عالم الحياة الزوجية - منتدى

لوجين 22 · 22-02-2008, 17:36

]
السلام عليكم حبيت انقل اليكم جمل اعجبتنى كثيرا جمعتها لاجل عيونكم لبطاقات المواليد التى تصنع لاقامه حفل سبوع المولود
1) هنونى وباركولى اسمى على اسم رسولى ) وده مع ملاحظه ان يكون اسم المولود من اسم نبينا محمد احمد او محمد او مصطفى
2) امور اه كتكوت اه منه الله بتقول لا اله الا الله ) او اى اسم اخر
3) لا تقولو ورد ولا فل احمد جه غطا على الكل ) او اى اسم اخر
4) عبد الله بيهمس همسه بيقول حافظوا على الصلوات الخمسه ) او اى اسم اخر
5) واذا اسم المولود على اسم جده ابو امه او ابو ابوه ممكن تكتبوا مين فى الهنا ادى اسمى على اسم جدى
او الود زدى اطلع زى جدى
6)شيلونى بحنيه علشان ماما تعبت فيا
7) احمد بيقول صلوا على الرسول ) او اى اسم تانى
واذا المولودة بنت ممكن تكتبون حضروا مهركو او مهوركو ياسمين جاتلكم
8) النجم فى السما عالى وعبد الله فى القلب غالى ) او اى اسم تانى
9) طلبت من الله فا اعطانى لولوة روح قلبى ووجدانى
10) سبوع مين هادا يا ترى سبوع فهد السكرة
11) شيلونى بحنان انا هديه من الرحمن
12) جهزوا بناتكم حماده جالكم
13) تبارك الله احسن الخالقين
14) اذا اكلت من طعام السبوع واعجبك تئكد من ان طعام الجنه احلى واجمل
اتمنى ان تكون عبارات المواليد التى اخترتها لكم قد اعجبتكم ونالت رضاكم واتمنى ان اكون قدمت لكم جمل جديده غير معروفه وارجو الرد منكم و منتظرة اراكم فى العبارات ولكم منى جزيل الشكر والف مبروك لكل ام على ولادة هههههههههه

marwa_abas · 22-02-2008, 17:45

واضح انك مصريه .. هى دى عبارتنا اللى بتكتب على السبوع فعلا .. شكلك تعبتى نفسك وجمعتى كل كروت السبوع اللى عندك .. مشكورة ياجميل وعقبال متكتبى لابنك او بنتك ان شاء الله ..

لوجين 22 · 22-02-2008, 17:49

اهلا حبيبتى مروة انتى بتشجعينى جدا بردك على مواضيعى وعلى فكرة انا عندى طفل عنده تلات سنين وكتبتله اول عبارة فى سبوعه وميرسى يا حبيبتى على المشاركه واتمنى نكون اصدقاء ويارب اكون افادتك

القسومة · 22-02-2008, 18:18

يعطيك العافية

منيتي · 23-02-2008, 03:18

تسلمين.عزيزتي.على.العبارات.الرائعة

ام هباوي · 23-02-2008, 07:00

الله يعطيك العافية عزيزتي عبارات حلوة كثير.....

em tala · 23-02-2008, 11:26

الله يعطيك العافية

مرام علي حماد · 23-02-2008, 12:11

مشكوره حبيتي يعطيكي العافيه

blue moon · 23-02-2008, 17:27

يسلمووووووووو اناا كتير عجبتنى شيلونى بحنيه عشان ماما تعبت فيا

marwa_abas · 24-02-2008, 01:54

لوجين طب ليه مفيش جديد ولا ايه يعنى ابنك ماشاء الله 3 سنين حلو اوى ياله بقى شدى حيلك عايزين حاجه جديده ويادوب يابنتى عشان الفرق بينه وبين اخواته ميكنش كبير بصراحه انا نفسى ان الفرق بين اولادى يكون سنتين او سنتين ونص بالكتير عشان يتربو مع بعض كدا ويونسو بعض وعشان كمان يفهمو بعض .. ربنا يوفقك وبرضو تكتبى لبنتك او ابنك اللى جاى ..

ايمان الشاذلي · 24-02-2008, 05:03

ايه حبيبي الله يعطيكي العافيه يارب ويجزاكي خير وياريت اقدر اعمل بس شو الفايده يمكن لو كنت بين اهلي وناسي معقول بس انا في اوروبا والله يرزقك حبيبي ويخليلك ابنك ويحفظه لكي يالغاليه

لوجين 22 · 24-02-2008, 12:37

حبيبتى مروة انا كنت عااايزة نفس الشيىء انو يكون بين ولادى وبعضهم فرق بسيط بس حملى فى ابنى الاولانى تعبنى اوى اوى اوى فوق الوصف وخلانى اعانى من انيميا شديدة لازم لها وقت طويل للعلاج لانى فى وحمى ما كنتش حته اشرب ميه او اكل اى شيىء فا بئالى تلات سنين بتعالج منها وانشاء الله على العام القادم لو ربنا اراد يكون فيه بنبونايه جديده وشكرا ياعمرى على ردك على مواضيعى باستمرار

لوجين 22 · 24-02-2008, 12:41

ايمان هلا حبيبتى هلا عمرى كيفك وكيف احوالك حبيبتى ايمان مو ضرورى الفرحه انك تكونين وسط اهلك اى اان الفرحه فى وسط الاهل اكبر بكثير بس ممكن تسوين علب سبوع وتكتبين هاى البطاقات وتبعتيهم لاصدقائك فى اوروبا العرب وجيرانك او تنتظرين لين ما يكون احد منهم نازل بلدك ما ادرى شنو بلدك ويوصلون لاهلك علب السبوع ومشكورة كل الشكر على ردك على موضوعاتى ويارب تكون بتعجبك

marwa_abas · 25-02-2008, 03:17

ربنا يوفقك يالوجين وتفرحى وتجيبى تانى قريب ان شاء الله بس متنسيش ان لسه فى 9 شهور حمل وبعدين احكيلنا عن نفسك ادخلى تجمعنا تجمع حوامل الثلاث شهور الاخير حلو اوى ادخلى وشاركينا الحوار وعرفينا بنفسك اكتر ..

لوجين 22 · 25-02-2008, 14:47

اهلا مروة طيب ادخل ازاى تجمع حوامل الثلاث شهور الاخيرة ده وهل هوه ايه بظبط شات ولا زى كده برضو نظام ردود ومشاركات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

جمل لبطاقات المواليد للسبوع روعه روعه واكتر من روعه الى على قرب ولادة تدخل