عالم الحياة الزوجية - منتدى

حلا باتشي · 07-03-2008, 21:27

مرااااحب
كيفكم
سؤال حبيت اسال عنو واشوف ردودكم من رجال ونساء
اش رايكم بسفر الرجل وحيدا مع اصحابو خارج المملكه
بدون اصطحاب الزوجه
والسبب انو يرفه عن حالو
لا تحكو لي فكي عن الرجال ومعرف ايش وسيبيه ياخد راحتو ههههههههههه
لا جد
هل ترضيها اختي يسافر لوحدو؟؟
مهما كانت ثقتك فيه بس احس انها مساله صعبه
الثقه فيه بس عدم الثقه فاللي معاه
خاصه لبعض البلدان كالمغرب وسوريا وهونغ كونغ واللزي منو
حاجه تقهر
وانا من اشد المعارضين لها
ليش ما ياخد زوجتو
مو من حقها تفرفش وتتبسط
والا بس هوا اللي لازم ينبسط يعني<<اليوم مراا متحامله ع الرجال

وانتظر ردودكم
للتبادل الاراء والحلول

ma3aali · 07-03-2008, 21:36

اختي على حسب والله لو منج انا كنت اقول رجلي برجلك شدعوة اذا يبي يرفه حاله يروح بيت اهله يغير جو اسبوع اما ان يسافر خارج دوله لا وانا من اشد المعارضين
وتسلمين عالموضوع وعساج عالقوة

عسل بوظبي · 07-03-2008, 21:38

اممممممممم

والله موقف صعب

ودي ايروح ايرفه عن نفسه وهذا من حقه

بس الثقه قد تكون معدوه فاللي معاه =$

لكن دام حابه اني بعد انا اسافر مع اهلي واغير جو

لازم اني راح اتنازل في بعض المرات

من حقي ومن حقه

وبالعكس .. اكيد هوه راح ايخصص سفرات خاصه لي انا وياه

يعني بعد لازم ما امصخها واقعد اقول لأ لأ لأ ولأ

تراه قادر انه يروح من دون مايقولي لو دقت على باله

يعني اعرف منه ولا اعرف من غيره ^^

وصدقيني الرجل بحاجه لمساحه من الحريه الخاصه

والعناد وياه والاصرار ماييب نتيجه مرضيه

وخلاصة القول (الثقه اهم شي) اذا انا واثقه فيه راح اسمحله بها الشي .. واذا خان هالثقه ترى ذنبه على ينبه

في انتظار راي المتزوجات .. تسلمين غلايه على الحوار الهادف

بالتوفيق

الاعيب · 07-03-2008, 21:47

مشكورة أختى الكريمة فموضوعك جميل أنا من المؤيدين لأصطحب الزوجة فى كل مكان حتى فى المصيف والشواطىء وأنا أصطحب زوجتى فى كل مكان حتى على الأقل كى أصون نفسى من المحرمات

~ كبرياء انثى ~ · 07-03-2008, 22:05

لابد وان يصطحب الزوجه في سفره لصيانة نفسه من الحرام
كما قال الاخ الاعيب وان ماارضى يسافر من دوني ابدا الاللخروج للدعوه
تحياتي موضوع جميل مثل صاحبته

*فرحة القلوب * · 07-03-2008, 22:59

الرجل يسافر يرفه عن نفسه أوكي ما قلنا
شي وأيضاً من حق زوجته عليه ان ترفه عن نفسها ..!!

نجد نوعية من الأزواج الله يهديهم يحللون لنفسهم السفر برا لكن يحرمونه على زوجاتهم ..!

السؤال الذي يطرح نفسه ؟؟

ليه الرجل يعرض نفسه للفتن ؟؟

إذا كان ولابد يسافر فما تطول سفرته أسبوع بالكثير

وعلى هالسالفة أذكر قصة واحد من الرجالة راعين السفرات

سافر لوحده من الدول وهو جالس دخلت عاملة النظافة..!!!!
وكانت جميلة جداً
وتلبس تنورة قصيرة جداً ..!!

الرجال ضاعت علومه ورجع لبلده وهالعاملة بين عيونه ..!

قعد أسبوع في بلده ما تحمل قال لزوجته يا فلانة أنا أن قعدت هنا أحد أمرين

يا أموت يا أنجن وعلمها السالفة وقال أنا رايح رايح وحجز وسافر ...؟؟؟؟؟

ضارب بكل شي عرض الحائط طبعاً لا يخفاكم الشي اللي حدث نتيجة

تبعات تلك التصرفات الطائشة من بعض معشر الأزواج ..!!

