي بمعنى الكلمة ..

لذلك ما اكرهم .. ولا عمري جت ببالي هالأفكار ابد ..

يمكن شفتي بعض الردود اللي فيها نقاشات في مواضيع معينه .. صحيح ممكن اكون ضدهم .. وهذا شئ

طبيعي .. في أي نقاش ..

اقتباس:

في رد لك حسيتك واحد مصدق حاله >>>مو بشكل عام يعني مو فكره عامه بس اللى يقول هالكلام يعطي هذا الانطباع عن نفسه
يعني لمن تقول انا اذا اخطب بنت وترفضني اعتبره من سوء حظها >>>ماتحس هالرد فيه نوع من الغرور ؟؟

لالا .. لا مصدق حالي ولا شي .. انا ما احب اكذب على نفسي ..

انا على فكرة صريح مع نفسي اكثر من صراحتي مع الآخرين ... يعني الآخرين احياناً اجاملهم بس نفسي

لالالا ..
هذي يسمونها الثقة بالنفس .. ومن حق اي واحد فينا يعتد بنفسه ..

بس تحديداً هالرد .. لو ترجعين له مرة ثانية .. انا سبق وقلت ماعمري حصل معي هالشئ .. بس لو حصل

ورفضتني .. راح تكون هي الخسرانة مو انا ..

لأني اعرف الناس بنفسي ..

اقتباس:

حتى لو مااعجبتك اسئلتي
برجع وقت ثاني
احس انى زودتها >>>لو صحيح حسيت انت مثل احساسي خبرني اتأدب شوي

لا بالعكس .. كلك ذوق .. حياك الله ..

Tera. · 17-02-2008, 19:08

اقتباس:

المشاركة الأصلية كتبت بواسطة عروس جديــ ـ ــدة

ياهلا والله بأخوي تيرا
منور عالكرسي
وهذا فنجال قبل لا تبدأ بالشغل الدســــــــــــمـ
تـ ح ــياااتي

هلا والله اختي عروس ..

النور نورك .. تسلمين ..

ويعطيكِ العافية على هالضيافة ...

شكراً ..

" رحـــيل " · 17-02-2008, 20:56

مرحبا بتيرا نورت الكرسي ونتمنا لكـ اسبوع ممتع

متااابعينكـ اللهـ يعينكـ

جمــ الروح ــال · 17-02-2008, 21:09

ياهلا تيرا

ومبروك جلوسك على الكرسي

انا عندي سؤال واحد فقط

في مسابقة رمضان ابغى اعرف كيف كنت تجاوب بسرعة ينحط السؤال وعلى طول اجابتك اول اجابة؟؟؟؟؟

Tera. · 18-02-2008, 00:44

اقتباس:

المشاركة الأصلية كتبت بواسطة رحـــيل ";2947617][CENTER][FONT="Comic Sans MS

مرحبا بتيرا نورت الكرسي ونتمنا لكـ اسبوع ممتع
متااابعينكـ اللهـ يعينكـ[/FONT][/CENTER]

الله يحييك اهلا اختي رحيل ..

تسلمين .. شاكر لك مرورك ..

Tera. · 18-02-2008, 00:50

اهلا فيك اختي .. جمــ الروح ــال

وحياك ..

اقتباس:

في مسابقة رمضان ابغى اعرف كيف كنت تجاوب بسرعة ينحط السؤال وعلى طول اجابتك اول اجابة؟؟؟؟؟

اممم .. هذا سر المهنة ..

بس راح أقولك ..

اولاً الإتصال عندي سريع 1Mbps

وثانياً .. الأسئلة سبق ومرت علي قبل كذا ..

وشاكر لك مرورك ..

yanas · 18-02-2008, 00:52

حـــيــــــاك الله Tera

متابعة أكيد

أتمنى لك وقت ممتع !

تسلمي تغريد !

اتعبني..طموحي · 18-02-2008, 06:21

عدنا
.
تيرا بدون غش قلنا البطاقه الشخصيه ؟؟؟؟؟
.
بالنسبه لسالفة لو قريت ردك عدل بشوف انك قلت مامريت بهذي التجربه >>>انا قرأته عدل وعارفه انك مامريت بهذي التجربه ....عموما هو شي عابر طرأ على بالي وكتبته
.
زين عندي اسئله جديده >>>وحده اخر ايام الفضاوه هاليومين بتستلمك فيهم خخخخ
.
.
(لفلوس تغير لنفوس ) >>> برأيك ممكن لفلوس تغير نفسية الزوج على زوجته ؟؟؟
.
.