سارق قلوب العذارى · 08-03-2008, 00:14

اسالو المتزوجات

أم الفواطم · 08-03-2008, 03:35

بصراحه انا زوجي ما يسافر مع اصحابه لازم يا خذني معاه ,,,,,,,

ولو فكر يروح مع اصحابه ويتركني بتخذه موقف صعب لأنه ما عودني على كذا .

حلا باتشي · 09-03-2008, 02:36

اقتباس:

المشاركة الأصلية كتبت بواسطة ma3aali

اختي على حسب والله لو منج انا كنت اقول رجلي برجلك شدعوة اذا يبي يرفه حاله يروح بيت اهله يغير جو اسبوع اما ان يسافر خارج دوله لا وانا من اشد المعارضين
وتسلمين عالموضوع وعساج عالقوة

منورا حبيبتي
هههههههه الحمد لله ماحصلت لي
ولو حصلت حدبحو قبل يخرج برا لوحدو ههههه
منورا بمروك اللي شرفني

حلا باتشي · 09-03-2008, 02:39

اقتباس:

المشاركة الأصلية كتبت بواسطة عسل بوظبي

اممممممممم
والله موقف صعب
ودي ايروح ايرفه عن نفسه وهذا من حقه
بس الثقه قد تكون معدوه فاللي معاه =$
لكن دام حابه اني بعد انا اسافر مع اهلي واغير جو
لازم اني راح اتنازل في بعض المرات
من حقي ومن حقه
وبالعكس .. اكيد هوه راح ايخصص سفرات خاصه لي انا وياه
يعني بعد لازم ما امصخها واقعد اقول لأ لأ لأ ولأ
تراه قادر انه يروح من دون مايقولي لو دقت على باله
يعني اعرف منه ولا اعرف من غيره ^^
وصدقيني الرجل بحاجه لمساحه من الحريه الخاصه
والعناد وياه والاصرار ماييب نتيجه مرضيه
وخلاصة القول (الثقه اهم شي) اذا انا واثقه فيه راح اسمحله بها الشي .. واذا خان هالثقه ترى ذنبه على ينبه
في انتظار راي المتزوجات .. تسلمين غلايه على الحوار الهادف
بالتوفيق

صادقه حبيتي
كلامك واقعي
لابد من التنازل قليلا حتى يتنازل هوا
بس احسو موضوع حساس شويا
معرف ليش
هلافيك يالغلا
نورتي متصفحي بهمساتك

حلا باتشي · 09-03-2008, 02:42

اقتباس:

المشاركة الأصلية كتبت بواسطة الاعيب

مشكورة أختى الكريمة فموضوعك جميل أنا من المؤيدين لأصطحب الزوجة فى كل مكان حتى فى المصيف والشواطىء وأنا أصطحب زوجتى فى كل مكان حتى على الأقل كى أصون نفسى من المحرمات

^^^
هكذا الرجال والا فلا ههههههههه
الله يكثر من امثالك
منور اخوي

khaled alsaif · 09-03-2008, 10:05

أصلا الرجال ليش يسافر مع أصحابه ؟
يسافر مع اصحابه لأنه يبي الفكه منهااااااااااااااااااااااااااااااااااااااااا >> يعني الزوجه <<
وأنتي تقولين أروح معاه أصلا ماسافر إلى يبي الفكه . فكو عنا يالزوجااااااااااات ؟

ابونواف · 09-03-2008, 10:48

متابع

ابو ليااان · 09-03-2008, 12:28

الزوجه مثل العجينه عودها على الي تبغاه تنبسط طول عمرك

اذا الزوج معود زوجته انه يسافر برى ولا يشاورها بس يحط عندها خبر اصلا ماراح يضيق صدرها ولا شي بالعكس بتستانس انها بتروح لهلها اسبوع

لكن السفر للخارج بدون الزوجه غلط لانه فتنه

اتعبني..طموحي · 09-03-2008, 12:38

انا اخليه يسافر بدون حنه بس اهم شي مايكون بإجازته الرسميه
علشان مايضيع شي منها وانا مااسافر بعدين علشان حضرته ينبسط
ماعندي مانع ينبسط بس مو على حسابي
.
.
وسالفة ثقه وماثقه انا اعتبرها خرابيط
لان الخراب في كل مكان وهو اذا في باله شي بيسويه
والله الحين مافي اسهل من الخراب
مايحتاج يطلع من البيت النت موجود يوفي بالغرض

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سفر الزوج للخارج