( قصقصي جناحيه لايلوف على غيرك ) >>مو متأكده من المثل بس واضح القصد ...
صحيح الرجال اذا صار عنده فلوس فكرة الزواج تكون على باله ؟؟
.
.
دائما نقرأ بالمنتدى خيانة المشاعر >>>برأيك تتسمى خيانه ؟( انا اللى اعرفه ان الخيانه تكون برضى الطرف الخائن ومااعتقد ان المشاعر شي نتحكم فيه .. مو ظلم اننا نسميها خيانه ) ؟؟؟؟

روآآبي · 18-02-2008, 12:16

اهلا بtera

اول سؤال ..البطاقة الشخصيه شئت أم ابيت

ثاني سؤال
اسمك..فهمنا معناه من كثر ماشرحته في توقيعك
طيب ليه اخترت اسمك من الارقام اللاتينيه ؟؟

ورقم tera يرادف اي رقم عربي ؟؟
يعني ون يرادفه واحد.. وتو يرادفه اثنين

Tera. · 18-02-2008, 14:09

اقتباس:

المشاركة الأصلية كتبت بواسطة yanas

حـــيــــــاك الله Tera
متابعة أكيد
أتمنى لك وقت ممتع !
تسلمي تغريد !

الله يحييك اختي .. yanas

وانا اكيد سعيد بمتابعتك ..

اهلا فيك ..

Tera. · 18-02-2008, 14:41

هلا اختي .. حنين ..

اقتباس:

تيرا بدون غش قلنا البطاقه الشخصيه ؟؟؟؟؟

والله ما غشيت .. بس ما عرفت وش تقصدين من السؤال ..

بس راح اجاوبك على قدر فهمي ..

عمري 28

جامعي .. + سنة ماجستير و لسا راح اكمل الباقي من الرسالة ..( بس ما ادري متى

) ..

حاليا موظف .. وافكر بتركها اليوم قبل بكره ..

اقتباس:

(لفلوس تغير لنفوس ) >>> برأيك ممكن لفلوس تغير نفسية الزوج على زوجته ؟؟؟

عن نفسي .. ما راح يغيرني عنها كنوز الدنيا .. لأنها راح تكون عندي اغلى من كل ماديات الكون ..

لكن فيه ناس مع الأسف .. يساوم بين المادة وبين قلبه .. وهذا عادةً يكون انسان حديث عهد بالمادة

وفي تصوره انها كل شئ .. ( من غباءه طبعاً ) ..

لكن اللي عنده وفاء وشهامة .. عمر الفلوس ما تغيره ..

اقتباس:

( قصقصي جناحيه لايلوف على غيرك ) >>مو متأكده من المثل بس واضح القصد ...
صحيح الرجال اذا صار عنده فلوس فكرة الزواج تكون على باله ؟؟

شوفي مسألة قصقصي جناحيه .. هذي ما تعجبني .. لأن الرجل يقدر يعدد متى ماشاف ان التعدد فيه

مصلحه له .. والزوجة المفروض ما تحاول تسيطر على هالموضوع بالذات .. والأفضل لها .. انها تسعى أكثر

وأكثر لإسعاد زوجها .. وتخليه ما تطري عليه هالفكرة ابد .. لكن شغلة التحايل والمكائد .. اللي تسويها

بعض الزوجات عشان أزواجهم ما يتزوجون عليهم .. هذولي انا ما أؤيدهم ابد ..

قلت لك .. اللي يبي يعدد ما راح يفكر بالفلوس .. اهم شئ راحة باله ..سواء كان معه أو ما معه .. لذلك

لو تسوين بحث في المجتمع السعودي .. راح تحصلين اكثر من يعدد هم من الطبقة الفقيرة والمتوسطة ..

اقتباس:

دائما نقرأ بالمنتدى خيانة المشاعر >>>برأيك تتسمى خيانه ؟( انا اللى اعرفه ان الخيانه تكون برضى الطرف الخائن ومااعتقد ان المشاعر شي نتحكم فيه .. مو ظلم اننا نسميها خيانه ) ؟؟؟؟

تقصدين الميل القلبي لشخص ما مثلاً ؟

طبعا احيانا بعض الناس لا يملك زمام مشاعره .. أو بالأصح يملكها ولكن الى حد معين .. وبعدها ليس له

اي سلطة عليها ..

والرسول صلى الله عليه وسلم .. لما أمره الله سبحانه بالعدل بين زوجاته في كل شئ .. لكنه عليه

الصلاة والسلام كان يحب عائشة رضي الله عنها اكثر من باقي زوجاته .. لذلك سأل ربه وقال ..

" يارب لا تلمني في تملك ولا املك " .. ويقصد عليه الصلاة والسلام ان قلبه يميل لعائشة اكثر من غيرها

وهذا خارج عن ارادته .. وهذي ما تسمى خيانة مشاعر ..

لكن فيه نقطة ..

خيانة المشاعر .. هو انك لما تكونين مرتبطة بخطيبك مثلاً او زوجك .. ويميل قلبك لشخص ثاني .. فهذي

هي الخيانة بعينها .. لأن حتى لو ما خنتي .. لكنك سمحتي لنفسك بالنظر لغيره .. و اعطيتي قلبك

حرية في التعبير عن مشاعره .. لشخص مابينك وبينه اي رباط مقدس ..

فهذي خيانة .. وخيانة مو سهلة .. في حق شريكك ..

حياك مرة ثانية .. ويعطيكِ العافية ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

۝ضيف كرسي الاعتراف۝¸¸. المتميز .Tera .¸¸۝